ദത്തന്റെ വണ്ടി മേലേടത്തെ പോർച്ചിലേക് ചെന്നു നിന്നു… ദത്തൻ വരുന്നതും കാത്തു ദത്തന്റെ അച്ഛൻ പ്രഭാകരൻ വാതിൽക്കൽ തന്നെ ഉണ്ടായിരുന്നു…
അച്ഛനെ ഗൗനിക്കാതെ ദത്തൻ ഉള്ളിലേക്കു നടന്നു..
ദത്താ അവിടെ നിക്ക്..
എന്താ നിന്റെ ഭാവം… നിന്റെ തോന്ന്യ വാസങ്ങൾ കുറച്ചു കൂടുന്നുണ്ട്..
നീയിന്നു ശ്രീലകത് പോയിരുന്നോ…
ഓഹ് അപ്പോളേക്കും ന്യൂസ് ഇവിടെത്തിയോ…. കൂട്ടുകാരൻ അല്ല അളിയൻ വിളിച്ചു പറഞ്ഞതാവും ല്ലെ…
ഞാൻ എനിക്കിഷ്ടമുള്ളിടത്തു പോകും.. ഇഷ്ടമുള്ളത് ചെയ്യും… ദത്തൻ അവൻറെ അച്ഛന്റെ മുഖത്തു നോക്കാതെ പറഞ്ഞു…
നിനക്കിഷ്ടമുള്ളതു ചെയ്യാൻ നീ എന്റെ അച്ഛനല്ല….ഇവിടെ ഞാൻ പറയുന്നത് കേട്ടു നിക്കാമെങ്കിൽ നിന്നാൽ മതി… അല്ലെങ്കിൽ പടിക് പുറത്തിറങ്ങാം….
രാവിലെ ഇറങ്ങും എവിടുന്നേലും കള്ളും കുടിച്ചു നാട്ടുകാർക്കു ഒരു ശല്യമായി ജീവിക്കുന്നു…
എന്നെ ഉപദേശിക്കാൻ വരേണ്ട…ദത്തൻ അവൻറെ അച്ഛന്റെ അരികിലേക്കു ചുവടുകൾ വെച്ച്.. അയാളുടെ തൊട്ടരികിൽ പോയി നിന്നു ആ മുഖത്തേക് നോക്കി പറഞ്ഞു… നിങ്ങൾ പറയുന്നത് മാത്രം കേട്ടു ജീവിച്ചിരുന്ന ഒരു കാലം ഉണ്ടായിരുന്നു ദത്തന്… ഇന്ന് ദത്തന്റെ മനസ്സിൽ നിങ്ങൾ എന്ന അച്ഛന്.. പുഴുത്ത പട്ടിയുടെ സ്ഥാനം ആണ്… എന്റെ മനസ്സിൽ നിങ്ങളുടെ ശവദാഹം കഴിഞ്ഞു സർവ്വാണി സദ്യയും നടത്തിയിട്ടു കാലങ്ങൾ ആയി… നിങ്ങൾ പറഞ്ഞ ഈ കല്യാണം പോലും നിങ്ങളുടെ ആഗ്രഹത്തിന് വേണ്ടിയല്ല ഞാൻ സമ്മതിച്ചത്… എന്റെ ആവശ്യത്തിന് വേണ്ടിയാണു…
പ്രഭാകരന്റെ വീശിയ കൈ തടം ദത്തന്റെ കവിളിൽ പതിഞ്ഞു… ദത്തൻ തല്ലു കൊണ്ട കവിൾ തടം ഒന്നമർത്തി… അടുത്ത തല്ലിനായി പ്രഭാകരൻ വീശിയ കൈ ദത്തന്റെ കൈകൾക്കുള്ളിൽ ഞെരിഞ്ഞു… ആ കൈ അവൻ ശക്തിയായി താഴേക്കു കുടഞ്ഞിട്ടു…. ആ ആയത്തിൽ പ്രഭാകരൻ പിന്നിലോട്ടു വേച്ചു പോയി….
