അപ്പോളേക്കും ഞാൻ അങ്ങോട്ട് ചെന്ന് രണ്ടിനേം വിളിച്ചക്കതുകേറ്റി, കേറിയ പാടെ ആമി അവനെക്കൊണ്ട് സോറി പറയിപ്പിച്ചു.. പറഞ്ഞതും അവന്റെ തോളിൽ രണ്ട് തട്ട് കൊടുത്ത് ചിരിയോടെ
“” വെൽ ഡൺ മൈ ബോയ്.. വെൽ ഡൺ.. “” ന്നൊരു പ്രശംസയും., ഞാൻ നുമ്പേ പറഞ്ഞ കാര്യം എല്ലാരോടും പറഞ് അപ്പൊ
“” ഞാനും കൂടെ നിൽകാം.. “” ന്നായിരുന്നു അവളുടെ മറുപടി, ഉടനെ മാഗി,
“” ആമി, നീ കാരറ്യിങ് അല്ലെ ഇപ്പോ., അപ്പൊ ഇവിടെ സ്യൂട്ട് ആകില്ല മോളെ.. ചേച്ചിടെ കൂടെ ഫ്ലാറ്റിലേക്ക് പോവാം.. “”
“” അതെ അനാമികെ.., ഇവരുടെ കൂടെ പൊക്കോ, ഇവിടെയിപ്പോ അജു ഉണ്ടല്ലോ… “”
അതിനവൾ ഒന്നും മിണ്ടില്ല ന്നേ കണ്ണ് കോണ്ട് കെഞ്ചുന്ന പോലെ കാണിച്ചു, അത് കണ്ടോന്ന് ചിരിച്ചു.
“” മാഗി അവളിവിടെ നിന്നോട്ടെ.. നിങ്ങള് ചെല്ല്, പിന്നെ ങ്ങള് രാവിലെ കാണുയിനി. “”
പെണ്ണെന്ന ചുറ്റി പിടിച്ച് നിന്നു, അത് കണ്ടു ചിരിയോടെ എല്ലാരും റൂം വീട്ടിറങ്ങി,
“” നിനക്ക് കുറച്ച് കൂടണുണ്ട് പെണ്ണെ.. ” ഞാൻ അവളുടെ കവിളിൽ വലിച്ചു വിട്ട് ഗായത്രിയെ നോക്കി ഒന്ന് ചിരിച്ചു,
“” എങ്കിൽ സഹിച്ചോ . “”ന്നും പറഞ്ഞെന്റെ കവിളിൽ ഒരു കുത്തും തന്നവൾ ഗായത്രി ക്ക് അടുത്തേക്ക് ചെന്നിരുന്ന്,
“” അതെ… ഞാൻ ചേച്ചിന്ന് വിളിക്കണതുകൊണ്ട് കുഴപ്പൊന്നുല്ലലോ.. “”.
അവളൊരു മടിയോടെ ആണ് ചോദിച്ചേ, അപ്പോ ഗായത്രിയുടെ കണ്ണുകൾ വിടരുന്നതും ഒരു ചിരി ചുണ്ടിന് കോണിൽ ഉറപൊട്ടുന്നതും ഞാൻ കണ്ടു..
“” എയ്യ്..അതിനെന്താ.!! നിക്ക് സന്തോഷേ ഉള്ളല്ലോ..””
“” ന്റെ ചേച്ചിയും ഞാനും സംസാരിച്ചോണ്ടിരിക്കുന്നടത്തു നിങ്ങളെന്താ മിസ്റ്റർ വായിനോക്കി നിൽക്കണേ.. പോയി ഞങ്ങൾക്ക് വല്ലതും വാങ്ങികോണ്ട് വാ.. മ്മ് ചെല്ല്… “”
അവളുടെ വർത്തമാനം കണ്ട് ഗായത്രി വായ പൊത്തി ചിരിക്കുന്നത് കണ്ട്, പിന്നേ എന്നെ നോക്കി ചിരിക്കും, ഞാൻ അവളെ നോക്കി നിനക്ക് ഞാൻ തരുന്നുണ്ടെടി വായാടി ന്ന് ചുണ്ടനക്കിയപ്പോ പെണ്ണെന്നെ നോക്കി കൊഞ്ഞനം കുത്തി കാട്ടി.. ഞാൻ പോയിട്ട് വരാമെന്ന് പറഞ്ഞതും,
“” അജുവിന് ബുധിമുട്ടാകില്ലെങ്കിൽ എനിക്ക് ലൈറ്റ് ആയിട്ട് ന്തേലും വാങ്ങിയാൽ മതി.. “”
ലൈറ്റ് ആയിട്ട് മതിയെങ്കിൽ രണ്ട് എമർജൻസി ഓഡർ ചെയ്യാം..
