ഒരു നയാ പൈസ ഹരിയെകൊണ്ട് കൊടുപ്പിക്കാൻ സമ്മതിച്ചില്ല സൈറ…
തിരിച്ച് കാർ ഡ്രൈവ് ചെയ്തത് ഹരി ആയിരുന്നു. പിറകിലെ സീറ്റിൽ സൈറയുടെ കൂടെ ചേർന്നിരുന്ന്, മത്തിൽ തന്നേ, എന്തിനെന്നറിയാതെ ചിരിച്ചു അവന്റെ ഭാര്യയും ഉണ്ടായിരുന്നു…
ഹരിയുടെ ശ്രദ്ധ മുന്നിലേക്കാണ് എന്ന് മനസ്സിലാക്കിയ സൈറ രേവതിയുടെ തുടയിൽ ഒന്ന് പിച്ചിക്കൊണ്ട് ” മിണ്ടരുത് ” എന്ന ആംഗ്യം കാണിച്ചു…..
സൈറ അൽപം ശബ്ദം കനപ്പിച്ചു കൊണ്ട് ചോദിച്ചു : അല്ല ഹരീ…. ഒരു കാര്യം ചോദിക്കാൻ വിട്ടു പോയി…. ഞാൻ പറഞ്ഞത് ശരിയല്ലേ?..
ഹരി കണ്ണാടിയിൽ നോക്കി : എന്താ മാം?..
സൈറ : അല്ല… താൻ ഹോട്ടലിൽ ലിഫ്റ്റ് കയറുന്നത് വരെ ഞങ്ങളുടെ ബാക്ക് സ്കാൻ ചെയ്തതല്ലേ?… എന്നിട്ടെന്താ അഭിപ്രായം…..
ഹരിയൊന്നു ഞെട്ടി… വണ്ടി ഒന്ന് വെട്ടി…
ഹരി ഉടനടി പറഞ്ഞു : അയ്യോ… മാം… ഞാൻ വേറെ ഒന്നും ഉദ്ദേശിച്ചല്ല…
സൈറ ദേഷ്യത്തോടെ : എന്ത് ഉദ്ദേശിച്ചില്ല എന്ന്…. എത്ര നേരം താൻ നോക്കി എന്ന് എനിക്ക് കൃത്യമായി അറിയാം…..
സൈറയുടെ ശബ്ദം കനത്തപ്പോൾ അടുത്തിരിക്കുന്ന രേവതിക്ക് വരെ ചെറിയ പേടി തോന്നി…
അത് മനസ്സിലാക്കി കൊണ്ട് തന്നെ… സൈറ രേവതിയുടെ ഇടുപ്പിൽ ഹരി കാണാതെ തോണ്ടി കണ്ണടിച്ചു കാണിച്ചു….
ഹരി വേഗം വണ്ടി സൈഡ് ആക്കി നിർത്തി തിരിഞ്ഞുകൊണ്ട് പേടി നിറഞ്ഞ, നാണക്കേട് നിറഞ്ഞ മുഖവുമായി പറഞ്ഞു : സത്യായിട്ടും മാം… ഒരു ദുരുദ്വേശത്തിലും അല്ല ഞാൻ നോക്കിയത്… മാം പറഞ്ഞ കാര്യം….
സൈറ രേവതിയെ നോക്കി ചിരിച്ചു… രേവതി തിരിച്ചും… രണ്ടു പെണ്ണുങ്ങളും പരസ്പരം കണ്ണോട് കണ്ണ് നോക്കി പൊട്ടിച്ചിരിച്ചു കൊണ്ട് ഹരിയെ നോക്കി….
തന്നേ കളിയാക്കുകയാണ് എന്ന് മനസ്സിലായ ഹരിക്ക് ഒരേ സമയം ആശ്വാസവും എന്നാൽ ഉള്ളിൽ ചെറിയ ദേഷ്യവും തോന്നി….
സൈറ : എന്റെ ഹരീ… ഒന്ന് പറ… കാര്യമായി ആണ് ചോദിക്കുന്നെ…
സൈറ രേവതിയെ നോക്കി : രേവതിക്ക് അറിയണ്ടേ?..
