ഹൊ!!! ഈ “വദൂരി വിടണ ലക്ഷണമില്ലല്ലോ!”……
എടാ അത്… അതെറണാകുളത്തെ കാര്യങ്ങളോർത്തങ്ങനെ ഇരുന്നതാ……..
മനസ്സിൽ വേറൊന്ന് ചിന്തിച്ച ശേഷം ഞാൻ പയ്യെ തട്ടിവിട്ടു.
ഓ…. മനസ്സിലായ് മറ്റേ ആ പെൺകൊച്ച് തേച്ചിട്ട് പോയതായിരിക്കും ല്ലെ??? ഇത്തവണ ചോദ്യത്തോടെപ്പം അവൻ്റ ഒരളിഞ്ഞ ചിരികൂടി അകമ്പടിയായ് എത്തി….
ആ… “അത് തന്നെ “….. അങ്ങനേലുമവനൊന്നടങ്ങുവാൻ അൽപ്പം ഗൗരവത്തിൽ ഞാനതിന് മറുപടിയും നൽകിയതും ഒരു പരിഹാസച്ചിരിയോടെ നിജാസെൻ്റെ തോളിലൂടെ കയ്യിട്ടു……
എന്നാലെന്നോട് കൂടി പറ എല്ലാം.
“നിന്നെപ്പോലൊരു മണ്ടനെ തേച്ചിട്ടു പോയവളുടെ കഥ ഞാനുമൊന്ന് കേൾക്കട്ടെ”…………
പറയാമെടാ. സമയമാവട്ടെ അന്നേരം പറയാം എല്ലാം ഇപ്പോ എന്നോട് അതേപ്പറ്റി ഒന്നും ചോദിക്കരുത്….. ഒരപേക്ഷാ സ്വരത്തോടെ ഞാൻ നിജാസിനോടായ് പറഞ്ഞു……
ഇതു തന്നാണ് നീ വന്നന്നു മുതൽ പറയുന്നത് പക്ഷെ ഇതുവരെ “ആ തിരുവാ ഒന്നുരിയാടി കണ്ടില്ല”…. ശരി നീ സൗകര്യംപോലെ പറഞ്ഞാൽമതി…… നീരസത്തോടെ പറഞ്ഞുകൊണ്ട് നിജാസ് എൻ്റെ തോളിൽ നിന്നും കയ്യെടുത്ത ശേഷം മുഖം തിരിച്ചു….
എന്തോ പിന്നീട് അവനോടൊന്നും പറയുവാൻ എനിക്ക് തോന്നിയില്ല. അതിനാൽ , മൗനമായ ഞാൻ ജനാലയിലൂടെ വിദൂരതയിലേക്ക് നോക്കിയിരുന്നു…..
“Good Morning Miss” ധന്യാമിസ്സിൻ്റെ എൻട്രിക്ക് BGM ഇട്ടപോലെ കുട്ട്യോളെല്ലാരും സ്വദസിദ്ധമായ ഈണത്തിൽ സുപ്രഭാതം വിഷ് ചെയ്തു…..
തിരികെ മിസ്സിൻ്റെ വിഷസ്സും ക്ലാസ്സ് മുറിയിൽ ഉയർന്നു…..
“ഒരിളം പച്ച സാരിയുമണിഞ്ഞ് മുടിയൊക്കെ നന്നായ് ക്ലിപ്പ് ചെയ്ത് നെറ്റിയിലൊരു ചന്ദനക്കുറി ചാർത്തി താലിമാല സാരിയുടെ മുകളിലൂടെ മുന്നിലേക്കായിട്ടുകൊണ്ട് ” ,തൻ്റേതായ തനത് ശൈലിയിൽ മിസ്സ് പഠിപ്പിക്കുവാൻ തുടങ്ങി ……. “പഠിപ്പിക്കുന്നതിനിടയിൽ ഒരു നിമിഷം എനിക്കൊരു ചിരി സമ്മാനമായ് നൽകി ” രാവിലത്തെ സംഭവം ഓർത്തായിരിക്കാം ….. നോട്സുകൾ എഴുതിയും ചോദ്യങ്ങൾ പറഞ്ഞും ക്ലാസ്സ് മുന്നോട്ട് പോയതും അടുത്ത ഹവറിനെ ഓർമ്മപ്പെടുത്തുവാനെന്നോണം കോളേജാകെ ആ ‘മണിനാദം’ ഉയർന്നു……..
