മ്മ്…. പറയെടോ, അനക്കെന്താ പറ്റിയേ??
ഗ്ലാസ്സ് താഴെ വെക്കുന്നതിനിടയിൽ ഫൈസി തിരക്കി…..
ഇക്കാ…ഞാൻ…..
അനുപമമിസ്സിനെ ആദ്യമായ് കണ്ടത് മുതലുണ്ടായ എല്ലാക്കാര്യങ്ങളും ഞാൻ പറയുവാൻ തുടങ്ങി, മിസ്സിനെ കാണുമ്പോൾ, സംസാരിക്കുമ്പോൾ, മിസ്സെന്നെ നോക്കി ചിരിക്കുമ്പോൾ എന്നിലുണ്ടാവുന്ന മാറ്റങ്ങൾ ചിന്തകൾ എല്ലാം ഞാൻ ഫൈസിയോട് തുറന്ന് സംസാരിച്ചു!…….
അമലൂട്ടാ…. ഇയ്യ്… ഇയ്യാള് കൊള്ളാല്ലാ… മിസ്സിനെ…… എൻ്റെ ഏറ്റുപറച്ചിൽ കേട്ട് അമ്പരപ്പോടെ എന്നെ നോക്കിയ ഫൈസി ഒരു പരിഹാസംപോലെ പറഞ്ഞതും ദയനീയമായൊരു ഭാവത്തോടെ ഞാനിക്കയെ നോക്കി…
ഫൈസിക്കാ പ്ലീസ്….. എൻ്റെ മനസ്സാകെ തകർന്നിരിക്കുവാ….
എനിക്ക്…. എനിക്കൊരു മറുപടി താ…..
അമലേ….. അൻ്റെ മനസ്സിൽ ഒരുപാട് ചോദ്യങ്ങളുണ്ട്!…..
അതിനെല്ലാം ഉത്തരം കണ്ടെത്താൻ അന്നെക്കൊണ്ട് മാത്രേ പറ്റു….
അതുകൊണ്ട് ഇയ്യിങ്ങനെ വെറുതേ സങ്കടപ്പെട്ടിട്ട് ഒരു കാര്യോല്ല………..
അതല്ല ഇക്ക….. ഞാൻ….. ഇക്കയ്ക്കറിയില്ല എൻ്റെ പ്രശ്നങ്ങൾ….
“കല്യാണിയമ്മയെപ്പോലും മറന്നു ഞാൻ”…..
അമ്മയെ ഓർത്ത് ദു:ഖത്തോടെ പറഞ്ഞശേഷം ഞാൻ വിദൂരതയിലേക്ക് മിഴികൾ നീട്ടി…..
അറിയാടോ…. എനിക്കെല്ലാം അറിയാം.
അന്ന് രാത്രി പ്രദീപേട്ടൻ അന്നെ ഓട്ടോയിൽകേറ്റി വിട്ടേന് ശേഷം എന്നോടെല്ലാം പറഞ്ഞ്….
“ആ നിമിഷം മുതൽ അന്നെ ഞാനെൻ്റെ സ്വന്തം അനിയനായാണ് കാണുന്നത്”
എൻ്റെ കണ്ണുകളിൽ നോക്കി ഫൈസി അത് പറയുമ്പോൾ മറുപടി നൽകുവാൻപോലും എൻ്റെ ശബ്ദമിടറി……
അമലൂട്ടാ…. ഇയ്യ് ഒരിക്കലും ഒരു സ്ത്രീയോടും മോശമായ് പെരുമാറില്ല! “അന്നെക്കൊണ്ടൊരിക്കലും അതിന് കഴിയൂല്ല”……
കാരണം കല്യാണിയമ്മ എപ്പോഴും മോൻ്റെ കൂടെത്തന്നെയുണ്ട്…
പിന്നെ അനക്ക് മിസ്സിനോട് തോന്നിയ മോഹം! അതീയ്യ് കരുതുമ്പോലെ കേവലമൊരു ശരീര മോഹമല്ലെടോ….
അൻ്റെ മനസ്സിൽ മിസ്സിന് വലിയൊരു സ്ഥാനമുണ്ട്!….
“അതാണീയ്യ് കണ്ടെത്തണ്ടത്”…..
ആശ്വാസ വാക്കുകളാൽ ഫൈസി എന്നെ സമാധാനപ്പെടുത്താൻ നോക്കുമ്പോഴും ഞാനെൻ്റെ നിസ്സഹായ അവസ്ഥയെ ഓർത്ത് സങ്കടപ്പെട്ടു….
“എന്നെക്കൊണ്ട് പറ്റൂന്ന് തോന്നണില്ല ഇക്കാ!……
എൻ്റെ മനസ്സാകെ നീറുകയാണ് , ഇപ്പോ ഒരു ചോദ്യങ്ങൾക്കും ഉത്തരം നൽകാൻ അതിന് കഴിയില്ല…..
