ജെറിൻ….. ഒരു മൈരൻ… താൻ ഒന്ന് തിരിഞ്ഞാൽ തന്റെ മൂട് നോക്കി വെള്ളം ഇറക്കുന്നവൻ…. ഓഫീസിൽ ബെറ്റി എന്ന പെണ്ണുമായി, അധികാരം ഉപയോഗിച്ച് അവളെ ഉപയോഗിക്കുന്നവൻ… അതേ അധികാരത്തിൽ ഹരിയെ ഉപയോഗിച്ച്, സെയിൽസ് കൂട്ടി, അടുത്ത പോസ്റ്റിലേക്ക് ഉയരാൻ അവനെ ഉപയോഗിക്കുന്നവൻ… അതായിരുന്നു അവൾക്ക് ജെറിൻ……….
പക്ഷെ, ഇന്ന്, ഈ നിമിഷം, ഹരിക്ക് വേണ്ടി സ്വന്തം അനിയൻ ആണെന്ന് പറഞ്ഞു കൊണ്ട്, അവന് വേണ്ടി രേവതിയുടെ കാല് പിടിക്കാൻ തയ്യാറായവൻ…………
സൈറയിൽ നിന്നും കാര്യങ്ങൾ ചോദിച്ചു കറക്റ്റ് ആയി മനസ്സിലാക്കിയ സുരഭി അവളോട് ചെറു ചിരിയോടെ പറഞ്ഞു : ഹരിക്ക് വേണ്ടിയല്ലേ… ഇതിൽ എന്നതാ ഇത്ര അത്ഭുതപെടാൻ ഉള്ളത്…. അവനെ അറിയുന്നവർക്ക് വേണ്ടപ്പെട്ടവൻ ആണ് അവൻ…
…………………………………………………………….
കിടക്കയിൽ തന്റെ അരികെ വന്നിരുന്ന, സൈറയെ ഒന്ന് നോക്കി രേവതി. അവളുടെ കണ്ണുകളിൽ ദേഷ്യത്തോടൊപ്പം അത്ഭുതവും സൈറ കണ്ടു. അവൾ പറഞ്ഞു : ഇതൊക്കെ എന്താ ചേച്ചി?… ഇങ്ങനെ ആണോ സെയിൽസ് കൂട്ടുക?… എന്ത് ബുദ്ധിമുട്ട് വന്നാലും ഇങ്ങനെ ആണോ ചെയ്യുക ?..
സൈറ ഒന്നും മിണ്ടിയില്ല. മിണ്ടാൻ കഴിയുമായിരുന്നില്ല……..
രേവതി പല്ല് കടിച്ചു കൊണ്ട് തുടർന്നു : ആ ഡോക്ടർക്ക് നാണം വേണ്ടേ… അവന് ഭാര്യയും കുട്ടിയും ഒക്കെ ഉണ്ടെന്ന ബോധം വേണ്ടേ..
രേവതി ദേഷ്യം കണ്ട് സൈറക്കും പേടി തോന്നി….
കണ്ണ് തുറിച്ചു കൊണ്ട് ദേഷ്യത്തോടെ സൈറയെ തല ചെരിച്ചു നോക്കി രേവതി ചീറി : അവൾക്ക് എങ്ങിനെ ധൈര്യം വന്നു, എന്റെ ഹരിയെ………. എനിക്ക് അവളെ കാണണം….
സൈറ മിഴിച്ചു കൊണ്ട് : ആരെ….
രേവതി ചീറി : ആ ഡോക്ടറെ….. എനിക്ക് ചോദിക്കണം എന്തിനാ എന്റെ ചെക്കനെ……..
സൈറ ഉടനെ പേടിയോടെ അവളുടെ അടുത്തേക്ക് നീങ്ങി ഇരുന്ന് അവളെ കൈ ഇട്ട് തന്നിലേക്ക് ചേർത്ത് പറഞ്ഞു : നോക്ക് രേവതി… അവളെ കണ്ട് പ്രശ്നം ഉണ്ടാക്കിയിട്ട് എന്താ കാര്യം….. ആളുകളെ അറിയിച്ചു അവളെ നാറ്റിക്കാൻ ആണോ?… എന്നാൽ നാറുക നിന്റെ ഹരി കൂടെ ആണ്.. അത് വേണോ?… നിന്റെ ഹരിയെ അങ്ങിനെ നാലാളുടെ മുന്നിൽ നാണം കെടുത്തണോ?…..
