” എടി എന്നാ പറ്റി ഇന്ന് നടക്കാൻ ഒന്നും പോയില്ലേ ?? ”
അപ്പോഴും മറുപടിയില്ല… റൂമിൽ കനത്ത മൂകത മാത്രം.
” ഇതെന്നാ പറ്റിയത് ഈ വീട്ടിലെ എല്ലാവർക്കും ?? ”
ആൽബി സ്റ്റെല്ലയുടെ തുടയിലേക്ക് കൈ ചേർത്ത് അവളെ ഒന്ന് കുലുക്കി വിളിച്ചു.
പെട്ടെന്ന് സ്റ്റെല്ല ബെഡ്ഢിൽ നിന്നും എഴുന്നേറ്റ് കിച്ചണിലേക്ക് പോയി..
‘ അപ്പോൾ ഇത്രയും സമയം അവൾ മിണ്ടാതെ കിടക്കുകയായിരുന്നു ‘എന്ന് ആൽബിക്ക് മനസ്സിലായി.
തൻറെ ഷർട്ട് അഴിച്ച് ഡ്രസ്സ് മാറ്റി ആൽബി അവളുടെ പുറകെ കിച്ചണിലേക്ക് വന്നതും സ്റ്റെല്ല വെള്ളം കുടിക്കുകയായിരുന്നു..!!
അവളുടെ മുഖഭാവം അവനു തീരെ മനസ്സിലാക്കാൻ പറ്റുന്നുണ്ടായിരുന്നില്ല
ഫ്രിഡ്ജിൽ നിന്നും വെള്ളം എടുത്തു കുടിച്ച് തിരികെ ഉള്ളിലേക്ക് വക്കാൻ തുടങ്ങിയതും ആൽബി ബോട്ടിലിനായി കൈ നീട്ടി എങ്കിലും അവൾ അത് ഗൗനിക്കാതെ അകത്തേക്ക് തന്നെ ബോട്ടിൽ വച്ചു..
” ഇവൾക്ക് ഇതെന്നാ ബാധ കേറിയതാ..?? ” ഹാളിലേക്ക് വന്ന സ്റ്റെല്ലയുടെ പുറകെ ആൽബിയും അങ്ങോട്ടേക്ക് വന്നു..
” ദേ കുറച്ചു നേരം ആയിട്ടോ തുടങ്ങീട്ട്.. !! ഇതെന്നാ പറ്റിയതാ കാര്യം പറഞ്ഞാൽ അല്ലേ മനസിലാവൊള്ളു..”
ആൽബിയുടെ സ്വരം മാറിയിട്ടും സ്റ്റെല്ല ഒന്നും മിണ്ടിയില്ല.
അവളുടെ മുഖഭാവത്തിൽ നിന്നും എന്തോ പന്തിയല്ല എന്നവന് മനസ്സിലായി അവൾക്ക് സൈഡിലേക്ക് കസേര വലിച്ചിട്ട് അവനും അവിടെയിരുന്നു..
അവർക്ക് രണ്ടുപേർക്കും ഇടയിൽ കുറച്ച് സമയം നിശബ്ദത തളം കെട്ടി നിന്നു.
പെട്ടെന്ന് സ്റ്റെല്ലാ തന്റെ ഫോൺ എടുത്ത് അതിൽ നിന്നും ഒരു ഫോട്ടോയെടുത്ത് ആൽബിക്ക് നൽകി..
” ഇവരെ ആരെയെങ്കിലും ആൽബിക്ക് അറിയാമോ ?? ”
ആൽബി കൈ നീട്ടി ഫോൺ വാങ്ങി പിന്നെ ഫോട്ടോയെടുത്ത് നോക്കി..
സജിൻ ഇൻസ്റ്റയിൽ സ്റ്റോറി ഇട്ടിരുന്ന ഒരു ഫ്രണ്ട്സ് ഗ്രൂപ്പ് ഫോട്ടോ സ്റ്റെല്ല സ്ക്രീൻ ഷോട്ട് എടുത്തിരിക്കുന്നു..!!
” ഇതിൽ സജിനെയും ഈ റെഡ് ഷേർട്ട് ഇട്ട ഗോകുലിനെയും അറിയാം ബാക്കി മൂന്ന് പേർ ആരാണെന്ന് അറിയില്ല..!! എന്താ ?? ”
അപ്പോഴേക്കും സ്റ്റെല്ലയുടെ മുഖം ദേഷ്യം കൊണ്ട് ചുവന്നു തുടങ്ങിയിട്ടുണ്ടായിരുന്നു.
