അതിനും ചിരിച്ചാവിടെ നിൽകുമ്പോൾ പെട്ടെന്ന്
“” ഇവിടെകിടന്ന് ബഹളം വയ്ക്കരുതെന്ന് അറിയാൻ മേലെ. ഇതൊരു ഹോസ്പിറ്റലാണ്..””
ന്ന് അത്യവശ്യം പ്രായമായ ഒരു നേഴ്സ് പെണ്ണുമ്പുള്ള വന്ന് ഞങ്ങളുടെ അടുത്ത് രണ്ട് ചാട്ടം.
“” ഇത് ഹോസ്പിറ്റലാണോ….! ഇയ്യോട ഞാൻ കരുതി പാലാരിവട്ടം ജംഗ്ഷൻ ആണെന്ന്.. നിങ്ങളൊന്ന് കേറി പോ പെണ്ണുമ്പുള്ളെ.. !! ഇതോസ്പിറ്റൽ ആണെന്നറിയാതെ ഇരിക്കാൻ ഞങ്ങളെന്നാ പൊട്ടന്മാരാണോ..എല്ലാടത്തും കാണും ഇങ്ങനെ കുറെ എണ്ണം.””
നഴ്സുമാരുടെ സ്ഥിരം ക്ലീഷേയായത്കൊണ്ട് അവനങ് ചാടി ഏറ്റെടുത്തു, ഉടനെ അവര് റിപ്പോർട്ട് ചെയ്യുമെന്ന് പറഞ്ഞതും കൈയും കാലും പിടിച്ച് ആമിയും മാഗിയും അവരെ സമാദാനപ്പെടുത്തി.
“”നീയൊന്ന് അടങ്ങേന്റെ വിഷ്ണു.. “” അവനേം വിളിച്ചു ഗായത്രി കിടക്കുന്ന റൂമിലേക്ക് കയറി.. അവരപ്പോ കണ്ണ് തുറന്നിരുന്നു. ഞങ്ങളെ കണ്ട് പുള്ളിക്കാരി ക്ഷീണത്തിൽ കലർന്നൊരു ചിരി പാസ്സാക്കി.,
“” എല്ലാർക്കുമൊരു ബുദ്ധിമുട്ടായി കാണുല്ലെ. “” മുഖമൊന്നുയർത്തി എല്ലാരേം നോക്കിയവർ ചോദിച്ചതും
“” എയ്യ്.. എന്ത് ബുദ്ധിമുട്ട്.., !! ബി പി ലോ ആയത..അതാ പറ്റിപോയെ..
എങ്ങനെ ഉണ്ട് ഇപ്പൊ, “”
ഞാൻ അവർക്കടുത്തേക്ക് നടന്നു കോണ്ട് ചോദിച്ച്., അപ്പോ അവരെന്റെ മുഖത്തേക്ക് നോക്കി ചെറിയൊരു ഷീണം അത്രേ ഉള്ളൂ ന്ന് മറുപടി തന്നതും വിഷ്ണു വിന്റെ ഒരു ഡയലോഗ്
“” പെട്ടന്ന് തലകറങ്ങിയപ്പോ ഞാൻ കരുതി, മാഡം ഗർഭിണി ആയെന്ന്…. “”
നശിപ്പിച്ചു…..
അവിടെ ഉണ്ടായിരുന്ന ഞങ്ങളും, കൂടെ വർക്ക് ചെയുന്ന കുറച്ച് പേരും ന്തിന് ഗായത്രി പോലും ഒന്ന് ഞെട്ടി,, ന്നിട്ടും എന്നെയും മാഗിയെയും അവൾ മാറി മാറി നോക്കി., ശോ ഈ വെടല എന്തൊക്കെയാ പറയുന്നേ.. ഞാൻ ആമിയോട് അവനേം കോണ്ട് വെളിയിലേക്ക് കോണ്ട് പോകാൻ കണ്ണ് കാണിച്ചു.
“” വിഷ്ണുവേട്ട ദേ.. ഒന്നിങ് വന്നേ .. ഒരു കാര്യം പറയട്ടെ… “”
അവൻ ഗായത്രി യെ നോക്കി ഇപ്പൊ വരാമെന്ന് പറഞ്ഞ് അവളുടെ കൂടെ വെളിയിലേക്ക് ഇറങ്ങി.,
“” മാഡം ഒന്നും കരുതല്ലേ… അവനൊരു കഥയില്ലാത്തവനാ അതാ . അത് പോട്ടെ..
