എന്റെ ഡോക്ടറൂട്ടി – 30 28അടിപൊളി 

“”…ഞാനപ്പോഴേ ചേച്ചീടടുക്കെ പറഞ്ഞയല്ലേ കോട്ടിട്ടിട്ട് നേരത്തേ പോവാന്ന്… ഇപ്പൊക്കണ്ടില്ലേ അച്ഛമ്പെണങ്ങീത്..!!”””_ അത്രയുംനേരം എല്ലാരേം ചുഴിഞ്ഞുനോക്കിയിരുന്ന ഞാനതോടെ ചേച്ചിയെനോക്കി…

“”…നീയൊന്നുമിണ്ടാണ്ടിരി സിദ്ധൂ… ഇതു നിങ്ങളിറങ്ങിവരാൻ ലേറ്റായിട്ട്തന്നെ പോയതാവേയുള്ളൂ..!!”””_ എന്നെയടക്കാനായി ചേച്ചിപറഞ്ഞു…

അപ്പോഴാണ് ചേച്ചീടച്ഛൻ,

“”…എടാ… അപ്പൊ സിദ്ധൂനുമാത്രേ കോട്ടെടുത്തുള്ളോ..?? നിനക്കെടുത്തില്ലേ..??”””_ ന്ന് ശ്രീയോടുചോദിച്ചത്…

സംഗതി അതവനെയൊന്നു തണുപ്പിയ്ക്കാൻ വേണ്ടി വിഷയംമാറ്റാനായി ചോദിച്ചതാവണം…

കേട്ടതും,

“”…എടുക്കാതെപിന്നെ…
ഇന്നലെ രാത്രിതന്നെ കൊണ്ടുത്തന്നായ്രുന്നു… ഞാനപ്പോഴേ ഇതൊന്നും വലിച്ചുകേറ്റാനെന്നെക്കൊണ്ട് പറ്റൂലാന്നുമ്പറഞ്ഞ് തിരിച്ചുകൊടുത്തു..!!”””_ ന്ന് ചേച്ചിയുടച്ഛനുള്ള മറുപടികൊടുത്തശേഷം അവനെന്റെനേരേ തിരിഞ്ഞു;

“”…ഞാൻവിചാരിച്ചത് നീയുമപ്പൊത്തന്നെ തെറീംവിളിച്ചു പറഞ്ഞുവിടോന്നാ..!!””‘

“”…അതിനിവൻ കുറച്ചുമുന്നേയാ കണ്ടേ… അങ്കിളെന്റെകയ്യിലാ കൊണ്ടേത്തന്നെ..!!”””_ മീനാക്ഷിയാണ് മറുപടികൊടുത്തത്…

“”…പക്ഷെ ഞാനിട്ടിട്ടെറങ്ങീതാ… പക്ഷെ ഇവരു സമ്മയ്ക്കാഞ്ഞിട്ടാ..!!”””_ അതിനിടയിൽ ഞാനിരുന്നു പറഞ്ഞെങ്കിലും അതാരും ശ്രെദ്ധിച്ചില്ല…

അപ്പോഴാണ്,

“”…കുറച്ചു വഴിതരണേ… ഈ പാവമങ്ങു പൊയ്ക്കോട്ടേ..!!”””_ ന്നൊരു ഡയലോഗുകേട്ടത്…

തിരിഞ്ഞുനോക്കുമ്പോൾ മാമനിറങ്ങിവരുന്നു…

വിത്ത് കറുത്തകോട്ട്, ചൊമല ടൈ ആൻഡ് കറുത്ത കൂളിംഗ്ഗ്ലാസ്സ്…

പുള്ളിയെക്കണ്ടതും അത്രയുംനേരം വലിഞ്ഞുമുറുകിയിരുന്ന മുഖങ്ങൾ മെല്ലെയയയാൻ തുടങ്ങി…

പക്ഷെ എനിയ്ക്കു വകതിരിവില്ലാത്തതുകൊണ്ട് കണ്ടപാടെ, ഫ്രണ്ട്സ് സിനിമയിൽ ശ്രീനിവാസൻ ചിരിയ്ക്കുമ്പോലെ ഞാനിരുന്നങ്ങു ചിരിയ്ക്കാനുംതുടങ്ങി…

എന്റെ ചിരികണ്ടതും മീനാക്ഷിയും കൂടെക്കൂടി…

അതോടെ സകലരും മാമനെ നോക്കിച്ചിരിച്ചതും പുള്ളികുനിഞ്ഞ് സിപ്പിട്ടിട്ടുണ്ടോന്നൊന്നു നോക്കുകമാത്രേ ചെയ്തുള്ളൂ…

