ജയന്തിയുടെ നെറ്റിയില് വിയര്പ്പ് ചാലുകള് പടര്ന്നു. മേശപ്പുറത്ത് നിന്നും വെള്ളം എടുത്ത് അവര് കുടിച്ചു.
“ഹൌ ക്യാന് യൂ പ്രൂവ് ആള് ദീസ്?”
അവസാനം താഴ്ന്ന ശബ്ദത്തില് അവര് ചോദിച്ചു.
“പ്രൂഫ്…?”
അഫ്രീന് പുഞ്ചിരിയോടെ ചോദിച്ചു.
“അതൊക്കെ ഐ എഫ് ജെയുടെ കൈയ്യില് ഭദ്രമായി എത്തി മാഡം…ഇന്റെര് നാഷണല് ഫെഡറേഷന് ഓഫ് ജേണലിസ്റ്റസ് എന്ന വേള്ഡ് സംഘടനയുടെ ഇന്ത്യന് ചാപ്പ്റ്ററിന്റെ വൈസ് പ്രസിഡന്റ്റ് അല്ലെ മാഡം? ഇന്റെര്നാഷണല് കോര്ട്ട് ഓഫ് ജസ്റ്റീസിന് അതിന്റെ എല്ലാ പകര്പ്പുകളും കൈമാറിയിട്ടുണ്ട്. ഇന്നലെത്തന്നെ ഇന്ത്യന് സുപ്രീം കോര്ട്ട് ജഡ്ജ് പ്രശാന്ത് യാദവിന് നിങ്ങളെ അറസ്റ്റ് ചെയ്യാനുള്ള ഉത്തരവ് ഐ സി ജെ അയച്ചിട്ടുണ്ട്…മാഡം അല്പ്പം കൂടി വെയിറ്റ് ചെയ്താല് മതി ജസ്റ്റീസ് പ്രശാന്ത് യാദവ് ഒപ്പിട്ട അറസ്റ്റ് വാറണ്ടുമായി ഡല്ഹി പോലീസിപ്പോള് തന്നെ ഇങ്ങെത്തും….”
ജയന്തിയുടെ മുഖം ഭീഷണമായി.
“ഒന്ന് ചോദിച്ചോട്ടെ?”
അഫ്രീന് ജയന്തിയെ നോക്കി.
“കാമുകന് അമാല് ഗര്ഫാന് ഇപ്പോള് എവിടെയാണ് എന്നറിയാമോ? എന്റെ കൂടെപ്പിറപ്പ് ഇര്ഷാദിനെ കൊല്ലിക്കാന് നിങ്ങള് തെരഞ്ഞെടുത്ത ലെബനോണ് എംബസ്സിയിലെ ഡി എച്ച് എം അമാല് ഗര്ഫാന്?”
ജയന്തി മുഖം കുനിച്ചു.
“ഇസ്രായേലി ബോംബിങ്ങില് കൊല്ലപ്പെട്ടു…”
ജയന്തി പതിയെ പറഞ്ഞു.
അവരുടെ കവിളുകളില് കണ്ണുനീര് ചാലുകള് ഒഴുകിയിറങ്ങുന്നത് അഫ്രീന് കണ്ടു.
“റോയുടെ ഫീല്ഡ് എജന്റ്റ്മാരില് ഒരു സോഫിയ ഉണ്ട്…കേട്ടിട്ടുണ്ടോ അവരെപ്പറ്റി?”
അഫ്രീന് ചോദിച്ചു.
“സോഫിയ ജേക്കബ്?”
ജയന്തി ചോദിച്ചു.
“അതെ…”
അഫ്രീന് പറഞ്ഞു.
“സോഫിയ ജേക്കബ്..തിരുവല്ലാക്കാരി അച്ചായത്തി… ആമസോണ് കാട്ടില്പ്പോയി കാട്ടാനയുടെ വാലോ അങ്ങ് കേരളത്തില് വയനാടന് കാടുകളില് നിന്ന് പുലിനഖമോ കൊണ്ടുവരാമോ എന്ന് ചോദിച്ചാല് സാക്ഷാല് കാട്ടാനയേയും പുലിയെയും ചുമന്ന് കൊണ്ട് വരും അവള്….”
അഫ്രീന് പറയുന്നത് മനസ്സിലായിട്ടില്ല എന്ന അര്ത്ഥത്തില് ജയന്തി അവളെ നോക്കി.