വീട്ടിൽ ആരേലും അറിയിക്കണ്ടേ.., “”
“” ഞാൻ എന്റെ ഒരു ഫ്രണ്ടിനോട് പറഞ്ഞിട്ടുണ്ട്, അവള് 10 ഒക്കെ ആകുമ്പോൾ വരും… “”
ന്ന് ഗായത്രി പറഞ്ഞപ്പോ വീട്ടിൽ അറിയിക്കണ്ടേ ന്ന് ഞാൻ വീണ്ടും ചോദിച്ചപ്പോ ഇപ്പൊ വേണ്ടാ വെറുതെ ടെൻഷൻ ആകേണ്ട ന്ന് പറഞ്ഞു, അത് ഞങ്ങൾ കേട്ടു.
“” ന്നാ ഫ്രണ്ട് വരുന്ന വരെ ഞാൻ നിന്നോളം.. നിങ്ങളെല്ലാം പൊക്കോ.. മാഗി ആമിയെ കൂടെ കുട്ടിക്കോ… “”
കൂടെ നിൽക്കുന്നവരെ ഒക്കെ കണ്ടിട്ട് ആർക്കും സമയം ഇല്ലെന്ന് മനസിലായി പിന്നേ ഉള്ളത് മാഗിയാണ് അവളാണെങ്കിൽ ശെരിയാകില്ല വേറെ വല്ലതും രാത്രിയിൽ വേണമെങ്കിൽ അവളെ കോണ്ട് ഒക്കുവോ.. പിന്നെയുള്ളത് വിഷ്ണു.. ഇയ്യോ അങ്ങോട്ട് ചിന്ത പോലും പോകണ്ട..
“” അത്.. അജുനൊരു ബുദ്ധിമുട്ടാകില്ലേ.. താൻ പൊക്കോഡോ.. ഞാൻ അഡ്ജസ്റ്റ് ചെയ്തോളാം.. “”
ന്നാൽ ഞാൻ അത് ശ്രദ്ധിക്കാതെ മാഗിയോട് കാര്യങ്ങൾ സംസാരിച്ചു. പിന്നെ വെളിയിലേക്ക് ഇറങ്ങി..
“” ദേ പ്രായത്തിനു മൂത്തതാന്നൊന്നും നോക്കില്ലാട്ടോ.. പൊട്ടത്തരം പറഞ്ഞിട്ട് പിന്നേം ന്യായം പറഞ്ഞാൽ ഒറ്റ ചവിട്ട് വെച്ചങ് തരും പറഞ്ഞേക്കാം.. കല്യാണം കഴിക്കാത്ത പെങ്കൊച്ചിനോട് ആരേലും പറയുന്നതാണോ ഇങ്ങനെ..”” ചെന്നതും കേട്ടതിതാണ്, തല കുമ്പിട്ട് നില്കുവാണ് അവൻ, അവനങ്ങനെ ആരേം വക വയ്ക്കാത്തതാണല്ലോ.. ന്ത് പറ്റിയോ ആവോ..
“” അറിയാതെ വന്ന് പോയതല്ലേ മോളെ..
അതിന് നീ ഇപ്പോ തന്നെ എന്നെ കുറെ പറഞ്ഞില്ലേ.. അത് ഒന്ന് വിട്.. ദേ ആളുകൾ നോക്കുന്നെന്ന്. “”
അയ്യേ ഇതവൻ തന്നെയാണോ.. തല താഴ്ത്തി പറഞ്ഞിട്ട് ഇടം കണ്ണിട്ട് ചുറ്റിനും നോക്കുന്നുണ്ട്, അവളുടെ സംസാരം കേട്ടിട്ട് അടുത്തൂടെ പോകുന്നവർ എല്ലാം അവനെ നോക്കി ആക്കി ചിരിക്കുന്നുമുണ്ട്.
“” നോക്കട്ടെ..!! എല്ലാരും അറിയട്ടെ. ഇനി മേലാൽ വേണ്ടാത്ത വല്ലതും വയ്ന്ന് വന്നുന്നു ഞനറിഞ്ഞാൽ,,,…. കേട്ടല്ലോ… “”