അച്ചായത്തി ഫ്രം ബാംഗ്ലൂർ 6

Achayathi From Banglore Part 6 | Author : Adheera

[ Previous Part ] [ www.kambi.pw ]

---

 

” സ്റ്റെല്ല.. നിനക്ക് മരണത്തെ ഭയമുണ്ടോ..?? ”

” നീ കൂടെ ഉള്ളപ്പോൾ ഞാൻ ഒന്നിനെയും ഭയക്കാറില്ല ശിവ..!! നിന്റെ കൈകൾ എന്റെ ശരീരത്തിൽ തൊടുമ്പോൾ നമുക്ക് മാത്രമായുള്ള ഒരു മായാ ലോകം സൃഷ്ടിക്കപ്പെട്ട് ഞാൻ അവിടെ അടിമപ്പെട്ട് പോകുന്നു ”

” എന്റെ ജീവിതം എല്ലാം കൊണ്ടും ഒരു നരകമാണ് ചോരയുടെ മണവും കടുത്ത നിർവികാരതയും നിറഞ്ഞ മരണത്തിന്റെ അകമ്പടി ഉള്ള കറുത്ത ലോകം.. നീ.. നീ എനിക്ക് വെളിച്ചമുള്ള പ്രപഞ്ചം പോലെ ആണ് പക്ഷേ നിനക്ക് ഞാനൊരു കണ്ണീരായിരിക്കും.. !! ”

” അപ്രകാരം എങ്കിൽ എന്റെ ജീവിതവും നരകം തന്നെ ആണ്. നിനക്ക് വേണ്ടി എത്ര വേദനയും സഹിച്ചവൾ അല്ലെടാ ഞാൻ..!! ഇനി നിന്റെ ഇഷ്ടം എനിക്ക് കണ്ണീർ ആണെങ്കിൽ അങ്ങനെ..!! എത്ര ആയാലും എന്റെ ഉള്ളിൽ ഞാൻ നിന്നെ ഒരുപാട് സ്നേഹിക്കുന്നു. എത്ര വർഷങ്ങളായാലും, എപ്പോഴും നിന്നെ ഓർക്കും.. ഈ ഇരുട്ടിൽ നിന്നെ ഒറ്റക്ക് വിട്ടുപോകാൻ എനിക്ക് കഴിയില്ല ശിവാ…”

“എനിക്കൊരു സാധാരണ ജീവിതം ഉണ്ടോ എന്നറിയില്ല പെണ്ണെ എന്തായാലും, മരണം വരെ നീ എന്റേത് ആണ്.. നിന്നെ വിട്ടുപോകാൻ എനിക്ക് കഴിയില്ല….!! ”

അടഞ്ഞു കിടക്കുന്ന ബംഗ്ലാവിന്‍റെ വാതിലുകൾ തള്ളി തുറന്നു രണ്ടാം നിലയിലേക്ക് ഭഗത് ഓടിക്കയറി..
നേരെ ശിവയുടെ റൂമിലെക്ക് പോയി നോക്കിയെങ്കിലും ശിവ ഉണ്ടായിരുന്നില്ല..

അതേ വേഗത്തിൽ താഴെക്കിറങ്ങി വന്ന ശേഷം അപാർറ്റ്മെന്റും പരിസരവും ഒന്നു കൂടി നോക്കി ഉറപ്പ് വരുത്തിയ ശേഷം ശിവയുടെ നമ്പറിലേക്ക് കോൾ ചെയ്തു എങ്കിലും നമ്പർ കിട്ടുന്നുണ്ടായിരുന്നില്ല..

ഭഗത്ത് വീണ്ടും അകത്തേക്ക് കയറിയതും സ്വാമി അവിടെ ഉണ്ടായിരുന്നു.
” സ്വാമി ചേട്ടൻ എവിടെയാണ്..??”

” അറിയില്ലല്ലോ ഭഗത്ത്..!! എന്താ വിളിച്ചു നോക്കിയില്ലേ ? ”

” ആ വിളിച്ചിരുന്നു ഫോൺ കിട്ടുന്നില്ല..!! എവിടെയാണ് എന്താണ് എന്ന് എന്തെങ്കിലും അറിവുണ്ടോ ”
അവൻ ആകെ ടെൻഷനിൽ ആയിരുന്നു.

” എന്താ എന്തെങ്കിലും പ്രശ്നമുണ്ടോ ??”
ഭഗത്തിന്റെ പെരുമാറ്റത്തിൽ സ്വാമികൾ എന്തോ പന്തികേട് തോന്നി.

