ആരാധ്യ ടീച്ചർ

Aaradhya Teacher | Author : Nishinoya

---

🪻 എല്ലാ സുഹൃത്തുക്കൾക്കും എന്റെ ഹൃദയം നിറഞ്ഞ ഓണാശംസകൾ 🪻

ഇത്രയും കാലം എനിക്ക് സ്നേഹവും സപ്പോർട്ടും നൽകിയ എല്ലാർക്കുമായുള്ള എന്റെ ഓണാസമ്മാനമായി ഈ കഥ സമർപ്പിക്കുന്നു.

---

💞ആരാധ്യ ടീച്ചർ

 

 

 

“… ടാ നമ്മുടെ ഔട്ട്ഹൗസ് വെറുതെ കിടക്കയല്ലേ അത് നമുക്ക് വാടകയ്ക്ക് കൊടുത്താല്ലോ…” രാത്രി ഭക്ഷണം കഴിക്കുന്ന വേളയിൽ അമ്മ എന്നോട് തിരക്കി.

 

 

 

“…നമുക്ക് ആ വാടക കിട്ടിയിട്ടു വേണ്ട ജീവിക്കാൻ.പിന്നെ എന്തിനാ അത് വാടകയ്ക്ക് കൊടുക്കുന്നത് …” ഞാൻ കടുപ്പിച്ച് ചോദിച്ചു..

 

 

 

“…മോനെ അത് അല്ലടാ. അമ്മക്ക് ഒറ്റക്ക് ഈ വീടും ഔട്ട്ഹൗസും വൃത്തിയാക്കാൻ മേലാത്തോണ്ട് ആട…” അച്ഛൻ ഇടപെട്ടു.

 

 

 

“… എന്നാൽ ഒരു ജോലിക്കാരിയെ വയ്ക്കാം…”

 

 

 

“… ജോലിക്കാരെ വെച്ചാലും അവർ അത് നേരെ നോക്കിക്കോളണം എന്നില്ല. വാടകയ്ക്ക് കൊടുത്താൽ വരുന്നവർ അടുക്കും ചിട്ടയോടെ സ്വന്തം വീടുപോലെ അവർ നോക്കിക്കോളും…”

 

 

 

“…നിങ്ങൾ എന്താന്ന് വച്ചാൽ കാണിക്ക്…” അത്രയും പറഞ്ഞു കഴിപ്പ് മതിയാക്കി.

 

 

 

“… ടാ എൽവിനെ കഴിച്ചിട്ട് പോടാ…”

 

 

 

പുറകിൽ നിന്നും പപ്പയും മമ്മിയും വിളിച്ചോണ്ട് ഇരുന്നു ഞാൻ മൈൻഡ് ചെയ്യാതെ റൂമിലേക്ക് പോയി. കാബോർഡിൽ മമ്മി കാണാതെ ഒളുപ്പിച്ചുവച്ച സിഗരറ്റ് എടുത്ത് ബാൽക്കണിയിൽ ചെന്ന് ഔട്ട്ഹൗസ് നോക്കി കത്തിച്ചു വലിക്കാൻ തുടങ്ങി.

 

 

 

എന്റെ പേര് എൽവിൻ ഐസക്. പാലയ്ക്കൽ തറവാട്ടിലെ ഐസക്കിന്റെയും സാറയുടെയും ഏക സന്തതി. കല്യാണം കഴിഞ്ഞ് ഏറെ വർഷങ്ങളുടെ പ്രാർത്ഥനക്കും ചികിത്സാക്കും ഒടുവിൽ പിറന്ന പുത്രൻ. അത്കൊണ്ട് തന്നെ ലാളിച്ചാണ് പപ്പയും മമ്മിയും എന്നെ വളർത്തിയത്. അതിന്റെതായ സ്വഭാവ ഗുണങ്ങളും എനിക്കുണ്ട്. നാട്ടുകാർ തെണ്ടികൾ അതിനെ കാശിന്റെ കഴപ്പ് ആണെന്നും പറയും 😏.