മോനേ… അമലേ “ഇയ്യിപ്പോ നിക്കണപോലെ ഇതേ കടൽത്തീരത്ത് വർഷങ്ങക്ക് മുമ്പ് ഉത്തരമില്ലാത്ത മനസ്സുമായ് ഞാനും നിന്നിട്ടുണ്ട്, ൻ്റെ ഉപ്പുപ്പയുടെ മുന്നിൽ !”…..
അന്ന് ദാ ഇതേപോലൊരു സുലൈമാനി എൻ്റേൽ തന്നിട്ട് മൂപ്പര് പറഞ്ഞതെന്താന്നറിയ്വോ അനക്ക്????
ഫൈസിയുടെ മറുപടിക്ക് ഇല്ലെന്നർത്ഥത്തിൽ ഞാൻ തലയാട്ടിയതും സുലൈമാനി എൻ്റെ കയ്യിലേക്ക് നൽകിയശേഷം ഫൈസി തുടർന്നു…..
_മോനേ ഫൈസീ…… “ഓരോ സുലൈമാനീലും ഒരിത്തിരി മൊഹബത് വേണം , അത് കുടിക്കുമ്പോൾ ലോകം ഇങ്ങനെ പതുക്കെയായ് വന്ന് നിക്കണം”!……_
“[സുബഹനള്ള BGM Guitar Playing] ”
“അന്നാ സുലൈമാനി കുടിച്ചപ്പോ ൻ്റെ ഉള്ളില് ഞാൻ കണ്ടത് ശഹാനേട മൊഞ്ചുള്ള ചിരിയാ” , ഓളുടെ കയ്യും പിടിച്ച് ഞാനോടുന്ന കാഴ്ച!
ആ നിമിഷം ഞാൻ തിരിച്ചറിഞ്ഞു, “ശഹാന” ഓളാണെൻ്റെ ലോകമെന്ന്!…
“ഇക്കാ”….. അമ്പരപ്പോടെ ഞാൻ വിളിച്ചു….
*ഇയ്യ് മനസ്സൊന്ന് ശാന്തമാക്കി ഇത്തിരി മൊഹബത്തോടെ ആ സുലൈമാനിയങ്ങ് കുടിക്ക് .
അപ്പോ എന്താണോ അൻ്റെ മനസ്സിൽ തോന്നണത് അതാണ് അൻ്റെ ചോദ്യങ്ങൾക്കുള്ള
ഉത്തരം!……….*
ഫൈസിയുടെ വാക്കിന് നന്ദിപോലെ ഒരു പുഞ്ചിരി നൽകിയശേഷം മനസ്സിനെ ശാന്തമാക്കി കണ്ണുകളടച്ച് ഞാൻ സുലൈമാനി ചുണ്ടോട് ചേർത്തു!….
“[96 BGM violin]”…..
*സുലൈമാനിയുടെ രുചിയിൽ മതിമറന്നു നിന്നതും “എൻ്റെ മനസ്സിലേക്ക് അനുമിസ്സിൻ്റ പുഞ്ചിരി നിറയുവാൻ തുടങ്ങി!”……
ആ കണ്ണിമകളും നുണക്കുഴിയും ചെഞ്ചുണ്ടുകളും മൂക്കുത്തിയും. ആദ്യമായ് മിസ്സിനെ കണ്ടുമുട്ടിയ നിമിഷവും അനുഅമ്മയ്ക്ക് സാരി വാങ്ങുവാനായ് കൂടെ വന്നതും ആരും കാണാതെ മിസ്സിന് പായസം കൊടുത്തതും സ്റ്റെയറിൽ വെച്ച് മിസ്സിനെ ഞാൻ കെട്ടിപ്പിടിച്ചതും ,
എൻ്റെ കൈവിരലാൽ മിസ്സിൻ്റെ സൗന്ദര്യം വരച്ചതുമെല്ലാം ഒരു തിരപോലെൻ മനസ്സിനെ തലോടി…….*
_അമലേ……
“അനുക്കുട്ടി നിൻ്റെ പെണ്ണാണ്!” ‘ദൈവം നിനക്കായ് കരുതിവെച്ച നിൻ്റെ പെണ്ണ്’…..
നിനക്ക് അനുക്കുട്ടിയോട് തോന്നിയ ഇഷ്ടത്തിന് ഒരു പേരേയുള്ളു “പ്രണയം” ദിവ്യമായ പ്രണയം!!!…..
“മഹേഷിന് അനുഅമ്മയോട് തോന്നിയ പ്രണയം!”
