അമ്മ മാലിനി കരഞ്ഞു കൊണ്ട് : എന്താ മോനെ ഇങ്ങനെ….
ഹരി : അത് വീട്ടിൽ നിന്നും പുറത്താക്കുമ്പോൾ ആലോചിക്കണ്ടേ.. എനിക്ക് വീടില്ല, എനിക്ക് ആരും ഇല്ല.. എനിക്ക് ഇഷ്ടമുള്ള പോലെ ജീവിക്കും. വേണ്ട സമയത്ത് നിങ്ങൾ ആരും ഉണ്ടായിരുന്നില്ല. ഒരാൾ പോലും കൂടെ നിന്നില്ല.. കരഞ്ഞു കാലു പിടിച്ചില്ലേ..
ഹരിയുടെ അമ്മയുടെ മുഖം മാറി, കരഞ്ഞു കൊണ്ട് തന്നെ അലറി : മിണ്ടരുത് നീ ഇനി… കണ്ണി കണ്ട അലവലാതി പെണ്ണുങ്ങളെ പ്രേമിച്ച്, നിന്റെ അച്ഛൻ പോയി കാലു പിടിച്ചതാ അവളോട് നിന്റെ അവസ്ഥ കണ്ട് നിൽക്കാൻ പറ്റാത്തോണ്ട്. അവൾ എന്താ പറഞ്ഞത് എന്നറിയുമോ, ടൈം പാസ്സ് ആയിരുന്നു നീ അവൾക്ക് എന്ന്, നീ ഇത്ര കാര്യം ആവും എന്ന് വിചാരിച്ചില്ല എന്ന്.. നിനക്ക് വിഷമം ആവണ്ട എന്ന് വച്ച് ആണ് അച്ഛൻ പറയാതിരുന്നത്…
ഹരിയുടെ അച്ഛൻ : മതി മാലിനി….
ഹരിയുടെ കണ്ണുകൾ ചുവന്നു തുടങ്ങി, കണ്ണുകൾ കലങ്ങി, കണ്ണിൽ നിന്നും കണ്ണുനീർ ഇറ്റിട്ടായി ഒലിച്ചിറങ്ങാൻ തുടങ്ങി…
ഹരിയുടെ അച്ഛൻ ഹരിയുടെ ബെഡിൽ ഇരുന്ന് ഹരിയുടെ കണ്ണുകൾ തുടച്ചു പറഞ്ഞു : അച്ഛന് ഒരുപാട് തെറ്റ് പറ്റിയിട്ടുണ്ട്. എന്നെ എന്റെ അച്ഛൻ അങ്ങിനെ ആണ് വളർത്തിയത്. അതിൽ നിന്നും മാറാതെ ഞാനും അതേ പാത പിന്തുടർന്നു. അച്ഛന് തെറ്റ് പറ്റിയെടാ.. ക്ഷമിക്കെടാ ഹരി…….
ആ മുറിയിൽ ഉണ്ടായിരുന്ന എല്ലാവർക്കും കണ്ണുകൾ നിറഞ്ഞു. ആയിഷക്ക് അടക്കം.
ഹരി അവന്റെ അച്ഛന്റെ തോളിൽ മുഖം ചേർത്ത് വച്ച് പൊട്ടി കരഞ്ഞു.. കരച്ചിൽ തേങ്ങൽ ആയി മാറുന്ന വരെ.. കരഞ്ഞു… ഹരിയെ തലയിൽ തലോടി അച്ഛൻ ഇരുന്നു.. മാറിൽ അണച്ചു കൊണ്ട്…
എല്ലാം ഒരുവിധം അടങ്ങിയ ശേഷം അച്ഛൻ ചോദിച്ചു ഹരിയോട് : വരില്ലേ ഞങ്ങളുടെ കൂടെ..
കരഞ്ഞു വീർത്തു കലങ്ങിയ കണ്ണുകൾ തുടച്ചു കൊണ്ട് ഹരി പറഞ്ഞു : വരാം.. പക്ഷെ എനിക്ക് കുറച്ച് സമയം കൂടെ വേണം.
