“സത്യത്തിൽ എന്താ സംഭവിച്ചത്…?” തലയും ചൊരിഞ്ഞ് അന്‍സാര്‍ ചോദിച്ചതും പൊട്ടിച്ചിരികൾ ഉയർന്നു.
“ഇത്ര സിമ്പിളായി നി എന്നെ തോൽപ്പിക്കുമെന്ന് ഞാൻ വിചാരിച്ചില്ല, ബ്രോ. എന്തായാലും നിന്നെ സമ്മതിച്ചിരിക്കുന്നു.” അന്‍സാര്‍ ചിരിച്ചു.
“ഞാൻ എന്റെ ഐഡിയയിൽ ജനിച്ച ഒരുപാട്‌ പുതിയ ടെക്നിക്കുകളെ പ്രാക്ടീസ് ചെയ്യുന്നുണ്ട്, ബ്രോ. അതിലൊന്ന് ഞാൻ ഇവിടെ പ്രയോഗിച്ചു.”
അന്‍സാര്‍ ചിരിച്ചുകൊണ്ട് തലയാട്ടി. “എന്തുതന്നെയായാലും നിന്റെ സ്പീഡ് അപാരം തന്നെ.”
“ഇത് വളരെ മോശമായി പോയി.” വല്യച്ചൻ എന്നെ കുറ്റപ്പെടുത്തി. “ഒരു ഫൈറ്റ് കണണമെന്ന്‌ കരുതിയതാ, പക്ഷേ കണ്ണടച്ച് തുറക്കും മുമ്പ്‌ എല്ലാം തീര്‍ന്നു.”
വല്യച്ചൻ പറഞ്ഞത് കേട്ട് ഞങ്ങൾ എല്ലാവരും ചിരിച്ചു.
“ഓണത്തല്ല് വേണമെന്ന് നീയല്ലേ പറഞ്ഞത്..?” വല്യമ്മ അഭിനവ്നോട് ചോദിച്ചു. “ചെല്ല്, ചെന്ന് അവനെ തോല്‍പ്പിക്ക്.”
“അയ്യോ വല്യമ്മേ…..” തോല്‍വി സമ്മതിച്ചത് പോലെ അഭിനവ് രണ്ടു കൈയും പൊക്കി. “എനിക്ക് കണ്ടപ്പഴേ മതിയായി. ഇനി വെറുതെ ചെന്ന് അവന്റെ കയ്യീന്ന് മേടിക്കേണ്ട കാര്യമുണ്ടോ!!”
അതുകേട്ട് എല്ലാവരും പിന്നെയും ചിരിച്ചു.
“ശെരി പിള്ളാരെ. ഇനി കഴിച്ചിട്ട് കിടക്കാന്‍ നോക്ക്.” വല്യമ്മ പറഞ്ഞു.
അത്താഴവും കഴിച്ച് ഞങ്ങൾ പത്തുപേരും പതിവ് പോലെ മുകളില്‍ ചെന്നു കിടന്നു. നാളെ പോകുന്നത് കൊണ്ടുള്ള വിഷമം കാരണം അവരാരും സംസാരിക്കാതെ വെറുതെ കിടക്കുന്നത് കണ്ട് എനിക്ക് വിഷമം തോന്നി. മുമ്പൊക്കെ വന്ന് കിടന്നതും ഇടയ്ക്കിടെ കേള്‍ക്കാറുള്ള സെക്സ് ശബ്ദങ്ങള്‍ പോലും ഇന്ന്‌ കേട്ടില്ല.
“ഫ്രാന്‍സിസ് ബ്രോ…” ഞാൻ വിളിച്ചു.
“എന്താ റൂബി ബ്രോ?”
“വിരലോ നാവോ പ്രയോഗിച്ച് എന്തെങ്കിലും ശബ്ദം ഞങ്ങളെ കേൾപ്പിക്ക് ബ്രോ.”
ഞാൻ പറഞ്ഞ്‌ വായടച്ചില്ല, അപ്പോഴേക്കും ഒരു അലര്‍ച്ച പോലെയാണ് എല്ലാവരിലും നിന്നു ഭയങ്കര ചിരി ഉയർന്നത്. ഒരുപാട്‌ നേരം അത് നീണ്ടുനിന്നു. ചിരിയും നാണവും അടക്കാൻ കഴിയാതെ, ഡാലിയ എന്റെ ടീ ഷര്‍ട്ടിൽ അള്ളിപ്പിടിച്ച് എന്റെ മാറില്‍ മുഖം ഒളിപ്പിച്ചാണ് ചിരിച്ചത്.
അവൾ അങ്ങനെ ചെയ്തപ്പോ ഞാൻ സ്തംഭിച്ചു. പക്ഷേ ആ സ്തംഭനം പെട്ടന്ന് മാറി. അവളുടെ തോളത്തു മെല്ലെ പിടിച്ചു കൊണ്ട്‌ ഞാനും അവരുടെ ചിരിയില്‍ പങ്കുചേർന്നു.