” പ്രശ്നം ഉണ്ട് സ്വാമി..!! എത്രയും പെട്ടെന്ന് ചേട്ടനെ കാണണം മെലാക്കയിൽ കാര്യങ്ങൾ വഷളായി കൊണ്ടിരിക്കുകയാണ് ”

” എന്ത് പറ്റി..?? ”

” സാം ബ്രദർസ് ലാൻഡ്‌ ചെയ്തിട്ടിട്ടുണ്ട്..!! ഇപ്പോൾ അവർ ജോർജ് ടൗണിൽ ഉണ്ട് കുറഞ്ഞ സമയത്തിനുള്ളിൽ അവർ മെലാക്കയിൽ എത്തും ”
ഭഗത്ത് പറഞ്ഞു അവസാനിപ്പിച്ചതും സ്വാമി പിടക്കുന്ന നെഞ്ചോടെ ഒരു ദീർഘ നിശ്വാസം എടുത്ത് വിട്ടു.
‘ എന്തിനെ ആണോ ഇത്രയും നാൾ ഭയന്നത് അത് തന്നെ സംഭവിച്ചു കൊണ്ടിരിക്കുന്നു ‘

” ശിവ അറിഞ്ഞോ..?? ”

” ഇല്ല അറിയിക്കണം..!! ”

അവർ രണ്ടുപേരും സംസാരിച്ചു കൊണ്ടിരിക്കുമ്പോൾ തന്നെ വീടിൻറെ മുറ്റത്തേക്ക് ഒരു ഫോർഡ് എൻഡവർ പതിയെ കയറി വന്നു..

വാഹനത്തിന്റെ ഡോർ തുറന്ന് ശിവ പുറത്തേക്ക് ഇറങ്ങിയതും ഭഗത്ത് വേഗം അടുത്തേക്ക് ചെന്നു.

” ചേട്ടാ ഫോണിൽ വിളിച്ചിട്ട് എടുത്തില്ലാല്ലോ
എന്ത് പറ്റി..?? ”
” കുറച്ചു തിരക്കായിരുന്നു ഭഗത്.. സോ ഫോൺ നോക്കാൻ പറ്റിയില്ല. എന്തുപറ്റി..? ” അതും പറഞ്ഞ് ശിവ രണ്ടാം നിലയിലേക്ക് നടന്നു.
ഭഗത്ത് അവൻറെ കൂടെ തന്നെ ഫോളോ ചെയ്തു വരികയും ചെയ്തു..

” ചേട്ടാ ചെറിയ പ്രശ്നമുണ്ട്…”

” എന്താണ്..?? ”
റൂമിലേക്ക് എത്തി തന്റെ കോട്ട് അഴിച്ചു ഇടുന്നതിനിടയിൽ ശിവ അവനെ തിരിഞ്ഞുനോക്കി.

” അത്…!!! ”

” എന്താ ഭഗത്ത് ഇത്ര വലിയ പ്രശ്നം..?? ”

” സാം ബ്രദർസ് ലാൻഡ് ചെയ്തിട്ടുണ്ട്..!! ”
ഭഗത്ത് അത് പറഞ്ഞതും ശിവയുടെ നെഞ്ചിൽ കൂടി ഒരു മിന്നൽ കടന്ന് പോയി..!!

” എന്താ എന്താ പറഞ്ഞത് ??? ”
ശിവ പതിയെ തിരിഞ്ഞുനോക്കി.

” അതേ ചേട്ടാ നമ്മൾ പേടിച്ചതുപോലെ ആ ചെകുത്താന്മാർ എത്തിയിട്ടുണ്ട് മലേഷ്യയിൽ ലോക്കൽ മാഫിയ അവരുടെ പീക്ക് ലെവലിൽ സ്ട്രോങ്ങ്‌ ആയി നിൽക്കുകയാണ്…!! എന്താണ് ചെയ്യേണ്ടത് എന്ന് എനിക്കറിയില്ല ”
അവരുടെ പേരുകൾ കേട്ടതും കുറച്ചു നേരത്തേക്ക് ശിവ ഒന്നും മിണ്ടിയില്ല.
അകാരണമായ എന്തോ ഒരു ഭയം തന്നെ തേടി വന്നതുപോലെ അവനു തോന്നി…
കാത്തിരുന്നത് പോലെ തനിക്കായി അവർ വന്നിട്ടുണ്ട്..!!!