” അയ്യോ, ഹരി മുണ്ട് എടുത്ത്. കൊള്ളാലോ “…… ഫൈസി പറഞ്ഞു.
ഫൈസിയുടെ അരികിൽ എത്തി കൈ പിടിച്ചു മുത്തം വച്ച് ഹരി പറഞ്ഞു : നിന്നെയും മുണ്ട് ഉടുപ്പിക്കാം, വാ…..
” എനിക്ക് പറ്റുമോടാ മുണ്ട് “… ശബ്ദം കേട്ട ഭാഗത്തേക്ക് ഹരി നോക്കി.
ഹരി ഉറക്കെ പറഞ്ഞു : വക്കീലേ, എത്ര കാലം ആയി കണ്ടിട്ട്..
ഹരി അനുവിന്റെ അടുത്തേക്ക് നടന്നു. കുറച്ചു പിന്നിൽ ആയി, ചേച്ചി ഹിമയുടെ കൂടെ, കറുത്ത ചുരിദാറിൽ നിൽക്കുന്ന ആയിഷയും ഹരിയുടെ കണ്ണിൽ പെട്ടു.
അതിന് തൊട്ടു പിന്നിലായി സാരിയിൽ നഫിസുമ്മ തന്റെ അമ്മയുടെയും, അച്ഛമ്മയുടെയും അടുത്ത് തന്നെ ഉണ്ടായിരുന്നു.
അച്ഛനും അളിയന്മാരും ഒന്നിച്ചു ഒരു ഭാഗത്ത്…
ഹരി ആദ്യം അനുവിന്റെ അടുത്തെത്തി ചിരിച്ചു കൊണ്ട് : എന്താ വക്കീലേ വിശേഷം, കേസ് ഒക്കെ ഉണ്ടോ.
അനു ചിരിച്ചു കൊണ്ട് : ഒരു കേസും കൊണ്ടാണ് വന്നത്.
ഹരി : അതേത് കേസ്..
അനു : നിന്റെ ഡിവോഴ്സ് കേസ്.. അത് തീർപ്പ് ആക്കണ്ടേ..
ഹരി ഒന്ന് ഷോക്ക് ആയി അത് കേട്ടപ്പോൾ..
അനു ബാഗ് തുറന്ന് കുറച്ചു പേപ്പറുകൾ ഹരിക്ക് നേരെ നീട്ടി..
അനു : വേഗം ഒപ്പിട്ടോ..
ഹരി അല്പം മടിച്ചിട്ടാണെങ്കിലും പേപ്പർ വാങ്ങി..
ഹരി : പെട്ടെന്ന് നടക്കില്ല, വായിച്ചു നോക്കണം. വക്കീലിനെ എനിക്ക് വിശ്വാസമില്ല. എന്റെ ലിവർ വേണം എന്നാവും ഈ പേപ്പറിൽ..
അനു ചിരിച്ചു കൊണ്ട് : അത് ഉണ്ടോ ഉള്ളിൽ, അതോ അടിച്ചടിച്ചു കരിഞ്ഞു പോയോ?..
ഹരി : ഇപ്പോൾ അങ്ങിനെ അടി ഇല്ല. അവിടെ തന്നെ ഉണ്ട്..
ഹരിയും അനുവും ചിരിച്ചു. ഹരി ആയിഷയുടെ അടുത്തേക്ക് നടന്നു. ഹരിക്ക് തന്റെ ശരീരം തരിക്കുന്ന പോലെ തോന്നി.. കാലുകളിൽ ഒരു മരവിപ്പും…
ഹരി ആയിഷയുടെ മുന്നിൽ എത്തി. മുഖത്ത് നോക്കാൻ ബുദ്ധിമുട്ടി ഹരി.
ഹരി ഒരു പുഞ്ചിരിയോടെ: ഹെയർ സ്റ്റൈൽ മാറ്റി അല്ലെ മാം…
ആയിഷ ഹരിയെ അടിമുടി നോക്കി : ഹരിയും മാറ്റിയല്ലോ. ഷോർട് ഹെയർ ആയല്ലോ..
