ഹരിത മനോഹരം 5

Haritha Manoharam Part 5 | Author : Sreeraj

[ Previous Part ] [ www.kambi.pw ]

---

 

ആയിഷ വീണയുടെ കൈകൾ പിടിച്ചു കൊണ്ട് തന്റെ ചെയറിലേക്ക് കര ഘോഷങ്ങളോടെ ആനയിച്ചിരുത്തി.

 

ആയിഷ പതിയെ വീണയുടെ ചെവിയിൽ ചോദിച്ചു : ഹരി എവിടെ..

 

വീണ : അറിയില്ല, രാവിലെ മുതൽ നോക്കുന്നതാ.. ഫോൺ സ്വിച്ച് ഓഫ്‌ ആണ്.

 

ആയിഷ : ആരെയെങ്കിലും തല്ലാൻ പോയോ ഇനി.. നേരിട്ട് പറയാം എന്ന് വച്ചതായിരുന്നു. ഇനി ചേച്ചി പറഞ്ഞാൽ മതി. അടുത്ത ആഴ്ച മുതൽ അവന്, ന്യൂ പോസ്റ്റിൽ ജോലിക്ക് കയറാം. ചേച്ചി പി എ പോസ്റ്റിനുള്ള പരുപാടി ചെയ്യാൻ നോക്ക്.

 

ആയിഷ വീണയെ സാക്ഷി ആക്കി ചെറിയ പ്രസംഗം നടത്തി എല്ലാവരെയും നോക്കി. അവസാനം പറഞ്ഞു : ആരും മറക്കണ്ട, ഞാൻ എവിടേം പോണില്ല. എനിക്ക് തന്ന സപ്പോർട് ചേച്ചിക്കും കൊടുക്കണം. അല്ലെങ്കിൽ ഞാൻ വീണ്ടും ഒരു വരവ് ഇങ്ങോട്ട് വരും.

 

അതിനേക്കാൾ ഗംഭീര സ്വീകരണം ആയിരുന്നു ആയിഷക്ക് ഹെഡ് ഓഫീസിൽ ലഭിച്ചത്. അവിടെ മിക്ക ആളുകളെ അറിയാം എങ്കിലും, ഒന്നുകൂടെ പരിചയപ്പെട്ടു.

 

അധികം വൈകാതെ ആയിഷക്ക് മനസ്സിൽ ഒരു സുഖം ഇല്ലായ്മ വന്നു തുടങ്ങി. ഓഫീസിലെ തന്റെ ഡെസ്കിനോട് ചേർന്നുള്ള കാളിങ് ബെൽ. ഇവിടെ അതില്ല. പി എ ക്ക് പകരം, സെക്രട്ടറി ആണ്. വിളിക്കാൻ ഡയറക്റ്റ് ഫോൺ ലൈൻ…

 

താൻ ആഗ്രഹിച്ച, ഉദ്ദേശിച്ച പോസ്റ്റിൽ ഇരുന്നിട്ടും, എന്തോ ഒരു സംതൃപ്തി ഇല്ലായ്മ….

 

സമയം കടന്നു പോയി, ഉച്ചയോടെ വീണയുടെ കാൾ വന്നു. വീണ ഹരി വിളിച്ചിരുന്നോ എന്ന് ചോദിച്ചപ്പോൾ ആണ്, ഹരി വന്നിട്ടും കോൺടാക്റ്റും ചെയ്തിട്ടില്ല എന്ന് ആയിഷ അറിയുന്നത്.

 

പിന്നീട് അങ്ങോട്ട്, ഇടക്കിടക്ക് ആയിഷ വീണയെ ഫോൺ വിളിച്ചു. ഓഫീസ് ടൈം കഴിയാറായിട്ടും ഒരു വിവരവും ഇല്ലാത്തതു കൊണ്ട് അനുവിനെ ഫോൺ വിളിച്ചു പറഞ്ഞു ആയിഷ.

