ഹരി രേവതിയെ നോക്കി പറഞ്ഞു : ഇനി മേലാൽ ആ വീട്ടിൽ പോയേക്കരുത്… ഗാർഡനിങ്ങും കോപ്പും……
രേവതിയുടെ കയ്യിൽ ഇരുന്ന് കരയുന്ന ആദി ആണ് ഹരിയെ കൂൾ ആക്കിയത്…….ഹരി അവനെ കയ്യിലെടുത്തു……. ഹരി പൊടുന്നനെ മാറി, അവനെ കൊഞ്ചിക്കാൻ തുടങ്ങി……..
ആദിയെ സമാധാനിപ്പിച്ച ശേഷം, രേവതിയുടെ നെറ്റിയിൽ ഉമ്മ വച്ചു കൊണ്ട് ഹരി പറഞ്ഞു : സോറി പെണ്ണെ…….. ഞാൻ നിന്നോടല്ല…. അപ്പോഴത്തെ….
രേവതി പുഞ്ചിരിച്ചു കൊണ്ട് പറഞ്ഞു : അറിയാം ഹരീ….. അത് പോട്ടെ……
കുറച്ചു നേരത്തിനു ശേഷം രേവതി പറഞ്ഞു : പിന്നെ അവിടെ ഉള്ള ആയീ ഇല്ലേ ……. കുട്ടികളെ നോക്കാൻ നല്ല വശം ആണ് ട്ടോ ആയിക്ക്……..
ഹരി : സെർവന്റ് ആണോ അത്?….. ആയീ പേര് അല്ലല്ലോ?……
രേവതി : സെർവന്റ് ആണോ എന്ന് ചോദിച്ചാൽ, അത് എനിക്കും അറിയില്ല…. സുരഭി എന്നാ ശരിക്കുള്ള പേര്… ചേച്ചി ആയി എന്നാ വിളിക്കുക… എന്നോടും അത് വിളിച്ചോളാൻ പറഞ്ഞു…
ഹരി : മ്മ്മ്മ്……..
രേവതി : ഹാ…. എന്നോട് ഡാൻസ് എടുക്കുന്ന സമയത്ത് ആദിയെ നോക്കണം എന്നുണ്ടെങ്കിൽ തന്നോളാൻ ഒക്കെ പറഞ്ഞു ഇന്ന്… കുട്ടികളെ ഭയങ്കര ഇഷ്ടം ആത്രേ… പിന്നെ പരിപ്പും നെയ്യും ശർക്കരയും ഒക്കെ ഇട്ട് ഒരു കുറുക്ക് ഒക്കെ ഉണ്ടാക്കി ആദിക്ക് കൊടുത്തു. നല്ലത് ആത്രേ കുട്ടികൾക്ക്…….. നോർത്തിൽ അങ്ങിനെ ആണത്രേ….
ഹരി എല്ലാം കേട്ട് പറഞ്ഞു : എന്നിട്ട് നമ്മുടെ ചെക്കൻ കഴിച്ചോ?..
രേവതി : പിന്നെ… ഫുൾ കഴിച്ചു.. വയർ കണ്ടോ കുറുമ്പന്റെ… എന്താ ചിരി ഉണ്ടായിരുന്നത് അറിയുമോ, ആയി ഓരോന്ന് പറഞ്ഞു കളിപ്പിക്കുമ്പോൾ…
ഹരി ആദിയെ നോക്കി : ആണോടാ ചെക്കാ….. ഇഷ്ടായോ പാപ്പാ……. ഇഷ്ടായോ അച്ഛന്റെ ചെക്കന്….. അച്ഛന്റെ ചെക്കൻ , ഹിന്ദി പഠിച്ചോടാ……
രാത്രി ഭക്ഷണം കഴിക്കാൻ ഇരിക്കുന്നതിന് തൊട്ട് മുൻപാണ് കോളിങ് ബെൽ അടിയുന്ന ശബ്ദം ഹരി കേട്ടത്..
