രാജു : ജോലി ശരിയായിട്ടുണ്ട്…
റീന : ആ കിട്ടി അല്ലെ…
രാജു കയ്യും മുഖവും കഴുകി വന്നു….
രാജു : നാളെ തൊട്ട് കയറാൻ പറഞ്ഞു….
റീന : ദൂരെയാണോ
രാജു : ഏയ്…വണ്ടന്മേഡ്… ഇവിടെ അടുത്താണ്…. രാവിലെ 9 മുതൽ 5.30 വരെ…
രാജു മുറിയിൽ ചെന്നു പാച്ചുവിനെ നോക്കി….
രാജു : പഴയ ഗാരേജ് ആണ്… പക്ഷെ ഇപ്പൊ വലിയ തിരക്കില്ല…. ഒന്ന് ഉഷാറാക്കി എടുക്കണം മുതലാളിയും വേറൊരു പയ്യനും മാത്രമേയുള്ളൂ…
റീന : മം..
രാജു പാച്ചുവിനെ തൊട്ട് നോക്കി….
റീന : ചോറെടുക്കട്ടെ…
രാജു : മം.. നല്ല വിശപ്പുണ്ട്…
റീന ചോറ് വിളമ്പി…. ഒപ്പം സാമ്പാറും…. പക്ഷെ സാമ്പാറിന്റെ മണമടിച്ചതോടെ രാജു യാന്ത്രികമായി മേശയിൽ വന്നിരുന്നു….
ചോറെടുത്തു അതിൽ സാമ്പാർ ഒഴിച്ചു ഒരു ഉരുള കഴിച്ചു..,.
ആദ്യത്തെ ഉരുള രാജു ആസ്വദിച്ചു കഴിച്ചു… അതിറക്കിയതോടെ കണ്ണുകൾ നിറഞ്ഞു…
റീനയത് നോക്കി തൊട്ടടുത്ത് നിന്നു
രാജു : അമ്മ പഠിപ്പിച്ചതാണല്ലേ
റീന : മം
രാജു : 20 വർഷമായി ഞാനീ രുചിയറിഞ്ഞിട്ട്….
രാജുവിന്റെ ശബ്ദം ഇടറി…
രാജു : സാമ്പാർ… എന്റെ ഇഷ്ട വിഭവം…. അതും അമ്മയുടെ കയ്യിൽ നിന്നു…. അമ്മയ്ക്കും അറിയാം….മിക്ക ദിവസവും സാമ്പാർ തന്നെ ആയിരുന്നു…… അച്ഛൻ ഇടയ്ക്ക് അമ്മയോട് ദേഷ്യപ്പെടും സാമ്പാർ വെച്ചതിനു…..
റീനയും അതോർത്തു… അമ്മ വീട്ടിലും കൂടുതൽ സാമ്പാർ തന്നെ ആയിരുന്നു…. ഞാനും ശ്രീയവട്ടനും ഇത് പറഞ്ഞു അമ്മയോട് ശുണ്ഠി കൂടിയിട്ടുണ്ട്….
ഇപ്പോഴല്ലേ മനസ്സിലായത്…. മൂത്ത മകനൊടുള്ള പറയാതെ പറഞ്ഞ വാത്സല്യമായിരുന്നെന്നു….
രാജു ഭക്ഷണം നന്നായി കഴിച്ചു…. തനിക്ക് വിളമ്പിയ ചോർ കൂടാതെ പിന്നെയും എടുത്തു കഴിച്ചു….
പാത്രം പകുതി കഴിഞ്ഞതോടെ
രാജു + അല്ല തനിക്ക്
റീന : കഴിച്ചോളൂ… ചോറുണ്ട്….
