രാവിലെ ഫിദ താമസിച്ചാണ് എണീറ്റത്…..അവന്റ നെഞ്ചിൽ ഒരേ കിടപ്പ് കിടന്നതിനാൽ ദേഹം വേദനിക്കുന്നുണ്ട്……
എണീറ്റു പല്ലുതേച്ചപ്പോളേക്കും അവൻ ആഹാരവുമായി വന്നു…..കഴിച്ചു കുഞ്ഞിനുള്ള സെറിലാക്കും കൊടുത്തു വെറുതെയിരിക്കുമ്പോൾ ആണ് മുറ്റത്തൂടെ കാര്യമായെന്തോ ഫോണിൽ സംസാരിച്ചു നടക്കുന്നവനെ കാണുന്നത്…..
എന്താവോ കാര്യം…..മുഖമൊക്കെ മുറുകിയിരിപ്പുണ്ട്……..
അമ്മച്ചിയുടെ കാൾ വന്നതും അവൾ അതുമെടുത്ത് അകത്തേക്ക് പോയി……ഇടയ്ക്കവൻ വന്നു പുറത്ത് പോകുവാണെന്നും പെട്ടെന്ന് വരാമെന്നും പറഞ്ഞു പോയി……
ഉച്ച കഴിഞ്ഞാണ് ശബരി പിന്നെ വരുന്നത്…..
തനിക്ക് മുഖം തരാതെ കയറിപോകുന്നവന്റെ പിറകെ ചുളിഞ്ഞ മുഖവുമായി അവളും ചെന്നു…..
ഷർട്ട് മാറാൻ തുടങ്ങിയവൻ അവളെക്കണ്ടതും നിർത്തി……
“എങ്ങോട് പോയതാ ശബരിയേട്ടാ…..കഴിച്ചില്ലലോ…വാ ഞാൻ എടുത്ത് വക്കാം….”അവൻ കൊണ്ടുവന്ന പൊതി കയ്യിൽ എടുത്തവൾ പറഞ്ഞു
അപ്പോളാണവൾ അവന്റെ ഷർട്ടിന്റെ പിന്നിലെ മുഷിച്ചിലും അല്പം ചോര പൊടിഞ്ഞ പാടും കാണുന്നത്…….
“റബ്ബേ….ഇതെന്ത് പറ്റിയതാ……എന്താ ഉണ്ടായേ…..”അവൾ
ആധിയോടെ ചോദിച്ചു
“അതൊന്നുമില്ലെടി…..ഒരു പ്രതിയെപിടിക്കാൻ അവരുടെ കൂടെപോയതാ…..അപ്പോൾ പറ്റിയതാ….”
ആ പൊട്ടിയതു വിശ്വസിച്ചു……അവന്റെ ഷർട്ട് അഴിച്ചു വാങ്ങി ചതവും പാടും നോക്കുന്നവളെ കണ്ടതും മുഖം മുഴുവൻ പിടിച്ചുമ്മ വെച്ചു അവൻ…….
“എന്താ വല്ലാത്തൊരു സ്നേഹമൊക്കെ…..”
“ഒന്നുല്ലെടി….”
“എന്തോ ഉടായിപ്പുണ്ട്……”
“ഡ്യൂട്ടിൽ അല്ലാത്ത si സാറ് സ്റ്റേഷൻ പരിധിവിട്ട് പ്രതിയെപിടിക്കാൻ ഇറങ്ങീതിലേ ലോജിക് എനിക്കത്ര കത്തീട്ടില്ല….സാരല്ല സൗകര്യമുള്ളപ്പോ പറഞ്ഞാ മതി…..”
പൊട്ടിയൊന്നും അല്ല….കുഞ്ഞികുരുപ്പ്…അവനുള്ളാലെ പറഞ്ഞു…….
കുഞ്ഞിന്റെ ഡയപ്പർ കത്തിക്കുമ്പോൾ മതിലിന്റെ മുകളിൽ നിന്നും വത്സ ചേച്ചി തല പൊക്കി….പിന്നവരോട് മിണ്ടി അവളവിടെ നിന്നു…….