വാതിൽ തുറന്ന ഹരി കണ്ടത് സാറ്റിൻ നൈറ്റ് ഗൗണിൽ നിൽക്കുന്ന സൈറയെ ആണ്…
ഹരി : മാം?…….
സൈറ ചോദിച്ചു : ഞാൻ അകത്തേക്ക് വന്നോട്ടെ?…
ഹരി അതിശയത്തോടെ വഴി മാറിയതും, സൈറ ഉള്ളിലേക്ക് വന്നു…
അടുക്കളയിൽ നിന്ന് രേവതിയും ഈ നേരം അങ്ങോട്ടേക്ക് എത്തി…… ഹരിയുടെ അതേ മുഖഭാവം ആയിരുന്നു രേവതിക്കും ഉണ്ടായിരുന്നത്…..
സൈറ തിരിഞ്ഞു നിന്ന് കൊണ്ട് ഹരിയോട് പറഞ്ഞു : സോറി ഹരീ… ഞാൻ കൺട്രോൾ ചെയ്യേണ്ടത് ആയിരുന്നു. ഇത് ഹരിയുടെ വീട് ആണെന്ന് ഞാൻ ഓർത്തില്ല ആ സമയത്ത്…….
ഹരി രേവതിയെ നോക്കി, മനസ്സിൽ പറഞ്ഞു ” അച്ചായൻ വിളിച്ചിട്ടുണ്ടാവും “….
സൈറ ഒന്നും പറയാതെ രേവതിയെ നോക്കി ചോദിച്ചു : ആദി?..
രേവതി : ഉറങ്ങുകയാ ചേച്ചി…………
സൈറ : ഞാൻ അവനെ പേടിപ്പിച്ചു അല്ലെ…….. ഏത് റൂമിലാ?………
അത് കേട്ടപ്പോൾ ഹരിക്ക് അയ്യത്തടാ എന്നായി. താൻ കാരണം ആദി കരഞ്ഞത്, ജെറിനോട് പറഞ്ഞപ്പോൾ അത് സൈറയുടെ തലയിൽ ഇട്ട് കൊടുത്തതിനു.
രേവതി ആദി ഉറങ്ങുന്ന മുറി ചൂണ്ടി കാട്ടിയതും, ഒന്നും പറയാതെ സൈറ അങ്ങോട്ടേക്ക് നടന്നു. പിന്നാലെ നടക്കാൻ തുടങ്ങിയ രേവതി കണ്ണുരുട്ടി ഹരിയെ തിരിഞ്ഞു നോക്കിയപ്പോൾ ഹരി പതിയെ ഇളിച്ചു…..
ആദിയെ നോക്കി അവന്റെ മുഖത്ത് ഒന്ന് തഴുകി തിരിച്ച് ഹാളിൽ എത്തിയ സൈറ ഹരിയോട് പറഞ്ഞു : ഹരീ……
ഹരി : മാം……..
സേറ പിന്നിൽ ഉള്ള സോഫയിലേക്ക് ഇരുന്ന് കാലിന്റെ മുകളിൽ കാല് കയറ്റി വച്ച് പറഞ്ഞു : ഹരിയുടെ വീട്ടിൽ വന്ന് ഹരിയോട് അങ്ങിനെ ഞാൻ പറഞ്ഞത്, എന്റെ തെറ്റാണ്… റിയലി റിയലി സോറി… പക്ഷെ…….
സൈറ ഒന്ന് നിർത്തിയ ശേഷം തുടർന്നു : ലാപ്ടോപ് രേവതിയെ കൊണ്ട് എനിക്ക് കൊണ്ട് വന്ന് തന്നത്. അതിൽ എനിക്ക് ഹരിയോട് ഒരിക്കലും യോജിക്കാൻ പറ്റില്ല. ഹരിക്ക്……..നടക്കാൻ കഴിയും എങ്കിൽ, ഓഫീസ് ആവശ്യവുമായി ഞാൻ എന്തേലും ആവശ്യപ്പെട്ടാൽ അത് ഒരു പേന അയാൽ പോലും, ഹരി തന്നേ എനിക്ക് കൊണ്ട് വന്ന് തരണം…….