“ പതിനഞ്ചു വയസേ ഉണ്ടായിരുന്നുള്ളുന്ന്…..പ്രണയിച്ചവൻ കൊടുത്തതാ……അറിഞ്ഞപ്പോളേക്ക് കളയാൻ പറ്റാത്ത അവസ്ഥ ആയിരുന്നു……കാശിന്റെ ബലം കൊണ്ട് ആശ്രമത്തിലേക്ക് കൊണ്ടുവന്നു…..ആരും അറിയാതെ പ്രസവിപ്പിച്ചു……കുഞ്ഞു മരിച്ചുപോയെന്ന് പറഞ്ഞു ആ കൗമാരം വിടാത്ത കുഞ്ഞിനെ പറഞ്ഞു വിശ്വസിപ്പിക്കാൻ ബുദ്ധിമുട്ടുണ്ടായിരുന്നില്ല……എന്നെ അവിടെ ഏല്പിച്ചു അവർ തിരികെപോയി………”
അവൾ അവന്റെ പുറത്ത് പതിയെ തട്ടിക്കൊണ്ടിരുന്നു…….
“ അത് കേൾക്കും വരെ എന്നെങ്കിലും തന്നെത്തേടി ആരെങ്കിലും വരുമെന്ന പ്രതീക്ഷ ഉണ്ടായിരുന്നു…..അത് അതോടെ തീർന്നു…..”
“ജോലി കിട്ടിയ ശേഷം സ്വാമിയേ കാണാൻ ചെന്നു….പ്രായത്തിന്റെഅവശതകൾ കൊണ്ട് ഉഡുപ്പിഅടുത്തൊരു ആശ്രമത്തിലേക്ക് മാറിയിരുന്നു അദ്ദേഹം….ഇടയ്ക്കു ചെന്നു കാണാനായി വിളിക്കും…“
”അന്ന് നിന്നെ കണ്ടപ്പോൾ അതൊക്കെ ഓർമ വന്നു……അതാ വഴിയിൽ വിട്ടിട്ടു പോകാതിരുന്നത്…..“
”പിന്നീടൊരിക്കലും അന്വേഷിച്ചില്ലേ….“
”വേണ്ടെന്നു വച്ചു….എല്ലാം മറന്ന് നല്ലൊരു ജീവിതം ജീവിക്കുന്നുണ്ടേൽ എന്തിനാ അതിനിടയിലേക്ക്…..ആ പ്രായത്തിൽ പറ്റിപ്പോയൊരു തെറ്റല്ലേ……“
അവളവന്റെ മുഖത്തേക്ക് തന്നെ നോക്കി.
”ഇനിയെന്തിനാടി എനിക്കവരൊക്കെ…..നീയില്ലേ…നമ്മുടെ കുഞ്ഞില്ലേ….ഒരിക്കലുമൊരു പെണ്ണുകെട്ടണമെന്നോ കുടുംബം വേണമെന്നോ തോന്നിയിട്ടില്ലെനിക്ക്…അവിടെക്കാ നീ ഇടിച്ചു കയറി വന്നത്…..“
”അപ്പൊ ഞാൻ ഇല്ലാരുന്നെങ്കിലോ…..“
”നീയില്ലെങ്കിൽ……….അവനുയർന്നു അവളുടെ മുഖം ഉള്ളം കയ്യിലെടുത്തു……കണ്ണുകളിലേക്ക് നോക്കി..
അവൾ എന്തേയെന്നു പുരികം ഉയർത്തി…..
“നീയില്ലെങ്കിൽ ഇന്നെൻ ജന്മം
വേനൽ കനവായ് പൊയ്പോയേനെ
നീയില്ലെങ്കിൽ സ്വപ്നം പോലും
മിന്നൽക്കതിരുകളായ് പോയേനേ………………”
ഫിദ കണ്ണുമിഴിച്ചു നോക്കി……
“എന്ത് രസാ പാടണ കേൾക്കാൻ……”
അവൻ ഒന്നു ചിരിച്ചു.
“ഇത്ര
നാളും ഉണ്ടായിട്ടും ഒരു മൂളിപ്പാട്ടുപോലും പാടിതന്നില്ലെനിക്ക്……” അവൾ ചുണ്ടുചുളുക്കി…..
