ആൺ പെൺ വ്യത്യാസം ഇല്ലാതെ അവരുടെ കണ്ണുകൾ ആ ദിവസം സൈറയിൽ തന്നേ ആണെന്ന് ഹരി പെട്ടെന്ന് തന്നേ തിരിച്ചറിഞ്ഞു……
…………………………………………………………….
കുളിച്ചു റെഡി ആയി, ഉറങ്ങുകയായിരുന്ന ആദിയെ ഉമ്മ വച്ച്, ഹെൽമെറ്റ് എടുത്ത് പുറത്തിറങ്ങാൻ നേരം ആണ് പുറത്ത് രേവതിയുടെ സംസാരം കേൾക്കുന്നത്……….
സാധാരണ പോലെ തന്നെ പുറത്തിറങ്ങിയ ഹരി, ഷോക്ക് അടിച്ച പോലെ ബ്രേക്ക് ഇട്ട് നിന്നു……..
ശരീരത്തോട് ഒട്ടി കിടക്കുന്ന, ബ്ലാക്ക് കളർ വർക്ക് ഔട്ട് ഡ്രെസ്സിൽ, , തലമുടി പിന്നിലേക്ക് ഇട്ട്, നെറ്റിയിൽ മുടിക്ക് താഴെ ആയി ഹെയർ ബാൻഡ് ഇട്ട സ്ത്രീയെ അല്ലെങ്കിൽ തന്റെ പുതിയ അയൽക്കാരിയെ നോക്കി അന്തം വിട്ട് വാ പൊളിച്ചു നിൽക്കുന്ന തന്റെ ഭർത്താവിന്റെ തുടയിൽ ഒരു പിച്ചു കൊടുത്താണ് രേവതി പറഞ്ഞത് : ഹരീ……. ഇതാണ്……..
മുഴുവൻ ആക്കേണ്ടി വന്നില്ല രേവതിക്ക്.. ഹരി ഉടനെ പറഞ്ഞു : മാം….. എന്താ ഇവിടെ…. മാം ആണോ വാടകക്ക്…… ഗുഡ്മോർണിംഗ്…….
ഹരിയെ പോലെ തന്നേ അന്തം വിട്ട് കണ്ണ് തുറുപ്പിച്ചുകൊണ്ട് അവൾ പറഞ്ഞു : ഹരീ……….. ഇത് ഹരിയുടെ വീട് ആണോ?..
ഹരി : അതേ…..അല്ല….. അതായത് റെന്റിനാണ് മാം…… ഇത് എന്റെ വൈഫ് രേവതി….
ഒന്നും മനസ്സിലാവാതെ വാ പൊളിച്ചു നിന്ന രേവതിയോട് ഹരി പറഞ്ഞു : എടീ ഇതാണ് സൈറ മാം…. ഓഫീസിൽ പുതിയ….. എന്റെ ബോസ്…….
രേവതിയും അന്തം വിട്ടു അത് കേട്ടിട്ട് : അയ്യോ…. അതെയോ…..
സൈറ രേവതിയെ നോക്കി പുഞ്ചിരിച്ചു വീടിനു മുന്നിലെ ഗാർഡനിൽ ഉള്ള പൂക്കൾ നോക്കി രേവതിയോട് പറഞ്ഞു : രേവതി എന്നെ ഒന്ന് ഹെൽപ് ചെയ്യണം കേട്ടോ… ഇതേ പോലെ ഒരു ഗാർഡൻ സെറ്റ് ചെയ്യാൻ..
രേവതി ഹരിയെ നോക്കി…. ഹരി തിരിച്ചും…
രേവതി : അതിനെന്താ മാടം …. ചെയ്യാം..
സൈറ തന്റെ വെളുത്ത പല്ലുകൾ കാണിച്ചു ചിരിച്ചു കൊണ്ട് രേവതിയെ നോക്കി പറഞ്ഞു : രേവതി എന്നെ മാടം ഒന്നും വിളിക്കണ്ട… സൈറ എന്ന് വിളിച്ചാൽ മതി……മാം എന്ന് ഹരി വിളിച്ചോളും…..
