ആദിൽ ചമ്മി വിളറി.
ശോ അത്രേ ഒക്കെ ആത്മാർത്ഥത വേണോ? അവൻ ജാള്യത മറക്കാൻ ചോദിച്ചു.
അത് കൊണ്ടാ ഓര് അഡ്മിനിസ്ട്രേഷന്റെ തലപ്പത് ഇരിക്കണേ. ആമിന പറഞ്ഞു.
എന്റെ മുകളിലും വേറെ ആൾ ഉണ്ട് അഡ്മിനിസ്ട്രേഷനിൽ. അർച്ചന പറഞ്ഞു.
എന്നാലും ഇങ്ങളെ പോലെ ആത്മാർത്ഥ കാണില്ല, ആമിന പറഞ്ഞു.
എനിക്ക് ഈടെ ഡ്യൂട്ടി ഇനിം കിട്ടണേൽ എന്താ ചെയ്യാ? ആമിന ചോദിച്ചു.
ഇവിടെ ആദ്യമായിട്ടാ ഡ്യൂട്ടി കിട്ടുന്നെ?
ആദ്യായിട്ടാ. അവൾ പറഞ്ഞു.
എനിക്കും ആദ്യമായിട്ടാ. ആദിലും പറഞ്ഞു.
അർച്ചന രണ്ട് പേരെയും നോക്കി പറഞ്ഞു.
സാധാരണ മെയിനിൽ അല്ലേൽ ICU പോലെ തിരക്കുള്ളിടത്ത് അടുപ്പിച്ച് ഡ്യൂട്ടി എടുക്കുവാണെങ്കിൽ, അടുത്ത നൈറ് ഇവിടെയോ അല്ലേൽ തിരക്ക് ഇല്ലാത്ത എവിടേലും ഇടറാണ് പതിവ്. എനിക്ക് ജോലി പെന്റിങ് ഉണ്ടേലോ, രാവിലെ മീറ്റിംഗ്
ഉണ്ടെങ്കിലോ ഞാൻ ഇവിടെ ഡ്യൂട്ടി എടുക്കും.
ഇങ്ങൾക്ക് ഡ്യൂട്ടി വേണ്ടിയ സ്ഥലത്ത് കിട്ടുമോ? ആമിന ചോദിച്ചു.
ആദിൽ ആമിനയെ തുറിച്ച് നോക്കി. പക്ഷെ അവൾ അത് കണ്ടില്ല.
കിട്ടും, വേണ്ട സ്ഥലത്ത് പറഞ്ഞാൽ മതി അവര് ഡ്യൂട്ടി തരും. നിങ്ങൾക്ക് എവിടെയെങ്കിലും ഡ്യൂട്ടി വേണമെങ്കിൽ നേരത്തെ പറഞ്ഞാൽ മതി അവർ അറേഞ്ച് ചെയ്യും. അർച്ചന പറഞ്ഞു.
ശെരിക്കീം? ആമിന അത്ഭുതത്തോടെ ചോദിച്ചു.
നിങ്ങൾക്ക് എന്നല്ല ആർക്കും ചോദിക്കുന്നിടത്ത് ഡ്യൂട്ടി കൊടുക്കാനാണ് പറഞ്ഞിരിക്കുന്നത്. ഒരുപാട് പേർ ഒരു സ്ഥലത്ത് ഡ്യൂട്ടി ചോദിച്ചാൽ മാത്രം ലിസ്റ്റ് ഇട്ട് റോറ്റേഷൻ ചെയ്യും. അർച്ചന പറഞ്ഞു.
ഞാനിതൊന്നും അറിഞ്ഞില്ല, അനക്ക് അറിയാമായിരുന്നോ ആദിലെ? ആമിന ചോദിച്ചു.
ഞാനും ആദ്യമായിട്ട് കേൾക്കുവാ.
ഇത് ഇമ്പ്ലിമെന്റ് ചെയ്തപ്പോൾ തന്നെ എല്ലാവർക്കും മെയിൽ അയച്ചിട്ടുണ്ടായിരുന്നല്ലോ, അർച്ചന പറഞ്ഞു.
മെയിൽ ഒക്കെ ആര് നോക്കുന്നു, ആദിൽ പറഞ്ഞു.
അതുകൊണ്ടാ അറിയാതിരുന്നത്. ഇടയ്ക്കൊക്കെ നോക്കണം നിങ്ങൾക്ക് പ്രയോജനമുള്ള പല കാര്യങ്ങളും കാണും അതിൽ. അർച്ചന പറഞ്ഞു.
