ഏന്റെ നേരെ തിരിഞ്ഞ്
എന്താ കാക്കൂ… എന്ത് പറ്റി…
മ്ഹും… ഒ… ഒ… ഒന്നൂല്ല..
അവളെന്റെ മുഖം പിടിച്ച്ഉയർത്താൻ നോക്കിയതും മുഖം വെട്ടിച്ചു ആകാശത്തേക്ക് നോക്കി കണ്ണുകൾ നിറഞ്ഞു അവളെന്റെ മുഖം കൈകളിൽ പിടിച്ച് അവൾക്കുനേരെ തിരിക്കാൻ നോക്കി
കാക്കൂ… ഞാനറിയാതെ പറഞ്ഞതാ… എനിക്ക് പ്രശ്നമില്ല… പ്ലീസ് കാക്കൂ… പിണങ്ങല്ലേ… ഇപ്പൊ ഇവിടെവെച്ച് ആണേലും ഞാൻ റെഡിയാ… പ്ലീസ് കാക്കൂ… എന്നെ നോക്ക് കാക്കൂ… ഞാൻ കാല് പിടിക്കാം കാക്കൂ… പിണങ്ങല്ലേ…
ഇക്കാ… (അല്പം ദൂരെ നിന്നും മൂസിയുടെ വിളി കാതിൽ പതിഞ്ഞു)
ഞാൻ പെട്ടന്ന് കണ്ണ് തുടച്ചു അവളെ നോക്കാതെ പിറകിൽ നിന്നുള്ള അവളുടെ വിളി അവഗണിച്ചു പറമ്പിലേക്ക് കയറാൻ നടന്നു പറമ്പിലേക്ക് കയറും മുൻപ് ഓടി വന്ന അവൻ ഏന്റെ മുന്നിൽ നിന്നു കിതച്ചുകൊണ്ട്
അവിടെ തെങ്ങിന് തടമെടുത്തെടുത്തു മുട്ട ഇക്കാനോട് വേഗം ചെല്ലാൻ പറഞ്ഞു
തിരിഞ്ഞോടാൻ തുടങ്ങിയ അവൻ ഓടിയ വഴി ഞാനും ഓടി അല്പം അകലെയായി എല്ലാരും നിൽക്കുന്നത് കണ്ട് അവനെ മറികടന്ന് ഓടിഅരികിൽ എത്തുമ്പോ
ഇത് ആമയുടെ മുട്ടയാ ചിലപ്പോ അകത്ത് കുട്ടി വരെ ഉണ്ടാവും
ഉപ്പ : വേണ്ട പൊട്ടിക്കണ്ട…
നിങ്ങൾ പേടിക്കാതിരിക്ക്… നമ്മളിതെത്ര കണ്ടതാ… മാമൻ മാരെയും ഉപ്പാനെയും വകഞ്ഞുമാറ്റി മുന്നിലെത്തുമ്പോ കാണുന്നത് കൈയിലെ മുട്ട പൊട്ടിച്ച് നിൽക്കുന്ന ആളെ ആണ് ദേഷ്യത്തിൽ കാലുയർത്തി നെഞ്ചിൽ ചവിട്ടിയതും അയാൾ തെറിച്ചു പിറകോട്ട് വീണു മാമൻ മാരും ഉപ്പയും അളിയനും പണിക്കാരും അനുവും മൂസിയും എന്നെ പിടിച്ച് വെക്കാൻ ശ്രമിക്കുന്നുണ്ട് ഉപ്പ മുതൽ ഹിന്ദിക്കാരായ ബിൽഡിംഗ് പണിക്കാര് വരെ പിടിച്ച് വെച്ചവരെല്ലാം വേണ്ട വിട്ടേകെന്ന് പറയുന്നത് വകവെക്കാതെ അവന് നേരെ നടന്നു ആരൊക്കെയോ കിട്ടുന്നിടത്തെല്ലാം പിടിച്ച് പിറകോട്ട് വലിക്കുന്നതിനിടെ ഷർട്ടിന്റെ ബട്ടനുകൾ എങ്ങോട്ടൊക്കെയോ പൊട്ടിതെറിച്ചു വീട്ടിലെ പെണ്ണുങ്ങളും ഓടി വരുന്ന വഴി അവരും അവനെ വിടാൻ അലറി പറയുന്നുണ്ട് ചവിട്ടു കിട്ടിയ നെഞ്ച് ഉഴിഞ്ഞുകൊണ്ട് അവനെന്നെ നോക്കി
