ഹരിത മനോഹരം – 5 14അടിപൊളി 

 

ഹരി ചിരിച്ചു കൊണ്ട് : ഉറുദു ലിറ്ററിച്ചറിന്റെ ഫാൻ ആക്കി മാറ്റിയ ആളാണ് അവൻ. ലാംഗ്വേജ് അല്ല കൾച്ചർ ആണ് പ്രശ്നം, എല്ലാ കൾച്ചറും ഉള്ളിലേക്കിറങ്ങി പഠിച്ചാൽ എല്ലാത്തിനും ഒരു ഭംഗി ഉണ്ട്.. ഞാൻ അല്ല പറഞ്ഞത് അവൻ ആണ്..

 

ഹൃദ്യ ആയിഷയെ നോക്കി : അവന് ഈ പ്രായത്തിൽ ഈ കഴിവ് ഉണ്ടെങ്കിൽ, ഒരിക്കൽ ആയിഷ അവനെ കുറിച്ച് അഭിമാനിക്കും. ഒരു സംശയവും വേണ്ട..

 

ആയിഷ ഒരിക്കലും പ്രതീക്ഷിച്ച വാക്കുകൾ അല്ല അപ്പോൾ കേട്ടത്. ആയിഷ ഒന്ന് നേരെ ഇരുന്ന് തന്റെ മകനെ, ഹരിയുടെ പെങ്ങൾ, അതും പ്രൊഫസർ പുകഴ്ത്തുന്നത് കേട്ട്, രോമം എഴുന്നേറ്റു നിന്നു…

 

ആയിഷ പതിയെ എഴുന്നേറ്റ് : അവനെ സോഫ്റ്റ്‌വെയർ എഞ്ചിനീയർ..

 

ഹൃദ്യ : സോഫ്റ്റ്‌വെയറോ, പ്രാന്തുണ്ടോ… അവനെ അവന്റെ വഴിക്കു വിടുക.. അവൻ കണ്ടെത്തും. അല്ല കണ്ടെത്തി കഴിഞ്ഞു..

 

ആയിഷ : മ്മ്മ്..

 

ഹൃദ്യ : ദേ ഇരിക്കുന്നു, എന്റെ അനിയൻ,, പറഞ്ഞതാ നൂറു വട്ടം, ആർട്സ് എടുക്കാൻ, കേട്ടില്ല.. അപ്പോൾ അവന് എഞ്ചിനീയറിംഗ് തന്നെ വേണം. എന്നിട്ട്…

 

ആയിഷ ഹരിയെ നോക്കി, പിന്നെ പറഞ്ഞു : ഹരിക്ക് കഴിവ് ഉണ്ടല്ലോ.. നന്നായി വരക്കും..

 

ഹൃദ്യ : വരക്കും,, അത് ഞങ്ങൾക്കും അറിയാം, പക്ഷെ ഹരിയുടെ കഴിവ് വീടിന്റെ പ്ലാൻ വരക്കൽ മാത്രം അല്ല..

 

ഹൃദ്യ ഹരിയെ നോക്കി ദേഷ്യത്തോടെ.. ഹരി തല താഴ്ത്തി.

 

ഹൃദ്യ : ഞാൻ ഇപ്പോൾ എന്തിനാ വന്നേ എന്ന് വച്ചാൽ, ഞാൻ എന്റെ നമ്പർ അവനും, അവന്റെ നമ്പർ ഞാനും വാങ്ങുന്നുണ്ട്. ഇപ്പോഴത്തെ ഇവിടുത്തെ സിറ്റുവേഷൻ ഒന്നും തലയിൽ കയറാതോണ്ട് ആയിഷയോട് ഒന്ന് പറയാം വച്ചു..

 

ആയിഷ : ഓകെ ഓകെ, നോ പ്രോബ്ലം..

 

ഹൃദ്യ തിരിച്ചു ഫൈസിയുടെ അടുത്തേക്ക് പോയി..

 

മുകളിലെ നിലയിൽ നിന്നും മാലിനിയുടെ ശബ്ദം കേട്ടു : അതേ, ഒന്ന് ഇങ്ങു വന്ന് ഇത് നോക്കിക്കേ..