“കൊല്ലം ഒന്നായി അവള് അമാല് ഗര്ഫാനെ ട്രാക്ക് ചെയ്യുന്നു…”
അഫ്രീന് തുടര്ന്നു.
“നിങ്ങടെ ഹാര്വാഡ് കാമുകന്റെ ട്രാക്ക് റെക്കോഡ് നല്ല കേമമാണ്…ബോക്കോ ഹറാമിന്റെ ആയുധ സപ്ലൈയര്, ഐ എസ്സിന് സ്ട്രാറ്റജിക്ക് വിവരങ്ങള് കൈമാറുന്നവന്… പാക്കിസ്ഥാന് ഐ എസ് ഐക്ക് മിസ്സൈല് ഡെവലപ്പ് ചെയ്യാന് സയന്റ്റിസ്റ്റുകളെ എത്തിച്ചു കൊടുത്തവന്…”
ജയന്തിയുടെ കണ്ണുകള് മിഴിഞ്ഞു.
“എന്റെ ക്ലാസ് മേറ്റ് ആണ് സോഫിയ….”
അഫ്രീന് തുടര്ന്നു.
“സെന്റ്റ് തെരേസാസില്…അവളെ ചെന്നു കണ്ടു. വിവരം പറഞ്ഞു. അവളുടെ മുമ്പിലെത്തിച്ചു കൊടുത്തു….”
ജയന്തിയുടെ കണ്ണുകള് അവളുടെ നേരെ ക്രൌര്യം പൂണ്ട് വിടര്ന്നു.
“സോഫിയ ഷൂട്ട് ചെയ്യുന്നതിന് മുമ്പ് കാരണം പറയുന്ന കൂട്ടത്തില് ഇര്ഷാദിന്റെ കാര്യം പറഞ്ഞു നിങ്ങടെ കാമുകനോട്….ഒറ്റ വെടി. നെറ്റിക്ക്…കാമുകന് ഡിം!!”
ജയന്തി തളര്ന്ന് ചെയറില് അമര്ന്നു.
“നിന്റെ മാനേജിങ്ങ് ഡയറക്ക്റ്റര് ജയന്തി ഡാഷ് മോളെ എപ്പഴാ തട്ടേണ്ടേ എന്നാ പിന്നെ സോഫിയ എന്നോട് ചോദിച്ചേ…”
അഫ്രീന് തുടര്ന്നു.
“ഞാന് പറഞ്ഞു, അവള്ക്ക് വേണ്ടത് ഇന്റെര്നാഷണല് വെടിയാണ്…അതിനുള്ളതൊക്കെ ഞാന് ചെയ്തിട്ടുണ്ട്…ദാ എത്തിയല്ലോ…”
അത് പറഞ്ഞ് അഫ്രീന് വാതില്ക്കലേക്ക് നോക്കി.
അപ്പോള് പുറത്ത്,കാല്പ്പെരുമാറ്റങ്ങള് കേട്ടു. തുടര്ന്ന് കതകില് മുട്ടും.
“ഓപ്പണ് ദ ഡോര് ആന്ഡ് റിസീവ് യുവര് ഗസ്റ്റസ്…”
അഫ്രീന് മന്ത്രിച്ചു.
ജയന്തി തളര്ന്നിരുന്നതല്ലാതെ പ്രതികരിച്ചില്ല.
കതകിലെ ശബ്ദം തുടര്ന്നപ്പോള് അത് തുറക്കാന് അഫ്രീന് മുമ്പോട്ട് നീങ്ങി.
അതിന് മുമ്പ് തന്നെ പുറത്തുള്ളവര് കതക് തള്ളിത്തുറന്ന് അകത്തേക്ക് കയറി.
യൂണിഫോമില് പോലീസ് ഉദ്യോഗസ്ഥര്.
അവര് ജയന്തിയെ സമീപിച്ചു.
വ്ഔ….
ഞാൻ ആദ്യമായാണ് ഈ സൈറ്റിൽ ഒരു കുറിപ്പ് എഴുതുന്നത്.
നിങ്ങൾ ആരായാലും വേണ്ടില്ല…
മനോഹരമായി എഴുതുന്നു.
ഇതൊരിക്കലും ഇങ്ങനെ രഹസ്യമായി വായിക്കപ്പെടേണ്ട ഒരു കഥയല്ല…
ഇത് തുടരുകയും കൂടുതലായി ലോകം വായിക്കപ്പെടുകയും വേണം.
അഭിനന്ദനങ്ങൾ… ❤️