ഹിമ : ഇവിടെന്താ നിനക്ക് ഇനി. പി എ പണിക്കോ.. അതിന്റെ പത്തു ഇരട്ടി നാട്ടിൽ വെറുതെ ഇരുന്നാൽ നിനക്ക് കിട്ടില്ലേ..
ആയിഷ ഇടയിൽ : ഹരിക്ക് പ്ലാനിങ് ടീമിലേക്ക് മാറ്റം ആയിട്ടുണ്ട്. ഹരിയുടെ എഡ്യൂക്കേഷൻ അനുസരിച് ഉള്ള ജോലി..
അച്ഛൻ : നിനക്ക് അധ്വാനിച്ചു പൈസ ഉണ്ടാക്കാൻ ഉള്ള ആഗ്രഹം കൊണ്ടാണെങ്കിൽ, അവിടെ എല്ലാം നോക്കി നടത് നീ. ഇവിടെ നിനക്ക് എന്ത് കിട്ടുന്നോ അതിന്റെ ഇരട്ടിയോ, എത്രയാന്നു വച്ചാൽ നീ സാലറി ആയി എടുക്ക്. ഇനി അതല്ല, അച്ഛൻ എല്ലാത്തിൽ നിന്നും ഒഴിഞ്ഞു മാറാനും റെഡി ആണ്. നീ നോക്കി നടത്…
ഒരു വർഷം ഞങ്ങളുടെ കണ്മുന്നിൽ നിന്നെ കാണാതെ ഇരുന്നില്ലെടാ.. ഇനി ഉള്ള സമയം ഞങ്ങൾക്ക് നിന്നെ കാണണം ഹരി.
ഹരി ഒന്ന് ആലോചിച്ച ശേഷം : അച്ഛാ, അത്, ഇവിടെ ഒരാൾക്ക് ഒരു വാക്ക് കൊടുത്തുപോയി..
ഹൃദ്യ : അതാരാടാ.. വല്ല പെണ്ണിനും ആണോ?..
ഹിമ : വീണ്ടും വല്ല കുഴിയിലും പോയി ചാടിയോടാ..
ഹരി : ഞാൻ ചാടിയാൽ നിനക്കെന്താ… നീ നിന്റെ കാര്യം നോക്ക്. കുട്ടിക്കാലം മുതൽ എന്നെ കുഴിയിൽ കൊണ്ട് ചാടിച്ചു, എനിക്ക് അറിയാത്ത കാര്യത്തിന് പോലും നീയാണ് എനിക്ക് തല്ലു വാങ്ങി തന്നിരുന്നത് അച്ഛന്റെന്ന്..
ഹിമയുടെ വാ അടഞ്ഞു…
അമ്മ : ആരാടാ, നമ്മുടെ കൂട്ടർ ആണോ?..
അച്ഛൻ : എന്തെങ്കിലും കൂട്ടർ ആവട്ടെ എന്റെ മാലിനി. ഈ അവസ്ഥയിൽ ആയിട്ടും അവൾ ആദ്യം ചോദിക്കുന്നത് നമ്മുടെ കൂട്ടർ ആണോ എന്നാണ്..
ആയിഷ ഒഴിച്ച് ബാക്കി എല്ലാവർക്കും ചിരി വന്നെങ്കിലും അടക്കി പിടിച്ചു…
മൂവർ സംഘത്തെ ഞെട്ടിച്ചു കൊണ്ട് ഹരി പറഞ്ഞു അമ്മയോട് : നമ്മുടെ കൂട്ടർ,,,, നമ്മുടെ കൂട്ടർ അല്ല അമ്മേ…..
ഹരിയുടെ അമ്മ ഞെട്ടി.. എല്ലാവരും ഞെട്ടി…..
ഹരിയുടെ അച്ഛൻ : ശരി, ആരെങ്കിലും ആവട്ടെ, നീ അവളെയും വിളിച്ചു കൊണ്ട് വാ.. അല്ല വിളിച്ചാൽ വരില്ലേ,,, അതോ പഴയ പോലെ..
Polichu mone