ഹരി : മാം അത്… ഞാൻ അത്ര ഒന്നും ഉദ്ദേശിച്ചില്ല…
സേറ : എന്ത് ഉദ്ദേശം ആയാലും ശരി… എനിക്ക് അക്സെപ്റ്റ് ചെയ്യാൻ പറ്റില്ല…
ഹരി കുന്തം വിഴുങ്ങിയ പോലെ ഇരുന്നത് അല്ലാതെ ഒന്നും പറഞ്ഞില്ല. അവന്റെ മനസ്സിൽ വന്നത് ” ഇന്നത്തോടെ കഴിഞ്ഞില്ലേ എല്ലാം ” എന്നായിരുന്നു.
സേറ: ഹരീ… തന്നേ ഓഫീസിൽ ഇട്ട് ഞാൻ കഷ്ടപ്പെടുത്താണ്… തന്നോട് ഒന്ന് ചിരിക്കാറ് കൂടെ ഇല്ല എന്നൊക്ക കംപ്ലയിന്റ് ഉണ്ടെന്ന് കേട്ടു.. ശരിയാണോ?..
അത് കേട്ടതും, ഹരി കണ്ണ് തുറിപ്പിച്ചു കൊണ്ട് നേരെ ഇടത്തോട്ട് മുഖം വെട്ടിച്ചു തന്റെ ഭാര്യയെ നോക്കി…
ഹരിയിൽ നിന്നും നോട്ടം മാറ്റി ” അയ്യത്തടാ ” എന്ന പോലെ രേവതി നിന്ന് പരുങ്ങി…..
ഹരി രേവതിയെ നോക്കി പല്ല് കടിച്ച ശേഷം സെറക്ക് നേരെ തിരിഞ്ഞു കൊണ്ട് പറഞ്ഞു : മാം അത്… എല്ലാം പറയുന്ന കൂട്ടത്തിൽ പറഞ്ഞു എന്നെ ഉളളൂ….
സേറ : ഓകെ…. എന്റെ അനുഭവം വച്ച്, ജോലിയിൽ എപ്പോഴൊക്കെ ഫ്രീഡം കൊടുത്തിട്ടുണ്ടോ, അവർ എന്റെ തലയിൽ കയറാൻ നോക്കിയിട്ടുണ്ട്. സൊ… അതുകൊണ്ട് തന്നേ ആണ് ഞാൻ, ജോലിയിൽ എപ്പോഴും സ്ട്രിക്റ്റ് ആവുന്നത്….
ഹരി പരുങ്ങി കൊണ്ട് പറഞ്ഞു : മാം ഞാൻ അതിന്….
സേറ : താൻ അങ്ങിനെ ആണ് എന്നല്ല ഞാൻ പറഞ്ഞത്….. ഞാൻ അങ്ങിനെ ആണ് എന്നാണ് പറഞ്ഞത്…. അത് പോലെ തന്നേ ആണ് ഇന്ന് ഉണ്ടായ കാര്യവും…
സൈറ ഒന്ന് നിർത്തി ചിന്തിച്ചു കൊണ്ട് പറഞ്ഞു : ഹരീ… എന്നെ സഹായിക്കാൻ ഒരാൾ പോലും ഉണ്ടായിട്ടില്ല ജീവിതത്തിൽ…… ഞാൻ വളരെ കഷ്ടപ്പെട്ടാണ്…. ഇന്ന്….ഈ നിലയിൽ എത്തിയിട്ടുള്ളത്…. അല്ലാതെ എന്നെ സഹായിക്കാൻ കുടുംബക്കാർ പോയി, ഒരു കുഞ്ഞു പോലും ഉണ്ടായിട്ടില്ല……
ഹരി രേവതിയെയും രേവതി തിരിച്ച് ഹരിയെയും നോക്കി…..
