അവന്റെ കൈ അവളുടെ കാലുകളെ സ്പർശിച്ചതും, അവൾ കിടക്കയിൽ മുഖം പൂഴ്ത്തി തന്നേ, തൊടണ്ട, എന്ന മട്ടിൽ കാല് മുകളിലേക്ക് വലിച്ചു……..
” അത് ഞാൻ അല്ല……. നിന്റെ ഹരിയല്ല “.. എന്ന് പറയണേ എന്ന് അവൾ മനസ്സ് ഉരുകി പ്രാർത്ഥിച്ചു കിടന്നിരുന്ന അവളെ, ആ മനസ്സിനെ തകർത്ത് തരിപ്പണം ആക്കിക്കൊണ്ട് അവൻ പറഞ്ഞു : രേവൂ…….. സോറി…. തെറ്റ് പറ്റിപ്പോയി…. ക്ഷമിക്കണം……
അവളുടെ അടങ്ങിയ കരച്ചിൽ, വീണ്ടും ഉയർന്നു തുടങ്ങി……
തന്റെ ഭാര്യ, തന്റെ രേവൂ, താൻ കാരണം ഹൃദയം നുറുങ്ങുന്ന വേദനയിൽ ഉറക്കെ ഉറക്കെ എങ്ങൽ അടിച്ചു കരയുന്നത് കേട്ട് അവന് സഹിക്കാൻ ആയില്ല…. അവന്റെ കണ്ണുകൾ നിറഞ്ഞൊഴുകി…………
അവൻ വീണ്ടും അവളെ തൊടാൻ ശ്രമിച്ചതും, അവൾ ചാടി എഴുന്നേറ്റ് ഇരുന്ന് കൊണ്ട് അലറി : തൊട്ട് പോവരുത് എന്നെ……
ചുവന്ന ചോര കണ്ണുകളുമായി അവനെ ഇല്ലാതാക്കുന്ന നോട്ടത്തിൽ അവൾ വിരൽ ചൂണ്ടി അലറി : തൊടരുത് നീ….. നീ ആരും അല്ല എന്റെ….തൊട്ട് പോകരുത് എന്നെ….
ഹരി ഞെട്ടി വിറച്ചു കൊണ്ട് കൈകൾ പിൻ വലിച്ചു……..
” രേവൂ… ” അവൻ വിളിക്കാൻ ശ്രമിച്ചപ്പോൾ, അവൾ അലറി വിളിച്ചു : ചേച്ചി…….. ചേച്ചി……………..
വാതിലിനു പുറത്ത് കാത്തിരുന്ന, സൈറ ഉടനടി അകത്തേക്ക് കയറി വന്നു…..
സൈറയെ നോക്കി രേവതി അലറി പറഞ്ഞു : ഇവനോട് ഇവിടുന്ന് പോവാൻ പറ ചേച്ചി……. എനിക്ക് കാണണ്ട ഇവനെ…. എന്റെ ആരും അല്ല ഇവൻ……
ഹൃദയം നുറുങ്ങുന്ന വാക്കുകൾ കേട്ട് അവന്റെ കണ്ണിൽ നിന്നും കുടു കൂടാ കണ്ണുനീർ ഒലിച്ചിറങ്ങി…
സൈറ അവന്റെ അടുത്ത് വന്ന് അവന്റെ തോളിൽ പിടിച്ചു വലിച്ചു കൊണ്ട് പറഞ്ഞു : ഹരി വാ………..
അവന് എഴുന്നേൽക്കാതിരിക്കാൻ ആയില്ല………….
സൈറയുടെ കൈപിടിയിൽ നിന്ന് കൊണ്ട്, ആ വാതിൽ കടക്കുന്നതിനു മുൻപ് അവൻ അവളെ ഒന്ന് തിരിഞ്ഞു നോക്കി………………….
