നൈറ്റ്‌ ഡ്യൂട്ടിയിലേ കളികൾ – 1

[ PB ]

നാട് വിട്ട് നിൽക്കുന്ന മൂന്ന് മലയാളികൾ അവിചാരിതമായി ഒരുമിച്ച് നൈറ്റ്‌ ഡ്യൂട്ടി ചെയ്യുന്നതും. വിജനമായ ഒരു ഹോസ്പിറ്റൽ റിസപ്ഷനിൽ, സ്വന്തം ജീവിതകഥകൾ പങ്കുവെച്ച് അവർ അടുക്കുന്നതും. ആ അടുപ്പം കൂടുതൽ സംഭവങ്ങളിലേക്ക് വഴി തെളിയിക്കുന്നതുമാണ് ഈ കഥ.

സംഭാഷണങ്ങളിലൂടെ കഥാപാത്രങ്ങളെ അടുത്തറിഞ്ഞ്, കാര്യങ്ങളിലേക്ക് കടക്കുന്ന രീതിയിലാണ് ഈ കഥ എഴുതിയിട്ടുള്ളത്.

ഈ കഥ തികച്ചും സാങ്കൽപ്പികം മാത്രമാണ്, കഥക്ക് ഒരു ജീവൻ നൽകാൻ വേണ്ടിയാണ് ഒരുപാട് ഡീറ്റെയിൽസ് എഴുതിയിട്ടുള്ളത്.

എഴുതി വരുമ്പോൾ കഥകൾക്ക് ഒരുപാട് മാറ്റങ്ങൾ സംഭവിക്കാറുണ്ട്. ഈ കഥ എഴുതിയ രീതിയും, കഥയിൽ നിന്ന് ഞാൻ ഒഴിവാക്കിയ ഭാഗങ്ങളും എല്ലാം ഉൾക്കൊള്ളിച്ച് ഒരു പാർട്ടായി അവസാനം ഇടുന്നതാണ്.

നൈറ്റ്‌ ഡ്യൂട്ടി.

സ്ഥലം. ഒരു വിദേശ രാജ്യത്തെ ഹോസ്പിറ്റൽ വിങ്ങിന്റെ റിസപ്ഷൻ.

വെള്ള വെളിച്ചം കൊണ്ട് നിറഞ്ഞ ആ റിസപ്ഷനിൽ ഇരുന്നാൽ പുറത്ത് പകലാണോ രാത്രിയാണോ എന്ന് തിരിച്ചറിയില്ല, കൂടാതെ എസിയുടെ തണുപ്പും. ഹോസ്പിറ്റലിന്റെ മെയിൻ ബിൽഡിങ്ങിൽ നിന്ന് കുറച്ച് മാറി നിൽക്കുന്നതിനാൽ അവിടെ ആകെ കൂടെ ഒരു വിജനതയാണ്.

അർച്ചന കമ്പ്യൂട്ടറിൽ എന്തൊക്കെയോ നോക്കി മുഴുകി ഇരിപ്പാണ്. ഇരുനിറത്തിൽ അധികം വണ്ണം ഇല്ലാത്ത അവൾ വലിയ സുന്ദരി അല്ലെങ്കിലും, അവളുടെ വേഷവിധാനങ്ങൾ എപ്പോഴും നല്ല വ്യക്തിത്വം ഉളവാക്കുന്നതായിരുന്നു. ഒരു നർത്തകിയെ പോലെയുള്ള അവളുടെ ആകാരവടിവ് അവൾക്ക് കൂടുതൽ തലയെടുപ്പ് നൽകി.

27ആം വയസ്സിൽ അവൾ ഹോസ്പിറ്റലിന്റെ അഡ്മിനിസ്ട്രേറ്റീവ് സെക്ഷനിൽ ഉയർന്ന പദവി വഹിച്ചിരുന്നു, അവളെ എല്ലാവരും വളരെ ബഹുമാനത്തോടെയും, കുറച്ച് പേടിയോടും കൂടിയാണ് കണ്ടിരുന്നത്. കാരണം അവൾ നല്ല കർക്കശക്കാരിയാണ്. ജോലിയോട് ഭയങ്കര ആത്മാർത്ഥതയും. ചിലപ്പോൾ

അതാവണം അവളെ ഈ ചെറുപ്രായത്തിൽ തന്നെ ഇത്ര വലിയ ഒരു പദവിയിൽ എത്തിച്ചത്.

