നെഷിധയെ ചേര്‍ത്തു പിടിച്ചുകൊണ്ട് ഞാൻ തലയാട്ടുക മാത്രം ചെയ്തു.
അവന്‍ വേറൊരു വലിയ വില്ലയുടെ മുന്നിലാണ് വണ്ടി കൊണ്ട്‌ നിര്‍ത്തിയത്. ഞാൻ സംശയത്തോടെ നോക്കുന്നത് കണ്ടിട്ട് അവന്‍ പറഞ്ഞു, “മറിയേച്ചി ഇപ്പൊ ഈ വില്ലയിലാണ് താമസം.”
ഞങ്ങളുടെ വണ്ടിയുടെ ശബ്ദം കേട്ട് മറിയയും അഞ്ചനയും പുറത്തേക്ക്‌ വന്നു. ഉടനെ ഞങ്ങളെ അവർ അകത്തേക്ക് നയിച്ചു.
പക്ഷേ എന്നെയും നെഷിധയേയും വിട്ടിട്ട് രാകേഷ് പോയി, ഞങ്ങൾക്കുള്ള ഡ്രസ്സും മറ്റും എടുത്തോണ്ട് വരാമെന്ന് പറഞ്ഞിട്ടാണ് അവന്‍ പോയത്.
ഭയവും മറ്റുള്ള ചിന്തകളും കാരണം ജയിലില്‍ ഉണ്ടായിരുന്ന നാല് ദിവസവും ഞാൻ ഉറങ്ങിയതേയില്ല. ഇപ്പോൾ മനസ്സിന്‌ അല്‍പ്പം സമാധാനം കിട്ടിയത് കൊണ്ടാവും ക്ഷീണവും ഉറക്കവും എന്നെ വല്ലാതെ ആക്രമിച്ചത്.
“നി ചെന്ന് ഫ്രെഷായിട്ട് വാ.. ഞങ്ങൾ ഫുഡൊക്കെ ഓർടർ ചെയ്തു കഴിഞ്ഞു. കഴിച്ചിട്ട് നി റെസ്റ്റെടുക്ക്. അതുകഴിഞ്ഞ്‌ മതി ബാക്കിയുള്ളത്.” എന്റെ മൂക്കിലെ മുറിവിൽ വിഷമത്തോടെ നോക്കിയാണ് അഞ്ചന പറഞ്ഞു.
ഞാൻ തലയാട്ടി. പക്ഷേ ഫ്രെഷ് ആവനൊന്നും ഞാൻ നിന്നില്ല. ആദ്യം കണ്ട റൂമിൽ കേറി ഞാൻ ബെഡ്ഡിൽ കിടന്നു. കിടന്നതും ഞാൻ ഉറങ്ങപോയി.
പിന്നേ അടുത്ത ദിവസമാണ് ഞാനായിട്ട് ഉണർന്നത്. റൂമിൽ ആരുമില്ലായിരുന്നു. അവിടെ മേശപ്പുറത്ത് ഒരു ഡിജിറ്റല്‍ കലണ്ടര്‍ ഉണ്ടായിരുന്നു. സമയം ഉച്ച 12:20 എന്നതിൽ കാണിച്ചു.
റൂമിൽ തന്നെ ഒരു കസേരയില്‍ എന്റെ ഡ്രസ്സും ടവലും സോപ്പും കവർ പൊട്ടിക്കാത്ത പുതിയ ടൂത്ത് ബ്രഷും പിന്നേ പേസ്റ്റും എല്ലാം വച്ചിരുന്നു. അതൊക്കെ എടുത്തുകൊണ്ട് ഞാൻ ബാത്റൂമിൽ കേറി.
എല്ലാം കഴിഞ്ഞ് ഹാളിലേക്ക് വന്നപ്പോൾ, അവർ നാല് പേരും എന്തൊക്കെയോ സംസാരിച്ച് കൊണ്ടിരുന്നതിനെ നിർത്തിയിട്ട് എന്നെ നോക്കി.
മൂന്ന്‌ പെണ്ണുങ്ങളും ഒരു സോഫയിലാണ് അമർന്നിരുന്നത്… രാകേഷ് ഒരു കുഷൻ ചെയറിലും.
ഞാനും ഒരു കസേരയില്‍ ഇരുന്നു. അവർ എല്ലാവരും എന്നെ ശോകമായി നോക്കി.
ഇങ്ങനെ ശോകമായി ഇരുന്നിട്ട് കാര്യമില്ല.. അങ്ങനെ തുടരുന്നതിൽ എനിക്ക് ഇഷ്ടമില്ലായിരുന്നു. പക്ഷേ എങ്ങനെ അതൊക്കെ മാറ്റുമെന്ന് ഒരു എത്തും പിടിയും കിട്ടിയില്ല.
