ഹരി അത്ഭുതത്തോടെ : ഓഹ്… എന്റെ മനുഷ്യാ…. നിങ്ങളുടെ ഒരു തല…….
ജെറിൻ : പ്ലീസ് ഒന്ന് സമ്മതിക്കടാ.. ചെയ്ത് നോക്കി നിനക്ക് പറ്റുന്നില്ലെങ്കിൽ, നിന്നെ മാറ്റുന്ന കാര്യം ഞാൻ ഏറ്റു……
ഹരി ഒന്ന് ആലോചിച്ച ശേഷം : മ്മ്മ്മ്…..ശരി….
ജെറിന്റെ കൂടെ സൈറയുടെ ഓഫീസിൽ എത്തിയ ഹരിക്ക് കാൽമുട്ട് കൂട്ടി ഇരിക്കുന്ന പോലെ തോന്നി….
കാലിന്റെ മുകളിൽ കാൽ കയറ്റി വച്ച് ഹരിയെ അടിമുടി നോക്കി സൈറ പറഞ്ഞു : കാര്യങ്ങൾ ജെറിൻ പറഞ്ഞല്ലോ…. അപ്പോൾ നാളെ മുതൽ… പത്തു മണിക്ക് ഇവിടെ എന്റെ ഓഫീസിൽ … ഇനി അതല്ല ഫീൽഡിൽ പോവേണ്ട ആവശ്യമോ വേറെന്തെങ്കിലും കാരണം കൊണ്ട് വരാൻ ബുദ്ധിമുട്ട് ഉണ്ട്, ലേറ്റ് ആവും എന്നാണെങ്കിൽ, എന്റെ നമ്പർ തരാം അതിൽ വിളിച്ച് പറഞ്ഞാൽ മതി……
ഹരി പതിയെ ഒന്ന് മൂളി പറഞ്ഞു : മ്മ്.. ഓകെ മാം…
ഹരി ക്യാബിൻ വിട്ട് പോയതും സൈറ ജെറിനെ സംശയത്തോടെ നോക്കി : എംപ്ലോയീ ഓഫ് ദി ഇയർ…… അതിനുള്ളതോന്നും കാണുന്നില്ലല്ലോ മിസ്റ്റർ ജെറിൻ?…….
ജെറിൻ : അത് മാമിന് അവനെ അറിയാത്തത് കൊണ്ടാണ്… ആദ്യത്തെ ഒരു പ്രശ്നമേ ഉളളൂ… സെറ്റ് അയാൽ പിന്നെ ഇങ്ങനെ അല്ല…
സൈറ ഒന്ന് നീട്ടി മൂളി………………..
ഹരിയുടെ വീട്ടിൽ………
കാര്യങ്ങൾ എല്ലാം കേട്ട രേവതി ചോദിച്ചു : അപ്പോൾ, ഏത് നേരവും മാഡത്തിന്റെ അടുത്ത് തന്നേ നിന്ന് ജോലി ചെയ്യേണ്ടി വരില്ലേ?……
ആലോചനയിൽ മുഴുകി ഇരുന്നിരുന്ന ഹരി വേണ്ടി വരും എന്ന അർത്ഥത്തിൽ മൂളിയ ശേഷം രേവതിയുടെ മുഖത്തേക്ക് നോക്കി……
രേവതിയുടെ മുഖഭാവം കണ്ടതും ഹരി നീട്ടി ആട്ടി…….. ” പ്ഫാാ…………………..
ഹരി പല്ല് കടിച്ചു കൊണ്ട് തുടർന്നു : മനുഷ്യൻ ഇവിടെ ടെൻഷൻ അടിച്ചു പണ്ടാരം അടങ്ങി ഇരിക്കുമ്പോൾ ആണ് അവളുടെ….
രേവതി പതിയെ ഇടം കണ്ണിട്ട് നോക്കി ഇളിച്ചു കാണിച്ചു…..