“പ്രദീപേട്ടന് മീനുക്കുട്ടിയോട് തോന്നിയ പ്രണയം!”
“ശ്രീയേട്ടന് പാത്തുമ്മയോട് തോന്നിയ പ്രണയം!”
ദാ …. നിൻ്റെ മുന്നിൽ നിക്കുന്ന “ഫൈസിക്ക് ശഹാനയോട് തോന്നിയ പ്രണയം!”….
ഒരിക്കലും നഷ്ടപ്പെടുത്തരുത് അനുക്കുട്ടിയെ,
എന്തൊക്കെ നേരിടേണ്ടി വന്നാലും എത്ര പരിഹാസം ഏറ്റുവാങ്ങേണ്ടി വന്നാലും ചങ്കുറപ്പോടെ നീ അനുക്കുട്ടിയെ സ്വന്തമാക്കണം……._
_അനുമിസ്സിനെ കണ്ടനാൾ മുതൽ ഞാനെൻ്റ മനസ്സിനോട് ചോദിച്ച ചോദ്യങ്ങൾക്കുള്ള ഉത്തരം “മധുരമായ വാക്കുകൾകൊണ്ട് പ്രണയലിപികളിലെഴുതി എൻ്റെ മനസ്സിതാ എനിക്ക് സമ്മാനിച്ചിരിക്കുന്നു……._
അതിരില്ലാത്ത സന്തോഷത്താൽ മിഴികൾ തുറന്ന ഞാൻ സ്നേഹത്തോടെ ഫൈസിയെ കെട്ടിപ്പിടിച്ചു……..
അമലേ…. അൻ്റെ സന്തോഷത്തീന്ന് എനിക്ക് മനസ്സിലായ് അനക്കെല്ലാ ചോദ്യങ്ങൾക്കും ഉത്തരം കിട്ടീന്ന്!….
ഫൈസിക്ക….
ഈ നിമിഷം ഒരിക്കലും ഞാൻ മറക്കില്ല ,ഒത്തിരി… ഒത്തിരി സന്തോഷമുണ്ടെനിക്ക്….
എന്താ ഞാൻ പറയുക?….
എൻ്റെ ചോദ്യങ്ങൾക്കെല്ലാം ഉത്തരം കണ്ടെത്താൻ കൂടെ നിന്നതിന് ഒരുപാട് നന്ദി……
നിറമിഴികളോടെ ഞാൻ ഇക്കയെ നോക്കിയതും മറുപടിപോലെ ഫൈസി തുടർന്നു….
എന്തിനാ അമലേ നന്ദിയൊക്കെ പറയണേ നമുക്കിടേൽ അതിൻ്റെ ആവശ്യമില്ല… ഇയ്യെൻ്റെ സ്വന്തം അനിയനാ.
അന്നെ സഹായിക്കണ്ടത് എൻ്റ കടമയാണ്…………
സ്നേഹം നിറഞ്ഞ ഫൈസിയുടെ വാക്കിന് ആത്മാർത്ഥമായൊരു പുഞ്ചിരിയിലൂടെ ഞാൻ മറുപടി നൽകി…..
ഇക്കാ….ഞാനെന്നാൽ വീട്ടിലേക്ക് പൊക്കോട്ടെ അമ്മ എന്നെ കാണാതെ വിഷമിച്ചിരിക്കയാവും…..
ഒരു നിമിഷം അനുഅമ്മയുടെ ചിന്ത എന്നിലേക്കെത്തിയതും, അനുവാദമെന്നോണം ഞാൻ ചോദിച്ചു….
ശരി അമലൂട്ടാ ഇയ്യെന്നാൽ ചെല്ല്……
“പിന്നെ തൽക്കാലം ആരോടും ഒന്നും പറയാൻ നിക്കണ്ടാട്ടോ”…..
കേക്കുന്നോരെല്ലാം അൻ്റെ പ്രണയത്തെ വേറെ രീതീലെ കാണു!……..
“മ്മ്”…………
തിരിഞ്ഞു നടക്കാനൊരുങ്ങിയ എന്നോട് ഉപദേശം പോലെ ഫൈസി പഞ്ഞതും അതിന് സമ്മതമായ് ഒന്ന് മൂളിയശേഷം ഞാൻ യാത്ര പറഞ്ഞ് ബസ്സ് കയറി വീട്ടിലേക്ക് തിരിച്ചു………
“അസ്വസ്ഥമായ മനസ്സിൽ നിറയെ ചോദ്യങ്ങളുമായ് ഫൈസിയെ കാണാനെത്തിയ ഞാൻ, ഇന്നിവിടെ നിന്ന് മടങ്ങുന്നത് എല്ലാ ചോദ്യങ്ങൾക്കുമുള്ള ഉത്തരവുമായാണ്!”…..