 

ഏറ്റവും വലിയ കോമഡി, ഹരി താമസിക്കുന്നത് എവടെ ആണ് എന്ന് ആർക്കും അറിയില്ല എന്നുള്ളതാണ്. കോളനി പേര് ഒഴിച്ച്. ഒരാൾക്ക് പോലും അറിയില്ലായിരുന്നു.

……………………………………………………….

രാത്രി ഒൻപതര കഴിഞ്ഞു, നഖം കടിച്ചു കൊണ്ട്, ആയിഷയും വീണയും അനുവിന്റെ ഫ്ലാറ്റിൽ തന്നെ ഉണ്ട്. അനുവും ടെൻഷനിലാണ്..

 

അനുവിന്റെ ഫോൺ റിങ് ചെയ്തു,, എസ് ഐ ഷണ്മുഖം ആണ്..

 

അനു ഫോൺ എടുത്തു. അനു പാനിക്ക് ആകുന്നത് മറ്റു രണ്ടു പെരും കണ്ടു. അനു പെട്ടെന്ന് എഴുന്നേറ്റു..

 

” എന്നിട്ട് അവന് എങ്ങിനുണ്ട്,,,,,, ഏതു ഹോസ്പിറ്റൽ ആണ് “…. അനു ഫോണിൽ പറഞ്ഞതും ആയിഷയും വീണയും ചാടി എഴുന്നേറ്റു.

 

അനു ഫോൺ വച്ച ശേഷം രണ്ടുപേർക്കും നേരെ തിരിഞ്ഞു. പറയാൻ വാക്കുകൾ കിട്ടുന്നുണ്ടായിരുന്നില്ല അനുവിന്..

 

വീണയും ആയിഷയും ഒരേ സ്വരത്തിൽ ചോദിച്ചു : എന്താ, എന്താ പ്രശ്നം?.. ഹരിക്കെന്താ?..

 

അനു : രാവിലേ xxxx സ്ഥലത്തു വച്ച് അവന് ചെറിയ ആക്‌സിഡന്റ്. ഇപ്പോൾ xxxx ഹോസ്പിറ്റലിൽ ആണ്.

 

വീണയുടെ കണ്ണുകൾ നിറഞ്ഞു, അറിയാതെ പറഞ്ഞു : അയ്യോ, എന്നിട്ട്. അവന് എങ്ങിനുണ്ട്…

 

ആയിഷ ഉടനെ പറഞ്ഞു : അങ്ങോട്ട് പോവാം നമുക്ക്..

 

അനു അവരെ തടഞ്ഞു പറഞ്ഞു : കാലിന് ഫ്രക്ചർ ഉണ്ട്, പിന്നെ കൺകഷനും.. അവൻ കണ്ണ് തുറന്നിട്ടില്ല.

 

ആയിഷ അലറി കൊണ്ട് : അതല്ലേ അങ്ങോട്ട് പോവാം എന്ന് പറഞ്ഞത്.

 

അനു : ആയിഷ അത്, അവന്റെ ചേച്ചിയും ഫാമിലിയും അവിടെ ഉണ്ട്. അവരുടെ ഇടയിലേക്ക് നീ ചെന്നാൽ.

 

ആയിഷ : ചെന്നാൽ എന്താ, ഞാൻ അവന്റെ ബോസ് അല്ലെ..

 

അനു: എന്നാ പോവാം… ബോസ്, ബോസ് മാത്രം ആണ് നീ… വേറെ ആർക്കും ഒന്നും അറിയില്ല എന്ന ഓർമ വേണം.

 

……………………………………………………….

എസ് ഐ ഷണ്മുഖം അവരെ കാത്ത് നിപ്പുണ്ടായിരുന്നു ഹോസ്പിറ്റലിനു മുന്നിൽ…

 

അനുവിനോട് അയാൾ പറഞ്ഞു : സിസിടിവി ഫുടേജ് കണ്ടു. ഒരു അമ്മയും കുട്ടിയും ആയിരുന്നു അപകടത്തിൽ പെടേണ്ടിയിരുന്നത്. അവൻ അവരെ തള്ളി മാറ്റി അപകടത്തിൽ പെട്ടതാണ് .