ആ വലിയ ഹോട്ടലിന്റെ അണ്ടർ ഗ്രൌണ്ട് പാർക്കിംഗിലെക്ക് വാഹനം കയറി അവിടെ നിന്നും അത്യാഡംബര വാഹനങ്ങൾ മാത്രം പാർക്ക് ചെയ്യുന്ന വി ഐ പി ലോഞ്ചിലേക്ക് ശിവയുടെ കാർ കയറി നിന്നു..
അണ്ടർ ഗ്രൗണ്ട് ആയതുകൊണ്ട് തന്നെ പ്രദേശത്ത് ചെറിയ ഇരുട്ട് ഉണ്ടായിരുന്നു പാർക്കിങ്ങിന്റെ ഒരു സൈഡിലേക്ക് കാർ കയറ്റി നിർത്തിയ ശേഷം രണ്ടുപേരും വളരെ നോർമലായി തന്നെ ലിഫ്റ്റിൽ കയറി ഹോട്ടൽ ഫ്ലൊറിലേക്ക് പോയി..
പ്രതീക്ഷിച്ച പോലെ തന്നെ ശിവ വളരെ ഡീസന്റ് ആയി പെരുമാറുന്നു എന്നത് അവൾക്ക് ആശ്വാസമായിരുന്നു..
അത്യാഡംബരമായ ഹോട്ടലിലേക്ക് പ്രവേശിച്ചതും തലയിൽ തൊപ്പി വച്ച ഒരു വ്യക്തി അവർക്ക് ഡോർ തുറന്നു കൊടുത്തു..
” വാ പെണ്ണെ… ”
സ്റ്റെല്ലയുടെ കൈ ചേർത്തുപിടിച്ച് അവർ രണ്ടുപേരും ഭാര്യ ഭർത്താക്കന്മാരെ പോലെ ഉള്ളിലേക്ക് പ്രവേശിച്ചു..
” മെനു പ്ലീസ് ”
ജ്യൂസ് കുടിക്കാൻ വന്നിട്ട് നല്ല രീതിയിൽ ഭക്ഷണം കഴിക്കാൻ തന്നെയാണ് ശിവയുടെ പ്ലാൻ എന്ന് അവൾക്ക് മനസ്സിലായി.
വിദേശ സഞ്ചാരികൾ ഒക്കേ കഴിക്കുന്ന വില കൂടിയ ഭക്ഷണ പദാർത്ഥങ്ങളാണ് അന്നവൻ ഓർഡർ ചെയ്തത്..
ഒരു പ്ലേറ്റിനു 3000 മുതൽ 4000 വരെ റേറ്റ് വരുന്ന അത്യധികം ലക്ഷ്വറിയായ ആ വിഭവങ്ങൾ എല്ലാം അവൾ ആദ്യമായി കാണുകയായിരുന്നു..
അവൻ കൂളായി ഓർഡർ ചെയ്യുന്നത് കേട്ടപ്പോൾ തന്നെ ഇത് ഇടയ്ക്ക് പതിവുള്ളതാണ് എന്ന് അവൾക്കു മനസ്സിലായി.. ഏകദേശം 10 മിനിറ്റ് കൊണ്ട് തന്നെ അവർക്ക് മുന്നിലേക്ക് ഭക്ഷണം എത്തി
” എൻറെ ശിവ ഇവിടത്തെ ബില്ല് എൻറെ ഒരു മാസത്തെ സാലറി ആകുമല്ലോ ??”
” അതിന് നീയല്ലല്ലോ ബില്ല് കൊടുക്കുന്നത് പിന്നെ എന്താ പ്രശ്നം ?? ”
ആശ്ചര്യപ്പെട്ടുള്ള അവളുടെ ചോദ്യത്തിന് അവൻ ചെറുതായി ചിരിച്ചു.
” ഒന്നുമില്ല പറഞ്ഞതാണ് !! ”
അവർക്ക് രണ്ടുപേർക്കും മുന്നിലേക്ക് വേയ്റ്റേഴ്സ് കാര്യമായി സേർവ്വ് ചെയ്യാൻ തുടങ്ങി.
” ശിവ മറ്റേ കാര്യം അന്വേഷിച്ചിരുന്നൊ..??”
