അവൾ അവസാനം പറഞ്ഞത് കേട്ട് അവൻ്റെ നെഞ്ച് ഒന്ന് കിടുങ്ങി. പക്ഷെ അവൻ ഞെട്ടൽ പുറത്ത് കാണിക്കാതെ ചിരിച്ച് കൊണ്ട് അവളോട് പറഞ്ഞു.
സോറി സിസ്റ്ററെ, ഇനി അങ്ങനെ ഉണ്ടാവില്ല സോറി.
ഇജ്ജ് എന്നേം പേര് വിളിച്ചോ, കുഴപ്പം ഒന്നുമില്ല. ആമിന പറഞ്ഞു.
അർച്ചന മാം, അല്ല അർച്ചന. ഞാൻ ഫേവർ പിടിച്ച് പറ്റാൻ ഒന്നും അല്ല അങ്ങനെ പറഞ്ഞേ കേട്ടോ, അങ്ങനൊന്നും വിചാരിക്കല്ലേ. ആദിൽ അവളെ നോക്കി വീണ്ടും പറഞ്ഞു.
എടാ എനിക്ക് അറിയാം നീ ഒന്നും വിചാരിച്ച് പറഞ്ഞതല്ല എന്ന്, പക്ഷേ ആരേലും എന്നെ സപ്പോർട്ട് ചെയ്യാൻ വരുമ്പോൾ എനിക്ക് ഇറിറ്റേഷനാ, അത് നിന്റെ കുഴപ്പം കൊണ്ടല്ല.
അവൻ തലയാട്ടിയതല്ലാതെ മറുപടിയൊന്നും പറഞ്ഞില്ല.
അവൾ ചെയർ അവന് നെരെ തിരിച്ച് ഇരുന്നുകൊണ്ട് പറഞ്ഞു.
ഞാൻ ഒരുപാട് ഫൈറ്റ് ചെയ്തിട്ടാ ഇവിടെ എത്തിയത്. സ്വന്തം കാര്യം നോക്കാൻ പഠിച്ചു. പഠിക്കേണ്ടി വന്നു. അന്നൊന്നും എനിക്ക് വേണ്ടി പറയാൻ ആരും ഇല്ലായിരുന്നു. ഇപ്പോൾ ഇവിടെ എത്തിക്കഴിഞ്ഞ് ആൾക്കാർ എനിക്ക് വേണ്ടി വാദിക്കുന്നത് കാണുമ്പോൾ എന്റെ മനസ്സിൽ ആദ്യം വരുന്നത് ദേഷ്യമാ.
നിങ്ങളൊക്കെ അന്ന് എവിടെയായിരുന്നു? എനിക്ക് ആവശ്യമുള്ളപ്പോൾ ആരും ഒന്നും പറഞ്ഞില്ലല്ലോ, അതുകൊണ്ട് ഇപ്പോഴും ഒന്നും പറയണ്ട, എന്നൊരു തോന്നൽ. മനസ്സിലായോ?
മനസ്സിലായി. അവൻ പറഞ്ഞു.
ആമിനയും അത് കേട്ട് ചിന്തയിൽ മുഴുകിപോയി.
ഞാൻ അത് നിന്റെ കുറ്റമായിട്ട് പറഞ്ഞതല്ല. ആണുങ്ങൾക്ക് എല്ലാം ഒരു സേവിയർ കോംപ്ലക്സ് ഉണ്ട്, അവർക്ക് ഇഷ്ടമുള്ളവരെ പ്രൊട്ടക്ട് ചെയ്യണം എന്നൊരു ഫീലിംഗ്. പക്ഷെ
ഞാനാരെയും അളക്കുന്നതും വിശ്വസിക്കുന്നതും അവരുടെ വാക്കിലൂടെ അല്ല പ്രവർത്തിയിലൂടെയാ. അർച്ചന പറഞ്ഞു.
ആമിനയ്ക്ക് അർച്ചന ഇഷ്ടത്തിൻ്റെ കാര്യം പറഞ്ഞപ്പോൾ ചെറിയ ചിരി പൊട്ടി, അവൾ അത് മറയ്ക്കാനായി തല തിരിച്ച് എന്തോ നോക്കുന്ന പോലെ അഭിനയിച്ചു.
