.
.
“….ശരിക്കും….”
.
.
പിന്നില്ലെ ഹോ ദേഹം മുഴുവൻ കുളിരുകോരി….
ഇത്രയും മനോഹരമായൊരു പ്രണയ സാഹിത്യം ഞാനിതുവരെ കേട്ടിട്ടില്ല.
Beautiful, Awsome…
ഞങ്ങൾക്കെല്ലാം വേണ്ടി മനോഹരമായ പ്രണയനിമിഷങ്ങൾ പങ്കുവെച്ചതിന് ഒരു പാട് നന്ദി…..
അതുകൊണ്ട് ഇന്നത്തെ ആദ്യ ഗാനം അത് ശ്രുതിക്കും നവീനും വേണ്ടി റേഡിയോ മാംഗോയും പ്രേക്ഷകരും ചേർന്ന് ഡെഡിക്കേറ്റ് ചെയ്യുന്നു…
ഏത് ഗാനം എന്നല്ലെ നിങ്ങളിപ്പോൾ ചിന്തിക്കുന്നത്???….
അതേ ആ ഗാനം തന്നെ RJ ശ്രുതി വീണുപോയ ആ മനോഹരഗാനം…….
“…..Let’s enjoy the beautiful track from the movie അരനാഴിക നേരം…..”
ഇത് റേഡിയോ മാംഗോ 91.9 നാട്ടിലെങ്ങും പാട്ടായ്…….
“…..അനുപമേ… അഴകേ…..
അല്ലിക്കുടങ്ങളിൽ അമൃതുമായ് നിൽക്കും
അജന്താ ശിൽപ്പമേ…
അലങ്കരിക്കൂ എന്നന്തപ്പുരം അലങ്കരിക്കൂ… നീ …..
അനുപമേ…. അഴകേ…..”
.
.
”…..റേഡിയോയിലൂടെ ഒഴുകിവന്നയാ ഗാനം എൻ്റെ കാതുകളെ തഴുകിയുണർത്തി ഹൃദയത്തിൽ സ്ഥാനം പിടിക്കുമ്പോൾ ഞാൻ പോലുമറിയാതെ എന്നിൽ ഒരു ചിരിയുണർന്നു…..”
.
.
“….. എന്തുവാ തന്നത്താനിരുന്ന് ചിരിക്കുന്നേ……?”
മറുചിരിയാൽ മിസ്സ് തിരക്കി…..
.
.
അത്….. ഞാനീ പാട്ട് കേട്ട് ചിരിച്ചു പോയതാ….
“അനുപമേ….അഴകേ”..
_പരിഹാസം തുളുമ്പുന്ന മിഴികളോടെ ഞാൻ അനുക്കുട്ടിയെ നോക്കിയതും ആ കണ്ണുകൾ ശാസനപോലെ എന്നിലേക്ക് വീണു _….
“അമലേ… വേണ്ട പഠിപ്പിക്കുന്ന അധ്യാപികയെ കളിയാക്കുന്നോ ?”…..
മറുപടിയോടൊപ്പം ഇടംകയ്യാലൊരു കിഴുക്ക് കുടി ബോണസായ് കിട്ടി…
.
.
ഹൂ….. മിസ്സേ ഞാൻ കളിയാക്കീതൊന്നുമല്ല.
എന്തോ… പെട്ടെന്നാപ്പാട്ട് കേട്ടപ്പോൾ അറിയാതെ ചിരിച്ചു പോയതാ…. പിന്നെ ?…..
.
.
_പിന്നെ….. എന്താ നിർത്തിയേ പറ അമലേ ?_
ഗൗരവമായിരുന്നയാ മിഴികളിൽ ആകാംക്ഷ നിറഞ്ഞു….
.
.
ആ പാട്ടിൽ പറയുന്നില്ലേ അനുപമേ… അഴകേന്ന്! അത്…. അത് സത്യാട്ടോ….
_”…..മിസ്സിനെ കാണാൻ നല്ല ഭംഗിയാ….”_
യാന്ത്രികമെന്നോണം എന്നിൽ നിന്നുമെത്തിയ വാക്കുകൾ ഇളം തെന്നൽ പോലെ അനുക്കുട്ടിയുടെ കാതുകളെ തഴുകുമ്പോൾ എൻ്റെ പെണ്ണ് മറ്റേതോ ലോകത്തിലെത്തിയിരുന്നു.