ന്നൊരു കാച്ച് കാച്ചിയാലോ.. ഇല്ലേൽ വേണ്ടാ നാറും. ഇവർക്കാർക്കും ശുദ്ധഹാസ്യം പിടിക്കില്ല.
ഒരു മടി എവിടെയൊക്കെയോ ഉള്ളപോലെ, ന്നാൽ ഉടനെ അടുത്ത ഓഡർ പെണ്ണിന്റ ഭാഗത്തു നിന്നും വന്നു,
“” ന്ത് ബുദ്ധിമുട്ട്.. ഏട്ടനൊരു ബുദ്ധിമുട്ടുമില്ല.. പെട്ടെന്ന് പൊയി വാങ്ങിക്കൊണ്ടു വായോ…
ദേ എനിക്ക് ഇപ്പോ തന്നെ വിശക്കാൻ തുടങ്ങി. “”
അപ്പോളാണ് പെണ്ണ് ഇത്രേം നേരമായും ഒന്നും കഴിച്ചില്ലല്ലോ ന്ന് ഓർക്കുന്നെ.. പിന്നെ നിന്നില്ല , അപ്പോളത്തെ ന്റെ വെപ്രാളം കണ്ട് അവിടെ ഒരു ചിരി..
“” പാവാ…..! ഞാനെന്ന് പറഞ്ഞാ ജീവനാ അതിന്… നിക്കും അതെ.. “”
അജു പോയ വഴിയേ നോക്കി ആമി അതും പറഞ്ഞ് തിരിഞ്ഞു ഗായത്രിയെ നോക്കി, അവിടെ അവളെ തന്നെ നോക്കി നിൽക്കുന്ന ഗായത്രിയെയാണ് അവൾ കണ്ടത് ഉടനെ ഒരു ചിരിയോടെ
“” ചേച്ചിക്ക് ഇഷ്ടയിരുന്നല്ലേ ഏട്ടനെ..! “”
ഏഹ്…! പെട്ടെന്ന് അങ്ങനെ യൊന്ന് കേട്ടതും ഗായത്രി ഒന്ന് ഞെട്ടി, പിന്നെ വിക്കി വിക്കി അതിനെ നിരസിച്ചു.
“” വേണ്ട.. വേണ്ടാ. എന്നോടെല്ലാം ഏട്ടൻ പറഞ്ഞായിരുന്നു ട്ടോ.. അതോണ്ട് ന്റെ പുന്നാര ചേച്ചി വീണിടത്തു കിടന്നുരുളണ്ട.. “”
“” അജുവോ..!!. ന്ത്..ന്തുപറഞ്ഞെന്നു..!”” അപ്പോളും ആ മുഖത്തെ ഭാവം വ്യക്തമല്ലായിരുന്നു ആമിക്,
“” അന്ന് ചേച്ചി ഏട്ടനോട് എന്തൊക്കെയോ അവിടേം ഇവിടേം തൊടാതെ പറഞ്ഞില്ലായിരുന്നോ.. അതന്നെ.. “”
അതിനൊരു വിളറിയ ചിരി അവൾക്ക് കൊടുത്തപ്പോ, പിന്നൊന്നും പറയാൻ അവൾക്കും തോന്നിയില്ല, പിന്നെ ആമിയല്ലേ സംസാരിച്ചു സംസാരിച്ചു അവള് ഗായത്രിയെ കറക്കി കൈയിൽ എടുത്ത്.പിന്നങ്ങോട്ട് രണ്ടാളുമായി സംസാരം, ഗായത്രിയും ഒട്ടും മോശമല്ല,
ഡോർ തുറന്ന് അകത്തു കയറുമ്പോൾ അജു കാണുന്നത് രണ്ടാളും തകർത്ത് സംസാരിക്കുന്നതതാണ്. ന്നാൽ താൻ വന്നതൊന്നും ശ്രദിക്കാതെ ഇരുന്ന് സംസാരിക്കുവായിരുന്നു, ഞാൻ അവരെ നോക്കി കഞ്ഞി ഒരു പത്രത്തിലേക്ക് ആക്കി, അതിൽ കുറച്ച് ഉപ്പും അച്ചാറും കുറച്ച് തൈരും സമ്മന്തിയും പയറു തോരനും കൂടെ വച്ച് , പിന്നെ വേറെ ഒരു പ്ലേറ്റിൽ മസാല ദോശയും വടയും ചട്ണി യും വച്ച്, ഞാനും കഞ്ഞി തന്നെ കുടികാം ന്ന് വച്ച്.,