മാഗി അവളുടെ അപ്പനെ കാണാൻ കോട്ടയത്തിന് പോയി, വിഷ്ണു അവന്റെ വീട്ടിലും പിന്നെ ഫ്ലാറ്റിൽ ഞാനും ന്റെ പെണ്ണും, അടുത്തുള്ള ഫ്ലാറ്റിലെ പെണ്ണുങ്ങളോട് പഞ്ചാര അടിയാണെന്ന് പറഞ്ഞെന്നും അവളുടെ കൈയിൽ നിന്ന് ഇടക്ക് കണക്കിന് കിട്ടും,
അങ്ങനെ മാസങ്ങൾ കഴിഞ്ഞത് അറിഞ്ഞേ യില്ല.. അല്ലെകിലും ഒന്നും ആർക്കുമെണ്ടി കാത്തിരിക്കില്ലല്ലോ,
അവളുടെ കോളേജിൽ പോയി അവളുടെ ലീവിന്റെ കാര്യങ്ങൾ ശെരിയാക്കി, ന്നാൽ നിക്ക് ഒരു മന്ത് കഴിഞ്ഞേ ലീവ് കിട്ടു., ഗായത്രി ഇടക്കെല്ലാം അവളെ വിളിച്ചു ഓരോ സുഖവിവരം തിരക്കുണ്ടായിരുന്നു, സ്നേഹ അപ്പോളും നീക്കൊരു നല്ല ഫ്രണ്ട് ആയിരുന്നു. വീട്ടിൽ നിന്ന് ഏട്ടത്തി എപ്പോളും വിളിക്കും ഏട്ടത്തി ഇപ്പൊ മൂന്നു മാസം ഗർഭിണിയാണ്,,
അതെ അച്ഛന് പുറമെ ഞനൊരു കൊച്ചച്ചൻ ആകാൻ പോകുന്ന്.. എല്ലാരും വളരെ സന്തോഷത്തിലാണ് ഏതായാലും ന്റെ ഉപദേശം ഏറ്റിട്ടുണ്ട്.. അമ്മയും അച്ഛനും ഇടക്ക് വരും, ഇവളെ നോക്കാൻ വരാൻ ഇരുന്ന അമ്മയെ അവിടെ ഏട്ടത്തിയുടെ കാര്യം നോക്കിയാ മതി ന്റെ ലക്ഷ്മിയമ്മ ന്ന് പറഞു തിരുത്തിയത് അവളാണ് ആമി, അവൾക്കിവിടെ ഞാനുണ്ട് ന്ന്.. ന്നാലും അവൾ ഈ സമയത്ത് അവിടെ വേണം ന്നുള്ളത് കോണ്ട് ഞാൻ ആംബുലൻസിൽ അവളെ വീട്ടിൽ എത്തിച്ചു, അവളുടെ വീട്ടിൽ വിടാൻ നിന്നതും. നിക്ക് ന്റെ ലക്ഷ്മിയമ്മേന്റെ അടുത്ത് പോയാ മതിയെന്ന പെണ്ണ് വാശി പിടിച്ചേ, അത് കണ്ടമ്മ കണ്ണിൽ വെള്ളം നിറക്കുമ്പോൾ ചേർത്തു പിടിച്ച നെറുകിൽ മുത്തി സന്തോഷം അറിയിച്ചു, തന്റെ രണ്ട് മരുമക്കളും അമ്മയാകാൻ പോകുന്നതിന്റെ ത്രില്ലിൽ ആണ് തള്ള.. അച്ഛനും മോശമൊന്നുമല്ല.. കൊച്ചിന് വേണ്ട തൊട്ടില് വരെ ശെരിയാക്കിനാ അമ്മ വിളിച്ചപ്പോ പറഞ്ഞെ.
വീട്ടിൽ വണ്ടി നിർത്തി ഇറങ്ങിയതും പെണ്ണ് എല്ലാരേം നോക്കി ഒന്ന് ചിരിച്ചു ചുറ്റും നോക്കി, അന്ന് പോയതിൽ പിന്നേ ഇങ്ങോട്ടേക്കു വന്നിട്ടില്ല, ന്റെ തിരക്കും അവളുടെ പഠിപ്പും അങ്ങനെ പല തിരക്കുകളിൽ പെട്ട് പോയി.