“മോളെ നീയറിഞ്ഞോ….നിന്റെ മൂത്തപ്പാടെ മരുമോനില്ലേ….ഷാമിറ മോൾടെ കെട്ടിയോൻ….ആ ചെക്കനെ ആരോ തല്ലിയെന്ന്……വീട്ടിൽ കേറിയാ ചെയ്തെ……
കയ്യും കാലുമെല്ലാം ഒടിഞ്ഞെന്ന കേട്ടെ…..വേണ്ടതൊക്കെ ചവുട്ടികലക്കേം ചെയ്തെന്ന അവരുടെ വീട്ടിൽ പണിക്ക് പോണ ജമീല പറഞ്ഞേ….ആളുമാറീതാന്നും അല്ലന്നും ഒക്കെ കേക്കണുണ്ട്……ബോധം തെളിഞ്ഞാലേ അറിയാൻ പറ്റു……..“
പിന്നെയാവളൊന്നും കേൾക്കാൻ നിന്നില്ല….കുഞ്ഞു എണീക്കാറായെന്നും പറഞ്ഞു അകത്തേക്ക് നടന്നു…
എല്ലാം മനസിലായിരുന്നു…..കണ്ണുകൾ നിറഞ്ഞുതൂവി……അവളകത്തേക്ക് ഓടികയറി അവനെ ഉടുമ്പ് പിടിക്കുംപോലെ കെട്ടിപിടിച്ചു….
”ഹാ പതിയെ……“
”എന്നോടെന്തിനാ കള്ളം പറഞ്ഞേ. ……“
അവളെല്ലാം അറിഞ്ഞിട്ടുണ്ട്……..
”പറഞ്ഞു പേടിപ്പിക്കണ്ടന്ന് തോന്നി….“
”എനിക്കറിയാരുന്നു ചോദിക്കാൻ പോകുമെന്ന് അതാ പറയാണ്ടിരുന്നേ……“ അവളവന്റെ നട്ടെല്ലിലൂടെ ഉമ്മ വച്ചുകൊണ്ട് പറഞ്ഞു……
”നീ പറഞ്ഞില്ലെങ്കിലും ഞാനിതു ചെയ്തേനെ ഫിദാ……..അന്നാ പെരുമഴയത്ത് കരഞ്ഞുകുഴഞ്ഞ നീ വീണത് എന്റെ കയ്യിലേക്കാ……ഞാൻ കണ്ടില്ലായിരുന്നെകിൽ…..“
ആ ചിന്തയിൽ പോലും അവൻ തലവെട്ടിച്ചു……
”ഇവിടേക്ക് വരുമ്പോളേ അവനു ഞാനൊന്നോങ്ങി വച്ചതാ……..എന്റെ പെണ്ണിനേം തേടി പിന്നെയുമവൻ വന്നു…….ആ @&₹₹&& ന്റെ കഴപ്പ് തീർത്തില്ലെങ്കിൽ പിന്നെ ഞാനെന്തിനാടി നിന്റെ ഭർത്താവാണെന്നു പറഞ്ഞു നടക്കുന്നെ…….എന്റെ പെണ്ണിന്റേം കുഞ്ഞിന്റേം നേരെ ഞാനില്ലാത്തപ്പോ വന്നവനെ വെറുതെ വിടാൻ പുണ്യാളൻ ഒന്നുമല്ല ശബരി…….“
അവനോടുള്ള സ്നേഹം കൊണ്ടവൾക് നെഞ്ച് വിങ്ങി…….പെരുവിരൽ കുത്തി ഉയർന്നു മുഖം മുഴുവൻ ചുംബിച്ചു……അവളുടെ ഉമിനീർ അവന്റെ മുഖമാകെ പടർന്നു…….
നെഞ്ചിലെ ചോര കല്ലിച്ചു കിടക്കുന്ന പാടിലൂടെ ചുണ്ടിഴച്ചു….കണ്ണീരു കൊണ്ട് കഴുകി…ഉമിനീരുപ്പ് പുരട്ടി കൊടുത്തു…..
അവൻ അഴിച്ചിട്ട പാന്റ്സിന്റെ പോക്കറ്റിൽ നിന്നും അവൾ സിഗററ്റ് പാക്കറ്റ് എടുത്തു….ഒരെണ്ണമെടുത്തു അവന്റെ നേരെ നീട്ടി……