ഹരിയോട് ചേർന്ന് അവന്റെ തോളിൽ മുഖം ചായ്ച്ചു കൊണ്ട് അവൾ കൊഞ്ചി പറഞ്ഞു : ഞാൻ അങ്ങിനെ ഒന്നും ചിന്തിച്ചില്ല………
ഹരി : അയ്യടാ……. ചിന്തിച്ചില്ലത്രേ… വേണ്ട പെണ്ണെ…..
രേവതി : പൈസ എക്സ്ട്രാ കിട്ടില്ലേ…..
ഹരി : അത് കിട്ടും… പക്ഷെ അസിസ്റ്റന്റ് എന്നൊക്ക പറഞ്ഞാൽ… ഞാൻ പട്ടി പണി എടുക്കേണ്ടി വരുമോ എന്നാ സംശയം…..
രേവതി പതിയെ മൂളി : മ്മ്മ്മ്…..
…………………………………………………………….
പിറ്റേന്ന് ഹരി ബൈക്ക് എടുത്ത് ഇറങ്ങാൻ നേരം, മുന്നിലെ സുമിത്ര ആന്റിയുടെ വീട്ടിലെ പെയിന്റിംഗ് പണി കണ്ട് രേവതിയോട് ചോദിച്ചു : ആരാ വരുന്നേ വാടകക്ക്… വല്ലതും അറിഞ്ഞോ?…….
രേവതി : ആരോട് ചോദിക്കാൻ… ആ ബ്രോക്കറോടോ?……. അയാളുടെ നോട്ടം അത്ര ശരിയല്ല……
ഹൗസിങ് കോളനിയിൽ ഒരാളുടെ കൂടെ നോട്ടം ശരിയല്ല എന്ന് പറഞ്ഞു രേവതി എണ്ണം കൂട്ടിയപ്പോൾ, കൂടുതൽ ഒന്നും പറയാൻ സമയം ഇല്ലാത്തത് കൊണ്ട് ഹരി വണ്ടി എടുത്തു ഓഫീസിലേക്ക് വിട്ടു………..
ഓഫീസിൽ, ഓരോരോ ഏരിയകളും ആ ഏരിയയിലെ ഹോസ്പിറ്റലുകളും, ഏരിയ പ്രകാരം ഡീറ്റൈൽ ആയിട്ടുള്ള മെഡിക്കൽ റെപ്പുകളും അവരുടെ സൂപ്പർ വൈസർമാരുടെ ഡീറ്റൈൽസും എല്ലാം ഹരി സൈറക്ക് പറഞ്ഞു കൊടുത്തു.
അതു മാത്രം മതിയായിരുന്നില്ല സൈറക്ക്. സൈറക്ക്, സൈറ ചോദിച്ച വിവരങ്ങൾക്ക് വേണ്ടി ഹരിക്ക് അങ്ങോട്ടും ഇങ്ങോട്ടും ഓടേണ്ടി വന്നു അവന് .
ഫീൽഡിലേക്ക് പുറപ്പെട്ട ഹരിയോടൊപ്പം, അല്ല സൈറയുടെ കാറിൽ ആയിരുന്നു ഹരിയുടെ യാത്ര.
തന്നേ അറിയുന്ന, തന്റെ അതേ ഫീൽഡിൽ, വേറെ കമ്പനിയിൽ ഉള്ളവന്മാര് അടക്കം……പതിവില്ലാതെ കമ്പനി അടിക്കാൻ വന്നു അവന്റെ അടുത്തേക്ക് ആ ദിവസം….
ഉദ്ദേശം ഒന്ന് തന്നേ…. ആരാണ് കൂടെ ഉള്ള ഹോട്ടി എന്ന ചോദ്യത്തിനുത്തരം ആയിരുന്നു അവർക്ക് വേണ്ടിയിരുന്നത്…..
ഡോക്ടർമാരെ കാണുന്നതിനൊപ്പം, സൈറയെ കൂടെ പരിചയപ്പെടുത്തി കൊടുത്തു ഹരി. കുറച്ചു ദിവസങ്ങൾ, ഹരി പോകുന്ന ഏരിയയിൽ എല്ലാം സൈറയും ഉണ്ടായിരുന്നു കൂടെ തന്നേ ………