രേവതിക്ക് മറുപടി ഉണ്ടായില്ല അതിന്..
സൈറ തുടർന്നു : രേവതി, ഒരു കാര്യം എനിക്ക് പറയാൻ ഉണ്ട്, ജെറിൻ പറഞ്ഞ അതേ കാര്യം ആണ്…..
ഹരി,,, അവൻ ഇങ്ങനെ പോയാൽ, അവനെന്തെങ്കിലും പറ്റുമോ എന്ന് എനിക്ക് പേടിയുണ്ട് രേവതി… എനിക്ക് അറിയാവുന്ന ഹരി അല്ല ഇന്ന് അവിടെ ഉള്ളത്……..
നിന്നെ വേദനിപ്പിക്കണ്ട എന്ന് വച്ച്, ഈ ഞാൻ പോലും അങ്ങോട്ട് പോയിട്ടില്ല…. നിനക്ക് ഞാൻ ഉണ്ട്, ആയി ഉണ്ട്, ഇവിടെ സംസാരിക്കാൻ, പ്രശ്നങ്ങൾ പറയാൻ……. അവനു അവിടെ ആരും ഇല്ല…… അവൻ ഒറ്റക്കാണ്…… അവന്റെ കണ്ണ് കണ്ടാൽ അറിയാം, അവൻ ഉറങ്ങാറില്ല….. നീ ദൂരെ നിന്ന് കാണുന്നത് കൊണ്ടാവും നിനക്ക് തോന്നാത്തത് … അവനെ അടുത്ത് നിന്ന് കണ്ടാൽ……..
……………………………………………………………..
” അവൾ ആയിരിക്കില്ല, ഇനി ആണെങ്കിലോ, വേറെ ആരെയും അവന് കാണാനും തോന്നിയില്ല “… അവൻ പതിയെ ചെന്ന് വാതിൽ തുറന്നു….
ദിവസങ്ങൾക്കു ശേഷം, അവന്റെ മുഖം അല്പമെങ്കിലും വിടർന്ന നിമിഷം ആയിരുന്നു അത്…
തന്റെ കണ്മുന്നിൽ, തന്റെ പെണ്ണ്…. തന്റെ ജീവൻ…. തന്റെ മകനെയും, കയ്യിൽ എടുത്ത് കൊണ്ട്……..
രേവതിയുടെ കണ്ണുകൾ അവനെ അടി മുടി നോക്കി… അവന്റെ കോലം കണ്ട അവളുടെ നെഞ്ചിടിച്ചു… അവന്റെ മുഖം, ഒരു തെളിച്ചവും ഇല്ലാത്ത, കണ്ണുകളിൽ വെളിച്ചമില്ലാതെ അടഞ്ഞു പോകുന്ന പോലെ ഉള്ള മിഴികൾ… മൂന്ന് ദിവസമായി ഷേവ് ചെയ്യാത്തത് കൊണ്ട് വളർന്നു തുടങ്ങിയ കുറ്റി താടി…….
അവന്റെ കോലം അടുത്ത് നിന്ന് കണ്ട അവളുടെ നെഞ്ച് കലങ്ങി… തന്റെ ചെക്കൻ, തന്റെ ഹരി, തന്റെ ഭർത്താവ്, തന്റെ എല്ലാം… എല്ലാം…… അവൾ മുഖം വീർപ്പിച്ചു അവന്റെ മുഖത്തേക്ക് തന്നേ നോക്കി…
പക്ഷെ അത്ര പെട്ടെന്ന് ക്ഷമിക്കാൻ അവൾക്ക് ഒരുക്കാമായിരുന്നില്ല…രേവതി എന്ന ഭാര്യക്ക് കഴിയുമായിരുന്നില്ല….
രേവതി വേഗം ആദിയെ അവന്റെ കയ്യിലേക്ക് നീട്ടി…