മുഴുവൻ കഴിച്ചു വൃത്തി ആക്കിയ പ്ലേറ്റുമായി എന്നീറ്റ രാജുവിൽ നിന്നു റീന പ്ലേറ്റ് നിർബന്ധമായി വാങ്ങി അടുക്കളയിലേക്ക് പോയി…
റീനയും ചോറുണ്ട് പ്ലേറ്റ് എല്ലാം കഴുകി അവളുടെ റൂമിൽ പോയി കിടന്നു…രാജു തന്റെ മുറിയിൽ ആയിരുന്നു…
റീന കിടക്കുന്നതിനു മുൻപ് വാതിൽ അടയ്ക്കാൻ മറന്നില്ല…. എങ്ങാനും സാറ ചേച്ചി വന്നാൽ ഞങ്ങൾ രണ്ട് മുറിയിൽ കിടക്കുന്നത് കണ്ട് സംശയം തോന്നണ്ടാ….
റീന അല്പം മയങ്ങി….. അതിനിടയിലാരുന്നു പാച്ചു ഉണർന്നത്…. അവന്റെ തുണി മാറ്റി പാൽ കൊടുത്തു വീണ്ടും അവനെ ഉറക്കി….
പുറത്ത് പിന്നിൽ നിന്നും ശബ്ദം കേട്ടതോടെ റീന ചെന്നു നോക്കുമ്പോൾ രാജു കല്ലറയുടെ ചുറ്റും വീശി വൃത്തി ആക്കുകയായിരുന്നു…..
അതുപോലെ തന്നെ തൂമ്പകൊണ്ട് കിളച്ചു മണ്ണ് പാകമാക്കി വെച്ചു….. ഇന്ന് കൊണ്ട് വന്ന പച്ചക്കറി വിത്തുകളുടെ പാക്കറ്റും അവിടെ കണ്ടു….
റീന അടുതേക്ക് ചെന്നു….
റീന : ഞാൻ സഹായിക്കണോ
രാജു : ഏഹ്…വേണ്ട… ഇതെനിക്ക് ഒറ്റയ്ക്ക് ചെയ്യാവുന്നതേ ഉള്ളൂ…
റീന : ഞാൻ ഉറങ്ങി പോയി…
രാജു : കിടന്നോ… സാരല്ല….
റീന ചെന്നു അലക്കു കല്ലിൽ ചെന്നിരുന്നു….
രാജു ചെയ്യുന്നതിലുള്ള വൃത്തിയും ആത്മാർത്ഥതയും ശ്രദ്ധിച്ചു…
ആദ്യമായി റീന രാജുവിന്റെ ശരീരം ശ്രദ്ധിച്ചു….. ശ്രീയേട്ടനെക്കാളും ഉയരമുണ്ട്….. പക്ഷെ നിറം രണ്ടു പേർക്കും ഒരുപോലെ….. അച്ഛനെ കാണാത്തതുകൊണ്ട് ആർക്കാണ് കൂടുതൽ ചേർച്ച എന്നറിയില്ല….. അമ്മയുടെ ച്ഛായയല്ല….
നല്ല കറുത്ത മുടിയും താടിയും…..അടിയന്തിരം കാരണം താടി വടിച്ചിട്ടില്ല….. കയ്യിലും കാലിലും രോമങ്ങൾ..ഈ തണുപ്പിലും ചെയുന്ന ജോലി കാരണം അല്പം വിയർത്തിട്ടുണ്ട്….
നെഞ്ചിലും നെറ്റിയിലും വിയർപ്പു തുള്ളികൾ… വള്ളി ബനിയനിൽ തെളിഞ്ഞു കാണുന്ന ഒട്ടും ചാടാത്ത വയർ…… ഉറച്ച മാംസ പേശികളുള്ള കൈ കാലുകൾ….
അല്പം കൂടി ദൂരെ നിന്നു കണ്ടാൽ എന്റെ ശ്രീജിത്ത് തന്നെ….
റീന രാജുവിനെ തന്നെ നോക്കിയിരുന്നു…..
രാജു എന്തോ പറയുന്നുണ്ടായിരുന്നു…. അല്പം ഒച്ച കൂട്ടിയതോടെ റീന തിരിച്ചെത്തി…
രാജു : ഹലോ… എവിടെയാ…
റീന : അത്….
രാജു : അല്പം വെള്ളം…..
റീന : താ വരുന്നു…
റീന അടുക്കളയിലേക്ക് പോയി…തന്റെ പ്രവർത്തിയിൽ ഒരു നിമിഷം റീന ആലോചന പൂണ്ടു……