ഹരി പതിയെ : അമ്മക്ക് ഇഷ്ടമല്ല. കിടി കിടി, പറഞ്ഞ് ചെവി തിന്നും..
മാലിനി ഉറക്കെ : ആടാ, ഞാൻ തിന്നുമെടാ… ഞാൻ കിടി കിടി ആണല്ലേ നിനക്ക്…
അച്ഛൻ : അവനൊരു തമാശ പറഞ്ഞതാ എന്റെ മാലിനി..
എല്ലാവരും ചിരിച്ചു…
ഹരി നേരെ പോയി നഫിസയെ കെട്ടിപിടിച്ചു സുഖം ആണോ ചോദിച്ചു..
സുദേവൻ എല്ലാവരോടും ഉള്ളിലേക്ക് വരാൻ പറഞ്ഞു.
ഫൈസിയെ എടുത്തുയർത്തി ഉള്ളിലേക്ക് കയറാൻ ഹരി സഹായിച്ചു.
വീട് ആകെ ബഹളമയമായി. കൂടുതൽ പേർക്കായി കൂടുതൽ അരിയിട്ടു, സാമ്പാറിൽ രസം ചേർത്ത് ഒന്ന് നീട്ടി…
വളരെ കുറച്ചു നേരം ഫോർമൽ ആയി മാത്രം സംസാരിക്കാൻ സമയം കിട്ടിയുള്ളൂ ഹരിക്കും ആയിഷക്കും.
ഉച്ച ഊണിനു സമയത്ത് അനു പറഞ്ഞു : ഞാൻ വൈകീട്ട്, ഇവിടുന്ന് ഉള്ള ട്രെയിനിൽ നാട്ടിൽ പോവും.
മാലിനി ചോറ് വിളമ്പി കൊണ്ട് : അതെന്തു പരുപാടി ആണ്. വന്നിട്ട്, ഓണം കഴിഞ്ഞു പോയാൽ മതി.
അനു : പോയെ പറ്റൂ അമ്മേ. ഒരു സ്ഥല പ്രശ്നം ഉണ്ട് . നാട്ടിൽ. മമ്മിടെ ആണ്. അതൊന്നു പോയി ഇടപെടണം.
മാലിനി ആയിഷയെ നോക്കി കൊണ്ട് : നിങ്ങൾക്കും പോണം എന്ന് പറയരുത് കേട്ടോ. ഓണം കഴിഞ്ഞു പോയാൽ മതി.
ആയിഷ : നാളെ പോണം ഉമ്മാ അല്ല അമ്മേ, നല്ല തിരക്കുള്ള സമയം ആണ്.
മാലിനി : ശെടാ.. എന്നാ ഫൈസിയും, നാഫിസുമ്മയും നിക്കട്ടെ..
ഹരി ഫൈസിയെ നോക്കി : ഫൈസി എന്തായാലും പോണില്ല.
ഹൃദ്യ : വിടാനും ഉദ്ദേശമില്ല. നാടൊക്കെ കണ്ട്, നമ്മുടെ ലൈബ്രറി, സ്കൂൾ ഒക്കെ കണ്ട്, നമ്മുടെ നാടിനെ പറ്റി അറിഞ്ഞിട്ടു പോയാൽ മതി.
നാളെ ഒരിക്കൽ ഇവന്റെ വിരൽ തുമ്പിലൂടെ നമ്മുടെ നാടിനെ ഒരുപാട് പേര് അറിയാൻ വഴി ഉള്ളതാണ്.
ഗോകുൽ : മലയാളം പ്രൊഫസർ തുടങ്ങി…
ഹൃദ്യ ഭർത്താവ് ഗോകുലിനെ നോക്കി : എന്നാ ഞാൻ, ഫിസിക്സ് പ്രൊഫസറേ പോലെ ന്യൂട്ടന്റെ ചലന നിയമം പറഞ്ഞോണ്ടിരിക്കാം..
Polichu mone