രേവതി ഹരിയെ നോക്കി പുഞ്ചിരിച്ചു കൊണ്ട് മൂളി : മ്മ്മ്മ്…..
ഹരി ശ്വാസം ഒന്ന് വലിച്ചു വിട്ടു കൊണ്ട് പറഞ്ഞു : മാം പറഞ്ഞത് ശരിയാണ്….
സൈറ : ഒന്ന് വ്യക്തമായി പറയടോ… തന്നേ പിടിച്ച് തിന്നാൻ ഒന്നും പോണില്ല ഞാൻ… ബോസ് അല്ലെങ്കിൽ ആ റെസ്പെക്ട് … അത് ഓഫീസിൽ മതി…….
ഹരി രണ്ടു പേരെയും മാറി മാറി നോക്കി ഒന്ന് പല്ല് കടിച്ചു പറഞ്ഞു : മാമിന്റെ റൗണ്ട് ആണ്… നടക്കുമ്പോൾ ഒന്ന് ഒന്നിന് മുകളിലായി കയറി ഇറങ്ങി… രേവൂന്റെ ആ ഒരു ഇത് ഇല്ലാ…..
സൈറ രേവതിയെ നോക്കി : കണ്ടോ… തന്റെ ഭർത്താവ് വരെ പറഞ്ഞു… തിങ്കളാഴ്ച ഡാൻസ് പഠിപ്പിക്കൽ കഴിഞ്ഞ് നേരെ വർക്ക് ഔട്ട്… റെഡി അല്ലെ ?..
രേവതി ഹരിയെ ഒന്ന് നോക്കിയ ശേഷം പറഞ്ഞു : മ്മ്മ്മ്…. വരാം……….
വീട്ടിൽ എത്തി ആദിയെ എടുത്ത് കൊണ്ട് വന്ന ഹരി കാണുന്നത്, കിടക്കയിൽ ഡ്രസ്സ് പോലും മാറാതെ ഫ്ലാറ്റ് ആയി കിടന്നുറങ്ങുന്ന ഭാര്യയെ ആണ്…..
ചിരിച്ചു കൊണ്ടുള്ള മുഖത്തോടെ ഉള്ള ഉറക്കം.. ഒരുപക്ഷെ ഹരി ആദ്യമായി ആവും കാണുന്നത്…. ആദിയെ അവന്റെ ക്രിബ്ബിൽ കിടത്തി, ഹരി വസ്ത്രം മാറി, തന്റെ പെണ്ണിനെ പിന്നിലൂടെ കെട്ടിപിടിച്ചു ഉറക്കത്തിലേക്ക് വഴുതി വീണു……….
……………………………………………………………..
രാവിലെ ഉറക്കം എഴുന്നേറ്റ് ഹരി നോക്കുമ്പോൾ രേവതി കിടക്കയിൽ ഉണ്ടായിരുന്നില്ല……..
ഹരി പതിയെ എഴുന്നേറ്റ് അടുക്കളയിലേക്ക് നടന്നു… അടുക്കളയിൽ നിലത്ത്, കളിപ്പാട്ടം പിടിച്ച് ആദി ഇരുപ്പുണ്ടെങ്കിൽ, ബ്രൗൺ ചുരിദാർ ഇട്ട്, പിൻ തിരിഞ്ഞു നിന്ന് അടുക്കളപ്പണിയിൽ മുഴുകി നിൽപ്പുണ്ടായിരുന്നു രേവതി….
അവളെ പിന്നിലൂടെ ചെന്ന് കെട്ടിപിടിച്ച് കഴുത്തിൽ ചുണ്ട് ചേർത്ത് അമർത്തി ഉമ്മ വച്ച് അവൻ പറഞ്ഞു : ഗുഡ് മോർണിങ് രേവൂ……
രേവതി തിരിഞ്ഞു നിന്ന് കൊണ്ട് പതിയെ ഹരിയെ ഉന്തി മുഖം കൂർപ്പിച്ചു കൊണ്ട് ചോദിച്ചു : എടാ… സത്യം പറ… എന്നെ എന്താ ഇന്നലെ കുടുപ്പിച്ചേ?…