ദത്തന്റെ ഭാവം എന്തെന്ന് പോലും അറിയാതെ പ്രഭാകരൻ ചിന്തയിലാണ്ടു.. അവൻറെ മാറി കൊണ്ടിരിക്കുന്ന ഭാവ മാറ്റങ്ങൾ എന്തിനെന്നു അയാൾക്കു മനസ്സിലായില്ല…
അച്ഛനെ പിന്നിലോട്ടു മാറ്റി.. ദത്തൻ അവൻറെ മുറിയിലേക്കു നടന്നു പോയി…
മുറിയിലെത്തിയ അവൻ വാതിലുകൾ ചേർത്തടച്ചു… പോക്കറ്റിൽ സ്വിച്ച്ഓഫ് ആയി കിടന്ന മൊബൈൽ എടുത്തു ചാർജർ കുത്തി ഓൺ ആക്കി…
ഓൺ ആയി വന്ന ഡിസ്പ്ലേയിലേക് നോക്കിയ അവൻറെ മിഴികൾ തിളങ്ങി…
എന്തോ ചിന്തിച്ച അവൻ വേഗം ഒരു നമ്പറിലേക് ഡയല് ചെയ്തു…
ഹലോ ജീവൻ… ദത്തൻ ആണ്..
ഹാ ദത്താ പറയു.. മറു വശത്തു നിന്നും അവൻ മറുപടി കേട്ടു..
എന്തെങ്കിലും വിവരം കിട്ടിയോ… ദത്തൻ അന്വേഷിച്ചു..
ഇല്ല ദത്താ… ഞാൻ ഒരു ഫോട്ടോ വാട്സാപ്പിൽ അയച്ചിട്ടുണ്ട്.. നീ ഒന്ന് നോക്കു…
ഹ്മ്മ്.. ഞാൻ നോക്കീട്ടു വിളികാം..
അവൻ ആ കാൾ കട്ട് ചെയ്തു… വാട്സ്ആപ്പ് ഓപ്പൺ ചെയ്തു..
ജീവന്റെ നമ്പറിൽ നിന്നും വന്ന ഫോട്ടോ കണ്ടു ദത്തന്റെ മിഴികൾ പകയോടെ തിളങ്ങി…
അവൻ വീണ്ടും ആ നമ്പറിലേക് ഡയല് ചെയ്തു…
“എന്ത് വേണം… അതു മാത്രം പറഞ്ഞാൽ മതി….” മറു വശത്തു നിന്നും ജീവന്റെ ശബ്ദം ദത്തന്റെ കാതുകളിലേക് എത്തി..
“ആവശ്യമില്ലാത്ത മോഹങ്ങൾ.. അല്ല നിർഭാഗ്യമായ സ്വപ്നങ്ങൾ ഉള്ളിൽ കാണുന്നവർ ആരായാലും എണീറ്റു നടക്കണ്ട… ” ഗുഹയിൽ നിന്നെന്ന വണ്ണം ദത്തന്റെ ശബ്ദം ഫോണിലൂടെ മുഴങ്ങി…
ഫോൺ കട്ട് ചെയ്യുമ്പോളും ദത്തന്റെ ചുണ്ടിലെ ക്രൂരമായ ചിരി മാഞ്ഞിരുന്നില്ല…
✳️✳️✳️✳️✳️✳️✳️✳️✳️✳️✳️✳️✳️✳️
“അങ്കിളേ… ” രാവിലെ ഗൈനക് ഒപിയിലേക് കയറാൻ തുടങ്ങുമ്പോൾ പിന്നിൽ നിന്നും വിളി കേട്ടു…
“ആഹാ ആരിത്.. ദേവൂട്ടിയോ… എന്താ ഇന്ന് രാവിലെ തന്നെ കറങ്ങാൻ ഇറങ്ങിയോ..”
കുനിഞ്ഞു നിന്നു ദേവൂന്റെ താടിയിൽ മെല്ലെ പിടിച്ചു കൊണ്ടായിരുന്നു ചോദിച്ചത്..
“ഹാ ഞാൻ ഡോണ ആന്റീടെ കൂടെ ഇന്ന് റൗണ്ട്സിനു പോയല്ലോ… ഇതാ.. നോക്കിയേ..” അവളുടെ കഴുത്തിൽ കിടക്കുന്ന സ്റ്റെത് കാട്ടി കുഞ്ഞി പല്ലുകൾ കാട്ടി ചിരിച്ചുകൊണ്ട് അവൾ പറഞ്ഞു.. ഡോണയുടെ സ്റ്റെത് എടുത്തു അവൾ കഴുത്തിൽ ഇട്ടിരുന്നു…