എന്റെ ഡോക്ടറൂട്ടി – 30 28അടിപൊളി 

“”…പിന്നേ… പേടിയുള്ളോണ്ടൊന്നുവല്ല… നിന്റെ നോട്ടവും സംസാരവുമൊന്നും അത്ര വെടിപ്പല്ല… അതോണ്ടാ..!!”””_ ന്നും പറഞ്ഞ് അവള് കട്ടിലിൽനിന്നും എഴുന്നേറ്റ് ബാത്രൂമിന്റെ നേർക്ക് നടന്നു…

പിന്നെ കുറച്ചുനേരത്തേയ്ക്ക് അവൾടെ അനക്കമൊന്നും കേട്ടുമില്ല…

അൽപ്പംകഴിഞ്ഞപ്പോൾ ഞെട്ടറ്റുവീണ ചക്കപോലെ പൊത്തോംന്നുംപറഞ്ഞ് ബെഡ്ഡിലേയ്ക്കു കവിഴ്ന്നുവീണതാണ് കണ്ടത്…

“”…എന്ത്രീ നെനക്ക്..?? കൃമികടിയ്ക്കുന്നോ..??”””_ ഞെട്ടിത്തിരിഞ്ഞ എന്നെനോക്കി ഇളിച്ചുകാണിച്ചശേഷം അവളെന്റെനേരേ ചെരിഞ്ഞുകിടന്നു…

നനഞ്ഞവേഷമൊക്കെ മാറ്റി ഇളംനീലയിൽ ടോം ആൻഡ് ജെറിയുടെ പടമുള്ള ടീഷർട്ടും ഒരു റോസ് അരപ്പാവാടയുമായിരുന്നു അപ്പോൾ പെണ്ണിന്റെ മേൽമൂടി…

“”…ഇതൊക്കെ മീനൂട്ടീടെയോരോ തമാശകളല്ലേ..!!”””_ കണ്ണിറുക്കി ചിരിയ്ക്കുന്നതിനിടയിൽ അങ്ങനവൾപറഞ്ഞതും,

“”…അതൊക്കെ ചെവിയ്ക്കല്ലുനോക്കി രണ്ടെണ്ണംകിട്ടുന്നതോടെ
തീരാവുന്നതേയുള്ളൂ..!!”””_ ന്നുംപറഞ്ഞ് ഞാനവളെനോക്കി കണ്ണുരുട്ടി…

“”…അതെന്തേലുമായ്ക്കോട്ടേ… അല്ല, നീയെന്താ ക്ഷേത്രത്തിപ്പോവാഞ്ഞേ..?? അതിനല്ലേ നിന്നെ വിളിച്ചുണർത്തി പറഞ്ഞുവിട്ടേ..!!”””_ ഇടയ്ക്കെന്തോ ആലോചിച്ചയവൾ ചിരിനിർത്തി ചോദ്യഭാവത്തിലെന്നെ നോക്കി…

“”…അതൊക്കെപ്പോയതാ… ഞാഞ്ചെന്നപ്പൊ ശ്രീക്കുട്ടന്റൊപ്പമവള് പോയി… അതോണ്ടു ഞാനിങ്ങുതിരിച്ചുവന്നു..!!”””_ മറുപടിയായതു പറയുമ്പോൾ എന്റെമുഖത്തൊരു നിർവികാരത നിറഞ്ഞിരുന്നു…

“”…ഏഹ്.! അതെന്താപറ്റിയെ..?? ഇന്നലെ ചെറീമ്മവന്നിട്ട് നിന്നോടുചെല്ലണോന്നല്ലേ പറഞ്ഞേ… പിന്നെന്താ അവളങ്ങനെകാണിച്ചേ..?? എന്നിട്ടു നീയൊന്നും ചോയ്ച്ചില്ലേ..??”””_ അത്രേംനേരം തലയിണയുടെമേലേ പാർക്കുചെയ്തിരുന്ന തലയുയർത്തി നനഞ്ഞുലഞ്ഞ നീളൻ മുടിയിഴകൾ മുഖത്തുനിന്നും മാടിയൊതുക്കിക്കൊണ്ട് അവളെന്നെ നോക്കി…