ഇവ്ടുത്തെ പണി കഴിഞ്ഞു വീട്ടിൽ ചെല്ലുമ്പോ അവ്ടെം പണിയാ, അയിന്റെ എടേൽ എവ്ടാ സമയം. ആമിന പറഞ്ഞു.
സിസ്റ്റർ ഇവിടെ ഒറ്റയ്ക്കാണോ താമസിക്കുന്നത് അതോ ഫാമിലിയും കൂടെയുണ്ടോ? ആദിൽ ചോദിച്ചു.
ഞാൻ ഹസ്ബന്റിന്റെ കൂടെയാ ഈടെ നിക്കേനെ അവൾ പറഞ്ഞു.
പുള്ളി എവിടെയാ വർക്ക് ചെയ്യുന്നേ? അവൻ ചോദിച്ചു.
ഓര് ഇടെ ഉള്ള ഒരു കമ്പനിയിൽ മാർക്കറ്റിങ്ങിലാ. അവൾ പറഞ്ഞു.
നമ്മുടെ ഹോസ്പിറ്റലിൽ മാർക്കറ്റിംഗ് ഒഴിവ് വല്ലതും ഉണ്ടോ അർച്ചന മാഡം? ആദിൽ അർച്ചനയോട് ചോദിച്ചു.
നമുക്ക് ഇവിടെ മാർക്കറ്റിംഗ് സെക്ഷൻ ഇല്ല,
വേറെ എന്തെങ്കിലും ഒഴിവുണ്ടോ എന്ന് ഞാൻ ചോദിച്ചിട്ട് പറയാം. അർച്ചന മറുപടി പറഞ്ഞു.
ഏയ് ഇങ്ങള് ചോദിക്കൊന്നും വേണ്ട, ഓര് ആ കമ്പനിയിൽ നിന്ന് മാറൂല, നല്ല ശബളോം ഇണ്ട്.
പുള്ളി ഇവിടെ വന്നാൽ, സിസ്റ്ററിന് വാചകമടിച്ച് കറങ്ങി നടക്കാൻ പറ്റില്ല അല്ലെ? ആദിൽ അവളെ കളിയാക്കി പറഞ്ഞു.
ആമിന ഒരു ചമ്മിയ ചിരി ചിരിച്ചത് അല്ലാതെ മറുപടി ഒന്നും പറഞ്ഞില്ല. ആദിലിന് അത് അത്ഭുതമായി തോന്നി.
അർച്ചന മേടം ഇവിടെ ഫാമിലിയായിട്ട് ആണോ താമസിക്കുന്നത്? ആദിൽ അർച്ചനയെ നോക്കി ചോദിച്ചു.
അല്ല, ഞാൻ ഒറ്റയ്ക്കാ താമസിക്കുന്നത്.
കല്യാണം കഴിഞ്ഞാ ഇങ്ങടെ? ആമിന തുടർ ചോദ്യങ്ങൾ ഏറ്റുപിടിച്ചു.
അതെ, ഹസ്ബൻഡ് നാട്ടിലാ, അവിടെ ബിസിനസ്സ് ഉണ്ട്. അർച്ചന അടുത്ത ചോദ്യങ്ങൾ പ്രതീക്ഷിച്ച് നേരത്തെ ഉത്തരം പറഞ്ഞു.
എന്ത് ബിസിനസ്സാ? ആമിന അടുത്ത ചോദ്യമിട്ടു.
ടൗണിൽ ഒരു ലോഡ്ജും, റെസ്റ്റോറന്റും
ഉണ്ട്, പിന്നെ കുറച്ച് കൃഷിയും, ഫാമും. അർച്ചന പറഞ്ഞു.
സ്വന്തം ഹോട്ടലും ലോഡ്ജുമാ? ആമിന ചോദിച്ചു.
അതെ. അർച്ചന പറഞ്ഞു.
കെട്ടിടോം ഇങ്ങടെയാ?
അതെ. അർച്ചന പറഞ്ഞു.
ആമിന പുരികം ഉയർത്തി അതിശയം പ്രകടിപ്പിച്ച് ആദിലിനെ നോക്കി ചിരിച്ചു.
കുട്ട്യോൾ ഉണ്ടോ? ആമിന വീണ്ടും അർച്ചനക്ക് നേരെ തിരിഞ്ഞ് ചോദിച്ചു.
ഇല്ല, അർച്ചന പറഞ്ഞു.