ഒരാമേടെ മുട്ടയല്ലേ… അതിനാണോ നീ എന്നെ തല്ലിയത്…
ആമ്മേടെ ആയാലും എന്തിന്റെ ആയാലും പൊട്ടിക്കാൻ നിന്റെ അമ്മയിട്ടതൊന്നുമല്ലല്ലോ… നായെ…
മുന്നിൽ തള്ളി പിടിച്ചിരിക്കുന്ന ആളുകളുടെ മറ കാരണം അവനെ തൊടാൻ പറ്റില്ലെന്ന് കണ്ട് കൈകൊണ്ട് മുനിലുള്ളവരെ തട്ടി മാറ്റി അവന്റെ നേരെ നടക്കേ കൈ കവിളിൽ പതിഞ്ഞതിന് പിറകെ വല്ലിത്ത അവനും എനിക്കും ഇടയിൽ കയറിനിന്നു
നീ അയാളെ കൊല്ലാൻ പോകുവാണോ…
അതയാൾ മുട്ട പൊട്ടിച്ചു…
അതിന് കൊല്ലാൻ പോവണോ…
അവളെ മുന്നിൽ കണ്ടതും മാമൻ മാരും ഉപ്പയുമെല്ലാം ഏന്റെ മേലുള്ള പിടി വിട്ടു അനങ്ങാതെ നിൽക്കുന്ന ഏന്റെ മേലുള്ള പിടി വിട്ടുകൊണ്ട് ഹിന്ദിക്കാരും മറ്റും എന്നെ തന്നെ നോക്കെ ഞാൻ മിണ്ടുന്നില്ലെന്ന് കണ്ട് ഇത്ത അയാൾക്ക് നേരെ തിരിഞ്ഞു ഞാൻ മുട്ടകൾ ഉള്ളിടത്തേക്ക് നടന്നു
ഇത്ത : നിനക്കെന്തിന്റെ കേടാടോ കാണുന്ന മുട്ടയോക്കെ പൊട്ടിക്കാൻ…
അതിന് ഞാനറിഞ്ഞോ ഈ ചെക്കന് ഭ്രാന്താണെന്ന് (അയാൾ നോടിഞ്ഞു)
ഇതാമേടെ അല്ല പാമ്പിന്റെ മുട്ടയാ… ഇത് ഇട്ട് തീർന്നിട്ടില്ല ഇനിയും ഇടാനുണ്ട്…
ഇത്ത : (ഞാൻ പറയുന്ന കേട്ട് തിരിഞ്ഞു അയാളെ നോക്കി) എന്തേലും പറയാനുണ്ടേൽ ഉറക്കെ പറയണം അല്ലാതെ ഒരുമാതിരി…
അയാൾ : ഞാനൊന്നും പറഞ്ഞില്ല… പിന്നെ അത് അമ്മേടെ മുട്ട തന്നെയാ വെറുതെ എന്തേലും വിളിച്ചു പറയണ്ട… നമ്മളിത് കുറേ കണ്ടതാ… ഇത് കരയാമേടെ മുട്ടയാ അതിനൊരു പ്രതേക തണുപ്പുണ്ടാവും അതറിയാനാ പൊട്ടിച്ചു കാലിൽ ഒഴിച്ചുനോക്കിയേ (വശത്തെ കുളം ചൂണ്ടി കാണിച്ച്) ആ കുളത്തിനെങ്ങാനും കയറിവന്ന് മുട്ടയിട്ടതാ…
(കൈകൾ വായിക്ക് മുകളിൽ വെച്ച് ബഹുമാനിക്കും പോലെ)ശെരി ഭ്രാന്തില്ലാത്ത മനുഷ്യാ…(ഇത്തയെ നോക്കി)എനിക്ക് ഭ്രാന്താണെന്ന് അയാളറിഞ്ഞില്ലെന്നാ പറഞ്ഞേ…
പ്ട്ടെ… (അവളുടെ കൈ ശക്തമായി അയാളുടെ കവിളിൽ പതിഞ്ഞു) എന്താടാ നായെ നീ പറഞ്ഞേ…