രേവതി ഹരിയെ നോക്കി………. ഹരി തിരിച്ചും…….
സൈറ ഹരിയെ നോക്കി : ഹരി ഓഫീസിലേക്ക് അല്ലെ…ഇന്ന് ഫീൽഡ് ഇല്ലല്ലോ……. ഇന്ന് കുറച്ച് അധിക നേരം ഇരിക്കേണ്ടി വരും… ലാസ്റ്റ് ഒരു വർഷത്തെ ഡാറ്റാ എടുക്കാൻ ഉണ്ട്…
ഹരി : ഓകെ മാം…..
സൈറ രേവതിയെ നോക്കി നന്നായി പുഞ്ചിരിച്ചു കൊണ്ട്, ഗാർഡനിലെ പൂക്കൾ എല്ലാം ഒന്നൂടെ നോക്കി തിരിഞ്ഞു നടന്നു…….
ഗേറ്റും റോഡും കിടന്ന് മുന്നിലെ വീട്ടിലേക്ക് സൈറ കയറി പോകുന്നത് ഹരിയും രേവതിയും നോക്കി നിന്നു…
രേവതി ആണ് അത് ശ്രദ്ധിച്ചത്, അപ്പുറവും ഇപ്പുറവും ഉള്ളവർ ആ കാഴ്ച, അല്ലെങ്കിൽ സൈറയെ നോക്കുന്നുണ്ടായിരുന്നു എന്നുള്ളത്…..
ഹരി ഇതൊന്നും ശ്രദ്ധിക്കാതെ പറഞ്ഞു : ശ്ശെടാ… ഇവിടെ തന്നേ കെട്ടി എടുത്തപ്പോളോ?…….
രേവതി : ഹരീ….. ഡ്രസ്സിങ് ഇത്തിരി പ്രശ്നം ആണല്ലോ….. കണ്ടില്ലേ അപ്പുറത്ത് നിന്നും ഇപ്പുറത്തു നിന്നും ആൾക്കാർ നോക്കണത്……
ഹരി പല്ല് കടിച്ച് കൊണ്ട് : ആൾക്കാരുടെ തേങ്ങ….. കണ്ടാൽ അറിഞ്ഞൂടെ, വർക്ക് ഔട്ട് പോയി വന്നതാണ് എന്ന്. വർക് ഔട്ടിനു പിന്നെ സാരി ഇട്ട് പോണോ?……..
രേവതി ഇളിച്ചു കൊണ്ട് : അതല്ല… എന്നാലും…
ഹരി ചിരിച്ചു കൊണ്ട് രേവതിയുടെ ഇടുപ്പിൽ നുള്ളി പറഞ്ഞു : എന്ത് എന്നാലും എന്റെ പെണ്ണെ.. നീ വ്യക്തമായി പറ…
രേവതി ചിണുങ്ങി പറഞ്ഞു : ഒന്നുല്ല…
ഹരി : എടീ ഭാര്യേ… ഇപ്പോൾ നിന്നോട് ചിരിച്ചു പോയ ആ സാദനം ഉണ്ടല്ലോ……. എന്നോട് കഴിഞ്ഞ മൂന്ന് ദിവസത്തിൽ ഒരു തവണ പോലും എന്നോട് ചിരിച്ചിട്ടില്ല…………
ഹരി മുഖം ഒന്ന് കൂർപ്പിച്ചു പിടിച്ച ശേഷം : ദോ…. ഇങ്ങനെ ആണ് എപ്പോഴും ഉണ്ടാവുക മുഖം……..
രേവതി ഹരിയുടെ ഷർട്ടിലെ ബട്ടൻസ് തിരിപ്പിച്ചു കൊഞ്ചിക്കൊണ്ട് : ഞാൻ വേറൊന്നും ഉദ്ദേശിച്ച് പറഞ്ഞതല്ല …….