 

അച്ഛൻ ഹരിയെ നോക്കി : ഞാൻ പോയി വരാം, ചെന്നില്ലേൽ അലാറം നിക്കാൻ പോണില്ല…

 

 

കിട്ടിയ തക്കത്തിനു ഹരി ആയിഷയോട് പറഞ്ഞു : മാം പേടിക്കണ്ട, ഇവർ നാളത്തോടെ സ്ഥലം വിടും.. ഞാനും ശല്യമായി ഉണ്ടാവില്ല.. പറ്റുകയാണേൽ എന്നെ ഒന്ന് ഡ്രോപ്പ് ചെയ്യണം എന്റെ വീട്ടിൽ.

 

ആയിഷ : നിന്റെ കാൽ ശരിയാവുന്ന വരെ, നീയെവിടേം പോവാൻ പോണില്ല.ഞാൻ വാക്ക് കൊടുത്തത് നീ കേട്ടതല്ലേ..

 

ഹരി പിന്നെ ഒന്നും മിണ്ടിയില്ല..

 

ആ ദിവസം ആകെ ബഹളം ആയിരുന്നു ആയിഷയുടെ വീട്ടിൽ. ഹൃദ്യ ഫൈസിയുമായി കമ്പനി ആയി എങ്കിൽ, ഹിമ ആയിഷയുമായി കമ്പനി ആയി. ഹിമക്ക് ആയിഷയുടെ വീടിന്റെ പ്ലാൻ അത്രക്കും ഇഷ്ടപ്പെട്ടു. ഡിസൈൺ ചെയ്തത് ആയിഷ ആണ് എന്ന് അറിഞ്ഞതോടെ ആയിഷയുടെ പിന്നാലെ ആയി. ഹിമയും വിനയനും ഫ്ലാറ്റ് ലൈഫ് വിട്ട്, വീടുകളിലേക്ക് കണ്ണ് വച്ച് തുടങ്ങി കുറച്ചായിരുന്നു.

 

മാലിനിയും നഫിസയും കൂട്ട് ആയെങ്കിൽ, ഹരിയും അച്ഛൻ സുദേവനും, കുട്ടിക്കാലം മുതൽ ഉള്ള പ്രശ്നങ്ങൾ പറഞ്ഞു തീർക്കുകയായിരുന്നു.

 

വൈകീട്ട് ഓഫീസ് ടൈം കഴിഞ്ഞതും, വീണ പറഞ് അറിഞ്, മുഴുവൻ ഓഫീസും അവിടെ എത്തി. പക്ഷെ ഹരി തന്റെ തിരിച്ചു പോക്കിന്റെ കാര്യം ആരോടും പറയാതെ മനസ്സിൽ തന്നെ വച്ചു.

 

പിറ്റേന്ന് ഹരിയുടെ ഫാമിലി, മനസ്സില്ല മനസ്സോടെ ആണെങ്കിലും നാട്ടിലേക്ക് തിരിച്ചു. ഹിമ ആയിഷയോട് എപ്പോൾ വേണമെങ്കിലും തനിക്ക് ഇങ്ങോട്ട് വന്ന് അനിയനെ കാണാൻ ഉള്ള പെർമിഷനും ചോദിച്ചു വാങ്ങിയിരുന്നു.

 

……………………………………………………….

 

ഹരി വന്ന ശേഷം, ഫൈസിക്ക് വന്ന മാറ്റങ്ങൾ കണ്ട്, നഫിസക്കും ആയിഷക്കും ശരിക്കും അത്ഭുദം തോന്നി.

 

റൂമിൽ തന്നെ മിക്ക സമയവും അടച്ചിരുന്ന്, തന്റെ ലോകത്ത് സമയം കളഞ്ഞിരുന്ന ഫൈസി, ചിരിച്ചു കളിച്ചു കൊണ്ട്, ഹരിയോടൊപ്പം, വീൽ ചെയറിൽ അങ്ങോട്ടും ഇങ്ങോട്ടും പായുമ്പോൾ, ഇതെല്ലാം കണ്ട് സന്തോഷത്തോടെ കണ്ണ് തുടച്ചു നഫിസ.

 

ദിവസങ്ങൾ അതി വേഗം കടന്നു പോയി കൊണ്ടിരുന്നു. ഹരിയെ കാണാൻ, തനിച്ചു കാണാൻ, സംസാരിക്കാൻ, ഹരിയോടൊപ്പം സമയം പങ്കിടാൻ, ആയിഷയുടെ മനസ്സ് വേംബി എങ്കിലും, തന്റെ വീടും, ഫൈസിയും, ഉമ്മയും എല്ലാം ആ മനസ്സിന് വിലങ്ങു തടി ആയി നിന്നും.