റൂമിൽ നിന്നും പുറത്ത് ഇറങ്ങിയതും, അവന്റെ കാതിൽ തന്റെ പെണ്ണിന്റെ കരച്ചിൽ ശബ്ദം അവന്റെ കാതുകളിൽ തുളച്ചു കയറി…
ഹാളിൽ തന്നേ നോക്കി, ആദിയെയും പിടിച്ചു നിന്നിരുന്ന, ആയിയെ നോക്കാൻ ആവാതെ, തല കുമ്പിട്ട് കൊണ്ട്, അവൻ ആദിയെ എടുത്ത് തന്റെ വീട്ടിലേക്ക് നടന്നു………..
ആദി ഉണ്ടെങ്കിൽ കൂടെ, തന്റെ വീട് ശൂന്യമായി തോന്നി അവന്. ആദിയുടെ ശബ്ദങ്ങൾ പോലും അവനെ അവനു ഉണർവ് നൽകിയില്ല…..
സമയം എത്ര കഴിഞ്ഞെന്ന് അവന് പോലും അറിയില്ല, അവൻ നിറഞ്ഞൊഴുകുന്ന കണ്ണുമായി, മനസ്സിൽ രേവതിയോടുള്ള മാപ്പ് പറച്ചിലുമായി, ആദിയെ, ഒരു യന്ത്രം എന്ന പോലെ ചിരിക്കാൻ ശ്രമിച്ചു കളിപ്പിക്കാൻ ശ്രമിച്ചു.
അവന്റെ തോളിൽ കിടന്നുറങ്ങുന്ന ആദിയെയും കൊണ്ട്, ഹാളിൽ തേരാ പാര എന്ന് അന്തം വിട്ട് നടക്കുമ്പോൾ ആണ്, വാതിൽ തുറന്ന് കൊണ്ട് രേവതി അകത്തേക്ക് വരുന്നത്…
അവന്റെ മനസ്സിൽ തളിർത്ത പ്രതീക്ഷയുടെ പുൽ നാമ്പുകളെ ചവിട്ടി മെതിച്ചു കൊണ്ട്, അവനെ മൈൻഡ് പോലും ചെയ്യാതെ അവൾ തങ്ങളുടെ റൂമിലേക്ക് നടന്ന് പോയി…..
അൽപം അന്തിച്ചു നിന്ന, അവൻ അൽപ നേരത്തിനു ശേഷം റൂമിലേക്ക് നടന്നപ്പോൾ കണ്ടത്, തന്റെ വസ്ത്രങ്ങൾ എല്ലാം പെട്ടിയിൽ കുത്തി നിറക്കുന്ന തന്റെ ഭാര്യയെ ആണ്….
” രേ….. രേവതി…………. ഹരി വിറയുന്ന ശബ്ദത്തോടെ വിളിച്ചു എങ്കിലും, കേട്ട ഭാവം നടിച്ചില്ല അവൾ…
കയ്യിൽ കിട്ടിയത് എല്ലാം എടുത്ത് അവൾ അവനെ നോക്കുക പോലും ചെയ്യാതെ അവിടെ നിന്നും ഇറങ്ങി…
” ഹരീ…. അവൾക്ക് സമയം കൊടുക്ക് കുറച്ച്….”… സൈറയുടെ വാക്കുകൾ അവൻ മനസ്സിൽ ഓർത്തു….
അൽപ സമയത്തിന് ശേഷം അവൾ തിരികെ വന്നു… വന്ന് നിന്നത് അവന്റെ നേർ മുൻപിൽ ആയിരുന്നു.
അവന്റെ മുഖത്ത് നോക്കാതെ, കലങ്ങിയ കണ്ണുകളും വീർത്ത മുഖവുമായി നിന്ന് കൊണ്ട്, അവൾ കൈ രണ്ടു ഉയർത്തി, ആദിയെ അവനിൽ നിന്നും വലിച്ചു എടുത്ത്, അവൾ തിരിഞ്ഞു നടന്നു…..
ഉറക്കത്തിൽ നിന്നും ഉണർന്ന ആദിയുടെ കരച്ചിൽ അവന്റെ കാതുകളിൽ നിന്നും അകന്നു തുടങ്ങി………………………….
……………………………………………………………..
അടുത്ത ദിവസം ഉച്ചക്ക് രണ്ടു മണി കഴിഞ്ഞിരുന്നു………….