“”…എന്ത്രാ ചിരിയ്ക്കുന്നേ..?? എങ്ങനെയുണ്ടെടാ കോട്ടൊക്കെയിട്ടിട്ട്..?? അടിപൊളിയായില്ലേ..??”””_ എന്നേം ശ്രീയേം മാറിമാറിനോക്കി ചോദിച്ചുകൊണ്ട് സ്റ്റിയറിങ് തിരിയ്ക്കുമ്പോലെ പുള്ളി പാന്റ്സ് വലിച്ചു മേലേയ്ക്കുകേറ്റി…

“”…പിന്നേ… സയ്ക്കാമ്പറ്റോ… അല്ല… ഇന്നലെരാത്രി വവ്വാല്ചപ്പിയോ… ഒരു ഷഡ്ഢികൂടി പാന്റ്സിന്റെ മേലെക്കൂടി വലിച്ചുകേറ്റിയാൽ കറക്റ്റ് ബാറ്റ്മാൻ..!!”””_ ന്ന് ചിരിനിർത്താതെ ഞാമ്പറഞ്ഞതിന്,

“”…മിണ്ടാണ്ടിരീടാ..!!”””_ എന്നുമ്പറഞ്ഞ് ചേച്ചിയെന്റെ തോളിനിട്ടൊരു തല്ല്…

അതിനിടയിൽ,

“”…അല്ല… ഇതുമിവന്റെ തന്തയെടുത്തുതന്നത് തന്നേ..??”””_ ന്ന് ശ്രീതിരക്കിയതിന്,

“”…പിന്നല്ലാതെ… അല്ലാണ്ട് സ്വന്തംകാശുകളഞ്ഞ് ഈ തൊലിയൊക്കെ മേടിയ്ക്കാൻ എനിയ്ക്കെന്താ പ്രാന്തുണ്ടോ..??”””_ ന്ന് ചോദിച്ചിട്ട് മാമൻബ്രോ കോട്ടൊന്ന് വലിച്ചൊതുക്കി…

“”…അപ്പൊയീ കോണകോ..??”””_ ഞാന്നുകിടന്ന ടൈയുടെ വാലിലൊന്നു തട്ടിക്കൊണ്ടത് ചോദിച്ചത് ജോക്കുട്ടനായ്രുന്നു…

“”…അതെന്റെ കൊച്ചിന്റെ പഴേ യൂണിഫോമിലെയാ… എന്തായാലുമിറങ്ങുവല്ലേ… അപ്പൊ കുറയ്ക്കണ്ടാന്നു കരുതി..!!”””_ എന്നുപറഞ്ഞ മാമൻ പിന്നെയാണ് ഞങ്ങളെയൊന്നു രൂക്ഷമായിനോക്കീത്…

എന്നിട്ട്,

“”…അതെന്താടാ നിങ്ങള് കോട്ടിടാഞ്ഞേ..?? നിങ്ങക്കും തന്നിട്ടുണ്ടല്ലോന്നുകരുതിയാ ഞാനിതും വലിച്ചുകേറ്റിയിങ്ങു പോന്നേ..!!”””_ എന്നങ്ങട് കൂട്ടിച്ചേർത്തതും അമ്മായി ചാടിയിടയ്ക്കു കേറി…

“”…അതിനവന്മാർക്ക് നിങ്ങളെപ്പോലെ തലയ്ക്കോളമില്ലല്ലോ… ഇപ്പോഴാണിന്നലെ നാത്തൂമ്പറഞ്ഞേലും കാര്യമുണ്ടെന്നു മനസ്സിലാവുന്നേ..!!”””

“”…എന്തുകാര്യം..??”””_ മാമൻ…

“”…ഒന്നൂല്ല… നിങ്ങളുപോയി ഇതൊക്കെമാറ്റിയൊരു ഷർട്ടുംമുണ്ടും എടുത്തുടുക്ക് മനുഷ്യാ..!!”””_ അമ്മായിയൊന്ന് കടുപ്പിച്ചു…

“”…ഏയ്‌.! അളിയനെടുത്തുതന്നതാ… ഇതുമിടാണ്ടിറങ്ങിയാൽ അളിയൻചിലപ്പോൾ പെണങ്ങും… അല്ലേലും കീത്തൂന്റെകല്യാണത്തിന് കോട്ടൊക്കെയിട്ട് വെലസാനുള്ളവസരം ഞാനായ്ട്ടെന്തിനാ പാഴാക്കുന്നേ..!!”””_ അതുംപറഞ്ഞ് സിറ്റ്ഔട്ടിൽകിടന്ന ചാരുകസേരയിലേയ്ക്കു പുള്ളി മലർന്നങ്ങുകിടന്നു…