പിന്നെഅവിടൊരു സ്നേഹ പ്രകടന മായിരുന്നു, അന്ന് അവളുടെ വീട്ടുകാരും അവിടെ ഉണ്ടായിരുന്നു, അവർക്കും അവളിവിടെ നിൽക്കുന്നതിൽ ബുദ്ധിമുട്ടൊന്നും കാണിച്ചില്ല.അവളുടെ സന്തോഷം ആണ് അവർക്കും വലുത്.
“” എങ്ങനെ ഇരുന്ന പെണ്ണാ ഇപ്പൊ ഗുണ്ട് മണിപോലായി.. ല്ലെ മ്മേ.. “”
അവളെ കണ്ടതും ഏട്ടത്തിയുടെ വക
“” പിന്നേ…. കളിയാക്കാതെ പോ ഏട്ടത്തി… “”
അവൾ അമ്മയുടെ കൈയിൽ തൂങ്ങി ആ വലിയ വയറുമായി അകത്തേക്ക് കയറി,
“” ഷീണം ഉണ്ടോ പെണ്ണെ നിനക്ക്…!!”” അമ്മ അവളെ സോഫയിലേക്ക് ഇരുത്തികൊണ്ട് ചോദിച്ച്, ആ സമയം ഞാൻ ബാഗും ആയി അകത്തേക്ക് കയറിയിരുന്നു,
“” ഇടക്ക് ഇണ്ടമ്മേ… ഛർദി യാ സഹിക്കാൻ വയ്യാത്തെ.. രാത്രി ഒന്നും ഉറക്കാൻ സമ്മതിക്കില്ല..””
അവളാ സോഫയിൽ കുറച്ചൂടെ കംഫർട് ആയിട്ടിരുന്നുകൊണ്ട് പറഞ്ഞ്..
“” അതെ മനുഷ്യൻ ഒന്നോറങ്ങിട്ട് കാലം കുറെ ആയെ… കണ്ണൊന്നടഞ്ഞു വരുമ്പോ ഇവിടെ ഒരാള് ബാത്റൂമിലക്കോടും.. “”
ഞാൻ അവൾക്ഭിമുഖമായുള്ള കസേരയിൽ ഇരുന്നൊന്ന് മൂരി നിവർന്നു,
“” ആ കെട്ടിയോമ്മാരായാ അങ്ങനാ.., അല്ലാണ്ട് നീ ന്നാ കരുതിയെ.. “”
അമ്മ അടുക്കളയിലേക്ക് നടക്കുന്ന കുട്ടത്തിൽ പറഞ്ഞതിന് ഞാൻ തിരിച്ചു നന്നായി തന്നെ തളർത്തി വിട്ടു, ഉടനെ ആമി ന്നേ നോക്കി കളിയാക്കി ചിരിച്ചു,
“” നീ ചിരിക്കണ്ട ഞാനേ നാളെയങ്ങ് പോകും, പിന്നെ നീ ഇത് തന്നെ പറയണം, രാത്രി അത് വേണം ഇത് വേണമെന്നൊക്കെ പറഞ്ഞാൽ ആര് പോകും… “”
പെട്ടെന്ന് അവളുടെ മുഖം മാറി, ഞാൻ പോകുന്ന കാര്യം അവളോട് പറഞ്ഞിട്ടിലായിരുന്നു അതിന്റെ ആകാം ഒരു ഞെട്ടൻ
“” എവിടെ പോവാന്ന്.. എങ്ങും പോണില്ല..!!
അയ്യാ പോവേ എങ്ങട്.. “”
“” അവൻ നാളെ പോവ ടി… അവന് അടുത്ത മാസെ ലീവുള്ളൂ.. “”
ഏട്ടത്തി നിക്കുള്ള ചായയുമായി വന്നു കൊണ്ട് അവളോട് പറഞ്ഞത് മാത്രം ഓർമ്മയുണ്ട്, പെണ്ണ് പിന്നൊരു ബഹളമായിരുന്നു, വിടില്ലായിരുന്നു പെണ്ണ്..
“” ന്റെ പെണ്ണിന് കാണണമെന്ന് തോന്നുമ്പോ പറന്നെത്തില്ലേ ഞാൻ… “” ഞാൻ അവളെ അനുനയിപ്പിക്കാനായി ശ്രമിക്കുന്നതിനിടയിൽ അവളോട് പറഞ്ഞ്,ന്നിട്ടും വിടില്ലെന്ന മട്ടിൽ നിക്കായ്യാണ് അവൾ,