ആ കണ്ണുകളിൽ ലാസ്യമായൊരു ഭാവം നിറഞ്ഞു മുഖമാകെ അസ്തമയ മേഘങ്ങളെപ്പോൽ ചോപ്പെഴുതി എന്തോ പറയുവാൻ വിറയ്ക്കുന്നയാ ചുണ്ടുകളിൽ പുഞ്ചിരിയുടെ നിഴൽ പടർന്നു, നുണക്കുഴിയുടെ ആഴങ്ങളിൽ നാണത്തിൻ്റെ പനിനീർപ്പൂക്കൾ വിരിഞ്ഞു.
വശ്യമായ് എന്നിലേക്ക് നീളുന്നയാ നോട്ടം എൻ്റെ ഹൃദയസ്പന്ദനം ഉയർത്തുന്നു നാടികളിൽ രക്തപ്രവാഹം അനിയന്ത്രിതമായ് വർദ്ധിക്കുന്നു.
ആ മിഴികളിൽ നിന്നും എനിക്ക് പിൻവാങ്ങുവാൻ സാധിക്കുന്നില്ല ഏതോ കാന്തിക വലയം വീണ്ടും വീണ്ടും എന്നെ മിസ്സിലേക്കടുപ്പിക്കുന്നു…..
.
.
….. മാഡം…..”ഫലൂദ “……
ഫലൂദയുമായെത്തിയ പയ്യൻ്റെ ശബ്ദം കേട്ട് വേഗം അനുക്കുട്ടിയുടെ കണ്ണുകൾ എന്നിൽ നിന്നും പിൻ വലിഞ്ഞു….
.
.
_”….പുല്ലന് വരാൻ കണ്ട നേരം…..”_
ആ നിമിഷങ്ങളിൽ കട്ടുറുമ്പായ് വന്ന അവനെ നോക്കി ഞാൻ മുഖം ചുളിച്ചതും…..
”…..ക്ഷമിക്കണം ഉപജീവനമാണെന്ന ഭാഷയിൽ കണ്ണുകൾ കൊണ്ടൊരഭ്യർത്ഥന നൽകിയ ശേഷം അവൻ മടങ്ങി….”
.
….കഴിക്ക്….
ഫലൂദ എൻ്റെ നേരെ നീട്ടിക്കൊണ്ട് അനുക്കുട്ടി പറഞ്ഞു….
.
സന്തോഷം തുടിക്കുന്ന മനസ്സോടെ ഞാനത് വാങ്ങി…..
“…..വാനില, ബട്ടർസ്കോച്ച്, സ്ട്രോബറി ഐസ്ക്രീമുകളുടെ സങ്കമത്തിന് നിറം പകർന്നുകൊണ്ട് ഫ്രൂട്സും ക്യാഷ്യുവും കസ്കസും ബെദാമും സേമ്യയുമെല്ലാം ചേർന്നൊരു പൊളി സാധനം…..”
ഫലൂദയുടെ ഭംഗി ആസ്വദിച്ചിരുന്ന ഞാൻ എന്തോ ശബ്ദം കേട്ട് പതിയെ വലത്തേക്ക് പാളി നോക്കുമ്പോൾ മട മടാന്ന് ഫലൂദ തട്ടിക്കൊണ്ടിരിക്കുന്ന മിസ്സിനെയാണ് കാണുന്നത്…..
”…… അതേ …. പതിയെ കഴിച്ചാ മതീട്ടോ ആരും എടുത്തോണ്ട് പോവോന്നുമില്ല!……”
കളിയാക്കിച്ചിരിയുടെ കൂട്ട് പിടിച്ച് ഞാനനുക്കുട്ടിയെ നോക്കിയതും കഴിപ്പ് നിർത്തിക്കൊണ്ട് ഒരളിഞ്ഞ ചിരി എന്നിലേക്ക് നീണ്ടു….
.
.
sorry…… എനിക്ക് ഐസ്ക്രീമും സ്വീറ്റ്സുമൊക്കെ ഭയങ്കര ഇഷ്ടാ.