‘എന്ത് കളി കളിച്ചിട്ട് ആയാലും മറ്റൊരു ജോലിയിലേക്ക് മാറി അവിടെ തന്നെ നിന്നിരിക്കും പക്ഷേ ആദ്യം അവിടെ എത്താനുള്ള പരിപാടി നോക്കണം ‘
ആൽബിയുടെ ചിന്തകൾക്കിടയിലും ഫോണിൽ ഒരു ഫുൾ റിംഗ് അടിച്ച് തീർന്നിരുന്നു പക്ഷേ കോൾ കണക്റ്റ് ആയില്ല ,
ഒടുവിൽ നേരിട്ട് പറയാം എന്ന് കരുതി അവൻ കോൾ കട്ട് ചെയ്ത് ഫോൺ പോക്കറ്റിലേക്ക് ഇട്ടു..
തുടർച്ചയായി ആൽബിയുടെ ഫോണിൽ നിന്നും മിസ്കോൾ കണ്ടതു കൊണ്ടാണ് സ്റ്റെല്ല ഫോൺ എടുത്തു നോക്കുന്നത്.
എന്താണ് കാര്യം എന്ന് മനസ്സിലാക്കാതെ അവൾ അപ്പോൾ തന്നെ അവനെ തിരിച്ചു വിളിച്ചു.
” ആൽബി എന്താ ഇത്രയും മിസ്ഡ് കോൾ എന്താ പറ്റിയത്..?? ”
കോൾ കണക്റ്റ് ആയതും അവൾ ആധിയോടെ ചോദിച്ചു.
” പെണ്ണേ നീ എപ്പോഴാ എത്തുന്നത് ഒരു കാര്യം പറയാനുണ്ട് ”
” ഞാൻ പതിവ് ഇറങ്ങുന്ന സമയത്ത് തന്നെ ഇറങ്ങും എന്താ..?? ”
” ഇന്ന് നേരത്തെ എത്താൻ നോക്ക് ഒരു ഇംപോർട്ടന്റ് കാര്യം ഷെയർ ചെയ്യാൻ ഉണ്ട്..”
” എന്താ ആൽബി മനുഷ്യനെ ടെൻഷനടിപ്പിക്കാതെ കാര്യം പറ..?? ” അപ്പുറത്ത് ആൽബിയുടെ സ്വരത്തിലെ എക്സൈറ്റ്മെന്റ് അവൾക്ക് ടെൻഷനും കൂടി നൽകുന്നതായിരുന്നു.
” അതൊക്കെ ഉണ്ട്, നീ വൈകുന്നേരം എത്തിയിട്ട് നേരിട്ട് പറയാം അതാണ് അതിന്റെ ഭംഗി ”
അതും പറഞ്ഞ് ആൽബി കോൾ കട്ട് ചെയ്തു.
കോൾ കട്ടായതു മുതൽ സ്റ്റെല്ലയുടെ മനസ്സിലേക്ക് നൂറുകൂട്ടം ചിന്തകൾ എരിയാൻ തുടങ്ങി..
‘ ഇങ്ങനെ വിളിച്ചിട്ട് അമ്പും തുമ്പുമില്ലാതെ ഓരോ കാര്യങ്ങൾ പറഞ്ഞാൽ പിന്നെ ബാക്കിയുള്ളവർക്ക് എങ്ങനെയാണ് മനസ്സമാധാനത്തോടെ ഇരിക്കാൻ പറ്റുക ‘
മനസ്സിൽ പറഞ്ഞു കൊണ്ട് അവൾ തിരികെ സീറ്റിലേക്ക് പോയി.
വൈകുന്നേരം വീട്ടിലേക്ക് പോകുമ്പോഴും സ്റ്റെല്ലയുടെ ചിന്ത അതു തന്നെയായിരുന്നു.
‘എന്താവും ആൽബിക്ക് പറയാൻ ഉണ്ടാവുക എന്താണെങ്കിലും എന്തോ ഒരു പോസിറ്റീവ് ന്യൂസ് ആണ് അത് സംസാരത്തിൽ നിന്ന് തന്നെ മനസ്സിലാകുന്നുണ്ട് ‘
വരുന്ന വഴി കുഞ്ഞിനെയും കൂട്ടി അപ്പാർട്ട്മെൻറ് തുറന്ന് അകത്തു കയറിയപ്പോഴേക്കും സമയം അഞ്ചു മണിയോടെ അടുക്കുന്നുണ്ടായിരുന്നു.
