വലിയ ശക്തിയിലല്ലെങ്കിലും, കൃത്യമായ സ്ഥലത്താണ് അത് കൊണ്ടത്. അവൻ ഒന്ന് ഞെട്ടി പിന്നോട്ട് മാറി.
അവന്റെ കണ്ണുകളിൽ അവിശ്വസനീയത നിറഞ്ഞു. ഇത്രയും മെലിഞ്ഞ ഒരുത്തൻ തന്നെ തൊട്ടു എന്നത് അവന് സഹിക്കാൻ പറ്റിയില്ല.
ദേഷ്യം കൊണ്ട് അലറി അവൻ വീണ്ടും അടുത്തേക്ക് വന്നു. ഇത്തവണ അവൻ തുരുതുരാ ഇടിക്കാൻ തുടങ്ങി. അവന്റെ ഓരോ ഇടിയും വലിയ പാറക്കല്ലുകൾ വരുന്നത് പോലെയായിരുന്നു.
പക്ഷേ ഞാൻ ഒരു ചിത്രശലഭത്തെപ്പോലെ അവന് ചുറ്റും ഒഴുകി നടന്നു. അവന്റെ ഒരിടി പോലും എന്റെ ദേഹത്ത് കൊണ്ടില്ല. ഞാൻ വെറുതെ ഒഴിഞ്ഞുമാറുക മാത്രമായിരുന്നില്ല, അവന്റെ ഓരോ നീക്കവും പഠിക്കുകയായിരുന്നു.
അവന്റെ ശക്തി അപാരമാണ്, പക്ഷേ വേഗത കുറവാണ്. ടെക്നിക് തീരെയില്ല. വെറും കാടൻ തല്ല്.മൊത്തത്തിൽ ശക്തി മാത്രമുള്ള ഒരു മലമൈരനാണവൻ
ഇതുകണ്ട് നിന്ന സച്ചിനും രാഹുലും വാ പൊളിച്ചു പോയി.
അല്ലെങ്കിലും ഇതൊക്കെ എന്ത്… 😌
“എടാ… ഇവൻ ഇത്രയും ഫാസ്റ്റ് ആയിരുന്നോ…?” സച്ചിൻ അത്ഭുതത്തോടെ ചോദിക്കുന്നത് ഞാൻ കേട്ടു.
ഞാൻ ഇടയ്ക്കിടെ ആ രക്ഷസിയെ ഒന്ന് നോക്കി. അവൾ കൈകെട്ടി, തലയൊന്നു ചരിച്ച്, ചുണ്ടിൽ ഒരു ചെറിയ ചിരിയോടെ എന്നെത്തന്നെ നോക്കി നിൽക്കുകയാണ്.
ആ ചിരിയിൽ ഒരു കൗതുകമുണ്ടായിരുന്നു.
ഇനി കളിക്കാൻ സമയമില്ല.
അവൻ വീണ്ടും ഒരു വൈഡ് ഹുക്ക് എറിഞ്ഞു.
ഞാൻ അത് ബ്ലോക്ക് ചെയ്യുന്നതിന് പകരം, അവന്റെ കൈയ്യിന്റെ അടിയിലൂടെ ഊളിയിട്ട് അവന്റെ തീർത്തും തുറന്നുകിടന്ന മുഖത്തേക്ക് നോക്കി.
ഇതാണ് അവസരം.
എന്റെ വലതുകൈ ഒരു സ്പ്രിങ് പോലെ ഉയർന്നു പൊങ്ങി….
ഒരു ഉഗ്രൻ അപ്പർകട്ട്.
അവന്റെ താടിയിലായിരുന്നു അത് കൊണ്ടത്.
ആ ഇടിയുടെ ആഘാതത്തിൽ അവന്റെ തല പുറകിലേക്ക് തെറിച്ചു. പല്ലുകൾ കൂട്ടിയിടിക്കുന്ന ശബ്ദം എനിക്ക് വ്യക്തമായി കേൾക്കാമായിരുന്നു.
