പ്രേമവും കല്യാണവും Likeഅടിപൊളി 

വൈകുന്നേരം ആഹാരം കഴിച്ചുകൊണ്ടിരിക്കുമ്പോൾ ആനി ഒരു സംശയം പറഞ്ഞു …..

ആനി … അത് അവിടെ വല്ല പ്രശ്നവും ഉണ്ടാകുമോ ?

മോളി …. എന്ത് പ്രശനം ?

ആനി …. ആശ ചേച്ചി വീടിനടുത്തുള്ള അച്ഛന്റെ കൂട്ടുകാരന്റെ മകളാണെന്നുവല്ലതും പറഞ്ഞാൽ ആരേലും വിശ്വസിക്കുമോ ?

കിരൺ …. അതിനെന്താ കുഴപ്പം ?

ആനി …. ഒന്നാമത് അവിടെ ഒരു മുറിയെ ഉള്ളു ….. അച്ഛന്റെ കൂട്ടുകാരന്റെ മകളെ ആ മുറിയിൽ താമസിപ്പിക്കുന്നത് ശരിയാണോ ?

കിരൺ …   അതാ  പറഞ്ഞത് … ഹോസ്റ്റലിൽ ആക്കാമെന്ന് …..

ആനി …. ചേട്ടന്റെ ഭാര്യ ആണെന്ന് പറഞ്ഞാൽ പോരേ ? … പിന്നെ ആരും രണ്ടാമതൊന്ന് ചോദിക്കില്ലല്ലോ ? ഒരു താലി കഴുത്തിൽ ഉണ്ടായിരുന്നാൽ പോരേ ?

കിരൺ ….. എന്തിന് ?

ആനി …. പിന്നാരും ഒന്നും ചോദിക്കാനും വരില്ല നിങ്ങൾക്ക് മറുപടി പറയേണ്ടിയും വരില്ല ……

ശങ്കർ …. അവിടെ അങ്ങിനെ വല്ല പ്രശ്നവും ഉണ്ടോടാ ?

കിരൺ …. നോർത്ത് ഇന്ത്യൻസ് വന്നന്ന്  ഒരു മുറിയിൽ കുറെ ആളുകൾ താമസിക്കുന്നതുകൊണ്ട് ചിലപ്പോൾ ഫ്ലാറ്റുകാർ തന്നെ ചെക്കിങ്ങിനു വരും …..  അവിടെ വാടക അത്രക്ക് കൂടുതലല്ലേ ? മിക്കപ്പോഴും രാത്രിലാണ് വരുന്നത് …..

മോളി … ഓഹ് … അത്രയേ ഉള്ളോ ? ഞാൻ ജാനകിയോട് പറയാം … നാളെ പോയി ഒരു താലി വാങ്ങി അവളുടെ കഴുത്തിൽ കെട്ടികൊടുക്കാൻ …..  അവളുടെ കഴുത്തിൽ ഒരു താലി കിടന്നെന്ന് വച്ച് ഈ ലോകം ഇടിഞ്ഞു വീഴാനൊന്നും പോകുന്നില്ലല്ലോ … ഒന്നുമല്ലെങ്കിലും ഇവനോടൊപ്പമല്ലേ ?

ശങ്കർ ….. പിന്നെ നിന്റെ ഭാര്യയാണെന്ന് പറഞ്ഞാൽ ആരും സംശയിക്കില്ല …… ആശ വായ് തുറന്നൊന്ന് സംസാരിച്ചാൽ  മതിയായിരുന്നു ….

മോളി ….. അതിന് ആശ ഈ ഇട്ടാവട്ടത്ത് കിടന്ന് വളർന്നതല്ലേ ? ആർക്കായിരുന്നാലും പേടി കാണും …. പിന്നെ നമ്മളെ വിശ്വാസമുള്ളതുകൊണ്ടല്ലേ അവനോടൊപ്പം നിർത്തിയാൽ മതിയെന്ന് സുരേഷും ജാനകിയും പറഞ്ഞത് ….. ഡാ .. അവളെ നോക്കിക്കോണേ …..  അവൾക്കായി പറയാൻ ഒരു പരാതിയും ഉണ്ടാവരുത് ….. നിന്റെ കണ്ണിലെ കൃഷ്ണമണിപോലെ അവളെ നോക്കിക്കോണം ……

ആനി …. ചേട്ടാ ആ ചേച്ചി അധികം സംസാരിക്കാത്തൊന്നും ഇല്ല …. എന്നും പറഞ്ഞ് ചേട്ടൻ  മാറരുത് …. ഒരു പാവമാണ് ….. നല്ല സ്വഭാവമാണ് …..

