എന്നാലാ മറുപടി നിജൂനൊട്ടും ബോധിച്ചിട്ടില്ലെന്നവൻ്റെ മുഖഭാവങ്ങളിൽ നിന്ന് വ്യക്തമാണ് എന്താണേലും ഇപ്പോളൊന്നും മിണ്ടാതിരിക്കുന്നതാണുചിതം….
.
.
……”മഴ നനയാൻ പറ്റിയ പ്രായാട്ടോ അൻ്റെ!”……
എന്നാൽ ശരി അമലേ പിന്നെക്കാണാട്ടോ…..
.
.
ഇങ്ങനാണേൽ കാണാതിരിക്കുന്നതാ എനിക്ക് നല്ലത്, മനസ്സിലൊന്ന് പിറുപിറുത്ത് കൊണ്ട് ഞാൻ പാത്തുമ്മയെനോക്കി…
…….”ഓ ശരി എന്നാലങ്ങനാവട്ടെ!”…..
.
.
യാത്ര പറഞ്ഞവൾ അകലുമ്പോൾ തലയാകെ മരവിച്ച പോലായിരുന്നു ഇവനോടിനി എന്ത് പറയും , മിസ്സിനെ എനിക്കിഷ്ടാന്നുള്ള കാര്യം തുറന്നു പറഞ്ഞാലോ ?
ഏയ് വേണ്ട ഒരുപക്ഷെ അവനെൻ്റെ പ്രണയത്തെ തമാശയായ് മാത്രേ കാണു “അനുക്കുട്ടിയോടുള്ള എൻ്റെ ഇഷ്ടം വെറും നേരമ്പോക്കാന്നാരേലും പറഞ്ഞാൽ അതൊരിക്കലും എനിക്ക് സഹിക്കാനാവില്ല അത്രയധികം ഞാൻ സ്നേഹിച്ചു പോയ് എൻ്റെ പെണ്ണിനെ”…..
മലയാളം ക്ലാസ്സിൽ ഇരിക്കുമ്പോഴെല്ലാം എൻ്റെ ചിന്തകളാകെ നൂല് പൊട്ടിയ പട്ടം പോലായ് .
ലഞ്ച് ബ്രേക്കിനുള്ള ബൽ മുഴങ്ങിയതും നിജൂനോടൊപ്പം തിരികെ ക്ലാസ്സിലേക്ക് നടക്കുന്ന സമയമെല്ലാം അവൻ മൗനമായിരുന്നു ആ മുഖമാകെ അനിഷ്ടം നിറഞ്ഞൊരു കെറുവ് തളംകെട്ടിയിരുന്നു….
.
.
“ഡാ നീ എന്താ ഒന്നും മിണ്ടാത്തെ എന്ത് പറ്റി നിനക്ക്??? ” മൗനത്തെ ഭേദിച്ചുകൊണ്ടുള്ള എൻ്റെ ചോദ്യം അതിന് കൂർപ്പിച്ചൊരു നോട്ടമായിരുന്നു എന്നിലേക്ക് വന്നത് , ദൈവമേ! ഇവനെ ഇനി വല്ല പൊട്ടൻകടിച്ചോ??
സ്വയം ആത്മഗദം പറഞ്ഞു ഞാൻ വീണ്ടും തുടർന്നു….
നിജാസേ…. നീ എന്ത് പറയൂന്ന് വിചാരിച്ചാ ഞാനങ്ങനൊരു കള്ളം പറഞ്ഞേ സോറി ഇനി ഞാനൊരിക്കലും കള്ളം പറയില്ല….
എൻ്റെ സ്വരമാകെ കുറ്റബോധത്താൽ നിറഞ്ഞു……
.
.
…..അമലേ…..
“നീ ഇപ്പോഴും എന്നെ ഒരു നല്ല സുഹൃത്തായ് കണ്ടിട്ടില്ലല്ലേ???”…..
ഭാവവ്യത്യാസമേതും കൂടാതെ അവനിൽ നിന്നും വന്ന മറുപടി , ഇടി മിന്നലിൻ്റെ വേഗതയോടെ എൻ്റെ കാതുകളിലേക്കെത്തി ആ വാക്കുകൾ കാരമുള്ളപോലെ എൻ്റെ ഹൃദയത്തിൽ തറച്ചു .