” എന്നാൽ എനിക്കറിയാം..!! ”
അതി രൂക്ഷ ഭാവത്തിൽ നിൽക്കുന്ന അവളുടെ മുഖ ഭാവത്തിൽ നിന്ന് എന്തോ കാര്യമായി തന്നെ നടന്നിട്ടുണ്ട് എന്ന് ആൽബിക്കു മനസ്സിലായി..
അവൻ ആ ഫോട്ടോയെടുത്ത് ഒന്നു കൂടി സൂം ചെയ്തു നോക്കി പെട്ടെന്ന് എന്തോ ഓർത്തതും അവൻറെ നെഞ്ചിൽ കൂടി ഒരു മിന്നൽ കടന്ന് പോയി..!!!
നാട്ടിലേക്ക് പോകാൻ നില്കുന്നതിനു മുൻപ് സജിനെ കണ്ട് സംസാരിച്ചത് അവന്റെ മനസ്സിൽ വന്നു..
ഇപ്പോൾ ഈ ഫോട്ടോയും സ്റ്റെല്ലയുടെ പെരുമാറ്റവും എല്ലാം കൂടി കൂട്ടി വായിക്കുമ്പോൾ താൻ പ്രതീക്ഷിച്ചത് തന്നെ കാര്യം..!!
‘ സജിൻ പട്ടി തായോളി ഇവൻ ഇത്രയും ബോധമില്ലാതെ പെരുമാറും എന്ന് ഞാൻ കരുതിയില്ല ‘
ആൽബി ഒന്നും മിണ്ടാതെ അവൾക്കരികിൽ കുറച്ചു സമയം ഇരുന്നു.
” എന്താ ഒന്നും പറയാനില്ലേ ആൽബി..?? ”
” ഈ പയ്യന്മാരിൽ ആരെങ്കിലും ആണോ നിനക്ക് അന്ന് പൊതി നൽകിയ ജിതിൻ ??
അവന്റെ ചോദ്യത്തിനു അവൾ ഒന്നും മറുപടി മിണ്ടിയില്ല.
” സ്റ്റെല്ല ഈ മൂന്ന് പേരിൽ ആരാണ് നിനക്ക് അന്ന് ലഹരി നൽകിയത് ?? ”
അവന്റെ ശബ്ദം ഒന്ന് കൂടി കനത്തതും അവൾ ഫോട്ടോയിൽ നിന്നും വെള്ള ടീ ഷർട്ട് ഇട്ടിരിക്കുന്ന പയ്യനെ തൊട്ട് കാണിച്ചു.
കുറച്ച് മെലിഞ്ഞിട്ട് മുടി കേളി ഹയർ ചെയ്തിരിക്കുന്ന ഒരു പയ്യൻ അവൻറെ കണ്ണുകൾ ചുവന്നിരിക്കുന്നു പൊടിമീശ…
” ഓാഹ്.. മൈര്…!! ”
ആൽബിയുടെ മനസ്സിൽ കൂടി ഒരുപാട് ചിന്തകൾ കടന്നു പോയിക്കൊണ്ടിരുന്നു..
എന്തോ ആലോചിച്ചതും അവൻ ദീർഘ ശ്വാസം എടുത്തു വിട്ടു..!!
ഒടുവിൽ ഈ ഒളിച്ചു കളിക്ക് സമാപ്തി കുറിക്കാൻ ആയിരിക്കുന്നു വളരെ നേരത്തെ മൂകതക്ക് ശേഷം അവർ രണ്ടുപേരും ഒരേ പേജിൽ എത്തിയെന്ന് ആൽബിക്ക് മനസ്സിലായി…!!
” നിന്നോട് ഞാൻ അന്ന് ചോദിച്ചതല്ലേ ആൽബി നിനക്കും സജിനും ഇതിൽ എന്തെങ്കിലും ബന്ധമുണ്ടോ എന്ന് ?? ആൽബി നിന്റെ പേരും പറഞ്ഞാണ് ഈ പയ്യൻ അന്ന് എൻറെ അടുത്ത് വന്നത് ഇപ്പോൾ അവൻ സജിന്റെ ക്ലോസ് ഫ്രണ്ട് സർക്കിളിലും ഇനിയും നിനക്ക് ഇതിൽ ബന്ധമില്ല എന്ന് പറയാൻ പറ്റുമോ ?? ”
അവൾ വിറക്കുന്ന ചുണ്ടുകളോടെ ആൽബിയുടെ മുഖത്തേക്ക് തന്നെ നോക്കിയിരുന്നു.