“അവന് ഫീലാകുന്ന വിധത്തില്?”
മാത്യൂസും ആന്റണിയും തോള് കുലുക്കി കാണിച്ചു.
“എനിക്ക് നിങ്ങളെയാ സംശയം!”
സൂസന് ആന്റണിയെ നോക്കി.
“വെള്ളം അകത്ത് ചെന്നു കഴിഞ്ഞാ നിങ്ങക്ക് ഭയങ്കര പാരമ്പര്യവാദം കൂടുതലാ…തോമാശ്ലീഹേടെ കൈയ്യീന്ന് വെള്ളം നേരിട്ട് തലേല് വീണ ബ്രാഹ്മണ പാരമ്പര്യം ഒക്കെ അന്നേരം പൊറത്തേക്ക് വരും…അത്പോട്ടെന്നു വെക്കാം കൂട്ടത്തില് വിനൂനോട് പെലയനാ, പുതുക്രിസ്ത്യാനിയാ എന്നൊക്കെ ..അങ്ങനെ വല്ലോം പറഞ്ഞു കാണും!”
ആന്റണിയുടെ മുഖം ചുവന്നു.
“നീയെന്നാ സൂസനെ ഈ പറയുന്നേ?”
അയാള് ചോദിച്ചു.
“അതിന് വെള്ളമടിച്ചാല് ഞാന് ഉണ്ടോ വാ തുറക്കുന്നു…വാ തുറന്നാല് ഉണ്ടോ അങ്ങനത്തെ കാര്യം ഒക്കെ പറയുന്നു…നീയൊന്നു പോയെ!”
“ഇനി അഥവാ അപ്പാ അങ്ങനെ പറഞ്ഞാ തന്നേം അതൊന്നും കാര്യവാക്കുന്നവന് അല്ല വിനു,”
മാത്യൂസ് പറഞ്ഞു.
“എനിക്കവനെ അറീത്തില്ലേ? ഇതതൊന്നുമല്ലന്നേ! ആ രമേശന് നായര് എന്തോ ഹ്യൂജ് എമൌണ്ട് ഓഫര് ചെയ്തതാ…”
“ഒന്ന് പോടാ!”
സൂസന് ശബ്ദമുയര്ത്തി.
“നല്ല ഫസ്റ്റ് കൂട്ടുകാരന്! നീ അങ്ങനെയാണോ അവനെപ്പറ്റി കരുതീത്? പണത്തിനൊന്നും അവന് ഒരിടത്തേക്കും മറിയില്ല… എനിക്കറിയാം അവനെ…ഇനി അഥവാ അതാണേല് ആ രമേശന് നായര് പറഞ്ഞ അമൌണ്ടിനേക്കാള് കൂടുതല് കൊടുത്ത് അവനെ എങ്ങനേം കൂട്ടിക്കൊണ്ട് വാ…”
“പക്ഷെ…മമ്മീ…”
മാത്യൂസ് പറയാന് ശ്രമിച്ചു.
“അവന്റെ മനസ്സില് എന്നതാന്ന് ആര്ക്കറിയാം? നമ്മള് ശ്രമിച്ചാലും അവന് വരുവോ എന്ന് എങ്ങനെ അറിയാം? നന്ദി കേടൊക്കെ സംഭവിക്കാന് ഒരാള്ക്ക്
അധികം സമയമൊന്നും….”
“മതി…!”
സാന്ദ്ര ശബ്ദമുയര്ത്തി.
എല്ലാവരും അമ്പരന്ന് അവളെ നോക്കി.
“ഇച്ചായന് എന്ത് അറിഞ്ഞിട്ടാ വിനു ചേട്ടായിയെപ്പറ്റി ഇങ്ങനെ പറയുന്നേ?”
“കൊച്ചെ അവന് വേറെ കമ്പനീല് പോകുന്ന കാര്യമല്ലേ നമ്പ്യാരങ്കിള് പറഞ്ഞെ…അപ്പോള്…”
“ഞാന് കാരണമാ ഇതൊക്കെ…”
എല്ലാവരും പരസ്പ്പരം നോക്കി.
“നീ കാരണമോ? എന്നുവെച്ചാല്?”
ആന്റണി ചോദിച്ചു.
മാത്യൂസ് അത് കേട്ട് മുഖം ചുളിച്ചു.