“ചേട്ടനും ചീത്തയാ…” മറ്റുള്ളവരുടെ ചിരി തുടർന്നപ്പോഴും, ഇടയ്ക്ക് ചിരി നിർത്തി ഡാലിയ എന്റെ മാറില്‍ നിന്നും മുഖം മാറ്റി എന്നോട് ശബ്ദം താഴ്ത്തി പറഞ്ഞു.
“എല്ലാവരും ശോകമായി കിടക്കുന്നത് കണ്ടപ്പോ അതു മാറ്റാൻ ശ്രമിച്ചതാ.” ഞാൻ പറഞ്ഞു.
“എന്തായാലും ചേട്ടന്റെ ശ്രമം പാഴായില്ല.” കുസൃതിയോടെ അവൾ പറഞ്ഞു.
ഒടുവില്‍ എല്ലാവരുടെയും ചിരി നിന്ന ശേഷം ഉത്സാഹത്തോടെ എല്ലാവരും തമാശയും കാര്യവും പറഞ്ഞു കിടന്നു. വളരെ വൈകിയാണ് എല്ലാവരും കളിയും ചിരിയും നിർത്തി ഉറങ്ങാൻ കിടന്നത്.
പതിവ് പോലെ ഞാൻ ഡാലിയയ്ക്ക് പുറംതിരിഞ്ഞ് കിടന്നു. എപ്പോഴത്തേയും പോലെ, ഒരുപാട്‌ നേരം കഴിഞ്ഞ് ഡാലിയ എന്നെ പതിയെ വിളിച്ചു നോക്കി. ഞാൻ ഉറങ്ങിയ പോലെ കിടന്നു. അപ്പോൾ അവള്‍ പിന്നില്‍ നിന്നും എന്നെ കെട്ടിപിടിച്ചു കൊണ്ട്‌ കിടന്നു.
**************
അവര്‍ക്ക് പോകാനുള്ളത് കൊണ്ട്‌ വെളുപ്പിനെ ഞങ്ങൾ എല്ലാവരും എഴുന്നേറ്റു. എന്നിട്ട് അവരൊക്കെ പോകാനുള്ള തയാറെടുപ്പും തുടങ്ങി.
ഏഴു മണിക്ക് മുന്നേ എല്ലാവരും കൂടിയിരുന്ന് ബ്രേക്ക്ഫാസ്റ്റ് കഴിച്ചു. കഴിക്കാനുള്ള മനസ്സ് ആര്‍ക്കും ഇല്ലായിരുന്നു. കുട്ടികൾ പോലും കരയുന്ന പോലെയാണ് ഇരുന്നത്. എങ്ങനെയോ കഴിച്ച ശേഷം എല്ലാവരും മുറ്റത്ത്‌ കൂടി. സാധനങ്ങള്‍ ഒക്കെ വണ്ടിയില്‍ കേറ്റാൻ ഞാനും അങ്കിളും വല്യച്ചനും സഹായിച്ചു.
“പോകാൻ തോന്നുന്നില്ല ബ്രോ.” രാഹുല്‍ വിഷമത്തോടെ പറഞ്ഞു.
“എപ്പോ വേണമെങ്കിലും നിങ്ങള്‍ക്കൊക്കെ ഇവിടെ വരാമല്ലോ.” ഞാൻ ആശ്വസിപ്പിച്ചു. “പിന്നെ മറ്റൊരു കാര്യം എനിക്ക് നിങ്ങളോട് പറയാനുണ്ട്.”
ഉടനെ അവരൊക്കെ ആകാംഷയോടെ എന്നെ നോക്കി.
“എപ്പോ വേണമെങ്കിലും, ഏതു നേരത്ത് വേണമെങ്കിലും നിങ്ങള്‍ക്ക് ഒരുമിച്ചോ സെപ്പറേറ്റ് ആയിട്ടോ അവിടെ നീലഗിരിയിൽ ടൂറിന് വരാന്‍ ഞാൻ ക്ഷണിക്കുന്നു. നീലഗിരിയിലും ഊട്ടിയിലും മറ്റ് പല സ്ഥലങ്ങളിലും എന്റെ കോട്ടേജുകൾ ഉണ്ട്, ലോഡ്ജും ഉണ്ട്. എവിടെ വേണമെങ്കിലും നിങ്ങള്‍ക്ക് ഫ്രീയായി താമസിക്കാം. അവിടെയുള്ള എല്ലാ ടൂറിസ്റ്റ് സ്ഥലങ്ങള്‍ ചുറ്റി കാണാം. നിങ്ങളുടെ എല്ലാ ചിലവുകളും എന്റെ വക ഫ്രീ ആയിരിക്കും.”