” ണിം”…………..
ബെൽ ശബ്ദമുണർന്നതും ഒരു നിമിഷം “ഞാനൊന്ന് ഞെട്ടിത്തരിച്ചു”….. ‘എന്നിലെ ഹൃദയമിടിപ്പ് അനുനിമിഷം ഉയരുവാൻ തുടങ്ങി’….. പ്രതീക്ഷകൾക്ക് നിറം പകർന്നുകൊണ്ട് അനുപമമിസ്സ് ക്ലാസ്സിലേക്ക് ആഗതയായ്…….
“ഒരു വഞ്ചിപ്പാട്ടിൻ്റെ ഈണത്തിൽ കുട്ടികൾ എഴുന്നേറ്റുകൊണ്ട് മിസ്സിനോട് സുപ്രഭാതം പറഞ്ഞു”……
“Good Morning sitdown ”
കഴിഞ്ഞ ക്ലാസ്സിൽ എത് ടോപ്പിക്കാണ് കുട്ടികളെ നമ്മൾ ഡിസ്കസ് ചെയ്തത് ??? …….
ക്ലാസ്സിലേക്കെത്തിയതും ടെക്സ്റ്റ് ബുക്കിലേക്ക് ശ്രദ്ധയൂന്നിക്കൊണ്ട് എല്ലാരോടുമായ് മിസ്സ് ചോദിച്ചു……
*”Life and Diversity from Molluaska to Hemichordata to Helminthes and cell”*
മുൻബഞ്ചിലിരുന്ന് എല്ലാരും കേൾക്കുവാനായ് “സ്വദസിദ്ധമായ ജാഡയോടെ ആൻമരിയ അതിന് മറുപടി നൽകി”………
“OK students let’s Continue “…………..
‘Hello ‘…….. ഇയ്യാളെന്താ അവിടെ നിക്കുന്നെ !!! ഇരിക്കാനെന്തേലും ബുദ്ധിമുട്ടുണ്ടോ???….
അനുമിസ്സ് എന്നെ നോക്കി മാറിൽ കൈ പിണച്ചുകൊണ്ട് പരിഹാസച്ചിരിയോടെ പറഞ്ഞതും ക്ലാസ്സിലെ കുട്ടികളെല്ലാം എന്നെ നോക്കി കിണിക്കുവാൻ തുടങ്ങി……
ആ നിമിഷമാണെനിക്ക് മനസ്സിലായത് ഞാനിത്രയും നേരം മിസ്സിനെത്തന്നെ നോക്കി നിൽക്കുകയായിരുന്നെന്ന്….
ഇളിഭ്യനായ് ബഞ്ചിലിരുന്ന ഞാൻ ചമ്മിയപോലൊരു ചിരി എല്ലാർക്കും സമ്മാനിച്ചശേഷം നിജാസിൻ്റെ കാലിൽ ആഞ്ഞ് ചവിട്ടി……
എടാ പരട്ടെ…. “ഒരുമാതിരി മറ്റേപ്പണി കാണിക്കരുത് “!!നിനക്കെന്നോട് ഇരിക്കാൻ പറയായിരുന്നില്ലേ ???
” ഉഫ്”……. പോടാ മരയൂളേ ഞാനെത്ര പ്രാവശ്യം നിന്നെ വിളിച്ചെന്നറിയ്വോ??.
നീ അന്നേരം എന്നെ മൈൻ്റാതെ “തേൻമ്മാവിൻ കൊമ്പത്തെ അപ്പക്കാളയെപ്പോലെ” ഇളിച്ചോണ്ട് നിന്നിട്ടിപ്പോൾ എനിക്കായോകുറ്റം???….കാലിൽ ചവിട്ടിയ ദേഷ്യത്തൽ നിജു എന്നെ നോക്കി ചീറി….