“ഏട്ടന് വിശക്കുന്നില്ലേ?” എഴുനേറ്റ് എന്റെ അടുത്തേക്ക് വന്ന് എന്റെ രണ്ടു കൈയും പിടിച്ചു കൊണ്ട്‌ നെഷിധ ചോദിച്ചു.
“നിങ്ങൾ എല്ലാവരെയും തിന്നേണ്ട വിശപ്പ് എനിക്കുണ്ട്. പെട്ടന്ന് ആരെങ്കിലും എന്തെങ്കിലും എനിക്ക് തന്നില്ലെങ്കില്‍, ആദ്യം ഈ വീടിന്റെ ഉടമസ്ഥയെ തന്നെ ഞാൻ തിന്നും.” എന്റെ വയറ്‌ തടവി കൊണ്ട്‌ ഞാൻ പറഞ്ഞതും ശോകം മറന്ന് എല്ലാവരും ചിരിച്ചു.
ആ ഒരു ചിരിയോടെ തന്നെ എല്ലാവരുടെ മുഖവും പെട്ടന്ന് തെളിഞ്ഞു. ഇത്ര നേരം ചുണ്ടുകൾക്ക് വഴങ്ങാതെയിരുന്ന പുഞ്ചിരി എല്ലാവരിലും നിറഞ്ഞു വന്നു.
പെട്ടന്ന് എല്ലാവരുടെ അകത്തും ഉണ്ടായിരുന്ന ഭാരമെല്ലാം മാറിയത് പോലെ എന്നെ നോക്കി.
അവളെ തിന്നുമെന്ന് പറഞ്ഞത് കൊണ്ടാവും, മറിയയുടെ മുഖത്ത് നാണം കണ്ടു. അഞ്ചന സ്നേഹത്തോടെ എന്നെ നോക്കിയിരുന്നു. രാകേഷ് ആശ്വാസത്തോടെ പുഞ്ചിരിച്ചു. നെഷിധ ചിരിച്ചു കൊണ്ട്‌ ഒരു കൊച്ചു കുട്ടിയെ പോലെ എന്റെ മടിയിലിരുന്നു.
“ഭക്ഷണമൊക്കെ റെഡിയാണ്. ഞങ്ങൾ എടുത്തു വയ്ക്കാം. എല്ലാരും ഡൈനിംഗ് ഹാളിലേക്ക് പോര്.” മറിയ പറഞ്ഞിട്ട് എഴുന്നേറ്റതും അഞ്ചനയും കൂടേ പോയി.
നെഷിധയും എന്റെ മടിയില്‍ നിന്ന് എഴുനേറ്റ് കൊണ്ട്‌ എന്റെ കൈ പിടിച്ചു വലിച്ചു. “വാ ഏട്ടാ, കഴിക്കാം.” എന്നിട്ട് രാകേഷിനെ അവള്‍ നോക്കി പറഞ്ഞു, “നീയും വാടാ, നിന്നെ പ്രത്യേകിച്ച് വിളിക്കണോ?”
അങ്ങനെ ഞങ്ങൾ ഒരുമിച്ചിരുന്നു കഴിച്ചു. ഒരുപാട്‌ ഐറ്റംസ് ആണ് ഉണ്ടാക്കി വെച്ചിരുന്നത്. കഴിച്ചു കഴിഞ്ഞ് എല്ലാവരും ഹാളിലേക്ക് തന്നെ പോയിരുന്നു.
പക്ഷേ ആര്‍ക്കും കഴിഞ്ഞുപോയ കാര്യങ്ങളെ കുറിച്ച് സംസാരിക്കാൻ താല്‍പര്യം ഇല്ലാത്തത് പോലെയാണ് ഇരുന്നത്. അതുകൊണ്ട്‌ സംസാരം സാധാരണ കാര്യങ്ങളിലേക്ക് തിരിഞ്ഞു.
കമ്പനിയുടെ കാര്യങ്ങൾ എല്ലാം രാകേഷ് നോക്കാൻ തുടങ്ങിയെന്ന് അവനും മറിയയും പറഞ്ഞു. ഇപ്പോൾ എന്റെ മൊബൈൽ അവന്റെ കൈയിൽ ആയിരുന്നു. എനിക്ക് അതിനെ അവന്‍ തന്നെങ്കിലും ഞാൻ വാങ്ങിയില്ല.
“കമ്പനിയുടെ എല്ലാ ആവശ്യങ്ങള്‍ക്ക് ആ നമ്പറാണ് റജിസ്റ്റര്‍ ചെയ്തിരിക്കുന്നത്. അതുകൊണ്ട്‌ നിന്റെ കൈയിൽ തന്നെ ഇരിക്കട്ടെ.” ഞാൻ പറഞ്ഞു. ഉടനെ അവനും സമ്മതിച്ചു.