” ഏതു കാര്യം ?? ”
” അന്ന് എനിക്ക് ഉറപ്പ് തന്നത് ഒക്കേ മറന്നോ..?? പോലീസ് കേസിൽ എന്നെ പെടുത്തി എന്നു പറഞ്ഞില്ലേ ഒരു ജിതിനെ പറ്റി.. എന്തെങ്കിലും അന്വേഷിച്ചിരുന്നൊ?? ”
സ്റ്റെല്ലയുടെ പെട്ടെന്നുള്ള ചോദ്യം ശിവ തീരെ പ്രതീക്ഷിച്ചിരുന്നില്ല.
എങ്കിലും അവൻ മുഖത്ത് ഭാവമാറ്റം ഒന്നും കൂടാതെ തന്നെ മറുപടി നൽകി..
” ടെൻഷൻ ആവല്ലെ പെണ്ണെ…!! അന്ന് സ്റ്റേഷനിൽ വച്ച് കണ്ടില്ലേ എസ് ഐ അയാൾ അന്വേഷിക്കുന്നുണ്ട് ”
“എന്നിട്ട്..?? ”
“ആ പയ്യൻ എന്തായാലും WMX ജോലി ചെയ്യുന്നവൻ അല്ലായെന്ന് എനിക്ക് അന്ന് തന്നെ മനസ്സിലായിരുന്നു അതു കൊണ്ട് പോലീസ് വഴിയാണ് ഞാൻ മുന്നോട്ട് അന്വേഷിക്കുന്നത് ”
” എന്തായാലും എനിക്ക് അവൻ ആരാണെന്ന് അറിയണം ”
സ്റ്റെല്ല എന്തൊക്കെയൊ ഓർത്ത പോലെ തൻറെ കൈകൾ കൂട്ടി തിരുമ്മി..
” നമുക്ക് നോക്കാം..! നീ ഇപ്പോ കഴിക്ക് ”
വിടർന്ന മുഖത്തോടെ എന്നാൽ അതിനെപ്പറ്റി ഒന്നും അറിയാത്ത രീതിയിലാണ് ശിവ പ്രതികരിച്ചതും പെരുമാറിയതും..
മുന്നിലേക്ക് എത്തിയ വിഭവങ്ങളെ അവർ ആസ്വദിച്ചു കഴിച്ചു തുടങ്ങി ഏകദേശം 30 മിനിറ്റ് സമയം എടുത്താണ് അവർ ഭക്ഷണം പൂർത്തിയാക്കിയത്..
ബില്ല് വന്നു കണ്ടതും സ്റ്റെല്ലാ ചെറുതായി ഞെട്ടി ഏകദേശം 9000 രൂപയോളം അവൻ തന്റെ കാർഡ് എടുത്ത് നൽകിയ ശേഷം വാഷ് ബേസിനിലേക്ക് പോയി..
നല്ല രീതിയിൽ ഭക്ഷണം കഴിച്ചത് കൊണ്ട് തന്നെ രണ്ടു പേരും വീണ്ടും എനർജിയോടെ പഴയ ഫോമിൽ ആയിരുന്നു..
പാർക്കിംഗ് ഗ്രേൗണ്ടിലേക്ക് എത്തിയതും അവിടെ തങ്ങൾ രണ്ടുപേരും മാത്രമാണെന്നത് സ്റ്റെല്ലാ ശ്രദ്ധിച്ചിരുന്നു..
വാഹനത്തിൻറെ അടുത്തേക്ക് എത്തിയതും ശിവ മുൻവശത്തെ ഡോർ തുറക്കാതെ പുറകിലെ ഡോർ തുറന്നാണ് അകത്ത് കയറിയത്..
ശേഷം ഒരു കള്ള ചിരിയോടെ അവളോട് അകത്തേക്ക് കയറാൻ ആവശ്യപ്പെട്ടു..
” ശിവ എന്തിനാ അവിടെ..?? ”
” നീ ഇങ്ങു വാ പറയാം ”
അവന്റെ പെരുമാറ്റം എന്തൊ ദുരുദ്ദേശം ആണെന്ന് അവൾക്ക് വളരെ വ്യക്തമായി മനസ്സിലായി.