അവൻ വേച്ചുപോയി. പക്ഷേ വീണില്ല.
മൈരന്റെ കരുത്ത് സമ്മതിച്ചേ പറ്റൂ.
അവൻ കണ്ണ് മിഴിച്ച് എന്നെ നോക്കിയതും, ഞാൻ അവന് ചിന്തിക്കാൻപോലും സമയം കൊടുക്കാതെ അടുത്ത കോംബോ സ്ട്രൈക്ക്…
ലെഫ്റ്റ് ജാബ്… റൈറ്റ് ക്രോസ്സ്…
എന്റെ കൈകൾ മിന്നൽ വേഗത്തിൽ ചലിച്ചു. അവന്റെ മുഖത്ത് തുരുതുരാ ഇടികൾ വീണു. ഓരോ ഇടിയും കൃത്യതയാർന്നതായിരുന്നു.
അവസാനമായി, ഞാൻ എന്റെ സർവ്വശക്തിയും സംഭരിച്ച്, വായുവിലൊന്ന് ചാടി അവന്റെ നെറ്റിയിലേക്ക് ഒരു റൈറ്റ് ഹുക്ക്…
ആ അടിയിൽ അവന്റെ സകല കണ്ട്രോളും പോയി.
ഒരു വലിയ മരം വെട്ടിയിട്ടതുപോലെ അവൻ മലർന്നു അടിച്ചു തറയിലേക്ക് വീണു. റിങ്ങ് മുഴുവൻ ഒന്ന് കുലുങ്ങി.
ഹാളിൽ പിൻ ഡ്രോപ്പ് സൈലൻസ്.
അവൻ എഴുന്നേൽക്കാൻ ശ്രമിച്ചെങ്കിലും തലകറങ്ങി വീണ്ടും കിടന്നുപോയി.
ഞാൻ കിതപ്പ് പോലുമില്ലാതെ, ഗ്ലൗസ് രണ്ടും കൂട്ടിയിടിച്ച് റിങ്ങിന്റെ നടുവിൽ നിന്നു. വിയർപ്പിൽ കുളിച്ചു നിൽക്കുന്ന എന്റെ ശരീരം തിളങ്ങുന്നുണ്ടായിരുന്നു.
ഞാൻ തലയുയർത്തി നോക്കി.
നിധിയുടെയും ആമിയുടെയും കണ്ണുകളിൽ വല്ലാത്തൊരു തിളക്കം. അവർ എന്നെ നോക്കുന്നത് ഒരു ആരാധനയോടെയായിരുന്നു. എന്റെ പെണ്ണുങ്ങൾക്ക് അവരുടെ നായകനെ തിരിച്ചുകിട്ടിയ സന്തോഷം.
പിന്നെ ഞാൻ നോക്കിയത് ആ ആദ്യം കണ്ട സുന്ദരിയേയും പിന്നെയാ രാക്ഷസിയെയുമാണ്..
സുന്ദരിയുടെ മുഖത്തേ ചിരി
ആകർഷനീയമായിരുന്നു
രാക്ഷയിയാണെങ്കിൽ ഇപ്പോൾ ചിരിക്കുന്നില്ല. പകരം, അവളുടെ കണ്ണുകളിൽ കത്തിയെരിയുന്ന ദേഷ്യം അതെന്നോടാണോ അതോ നിലത്ത് വീണുകിടക്കുന്നവനോടാണോ എന്ന് മാത്രം അറിഞ്ഞാൽ മതി…
“ഗുഡ്…”
അവൾ ആ ഒറ്റവാക്കിൽ എന്റെ ജയം ശൂന്യമാക്കി…
വല്ലാത്ത ജന്മം തന്നേ. ചിലപ്പോൾ അവളുടെ പവർ വച്ച് നോക്കുമ്പോൾ അവൾക്കിതൊരു വലിയ കാര്യമായി തോന്നിയില്ലായിരിക്കാം..
അപ്പോഴേക്കും ആ രാക്ഷസിയുടെ കണ്ണുകൾ ആമിയിലേക്ക് നീണ്ടു.