രാത്രി ആയിട്ടും ഞങ്ങളുടെ പല ചർച്ചകളും തുടർന്നു കൊണ്ടിരുന്നു. അവസാനം രാത്രി കഴിച്ചിട്ട് എല്ലാവരും കിടക്കാന്‍ തീരുമാനിച്ചു.
രാകേഷ് ഞങ്ങളുടെ ഫ്ലാറ്റിലേക്ക് പോകുന്നുവെന്ന് പറഞ്ഞിട്ട് പോയി. ഞാനും നെഷിധയും ഒരു റൂമിൽ കിടന്നു. അഞ്ചനയും മറിയയും വേറെ റൂമിലും കിടന്നു. നെഷിധയുടെ മൊബൈലില്‍ നിന്നും അമ്മക്ക് വാട്സാപ് കോൾ ചെയ്തു സംസാരിച്ചു.
അദ്യം അമ്മ കരച്ചിലും പിഴച്ചില്ലുമായിരുന്നു. അവസാനം അമ്മയെ സമാധാനിപ്പിച്ചു കൊണ്ട്‌ ഞാൻ വച്ചു.
കുറെ നേരം ഞാനും നെഷിധയും സംസാരിച്ച ശേഷം ഞങ്ങൾ ഉറങ്ങാൻ തീരുമാനിച്ചു. എന്നെ കെട്ടിപിടിച്ചു കൊണ്ട്‌ നെഷിധ പെട്ടന്നുറങ്ങുകയും ചെയ്തു.
അവള്‍ ഉറങ്ങി കഴിഞ്ഞ് രണ്ട് മണിക്കൂര്‍ കഴിഞ്ഞിട്ടും എനിക്ക് മാത്രം ഉറക്കം വരാതെ അവള്‍ക്ക് പതിയെ തട്ടികൊടുത്തു കൊണ്ട്‌ ഞാൻ കിടന്നു. അപ്പോഴാണ്, ശബ്ദമുണ്ടാക്കാതെ ആരോ റൂമിലേക്ക് നടന്നു വരുന്നത് ഞാൻ അറിഞ്ഞത്. ആ നേര്‍ത്ത ശബ്ദം എനിക്ക് പിന്നില്‍ വന്നവസാനിച്ചതും നെഷിധയെ മെല്ലെ എന്നില്‍ നിന്നും അടർത്തി മാറ്റി കൊണ്ട്‌ ഞാൻ മലര്‍ന്നു കിടന്നു നോക്കി.
റൂമിൽ ഉണ്ടായിരുന്ന അരണ്ട വെളിച്ചത്തിൽ അത് അഞ്ചന ആണെന്ന് മനസ്സിലായി. ഡബിള്‍ ബെഡ് ആയത് കൊണ്ട്‌ ബെഡ്ഡിന് നല്ല വീതി ഉണ്ടായിരുന്നു.
അഞ്ചന ഉടനെ എന്റെയടുത്ത് എന്നെ നോക്കി ചെരിഞ്ഞ് കിടന്നതും അവളെ നോക്കി ഞാനും ചെരിഞ്ഞു കിടന്നു. ഉടനെ അവള്‍ എന്നിലേക്ക് ഇഴുകി ചേര്‍ന്ന് എന്നെ കെട്ടിപിടിച്ചു കൊണ്ട്‌ കിടന്നു.
“നിന്നെ ഒരുപാട്‌ ഞാൻ മിസ് ചെയ്തു..” അവള്‍ ശബ്ദം താഴ്ത്തി എന്റെ ചുണ്ടിനോട് പരാതി പറഞ്ഞു. അവളുടെ നനുത്ത ചുണ്ടുകള്‍ എന്റെ ചുണ്ടിന്റെ സ്വാദ്‌ പരീക്ഷിക്കും പോലെ മേഞ്ഞു നടന്നു.
“ഞാനും…!” അതും പറഞ്ഞ്‌ അവളുടെ ചുണ്ടില്‍ എന്റെ ചുണ്ടിനെ അമർത്തി പിടിച്ചതും അവള്‍ ശബ്ദമില്ലാതെ മുത്തി. ഉടനെ ഞാൻ അവളുടെ മുഖമെല്ലാം ഉമ്മ വച്ചു.
“മോനു…!!” പെട്ടന്നവൾ എന്റെ മുഖത്തിനെ പിടിച്ചു വച്ചിട്ട് എന്റെ കാതില്‍ പറഞ്ഞു, “ശബ്ദം ഉണ്ടാക്കല്ലെ, നെഷിധ ഉണരും.” അവള്‍ ചെറുതായി കിതച്ചുകൊണ്ട് പറഞ്ഞതും എന്റെ ആവേശത്തെ ഞാൻ അടക്കി.