എനിക്ക് മനസ്സിലായി. ഇനി അങ്ങനെ എന്തെങ്കിലും എൻ്റെ സംസാരത്തിൽ നിന്നോ, പ്രവർത്തിയിൽ നിന്നോ തോന്നുവാണേൽ. എന്നോട് അന്നേരം തന്നെ പറഞ്ഞേക്ക്, ഞാൻ ചിലപ്പോ ഒന്നും ആലോചിക്കാതെ ആയിരിക്കും എന്തെങ്കിലും ഒക്കെ പറയുന്നത്. അവൻ പറഞ്ഞു.
അത് ഞാൻ പറയും, ആരോടായാലും പറയും. നേരത്തെ അങ്ങനെ അല്ലായിരുന്നു, പക്ഷെ ഇപ്പൊ അങ്ങനെ ശീലമാക്കി എടുത്തു. അർച്ചന പറഞ്ഞു.
ഞാൻ ഒരു കാര്യം കൂടി പറഞ്ഞോട്ടെ? ആമിന സിസ്റ്റർ ഒന്നും വിചാരിക്കരുത്. ഇത് എന്റെ ഒരു അഭിപ്രായം മാത്രമാ.
ഈ പറ, എന്തിനാ മോഖവര ഒക്കെ? ആമിന പറഞ്ഞു.
അർച്ചനയോട് നമ്മൾ ഇത്രേം ഫ്രീ ആണെന്ന് ആരോടും പറയാതെ ഇരിക്കുന്നതാ നല്ലത്, അല്ലേൽ ഓരോ ആവശ്യവുമായി വരും. ആദിൽ പറഞ്ഞു.
ഏയ്, ഞാൻ പറയില്ല, ഇയ്യും പറയണ്ട. ഇത് നമ്മടെ മൂന്നാൾടേം സീക്രെട്. ആമിന കൈ നീട്ടി.
ആദിൽ കൈ വെക്കാൻ മടിച്ച് നിന്നു.
കയ്യ് വെക്കടാ, ആമിന ദേഷ്യം അഭിനയിച്ച്
പറഞ്ഞു.
അവൻ അവളുടെ കയ്യിൽ കൈ വെച്ചു. ആമിനയുടെ
കയ്യുടെ മൃദുലത അവന്റെ കയ്യിൽ തൊട്ടറിഞ്ഞപ്പോൾ
അവന് ഒരു നിമിഷം പുളകം തോന്നി.
നീയും വെയ്യ്, ആമിന അർച്ചനയെ നോക്കി പറഞ്ഞു.
അവൾ ചിരിച്ച് കൊണ്ട് അവന്റെ കയ്യുടെ മുകളിൽ കൈ വെച്ചു. അർച്ചനയുടെ കയ്യുടെ ചൂട് അടിച്ചപ്പോ അവന് മനസ്സിൽ എന്തൊക്കെയോ തോന്നി. രണ്ട് പെണ്ണുങ്ങളുടെ കയ്യുടെ ഇടയിൽ അവന്റെ കൈ ഇരുന്നപ്പോൾ വല്ലാത്ത ഒരു സുഖം.
ഇനി നമ്മൾ ഒരു ടീമാ. മനസ്സിലായോ? ആമിന പറഞ്ഞു.
മൂവരും ചിരിച്ചിട്ട് അവരവരുടെ കസേരയിലേക്ക് ചാരി ഇരുന്നു.
അല്ല, നമ്മൾ ഇവിടെ ഇരുന്ന് സംസാരിക്കുന്നത് ഒക്കെ ക്യാമെറയിൽ കാണുമോ? ആദിൽ ചോദിച്ചു.
ഇല്ല, ചിലപ്പോ തലയുടെ കുറച്ച് ഭാഗം കാണമായിരിക്കും, ഉറക്കെയാ സംസാരിക്കുന്നതെങ്കിൽ സൗണ്ടും കിട്ടുമെന്ന് തോന്നുന്നു.
നിക്ക്, ഞാൻ നോക്കാം. അർച്ചന പറഞ്ഞിട്ട് കമ്പ്യൂട്ടറിൽ ബ്രൗസർ തുറന്ന് കുറച്ച് അക്കങ്ങൾ ടൈപ്പ് ചെയ്തു. അപ്പോൾ ഒരു ലോഗിൻ പേജ് വന്നു അവൾ അവിടെ username പാസ്സ്‌വേർഡ്‌ കൊടുത്തിട്ട് ഹോസ്പിറ്റലിന്റെ ക്യാമറ ഫീഡിൽ കയറി, എന്നിട്ട് അവർ ഇരിക്കുന്ന ബിൽഡിങ്ങിലെ ക്യാമറകൾ കണ്ട് പിടിച്ചു.