ഹരി കണ്ണ് മിഴിച്ചു കൊണ്ട് രേവതിയെ നോക്കി ” അതും പറഞ്ഞോ, എന്ന ഭാവത്തിൽ “….
സൈറ എഴുന്നേറ്റ് നിന്ന് നടക്കാൻ തുടങ്ങുമ്പോൾ, ഹരിയും എഴുന്നേറ്റ് നിന്ന് പറഞ്ഞു : മാം…… ഇത്രയും നന്നായി മലയാളം?…….
സൈറ : ഞാൻ പറഞ്ഞിരുന്നല്ലോ ഹരീ.. എന്റെ ഉമ്മച്ചി മലയാളി ആയിരുന്നു എന്ന്…. മരിക്കുന്ന വരെയും…..
സൈറ ഒന്ന് നിർത്തി…. കൂടുതൽ തുടരാൻ ആഗ്രഹം ഇല്ലാത്ത പോലെ, ചിരിച്ചു കൊണ്ട് ഹരിയെ നോക്കി പറഞ്ഞു : തന്റെ ഭാര്യയെ എനിക്ക് നന്നായി പിടിച്ചൂട്ടോ എന്തായാലും……
ഹരി അത് കേട്ട് ചിരിച്ചുപ്പോൾ, രേവതിയും പുഞ്ചിരിച്ചു…….
സൈറ വീണ്ടും ചോദിച്ചു : അപ്പൊ നാളെ ഓഫീസ്… ഓകെ അല്ലെ?..
ഹരിയും എഴുന്നേറ്റ് പറഞ്ഞു : ഓകെ മാം….
സൈറ സമയം പാഴാക്കാതെ അവിടെ നിന്ന് ഇറങ്ങി….
രാത്രി കിടക്കുമ്പോൾ രേവതി പറഞ്ഞു : എന്താല്ലേ…ചേച്ചിയെ സമ്മതിക്കണം. കണ്ടാൽ പറയില്ല…. ഇത്രേം ബുദ്ധിമുട്ടി ആണ് വളർന്നത് എന്ന്………
ഹരി ശരിയാണ് എന്നർത്ഥത്തിൽ തല കുലുക്കിയ ശേഷം ചോദിച്ചു : അല്ലടി…. നീ എന്ത് ഉദ്ദേശിച്ചാണ്, മാഡത്തിന് മുന്നിൽ പോയി എല്ലാം വിളമ്പിയത്…..
രേവതി : ഗാർഡനിങ് ചെയ്യുന്ന സമയത്ത് ഓരോന്ന് സംസാരിച്ചതാ എന്റെ ഹരീ… അപ്പോൾ…ആ… ഒരു ഇതിൽ പറഞ്ഞു പോയി… അതുകൊണ്ട് കുഴപ്പം ഒന്നും ഉണ്ടായില്ലല്ലോ…..
ഹരി : നമ്മുടെ പ്രാരാബ്ദത്തിന്റെ കണക്കുകൾ കൂടെ അവതരിപ്പിച്ചോ?..
രേവതി ചിണുങ്ങിക്കൊണ്ട് : കുറച്ചൊക്കെ അറിയാതെ ………
ഹരി രേവതിയെ നോക്കി മുഖം കൂർപ്പിച്ചു എങ്കിലും കൂടുതൽ ഒന്നും പറഞ്ഞില്ല. അവൻ മനസ്സിൽ ചോദിച്ചു “അതുകൊണ്ടാണോ, എക്സ്ട്രാ പത്ത് തരാം എന്ന് പറഞ്ഞിട്ടുണ്ടാവുക?”…
അതേ സമയം സൈറ തന്റെ ലാപ്പിന് മുന്നിൽ ഇരുന്ന്, ഹരി ഫീഡ് ചെയ്ത് കൊടുത്ത ഡാറ്റ സൂക്ഷ്മമായി ചെക്ക് ചെയ്യുകയായിരുന്നു….
