ഹരിയിൽ നിന്നും ചിരിയും, സന്തോഷം നിറഞ്ഞ മുഖവും പ്രതീക്ഷിച്ച സൈറയുടെ കണക്ക് കൂട്ടൽ തെറ്റി.
അവന്റെ കണ്ണ് നിറയുന്നതാണ് അവൾ കണ്ടത്. അവൻ ഒന്നും മിണ്ടാതെ തിരിഞ്ഞു നടന്നു…
വൈകുന്നേരം ഏഴര കഴിഞ്ഞു കാണണം, ഹരിക്ക് വേണ്ടിയുള്ള കഞ്ഞിയും, ചമ്മന്തിയും, പപ്പടവും, പാക്ക് ചെയ്യുകയായിരുന്ന ആയിയുടെ അടുത്ത് ചെന്ന് സൈറ ഹിന്ദിയിൽ ചോദിച്ചു : ആയീ……. അപ്പോൾ, ഇതാണ് അല്ലെ അത്…….സ്നേഹം ……ലവ് ……. എന്നൊക്കെ പറയുന്നത്.
ചെറു പുഞ്ചിരിയോടെ ആയി പറഞ്ഞു : മ്മ്മ്മ്…. അതേ……
ആയി ഒന്ന് നിർത്തി, അവൾക്ക് നേരെ തിരിഞ്ഞു കൊണ്ട് പറഞ്ഞു : ആമീ…… ഞാൻ ഒരു കാര്യം പറഞ്ഞോട്ടെ?..
സൈറ സുരഭിയെ സംശയത്തോടെ നോക്കിയപ്പോൾ, ആയി തുടർന്നു : നീ ചെയ്തത് വലിയ മണ്ടത്തരം ആണ് . നീയെന്തിനാ അവളെ ഇങ്ങോട്ട് കൊണ്ട് വന്നത്?…
സൈറ കണ്ണ് തുറിച്ചു കൊണ്ട് : അത്… അവൾ … അവൾ വല്ല അവിവേഗവും ചെയ്തിരുന്നെങ്കിലോ?..
ആയി ചിരിച്ചു കൊണ്ട് : ആര് അവളോ……. അതിനുള്ള ധൈര്യം ഒന്നും അവൾക്കില്ല…. പിന്നെ ഞാൻ പറഞ്ഞത് , നീ അവളെ ഇങ്ങോട്ട് വിളിച്ചു കൊണ്ട് വന്നപ്പോൾ, അവർക്കിടയിൽ അകലം കൂട്ടുകയാണ് നീ ചെയ്തത്….
” അരെ യാർ…… ഷിറ്റ്…..ഞാൻ അത് ആലോചിച്ചില്ല, ആ സമയത്ത് “… സൈറ സ്ലാബിൽ അടിച്ചു പറഞ്ഞു.
ആയി സംശയത്തോടെ : അല്ല…. എന്താണ് സ്നേഹത്തെ കുറിച്ചൊക്കെ സംസാരം….. മ്മ്മ്മ്… എന്താണ്….
സൈറ ചെറു പുഞ്ചിരിയോടെ : ആാാ… സത്യം പറയാലോ……. ഇത്രയും വലിയ പ്രശ്നം ഉണ്ടായിട്ടും, പരസ്പരം മിണ്ടാതെയും, കാണാതെയും ഇരുന്നിട്ടും, ഇവരുടെ ഉള്ളിലെ സ്നേഹം കാണുമ്പോൾ…….. എന്തോ…..
ആയി ചിരിച്ചു കൊണ്ട് സൈറയെ നോക്കി…..
