“ദേ പിന്നേം ഇതെന്തോന്ന് കൊച്ചെ ഡാമോ ഇങ്ങനെ തുറന്ന് വിടാൻ..ഞാൻ കൊണ്ടോയി വല്ല ഹോസ്റ്റലിലും ആക്കിത്തരാം എന്നിട്ടെനിക്ക് ഇടുക്കി എത്തേണ്ടതാണ്..നീ കയറിക്കെ” അവളുടെ ഏങ്ങൽ കേട്ടതും അവനൊന്നു മയപെടുത്തി…
“ 8 മാസമായെനിക്ക്..കുറച്ചു ദിവസം… വാവയോന്ന് പുറത്ത് വരുന്നതുവരെ കഴിയാനൊരിടം തന്നാൽ മതി…അതിനു മുമ്പേ അവനെന്നെ കണ്ടെത്തിയാൽ പിന്നെന്റെ വാവയെ എനിക്ക് ജീവനോടെ കിട്ടില്ല” പറഞ്ഞതുമവൾ പൊട്ടികരഞ്ഞിരുന്നു..ഊർന്നവന്റെ കാലിലേക്ക് വീഴാണൊരുങ്ങിയവളെ അവൻ ഉയർത്തിപിടിച്ചു…
“ഇതെന്ത് കുരിശാണ് ന്റീശ്വരാ…..ഈ മോങ്ങല് നിർത്തീട് നീ കയറൊന്നാദ്യം”
മഴ തോർന്നു തുടങ്ങിയിരുന്നു..അവൾ പതിയെ പിടിച്ചവന്റെ പിന്നിലേക്ക് കയറി..പേടികൊണ്ട് അവന്റെ തോളിൽ ഇറുക്കേപിടിച്ചിരുന്നു…
അവളാരെയാകും പേടിക്കുന്നത്..ഇവിടെ നിർതിയിട്ട് പോയാൽ അവളെ അവർ കണ്ടുപിടിക്കുമോ..ആ CI അറിഞ്ഞാൽ വീണ്ടും ഇവളെ അവർക്ക് കിട്ടും..ഇനി ഇവൾ വല്ല ബുദ്ധിമോശവും കാണിക്കുമോ..അങ്ങനെ ആയാൽ താൻ കുടുങ്ങും…അല്ലെങ്കിലേ ഡിപ്പാർട്മെന്റ് ഇൽ താൻ കണ്ണിൽ കരടാണ് ചിലർക്ക്..ഇതോടെ ആയാൽ പൂർത്തീആകും…അത്പിന്നെ എന്ത് വന്നാലും പോട്ടെ പുല്ലെന്ന് വക്കാം കൂടിപ്പോയാൽ സസ്പെന്ഷന് അല്ലെ…
“നിനക്ക് വേറെ ബന്ധുക്കളാരും ഇല്ലേ ദൂരെ എവിടെയെങ്കിലും?..
കുറച്ചു ദിവസം മാറി നിൽക്കാൻ..”
വീശിയടിക്കുന്ന കാറ്റിൽ അവളാ ചോദ്യം കേട്ടില്ല
“കൊച്ചെ നിനക്ക് മാറിനിൽക്കാൻ വേറെ ഇടമുണ്ടോ എന്ന്?? സ്വന്തക്കാരരെങ്കിലും??
”ആരുമില്ല..വാപ്പച്ചീടെ വീട്ടുകാരെയാ ഇന്ന് കണ്ടത്..ഉമ്മച്ചിയെ വാപ്പച്ചി വിളിച്ചിറക്കികൊണ്ടന്നതാ അവരൊക്കെ എവിടന്ന് പോലും എനിക്കറീല്ല“
”ഹ്മ്മ്…“
അവനൊന്നു മൂളി.
റെയിൽവേ സ്റ്റേഷൻ എന്നെഴുതിയ വഴിക്ക് തിരിയും നേരം അവൾ അവനെ ഒന്ന് നോക്കി മിറർ ലൂടെ..അവനാ നോട്ടം കണ്ടില്ല
പേ പാർക്കിങ്ങിൽ എത്തി വണ്ടിനിർത്തിയതും..
”ഇറങ്ങ്“
അവൾ അവനെ ഒന്ന് നോക്കികൊണ്ട് ബൈക്കിൽ നിന്നുമിറങ്ങി..