അയാള് പെട്ടെന്ന് സാന്ദ്രയുടെ അടുത്തെത്തി.
“പറയെടീ…”
അയാള് ക്രുദ്ധനായി ചോദിച്ചു.
“നീ എന്നാ കാണിച്ചിട്ടാ, എന്നാ ചെയ്തിട്ടാ അവനിങ്ങോട്ട് വരാത്തേം നമ്മളെ വിട്ടുപോകാനും ഒക്കെ …”
സാന്ദ്ര ആ ചോദ്യത്തിന് മുമ്പില് ഒരു നിമിഷം പതറി.
പക്ഷെ പെട്ടെന്ന് തന്നെ അവള് മനസാന്നിദ്ധ്യം വീണ്ടെടുത്തു.
ആന്റണിയേയും സൂസനെയും നോക്കി.
പിന്നെ അശോകന് നമ്പ്യാരെയും.
“എനിക്ക് ..എനിക്ക് വിനു ചേട്ടായിയെ ഇഷ്ടമാണ്….”
“എഹ്?”
ആന്റണി സൂസനെ നോക്കി.
അത് കേട്ട് അശോകന് നമ്പ്യാരും ഒന്ന് പകച്ചു.
“കൊച്ചേ, നീ എന്നതാ ഈ പറയുന്നേ?”
മാത്യൂസ് അവളുടെ തോളില് പിടിച്ചു.
“ഞാനത് ചേട്ടയിയോടു പറഞ്ഞു..പക്ഷെ ..പക്ഷെ ചേട്ടായി സമ്മതിച്ചില്ല …ഞാനും ജയ്മോളും ചേട്ടായിയ്ക്ക് ഒരുപോലെയാണ് എന്ന് പറഞ്ഞു….എന്നെ പിന്തിരിപ്പിച്ച് ..എന്നോട് പിന്മാറാന് … എനിക്ക് ….”
സാന്ദ്രയുടെ മിഴികള് നിറഞ്ഞൊഴുകി.
അവള് പുറത്ത് വിട്ട വാര്ത്തയ്ക്ക് മുമ്പില് തരിച്ച് തകര്ന്നിരിക്കുകയാണ് ആന്റണിയും മാത്യൂസും പിന്നെ അശോകനും.
അവളുടെ ദൈന്യമായ മുഖവും കണ്ണുനീര്പ്പ്രവാഹവും അവരുടെ മനസ്സ് തളര്ത്തി.
അടുത്ത് നിന്ന മാത്യൂസ് അവളെ ചേര്ത്ത് പിടിച്ചു.
“വാവേ, നീ ഇങ്ങനെ കരയാതെടാ…”
അയാളുടെ മിഴികളില് നനവ് പടര്ന്നു.
“പക്ഷെ എനിക്കറിയാം…”
കണ്ണുനീരൊപ്പി അവള് തുടര്ന്നു.
“എന്നെ ജീവനാണ്, എന്നെ ഞാനിഷ്ട്ടപ്പെടുന്നത് പോലെ ചേട്ടായീം എന്നെ ഇഷ്ട്ടപ്പെടുന്നുണ്ട്…എന്നില് നിന്നും എത്ര മറച്ചാലും എനിക്ക് അത് ഫീല് ചെയ്യും…എന്നോട് ചേട്ടായി അത് സമ്മതിക്കില്ലെങ്കിലും….”
സൂസനും ആന്റണിയും പരസ്പ്പരം നോക്കി.
“എന്റെ ഇഷ്ടം അഗീകരിച്ചാല് അത് നമ്മുടെ ഫാമിലിക്ക് നാണക്കേടാണ് എന്ന്….”
സാന്ദ്ര തുടര്ന്നു.
“നമ്മള് കൂടിയ ആള്ക്കാരാ ..ചേട്ടായി ഒത്തിരി ബാക്ക് വേഡാ സോഷ്യലി എന്നൊക്കെ ..അത് അപ്പായേയും മമ്മിയേയും ഇച്ചായനെയും ഒക്കെ ഒത്തിരി ഹര്ട്ട് ചെയ്യും .. നമ്മടെ കസിന്സിനെ ഒക്കെ നമ്മള് എമ്പറാസ്ഡാക്കും അങ്ങനെ സംഭവിച്ചാല് എന്നൊക്കെ ചേട്ടായി പറഞ്ഞപ്പം ….”