പിറ്റേന്ന് സുരേഷ് ഒരു താലി വാങ്ങി ആശയെ ഏൽപ്പിച്ചു …. പോകാൻ നേരം കെട്ടിക്കൊണ്ടു പോകാൻ പറഞ്ഞു …. ഇനി അതിനെപ്പറ്റി ഒരു പ്രശ്നം വേണ്ട ….. ഒന്നാമത്തെ മനുഷ്യൻ വട്ടായാണ് നിൽക്കുന്നത് …..

പിറ്റേന്ന് പോകാൻ നേരം ആനി ആ താലി ആശയുടെ കഴുത്തിൽ കെട്ടി നെറ്റിയിൽ ഒരു സിന്ദൂരവും തൊട്ടു …..

എല്ലാവരും പുറത്തിറങ്ങി  വണ്ടിയിൽ കയറി …. അവരെ ബസ്സ് സ്റ്റാൻഡിൽ ആക്കി …. അവർ കൈവീശി കാണിച്ചുകൊണ്ട് ബസ്സിൽ കയറാൻ നേരം രണ്ടുപേരെയും നിർത്തി ആനി ഒരു ഫോട്ടോ എടുത്തു …..

അവരെ നോക്കി ശങ്കർ സുരേഷിനോദ് പറഞ്ഞു ….. രണ്ടുപേരെയും എന്നും ഇതുപോലെ കാണാൻ കഴിഞ്ഞിരുന്നെങ്കിൽ മതിയായിരുന്നു …..  മോളിയും ജാനകിയും അവരെ നോക്കി ചിരിച്ചു …..

മോളി ….. ഇങ്ങനെ ഒരു തുടക്കം ഉണ്ടാകുമെന്ന് ഞാനും വിചാരിച്ചില്ല …… കുറച്ചു നാൾ ഒരുമിച്ച് ജീവിക്കുമ്പോൾ പിന്നെ അവർ അങ്ങ് ഇഷ്ടത്തിലായിക്കോളും ….. ഞാനും ചേട്ടനും അത് മനസ്സിൽ കണ്ടിട്ടാണ് ഇങ്ങനെ ഒരു പ്ലാൻ ചെയ്തത് ….. ആ താലി മലയുടെ കാര്യം ഞാൻ തന്നെയാ ആനിയെ കൊണ്ട് പറയിപ്പിച്ചത് …. ദൈവം എല്ലാം മംഗളമായി അവസാനിപ്പിച്ചുതന്നാൽ മതിയായിരുന്നു ….. നമുക്ക് ആഗ്രഹിക്കാനല്ലേ പറ്റു …..

അവർ ബസ്സിൽ ബാംഗ്ലൂരിലേക്ക് യാത്രയായി ….

വണ്ടിയിൽ ഇരുന്ന് ആനി പറഞ്ഞു ….. അച്ഛാ … നമുക്ക് ഇവരെ പിടിച്ച് കെട്ടിച്ചാലെന്താ ?

ശങ്കർ ….. അവർ സമ്മതിച്ചാൽ നമ്മൾ രണ്ട് വീട്ടുകാരും ഓക്കേ ആണ് ….. പിന്നെ രണ്ട് പേരും രണ്ട് സ്വഭാവക്കാരാണ് …. അതുകൊണ്ടാണൊരു പേടി ……

ആനി അപ്പോൾ ആശക്ക് ഫോൺ ചെയ്തു …. ചേച്ചി അവിടെ എത്തുമ്പോൾ കിരൺ ചേട്ടനെ ചേച്ചി ചേട്ടന്നെ വിളിക്കാവു ….. ഇല്ലെങ്കിൽ നാടകം പൊളിയും ……

അവൾ പെട്ടെന്ന് ഫോൺ കട്ട് ചെയ്തു …..

മോളി … നീ എന്തിനാടി ചുമ്മാ ഓരോന്നും വിളിച്ചു പറയുന്നത് അത് അവൾക്ക് അറിയില്ലേ …

ആനി … ഞാൻ ചുമ്മാ ഒന്ന് ഓര്മിപ്പിച്ചതാണ് …. നാടകം പൊളിയാതിരിക്കാൻ …..