”വാ….“
അവൻ ബാഗുമെടുത്തു മുന്നോട്ട് നടന്നു.ഒന്നും മനസിലാകാതെ അവൾ പിന്നാലെയും..
ടിക്കറ്റ് എടുക്കാനായി അവൻ പോയപ്പോൾ അവളാ സിമന്റ് ബഞ്ചിലിരുന്നു..അയാളെന്നെ കൂടെ കൊണ്ടോകുമോ അതോ എവിടെയെങ്കിലും ആക്കുമോ..എന്ത് ധൈര്യത്തിലാ താനി കാണിക്കുന്നതൊക്കെ..പലവിധ ചിന്തകളാൽ ഇരുന്നവൾ അവൻ മുന്നിലെത്തിയത് അറിഞ്ഞില്ല..ഒരു കപ്പ് കോഫി അവൾക് നേരെ നീണ്ടു വന്നു…
“കുടിക്ക്..ആകെ നനഞ്ഞതല്ലേ..”
പാതിയും ഉണങ്ങിതുടങ്ങിയ വസ്ത്രങ്ങളിലേക്ക് നോക്കിയവൻ പറഞ്ഞതും അവളൊന്ന് ചൂളി..ഒരു ഇറുകിയ വൈറ്റ് സൽവാർ ആണ് വേഷം..ഗർഭിണിയായ ശേഷം തുടുത്ത തന്റെ ശരീരം അതിൽ എടുത്തുകാണിക്കുന്നുണ്ടായിരുന്നു..തട്ടം വലിച്ചിട്ടുകൊണ്ടവൾ ആ
കപ്പ് വാങ്ങി ചുണ്ടോടാടുപ്പിച്ചു..
തനിക്കുമുന്നിലായി പിന്തിരിഞ്ഞു നില്കുന്നവനെ നോക്കികൊണ്ട് അവൾ ഒരിറക്ക് കുടിച്ചു..ആറടിയോളം ഉയരം തോന്നിക്കുന്ന ഉറച്ച ശരീരപ്രകൃതിയുള്ള ഇരുന്നിറത്തേക്കാൾ കുറച്ചു കൂടി നിറമുള്ളൊരാൾ…bulky ടൈപ്പ് ബോഡി…തന്റെ ഇരട്ടിയോളം വലിപ്പമുണ്ട്….അവനൊന്നു തിരിയാൻ തുടങ്ങിയതും അവൾ മിഴികൾ മാറ്റി…
“ഞാൻ പോകുന്നിടത്തേക്ക് നിനക്കും ടിക്കറ്റ് എടുത്തിട്ടുണ്ട്..കുഞ്ഞുണ്ടാകുംവരെ അവിടെ നിൽക്കാം ശേഷം എവിടേക്കെങ്കിലും സുരക്ഷിതമായി മാറാം നിനക്ക്..”
19 വയസു മാത്രം പ്രായമുള്ള അച്ഛനും അമ്മയും നഷ്ടപ്പെട്ട ഒരു പെൺകുട്ടിയോടുള്ള സഹതാപം മാത്രം ആയിരുന്നോ അവന്റെ വാക്കുകളിൽ..അറിയില്ല..
“ഇതല്ലാതെ മറ്റൊന്നും ഇല്ലല്ലോ കയ്യിൽ?..നനഞ്ഞത് ഇട്ടു നടക്കണ്ട ഒരു ജോടി ഡ്രസ്സ് വാങ്ങാം വാ..”
അവളെ തേടി ആരെങ്കിലും ഉണ്ടെങ്കിൽ ഈ ഡ്രെസ്സിൽ പ്രത്യേകിച്ച് ഗർഭിണി കൂടെ ആകുമ്പോൾ പെട്ടെന്ന് തിരിച്ചറിയപെടുമെന്ന് അവനു തോന്നിയെങ്കിലും അത് പറഞ്ഞില്ല..
“ഒളിച്ചോടാൻ പറ്റിയ വേഷം…നട്ട പാതിരക്കു വെള്ള ചുരിദാർ…ഇവളാര് കള്ളിയങ്കാട്ടു നീലിടെ മോളോ..ഹാ കണ്ടാലും പറയും..” അവളുടെ അലകൾ പോലെയുള്ള നീണ്ട മുടി ഓർത്തുകൊണ്ടവൻ ഞൊടിഞ്ഞതും ഒരുത്തി തന്നെ കൂർപ്പിച്ചു നോക്കുന്നത് അറിഞ്ഞില്ല…