അവനതിനുമൊന്നു ചിരിച്ചു………
ഫിദ ചിന്തയിൽ നിന്നും ഉണർന്നു…….ഈ കിടപ്പു കിടന്നാൽ ശെരിയാകില്ല….കുഞ്ഞേഴുന്നേൽക്കാറായി…അമ്മച്ചിയെപ്പോൾ വേണേലും എത്തും….അവനെ ഉണർത്താതെ മുഖം എടുത്തുമാറ്റി തലയിണ വച്ചു….പതിയെ എണീറ്റു…….ഡ്രസ്സ് മാറ്റി അടുക്കളയിലേക്ക് ഇറങ്ങി…..
ദിവസങ്ങൾ നീങ്ങി…..ഹാളിൽ റീലും കണ്ടിരിക്കുന്നതിനിടയിൽ ആണ് പൂക്കളമിടാനായി മുറ്റം ഒരുക്കുന്ന ഒരു റീൽ അവൾ കാണുന്നത്………
“ഓണം ആയോ”
അവനൊന്നും പറഞ്ഞും കേട്ടില്ലല്ലോ. ….കോളേജിൽ പൊക്കൊന്നും ഇല്ലാത്തതുകൊണ്ട് ഇതൊന്നും താനും ശ്രദ്ധിച്ചില്ല…….അവൻ വരുമ്പോൾ ചോദിക്കാം……
ആദ്യത്തെ ഓണമല്ലേ……കാര്യമായിട്ടെന്തെങ്കിലും ചെയ്യണം…….
രാത്രിയവൻ വന്നപ്പോൾ കാര്യം പറഞ്ഞു…….വല്യ പ്ലാനിങ് ഒന്നും വേണ്ട ലീവ് കിട്ടിയില്ലെങ്കിലോ എന്നു പറഞ്ഞവൻ നിർത്തി…….
അവർക്കു മൂന്നിനും ഉള്ള ഡ്രസ്സ് അവൾ ഇൻസ്റ്റാഗ്രാം ഇൽ ഒരു പേജിൽ ഓർഡർ കൊടുത്തു…….
ഓണമായാൽ എന്തൊക്കെയാണ് ചെയ്യേണ്ടതെന്ന് യൂട്യൂബിൽ വീഡിയോസ് തപ്പി……….
പിറ്റേന്ന് അമ്മച്ചി പറഞ്ഞിട്ട് ചാച്ചനവൾക് മുറ്റത്തെ വെള്ളാരം കല്ല് കുറച്ചു മാറ്റി അവിടെ മണ്ണടിച്ചു ഒതുക്കി കൊടുത്തു……..
രാവിലത്തെ തണുപ്പ് വകവെക്കാതെ മുറ്റത്തു ചെറിയൊരു പൂക്കളം ഇടുന്നവളെ നോക്കി കുഞ്ഞില യെയും മടിയിൽ വച്ചു സിറ്റൗട്ടിൽ നിന്നുമിറങ്ങുന്ന പടിയിൽ ശബരി ഇരുന്നു……ഇന്ന ദിവസം ഇന്നിന്ന പൂ ഇത്രവീതം എന്ന അറിവൊന്നുനില്ലാതെ റോസാപൂവും ചെമ്പരത്തിപ്പൂവും അമ്മച്ചിടെ വീട്ടിലെ ഗന്ധരാജനും എന്തിനു റബ്ബർതോട്ടത്തിലെ കട്ടൻ പയറിന്റെ പൂ വരെ കൊണ്ട് വച്ചിട്ടുണ്ടവൾ…….
ഫിദയൊന്ന് തലയുയർത്തി നോക്കിയതും കണ്ടു തന്നെത്തന്നെ നോക്കിയിരിക്കുന്നവൻ……
പക്ഷെ മുഖത്തല്ല കണ്ണ്…..എങ്കിപ്പിന്നെ അതെവിടെ ആയിരിക്കുമെന്നവൾക് കൃത്യമായി കത്തി………ഇറങ്ങിക്കിടന്ന മാക്സിയുടെ കഴുത്തു മുകളിലോട്ട് വലിച്ചിട്ടു…..ഷോൾ എടുത്തു പുതച്ചു……എന്നിട്ടവനെയൊന്നാക്കി നോക്കി……..