ആൽബി ഇതുവരെയും എത്തിയിട്ടില്ല അവൾ പതിയെ കുഞ്ഞിനെ കുളിച്ചൊരുക്കി ചായ കൊടുത്ത ശേഷം, കുറച്ചുനേരം ഫോണിലെ പ്രധാനപ്പെട്ട ന്യൂസ് എല്ലാം ഒന്ന് ഓടിച്ചു നോക്കി.
അതിനു ശേഷം പതിവുപോലെ അന്ന മോളെയും കൂട്ടി അവൾ ഈവനിംഗ് വാക്കിന് ഇറങ്ങി,
കുറച്ചുനാളായി ഇതുപോലെ ഫ്രീയായി ഒന്നു നടന്നിട്ട് , വഴിയോരം ചേർന്ന് നടക്കുമ്പോൾ ഇലക്ട്രോണിക് സിറ്റിയുടെ തെരുവിന് കൂടുതൽ ഭംഗിയുള്ളത് പോലെ അവൾക്ക് തോന്നി,
ബാംഗ്ലൂർ സിറ്റിയുടെ മറ്റു മറ്റു പ്രദേശങ്ങളെ വച്ച് താരതമ്യപ്പെടുത്തുമ്പോൾ അധികം ആളു ബഹളവും ഇല്ലാത്ത തിക്കും തിരക്കും ഇല്ലാത്ത ശാന്തതയും സമാധാനവും ആണ് ഇലക്ട്രോണിക് സിറ്റിയുടെ ഏറ്റവും വലിയ പ്രത്യേകത.
വഴിയരികിലെ കാഴ്ചകൾ ആസ്വദിച്ചു കുഞ്ഞിനെയും കൊണ്ട് അവൾ മുന്നോട്ട് നടന്നുകൊണ്ടിരുന്നു..
വൈകുന്നേരം ജോലി കഴിഞ്ഞു പോകുന്ന ഒരുപാട് ആളുകൾ അതിൽ അറിയുന്ന പലർക്കും അവൾ ഒരു പുഞ്ചിരി സമ്മാനമായി നൽകി.
ചിലരെല്ലാം മോളുടെ അടുത്തേക്ക് എത്തി അവളെ കൊഞ്ചിച്ചു, തിരികെ അപ്പാർട്ട്മെന്റിലേക്ക് എത്തി സ്റ്റെയർ കയറുന്നതിനു മുന്നായി ആൽബിയുടെ കാർ കിടക്കുന്നതുകൊണ്ട് അവൻ എത്തിയിട്ടുണ്ട് എന്ന് അവൾക്ക് മനസ്സിലായി.
വാതിൽ തുറന്ന് അകത്ത് കയറിയതും മേശപ്പുറത്തായി ഒരു ഷാമ്പയിൻ ബോട്ടിൽ കൊണ്ടു വച്ചിരിക്കുന്നു, കൂടെ എന്തോ രണ്ടുമൂന്നു കവർ കൂടിയുണ്ട്.
അവൾ റൂമിലേക്ക് കയറാൻ നോക്കിയതും പെട്ടെന്ന് അകത്ത് കണ്ട കാഴ്ച അവളുടെ സകല നാഡീ ഞരമ്പുകളെയും ഒരു നിമിഷം സ്തംഭിപ്പിച്ചു…!!!
പെട്ടെന്ന് തന്നെ ശബ്ദമുണ്ടാക്കാതെ അവൾ കുഞ്ഞിനെയും കൊണ്ട് പുറകോട്ട് മാറി, സ്റ്റെല്ലയുടെ ഹൃദയമിടിപ്പും ശ്വാസഗതിയും ഒരേ പോലെ കുതിച്ചുയർന്നു..
അവൾ കൈകൊണ്ട് കുഞ്ഞിൻറെ വായ പൊത്തിയ ശേഷം പതിയെ റൂമിലേക്ക് ഒന്ന് കൂടി എത്തി നോക്കി,
ലാപ്ടോപ്പിലേക്ക് നോക്കി ഒരു കൈ കൊണ്ട് സ്വന്തം സാധനത്തിൽ തടവുന്ന ആൽബി അവൻ സ്വയംഭോഗം ചെയ്യുകയാണോ..??
ഒന്നുകൂടി സൂക്ഷിച്ചു നോക്കിയതും ഉറപ്പായി അതെ ആൽബി ലാപ്ടോപ്പിൽ എന്തോ കണ്ടുകൊണ്ട് സ്വയംഭോഗം ചെയ്യുകയാണ്…!!