“”…ചോയ്ച്ചു… അതൊക്കെയെന്റെ കാർന്നോര് കെളവന്റെയൊരു കുസൃതിയായ്രുന്നു… ചെറിയമ്മ പറഞ്ഞിട്ടുകേൾക്കാതെ പുള്ളിയാ ശ്രീയോടൊപ്പമവളെ പറഞ്ഞുവിട്ടത്… ഞാങ്കൂടെച്ചെന്നാൽ എരണക്കേടാന്ന്… പിന്നവൾടെ ജീവിതം നശിച്ചു പോകോന്നുമ്പറഞ്ഞു..!!”””_ പറഞ്ഞതെല്ലാം ഞാനവളോടക്കമിട്ടു നിരത്തി…

കേട്ടതും കുറച്ചുനേരമൊന്നും മിണ്ടാതെ നിർന്നിമേഷമായി എന്നെനോക്കി കിടക്കുവാണവൾ ചെയ്തത്…

“”…അതുശെരിയാ… നീ കൂടെക്കൂടിയാ എരണക്കേടുതന്നാ… അതല്ലേ ഞാനിപ്പോളനുഭവിയ്ക്കുന്നേ..!!”””_ പറഞ്ഞതും കവിഴ്ന്നുകിടന്നവൾ തലയിണയിൽ മുഖംപൂഴ്ത്തി…

അങ്ങനെയൊരു ഡയലോഗിന് സാധാരണ കണ്ണുപൊട്ടേ തെറിവിളിയ്ക്കാൻ മാത്രമറിയുന്ന ഞാൻ, എന്നെപ്പോലും ഞെട്ടിച്ചുകൊണ്ട് മാറിചിന്തിച്ചിരിയ്ക്കുന്നു…

“”…നെനക്ക് ജോൺസീനായുടെ എസ്റ്റിഎഫ് അറിയാവോ..??”””_ ചോദിച്ചുകൊണ്ട് ചാടിയെഴുന്നേറ്റ ഞാൻ, ഹാഫ്സ്കർട്ടിനു പുറത്തുള്ള മീനാക്ഷിയുടെ നഗ്നമായ കാൽവണ്ണയിൽ പിടുത്തമിട്ടു…

അതോടെ സ്വർണ്ണപാദസരം ഇഴഞ്ഞെന്റെ കയ്യിലുരുമ്മി…

എന്നാലതൊന്നും നോക്കാനുള്ള മൂഡിലല്ലായ്രുന്നു ഞാൻ…

കാൽമുട്ട് പിന്നിലേയ്ക്കുമടക്കി അവൾടെ പുറത്തേയ്ക്കു കേറിക്കിടന്നുകൊണ്ട് തലയ്ക്കു പുറത്തൂടെ നെറ്റിയിൽ കൈകൂട്ടിപ്പിടിച്ചു…

ആ നേരമത്രയും അടിയിൽക്കിടന്ന് മീനാക്ഷി കയ്യിട്ടടിച്ചെങ്കിലും ആര് മൈൻഡാക്കുന്നു..??!!

“”…ഇനി പറേടീ, ഞാനെരണങ്കെട്ടവനാന്ന്… ധൈര്യോണ്ടേൽ പറേടീ..!!”””_ അവൾടെ നെയ്ക്കട്ടിപോലുള്ള ദേഹത്തേയ്ക്ക് പുതഞ്ഞുകിടന്നുകൊണ്ട് ഞാൻ വെല്ലുവിളിച്ചു…

“”…വി.. വിഡ്രാ… ശ്വാസമ്മുട്ടുന്നു… ഞാൻ തോറ്റു… തോറ്റു..!!”””_ അവളുവീണ്ടും കൈകാലിട്ടടിച്ചുകൊണ്ട് നിലവിളിച്ചു…

“”…എന്നാപ്പറെ… ഞാനെരണങ്കെട്ടവനാണോ..??”””_ മടക്കിവെച്ചിരുന്ന കാല് ഒന്നുകൂടി വലിച്ചുയർത്തിക്കൊണ്ട് ഞാൻചോദിച്ചതും, പാവാട കുറച്ചുകൂടി ഊർന്നിറങ്ങി വെണ്ണത്തുടകളെ അനാവരണം ചെയ്തു…

വെളുത്തുതുളുമ്പി ആരേയും മോഹിപ്പിയ്ക്കുന്ന ആ നഗ്നമായതുടകളിൽ ഞാൻ കണ്ണുഴിയ്ക്കുമ്പോൾ,

“”…അല്ലാ… നീയെരണങ്കെട്ടവനല്ലാ… എന്റെല്ലായ്ശ്വര്യത്തിനും നീമാത്രമാണ് കാരണം..!!”””_ ന്നുമ്പറഞ്ഞ് മീനാക്ഷി തലയിട്ടടിച്ചു…