കാശ് ഉള്ളവർ കഴപ്പ് കാണിക്കും ഇല്ലാത്തവർ ഇതുപോലെ വായിതളം വിട്ടോണ്ട് ഇരിക്കും ഞാൻ അതൊന്നും ശ്രെദ്ധിക്കൻ പോവാറില്ല. ഇപ്പൊ ഈ ഔട്ട്ഹൗസ് വാടകയ്ക്ക് കൊടുക്കുന്നത് എനിക്ക് ഒട്ടും ഇഷ്ട്ടല്ല. പ്രധാന കാരണം. മമ്മിയും പപ്പയും വീട്ടിൽ ഇല്ലാത്ത സമയത്ത് കൂട്ടുകാരുമൊത്ത് വെള്ളമടി സെറ്റപ്പ് അവിടെയാണ് നടത്താറുള്ളത്. അതിനാണ് ഇപ്പൊ മുടക്കം വരാൻ പോകുന്നെ.

 

 

നിങ്ങൾ ഇപ്പൊ വിചാരിക്കുന്നുണ്ടാവും പണിക്കൊന്നും പോവാതെ വീട്ടിൽ ചൊറിയും കുത്തി ഇരിക്കാണെന്ന്. എന്നാൽ അങ്ങനെ അല്ല ഞാൻ ഇപ്പൊ ഡിഗ്രി ഫൈനൽ ഇയർ ആണ്. +2 കഴിഞ്ഞ് നാട് ചുറ്റികാണണം എന്നൊരു മോഹം ഉദിച്ചപ്പോ 18 വയസ്സ് തികഞ്ഞപ്പോ തന്നെ ലൈസൻസും എടുത്ത് പപ്പയോടു അടിയുണ്ടാക്കി പുള്ളിയുടെ വിന്റജ് ബുള്ളറ്റും എടുത്ത് ഓൾ ഇന്ത്യ ലെവലിൽ ഒരു സോളോട്രിപ്പ് അങ്ങ് കാച്ചി. അങ്ങനെ 2 വർഷം പോയികിട്ടി. തിരിച്ചു എത്തിയപ്പോ എടുപ്പിടിന്നു പറഞ്ഞു കോളേജിൽ ചേർത്തു ഇപ്പൊ ഫൈനൽ ഇയർ.

 

 

 

“… എൽവിനെ എടാ എഴുനേൽക്കട കോളേജിൽ പോണ്ടെ നിനക്ക് …”

 

 

 

“…ആഹ് ഇപ്പൊ എഴുനേൽക്കാം മമ്മി ഒരു 10 മിനുട്ട് കൂടി…” പുതപ്പ് തലവഴി മൂടി ഞാൻ പറഞ്ഞു.

 

 

 

“…ഇത് നിന്റെ രണ്ടാമത്തെ 10 മിനുട്ട് ആണ്. മതി ഉറങ്ങിയത് എഴുന്നേറ്റെ അങ്ങോട്ട്…”മമ്മി എന്നെ കുത്തിപ്പൊക്കി കുളിക്കാൻ പറഞ്ഞു വിട്ടു.

 

 

 

തിരിച്ചു ഇറങ്ങി ഡ്രസ്സ്‌ മാറ്റി ബാഗും ബൈക്കിന്റെ ചാവിയും എടുത്ത് ഹാളിലേക്ക് ചെന്നു.

 

 

 

“…ടാ നീ കഴിക്കുന്നില്ലേ…”

 

 

 

“… ഇല്ല മമ്മി ലേറ്റ് ആവും…”

 

 

 

“… നിക്കട അവിടെ ഞാൻ പിന്നെ ഇതൊക്കെ ആർക്ക് വേണ്ടിയാ ഉണ്ടാക്കിയത്…”

 

 

 

കോളേജിൽ പോവാൻ ഇറങ്ങിയ എന്നെ മമ്മി ബലമായി പിടിച്ചിരുത്തി കാപ്പി വിളമ്പി.