കഴിഞ്ഞ ഒരു വർഷത്തെ സെയിൽസ് ഡേറ്റ ഒരുപാട് നേരം വിശകലനം ചെയ്ത ശേഷം, തന്റെ ഡയറിയിൽ എഴുതിയിരുന്ന ചില പേരുകൾക്ക് താഴെ ചുവന്ന മഷി കൊണ്ട് അടി വര ഇട്ടു……
……………………………………………………………..
പിറ്റേന്ന് ഇന്നലെ രാത്രി ഉണ്ടായ അല്ലെങ്കിൽ സൈറയുമായി നടന്ന സംഭാഷണം എല്ലാം ഹരി ജെറിനോട് പറഞ്ഞു………
ജെറിൻ ചിരിച്ചു കൊണ്ട് ഹരിയുടെ തോളിൽ തട്ടി പറഞ്ഞു : അമ്പട കേമാ… അപ്പോൾ നീ അവളെ കയ്യിൽ എടുത്ത് കഴിഞ്ഞല്ലേ…
ഹരി : ഞാനോ… നിങ്ങൾക്ക് എന്താ… മാമിന് രേവതിയെ നന്നായി പിടിച്ചിട്ടുണ്ട്. അവളുടെ പൊട്ടി വർത്തമാനം ഉണ്ടല്ലോ… അതിൽ വീണെന്നാ തോന്നുന്നത്…..
ജെറിൻ ചിരിച്ചു കൊണ്ട് : രേവതി പാവം അല്ലേടാ… അവൾക്ക് എന്ത് തേങ്ങയ അറിയാൻ പറ്റുക… പക്ഷെ പ്രശ്നം അതല്ല…
ജെറിൻ ഒന്ന് നിർത്തിയ ശേഷം തുടർന്നു : എന്തോ കാര്യമായ മാറ്റങ്ങൾ നമ്മുടെ കമ്പനിയിൽ വരാൻ പോകുന്നുണ്ട്. അല്ലെങ്കിൽ സൈറ പറയില്ല, ഞാൻ അധിക സമയം ഇവിടെ ഉണ്ടാവില്ല എന്ന്.
ഹരി ശരിയാണ് എന്ന പോലെ തല കുലുക്കി…
ജെറിൻ : എടാ… എന്തെങ്കിലും വിവരങ്ങൾ കിട്ടിയാൽ തരാൻ മറക്കരുത്… കാരണം അറിയാലോ, മുകുന്ദൻ സർ ഒഴിഞ്ഞാൽ ആ കസേര അതിൽ എനിക്ക് ഉള്ള ചാൻസ് … കാര്യങ്ങൾ മുൻകൂട്ടി അറിഞ്ഞാൽ പ്രിപേർ ചെയ്യാൻ സമയം കിട്ടും..
ഹരി : അത് ഞാൻ ഏറ്റു, പക്ഷെ ഫുള്ളായി കിട്ടുമോ എന്നാ ഡൌട്ട്… ഇപ്പോൾ കണ്ടില്ലേ, നമ്മുടെ മൊത്തം ടീമിനെയും ഓരോരുത്തരായി ഓഫീസിൽ വിളിച്ചു വരുത്തി പേർസണൽ ആയി സംസാരിക്കുന്നത്…
ജെറിൻ : മ്മ്മ്മ്…. എനിക്ക് ഉറപ്പാണ്, വ്യക്തമായ പ്ലാനോട് കൂടെ ആണ് ഇങ്ങോട്ടേക്ക് ഉള്ള അവളുടെ വരവ്…
…………………………………………………………….
ദിവസങ്ങൾ മുന്നോട്ട് പോയി…………
……………………………………………………………..
അന്നത്തെ സംഭവിത്തിനു ശേഷം തന്നേ മാറ്റണം എന്ന് പറഞ്ഞു കൊണ്ട് ഹരിക്ക് പിന്നെ ജെറിനെ കാണേണ്ടി വന്നില്ല.