സേറ പിന്നിലേക്ക് നന്നായി ചാരി ഇരുന്ന് തുടർന്നു : എനിക്ക് 16 വയസ്സ് ആവുമ്പോഴേക്കും എന്നെ ഈ ലോകത്ത് തനിച്ചാക്കി പോയി, എനിക്ക് ആകെ ഉണ്ടായിരുന്ന എന്റെ എന്റെ ഉമ്മച്ചി……….. ആ പ്രായത്തിൽ തനിച്ചായ ഒരു പെൺകുട്ടിയുടെ അവസ്ഥ ഹരിക്ക് ചിന്തിക്കാൻ പറ്റുന്നുണ്ടോ, അതും ആ കാലത്ത്…….. ഉപ്പ ഇല്ലാതെ….. ബന്ധുക്കൾ ഇല്ലാതെ തനിച്ചായി പോയ ഒരു കൊച്ചു പെണ്ണ്…..
………..പക്ഷെ തളർന്നിരുന്നില്ല…. ഉമ്മ കിട്ടിയ ജോലികൾ എല്ലാം ചെയ്ത് എന്നെ പഠിപ്പിച്ചു. പതിനാറാം വയസിനു ശേഷം കിട്ടിയ പണികൾ എല്ലാം ചെയ്ത് ഞാനും പഠിച്ചു, വളർന്നു………. അല്ലാതെ ആരുടെയും സഹായം തേടി അങ്ങോട്ട് പോയിട്ടില്ല……….
ഹരിക്ക് ആയാലും രേവതിക്ക് ആയാലും കൂടുതൽ ചോദിക്കണം എന്നുണ്ടായിരുന്നു, പക്ഷെ എന്തുകൊണ്ടോ തോന്നിയില്ല. കാരണം, അവളുടെ കണ്ണുകളിൽ ഉണ്ടായിരുന്നത് ഒറ്റപ്പെട്ടവളുടെ അല്ലെങ്കിൽ കഷ്ടപ്പെട്ടവളുടെ സങ്കടം ആയിരുന്നില്ല മറിച്ച് ജീവിതത്തിൽ വിജയിച്ച ഒരാളുടെ കോൺഫിഡൻസ് ആയിരുന്നു…..
സേറ ഒന്ന് നിർത്തിയ ശേഷം തുടർന്നു : ഹരി ചിന്തിച്ച പോലെ പുവർ ഫെമിനിസ്റ്റ് ചിന്താഗതി കാരണം അല്ല ഞാൻ ഹരിയോട് ദേഷ്യപ്പെട്ടത് എന്ന് ഹരിക്ക് മനസ്സിലാവാൻ വേണ്ടി ആണ് ഞാൻ ഇത് പറഞ്ഞത്……..
ഹരി മനസ്സിലായി എന്ന പോലെ സെറയോട് മൂളി : മ്മ്മ്മ്…..
സൈറ : അപ്പോൾ നാളെ….. ഹരി ഓഫീസിലേക്ക് വരുമോ? അതോ…
ഹരി ഒന്ന് ചിന്തിച്ചു കൊണ്ട് പറഞ്ഞു : മാം… സത്യം പറയാലോ….. ശരിയാവുന്നില്ല മാം…. അല്ലെങ്കിൽ എന്നെ കൊണ്ട് ആവുന്നില്ല….. അതുകൊണ്ടാണ്…. സോറി……
സേറ ചിരിച്ചു കൊണ്ട് : സോറി എന്തിനാ ഹരീ.. ഹരിയെക്കൊണ്ട് ആവുന്നില്ലെങ്കിൽ…. ആവുന്നില്ല…. ഇട്സ് ഓകെ……
ഹരി : എന്നെക്കാളും കഴിവുള്ള ഒരാളെ അച്ചായൻ റെഡി ആക്കും മാം….
അത് കേട്ട സേറ കുറച്ച് ഉറക്കെ ചിരിച്ചു കൊണ്ട് പറഞ്ഞു : അതിനിപ്പോൾ ജെറിന്റെ ആവശ്യം ഇല്ല ഹരീ എനിക്ക്…….. ഞാൻ ഒന്ന് വിളിച്ചാൽ ഒരു ആയിരം ആളുകൾ നാളെ നമ്മുടെ ഓഫീസിനു മുന്നിൽ ക്യു നിക്കും……