എന്റെ ഓഫർ കേട്ട് അവരൊക്കെ വായും പൊളിച്ചു നിന്നു.
“പ്രലോഭിപ്പിക്കുന്ന ഓഫറാണല്ലോ, ബ്രോ…!!” അഭിനവ് ചിരിച്ചു.
“ഞങ്ങൾ എല്ലാവരും ഒരുമിച്ച് വരാൻ ശ്രമിക്കാം. അങ്ങനെ എല്ലാവർക്കും ഒരുമിച്ച് വരാൻ കഴിഞ്ഞില്ലെങ്കിൽ സെപ്പറേറ്റ് ആയിട്ടെങ്കിലും സാഹചര്യം കണ്ടത് പോലെ വരാം, ചേട്ടാ.” അശ്വതി ഉറപ്പിച്ച് പറഞ്ഞു.
എന്റെ ഓഫറിന് ശേഷം എല്ലാ മുഖത്തും അല്‍പ്പം തെളിച്ചം വീണു. ഒടുവില്‍ അവരൊക്കെ യാത്രയും പറഞ്ഞു യാത്രയായി.
അവർ പോയി മറഞ്ഞതും വല്യമ്മ എന്നെയും എന്റെ അടുത്ത് നില്‍ക്കുന്ന ഡാലിയയേയും നോക്കി. “നാളെ നിങ്ങളും പോകുമല്ലേ?”
ഞാൻ ഒന്നും മിണ്ടിയില്ല.
“ഇന്റര്‍വ്യൂ കഴിഞ്ഞ് ഞാൻ തിരികെ വരും, ആന്റി.” ഡാലിയ പറഞ്ഞു. “സെലക്ട് ആയില്ലെങ്കിൽ വേറെ നോക്കണം. സെലക്ട് ആയാൽ അവർ വിളിക്കും. പിന്നെ അവർ പറയുന്ന ഡേറ്റിന് പോയാല്‍ മതി.”
അന്നത്തെ ദിവസം ആര്‍ക്കും ഉത്സാഹമില്ലാതെ നീങ്ങി. ഓണം കഴിയുന്നത് വരെ ഡാൻസ് ക്ലാസ് ഉണ്ടാവില്ലെന്ന് വല്യമ്മ പഠിപ്പിക്കുന്ന കുട്ടികളോട് പറഞ്ഞിരുന്നു. ഓണം കഴിഞ്ഞത് കൊണ്ട്‌ മൂന്ന്‌ മണി മുതൽ കുട്ടികൾ വന്നു തുടങ്ങിയതും വല്യമ്മ ബിസിയായി. അങ്കിളും ആന്റിയും ഡാലിയയും അവരുടെ വീട്ടില്‍ പോയി. വല്യച്ചൻ ആരെയോ കാണാനെന്നും പറഞ്ഞു പോയി. ഞാൻ ചെന്ന് നാളത്തെ യാത്രയ്ക്കുള്ളതൊക്കെ റെഡിയാക്കി വച്ചിട്ട് ബെഡ്ഡിൽ കിടന്നു.
രാത്രി വല്യമ്മയാണ് എന്നെ ഉണർത്തിയത്. മൂന്നുപേരും ഒരുമിച്ച് കഴിച്ചു.
വല്യമ്മയ്ക്ക് എന്തോ പറയാനുള്ളത് പോലെ എന്നെ നോക്കി. പക്ഷേ ഒന്നും പറയാതെ ഇരുന്നു.
“നമുക്ക് ഡാൻസ് കളിച്ചാലോ, സൂസി?”
വല്യമ്മയോട് ഞാൻ ചോദിച്ചതും വല്യമ്മയും വല്യച്ചനും പൊട്ടിച്ചിരിച്ചു.
“ഞാൻ അവന്റെ അനിയത്തി എന്നാ കള്ളന്റെ വിചാരം…. എന്റെ പേര്‌ വിളിക്കുന്നത് കണ്ടില്ലേ..!!” സ്നേഹത്തോടെ എന്റെ കവിളിൽ പതിയെ നുള്ളി പിടിച്ചു കൊണ്ട്‌ വല്യമ്മ വല്യച്ചനോട് പറഞ്ഞു.
“നിന്നെ കണ്ടാ അവന്റെ പ്രായമേ തോന്നിക്കു. അതുകൊണ്ടല്ലേ അവന്‍ പേര്‌ പറഞ്ഞ്‌ വിളിക്കുന്നത്..!!” വല്യച്ചൻ ചിരിച്ചു. “കൂടാതെ അവന്‍ നിന്നെ അങ്ങനെയൊക്കെ വിളിക്കുന്നത് നിനക്ക് വല്യ ഇഷ്ട്ടമാണെന്ന് എനിക്കറിയാം.”