സൈറ : അല്ല, ആയിക്കെന്തോ അവനോട് സോഫ്റ്റ് കോർണർ… വേറെ ആരോടും ഞാൻ കണ്ടിട്ടില്ലല്ലോ ഇങ്ങനെ?…
സുരഭി സൈറയുടെ കണ്ണുകളിലേക്ക് നോക്കി : എന്റെ പാസ്ററ് നീ പറഞ് അറിഞ്ഞ ശേഷവും, അറപ്പോ വെറുപ്പോ ഇല്ലാതെ, എന്നെ വന്ന് കെട്ടിപിടിച്ചവൻ ആണ് അവൻ… ആര് ചെയ്യും അങ്ങിനെ………
ചെന്നൈയിൽ നിന്നും ഹരി തിരിച്ചു വന്നതിന്റെ, പിറ്റേ ദിവസം ആയിരുന്നു ആ സംഭവം. ഒന്നും പറയാതെ, സൈറയുടെ മുന്നിൽ വച്ച്, ഹരി സുരഭിയെ കെട്ടിപിടിച്ചു. വേറൊന്നും പറയാതെ, മിണ്ടാതെ, അവൻ സൈറയെ നോക്കി ” സോറി ” പറഞ്ഞു കൊണ്ട് തിരിച്ച് തന്റെ വീട്ടിലേക്ക് ഇറങ്ങി പോരുകയും ചെയ്തു അന്ന്..)
സൈറ പതിയെ മൂളി…..
ആയി ഒന്ന് നിർത്തി പറഞ്ഞു… അവന്റെ സ്ഥാനത്ത്, നീ ഇവിടെ കൊണ്ട് വന്ന രേവതി ആവട്ടെ, അവൾ ആണ് അറിഞ്ഞത് എങ്കിൽ, ആദിയെ തൊടാൻ പോലും സമ്മതിക്കില്ല എന്നെ… എനിക്ക് ഉറപ്പാണ്…..
സൈറക്ക് പറയാൻ വാക്കുകൾ ഉണ്ടായിരുന്നില്ല…..
അന്ന് രാത്രിയും, അക്ഷമ ആയി, സുരഭി വരുന്ന വരെ ടെൻഷൻ അടിച്ചിരിക്കുന്ന രേവതിയെ ഇടം കണ്ണിട്ട് നോക്കി ചുണ്ട് കൂട്ടി പിടിച്ചു കൊണ്ട്, മനസ്സിൽ ചിരിക്കുകയായിരുന്നു സൈറ….
” എന്താ ചേച്ചി…?”… രേവതി സംശയത്തോടെ ചോദിച്ചു.
സൈറ ചെറു ചിരിയോടെ അവളെ ചേർത്തു പിടിച്ചു പറഞ്ഞു : ഒന്നുല്ല എന്റെ പെണ്ണെ…..
ആയി കയറി വന്ന് തന്നേ നോക്കി ചിരിച്ചതും, അവൾക്ക് മനസ്സിലായി, ഹരി ഭക്ഷണം കഴിച്ചു എന്ന്…
പക്ഷെ അവളോട് സുരഭി പറയാത്ത ഒന്നുണ്ടായിരുന്നു, കഞ്ഞി കുടിക്കുന്ന ഹരിയുടെ കണ്ണിൽ നിന്നും ഒലിച്ചിറങ്ങിയ കണ്ണീർ എത്ര മാത്രം ആയിരുന്നു എന്നുള്ളത്……….
അവൾ ആശ്വാസത്തോടെ, സോഫയിലേക്ക് തന്നേ ഇരുന്നു……
സൈറ : അവൻ കഴിച്ചു എന്ന് ഉറപ്പായില്ലേ, ഇനി നമുക്ക് കഴിക്കാം?…
രേവതി ഇടം കണ്ണിട്ട് സൈറയെ, ദേഷ്യം ഭാവിച്ചു കൊണ്ട് നോക്കി……..
ഭക്ഷണം കഴിക്കുന്ന സമയത്താണ്, ആയിയുടെ ചോദ്യം രേവതിക്ക് നേരെ വരുന്നത് : അല്ല… അവിടെ നിന്ന്, എല്ലാ ഡ്രെസ്സും ഇങ്ങോട്ട് കൊണ്ട് വന്നോ?…
രേവതിയെ പോലെ ചോദ്യത്തിന് അർത്ഥം മനസ്സിലാവാതെ സൈറയും സുരഭിയെ നോക്കിയപ്പോൾ, സുരഭി പറഞ്ഞു : അല്ല, ഒരു ഗ്രീൻ കളർ നൈറ്റി ചുറ്റി പിടിച്ചാണ് അവന്റെ കിടപ്പ്.. വേറെ ഡ്രെസ്സൊന്നും അവിടെ ഇല്ലേ?….