റിസപ്ഷനിലേക്കുള്ള വാതിൽ തുറന്ന് ഫോണിൽ സമയം നോക്കിക്കൊണ്ട് ആദിൽ വേഗം നടന്നു, റിസപ്ഷനിൽ ഇരിക്കുന്ന അർച്ചനയെ കണ്ട് അവൻ ഒന്ന് ഞെട്ടി. ഞെട്ടൽ പുറത്ത് കാണിക്കാതെ അവൻ അവളെ നോക്കി ചിരിച്ചുകൊണ്ട് പറഞ്ഞു, ഗുഡ് ഈവനിംഗ് മേടം. അവൾ തലയുയർത്തി അവനെ നോക്കി പറഞ്ഞു ഗുഡ് ഈവനിംഗ്, ഹൗ ക്യാൻ ഐ ഹെൽപ്പ് യു?

ആദിൽ ഒന്ന് പരുങ്ങി.

നത്തിങ് മാമം, ഞാൻ ഡ്യൂട്ടിക്ക് വന്നതാ.

ഇവിടാണോ ഡ്യൂട്ടി? അർച്ചന സംശയത്തോടെ അവനോട് ചോദിച്ചു

അതേ മാഡം ഡ്യൂട്ടി ഇട്ടിരിക്കുന്നത് ഇവിടെയാ.

ഓക്കേ, എന്നാ പഞ്ച് ചെയ്തോ. അർച്ചന അവനോട് പറഞ്ഞു.

ആദിൽ തലയാട്ടിയിട്ട് പഞ്ചിങ് മെഷീൻന്റെ അടുത്തേക്ക് നടന്നുകൊണ്ട് മനസ്സിൽ ഓർത്തു, പഞ്ച് ചെയ്യാൻ ഇവളടെ ഔദാര്യം വേണോ.

24 വയസ്സുള്ള ആദിൽ, കണ്ടാൽ ഒരു ഒത്ത പുരുഷനായിരുന്നു. നല്ല ഉയരവും, മുഖത്തെ കട്ടി രോമങ്ങളും അവന് കൂടുതൽ പ്രായം തോന്നിപ്പിച്ചു.

അവൻ പഞ്ച് ചെയ്തിട്ട് നേരെ ചെഞ്ചിങ് റൂമിൽ പോയി ഡ്രസ്സ് മാറി ഡയഗ്നോസ്ട്ടിക് ഇമേജിങ് ലാബിലേക്ക് നടന്നു. അവിടെ ഒരു ടെക്‌നിഷൻ ആയിട്ടാണ് അവൻ ജോലി ചെയ്യുന്നത്.

ഒരു പത്ത് മിനിറ്റിന് ശേഷം അവൻ അവിടെ നിന്നും ഇറങ്ങി റിസപ്ഷനിലേക്ക് ചെന്നു.

അവൻ്റെ നെഞ്ചോളം ഉയരമുള്ള റിസപ്ഷന്റെ ഉള്ളിലേക്ക് എത്തി നോക്കിക്കൊണ്ട് ആദിൽ അർച്ചനയോട് ചോദിച്ചു.

റിസപ്ഷനില്ലേ കമ്പ്യൂട്ടർ യൂസ് ചെയ്യാൻ പറ്റുമോ മാഡം? അവിടുത്തെ സ്ക്രീൻ ചെറുതാ, കണ്ണിന് നല്ല സ്ട്രൈൻ അതിൽ വർക്ക്‌ ചെയ്യുമ്പോ.

ഈ

കമ്പ്യൂട്ടർ ഉപയോഗിച്ചോ, അർച്ചന അവളുടെ അപ്പുറത്ത് ഇരിക്കുന്ന കമ്പ്യൂട്ടറിൽ നോക്കി പറഞ്ഞു.

ആദിൽ റിസപ്ഷന് വലം വച്ച് അതിന്റെ എൻട്രൻസിൽ കൂടി അകത്ത് കയറി, അവിടെ ഒഴിഞ്ഞു കിടന്നിരുന്ന കാസ്റ്റർ വീൽ ചെയർ വലിച് നീക്കി ഇട്ടുകൊണ്ട് കമ്പ്യൂട്ടറിന്റെ മുമ്പിൽ ഇരുന്നു.

പേഷ്യന്റ് ഉണ്ടോ ഇന്ന്? അർച്ചന കമ്പ്യൂട്ടറിൽ നിന്ന് കണ്ണ് എടുക്കാതെ അവനോട് ചോദിച്ചു.