ഒരു നിമിഷം ഞാൻ സ്തബ്ദനായ് നിന്നു.
കണ്ണുകളിൽ നനവ് പടരുവാൻ തുടങ്ങി…..
….നിജാ…. എടാ…നീ…..
“നീ എന്താടാ അങ്ങനെ പറഞ്ഞത്” ഞാൻ….
പറഞ്ഞു പൂർത്തിയാക്കാതെ ഞാൻ മുഖം കുനിക്കുമ്പോൾ അറിയാതെ രണ്ടിറ്റ് കണ്ണുനീർ താഴേക്ക് പതിച്ചു ….
.
.
ഹ…ഹ…ഹ… നീ ഇത്രേ ഉള്ളോടാ മണ്ടാ….. ഞാൻ വെറുതെ നിന്നെ എളക്കാനായ്പ്പറഞ്ഞതല്ലെ .
പിന്നെ ഒരു കാര്യം പറയാം നിനക്ക് മുഖത്ത് നോക്കി കള്ളം പറയാന്നൊന്നും അറിയില്ല മോനെ രാവിലെ നിൻ്റെ വെപ്രാളവും പരവേശവുമൊക്കെ കണ്ടപ്പഴേ എനിക്ക് മനസ്സിലായതാ നീ കള്ളമാ പറയുന്നേന്ന്.
അതുകൊണ്ടാ ഞാൻ മിസ്സിനോടങ്ങനെ പറഞ്ഞത് അപ്പോ അവിടുന്ന് വന്ന നോട്ടവും നിൻ്റെ ഭാവവും കണ്ടപ്പോൾ ഞാനുറപ്പിക്കുകയും ചെയ്തു…..
അല്ല നീയും മിസ്സും ഒരുമിച്ചാ വന്നേന്നിപ്പോ എന്നോട് പറഞ്ഞാലെന്താ കുഴപ്പം?
പുഞ്ചിരിയോടെ വന്നയാ ചോദ്യത്തിലും സംശയത്തിൻ്റെ മുന ഒളിഞ്ഞിരുന്നു….
.
.
……അതന്നേരം നീ കളിയാക്കിയാലോന്നോർത്ത്…..
ഒരളിഞ്ഞ ചിരിയോടെ ഞാൻ തല ചൊറിഞ്ഞു ആ സമയവും ആക്കിയൊരു ചിരി അവൻ ചുണ്ടുകളിൽ വാരിപ്പൂശിയിരുന്നു….
.
.
….. അമലേ “നിനക്കെന്നോട് എന്ത് വേണേലും പറയാം അതിന് ഒരു മടിയും വിചാരിക്കണ്ട ഏത് കാര്യത്തിനും സപ്പോർട്ടുമായ് നിൻ്റെ കൂടെ കട്ടക്ക് ഞാനുണ്ടാവും”.
പിന്നെ ഞാനെന്തേലും പറഞ്ഞ് നിന്നെ കളിയാക്കുന്നുണ്ടേൽ അത് തമാശയായ് കണ്ടാൽ മതി അതിനിങ്ങനെ കള്ളം പറയുവോന്നും വേണ്ട.
“നീ നിൻ്റെ കാര്യങ്ങൾ എന്നോട് പറയുന്നതിന് മുമ്പ് വരെ എനിക്ക് നീയൊരു സുഹൃത്ത് മാത്രമായിരുന്നു എന്നാൽ….
എന്നാലിപ്പോൾ നീ എനിക്ക് എൻ്റെ ആരെല്ലാമോ ആണ്”……..
മറുപടിയായ് വന്നയാ വാക്കുകളിൽ ഒരു കൂടപ്പിറപ്പിൻ്റെ സ്നേഹവും കരുതലും നിറഞ്ഞിരുന്നു.
എന്ത് പറയും എന്നറിയാതെ നിന്നിരുന്ന എൻ്റെ മനസ്സിലേക്ക് ഓടിയെത്തിയത് ഒരു തമിഴ് ഗാനത്തിൻ്റെ വരികളാണ്…….
“…….പാസങ്കൾ നേസങ്കൾ ഏതുമേയിൻഡ്രീ
വാൾന്തിടും വാൾക്കയോ വാൾക്കയില്ലേയ്
Amaluttan annukutty kadha bakki varumo