പിറ്റേന്ന് അതിരാവിലെ അവർ ബാംഗ്ലൂരിൽ എത്തി ….. അവിടെ നിന്നും ഒരു ഓട്ടോയിൽ അവർ ഫ്ലാറ്റിൽ എത്തി …. ഒരു ബെഡ്ഡ് മാത്രമാണ് അവിടെ ഉണ്ടായിരുന്നത് ….. കിരൺ അവളോട് ഫ്രഷ് ആയിട്ട് കുറച്ചുനേരം ഉറങ്ങിക്കോളാൻ പറഞ്ഞു ….. അവൾ കുളിച്ച് ഡ്രസ്സ് മാറി  ബെഡ് റൂമിൽ വന്നിരുന്നു … കിരണും കുളി കഴിഞ്ഞെത്തി ….. അപ്പോയെക്കും ആശ ഉറക്കമായിരുന്നു …. കിരൺ സെറ്റിയിൽ കിടന്നു ….. ഉച്ചയായപ്പോൾ രണ്ടുപേരും എഴുന്നേറ്റ് ഡ്രസ്സ് മാറി പുറത്തേക്കിറങ്ങി ……  നെറ്റിയിൽ സിന്ദൂരം തൊടാൻ ആശ മറന്നില്ല …. അവൻ ആശയുടെ മുഖത്തേക്ക് നോക്കി ….  സുന്ദരിയായിട്ടുണ്ട് ….. പുറത്ത് നിന്ന് ഭക്ഷണം കഴിച്ച് ഭക്ഷണം ഉണ്ടാക്കാനുള്ള സാധനങ്ങളും വാങ്ങി അവർ തിരിച്ചെത്തി …..

പിറ്റേന്ന് അതി രാവിലെ ആശ എഴുന്നേറ്റ് രണ്ടുപേർക്കും കൊണ്ടുപോകാനുള്ള  ഭക്ഷണം ഉണ്ടാക്കി ആദ്യമായി സ്കൂളിലേക്ക് പോകാനൊരുങ്ങി … അപ്പോയെക്കും കിരൺ റെഡിയായിരുന്നു ….. കിരണിനും ഭക്ഷണം കൊടുത്ത് അവനോടൊപ്പമിരുന്ന് അവളും കഴിച്ച് ഓടി താഴേക്ക് ഇറങ്ങി …..  അവൾക്ക് തിരിച്ചു വരാനുള്ള വഴിയും പറഞ്ഞു കൊടുത്ത്  ഓട്ടോക്ക് ആയി കുറച്ചു കാശും അവളുടെ കയ്യിൽ ഏൽപ്പിച്ചു ….. അവളോടൊപ്പം സ്കൂളിൽ കയറി അവളെ ജോയിന്റ് ചെയ്യുന്നതുവരെ അവിടെ നിന്ന് ടെൻഷൻ ഇല്ലാതെ ക്ലാസ്സിലേക്ക് പോകാൻ പറഞ്ഞു ….. അവൾ ചിരിച്ചുകൊണ്ട് അവനെ കൈ വീശി കാണിച്ചു ….

അവൾ പ്രിൻസിപ്പലിന്റെ റൂമിലെത്തി …..  ഒരു സുന്ദരിയായ ലേഡി ആയിരുന്നു അത് …..

പ്രിൻസി …… ഏതൊക്കെ വിഷയം പഠിപ്പിക്കും ….

ആശ …. ഫിസിക്സ് – കെമിസ്ട്രി  –  മാത്‍സ് – ഇംഗ്ലീഷ് …..  പിന്നെ ഡാൻസും …..

പ്രിൻസി ….. ഓക്കേ …. ഞാൻ കൂടി ക്‌ളാസിൽ വരാം ….. പിന്നെ ഹസ്ബൻഡ് എവിടെ വർക്ക് ചെയ്യുന്നു ….

ആശാ …. ഒരു IT കമ്പനിയിൽ ആണ് …..

പ്രിൻസി ….. ആളെ ഞാൻ രാവിലെ കണ്ടിരുന്നു ….. വെരി ഹാൻസം …..  ലവ് മാരേജ് ആണോ ?

ആശ …. അല്ല …. അച്ഛന്റെ കൂട്ടുകാരന്റെ മകനാണ് …… തൊട്ട് അടുത്ത വീട്ടിൽ താമസിക്കുന്നു …..

പ്രിൻസി അവളെയും കൂട്ടി ക്ലസ്സിലേക്ക് പോകുന്നവഴിയിൽ ….

പ്രിൻസി ….. പിന്നെ ഇവിടൊരു ഡ്രസ്സ് കോഡ് ഉണ്ട് …. നാട്ടിലെപോലെ ഇവിടെ സാരിയും ചുരിദാറും ഒന്നും ഉപയോഗിക്കാറില്ല ……  ബ്ലാക്ക് പാന്റ്സും വൈറ്റ് ഷർട്ടും ബ്ലാക്ക് കോട്ടും ആണ് ഇവിടെത്തെ ഡ്രസ്സ് കോഡ് ….. പിന്നെ ബുധനാഴ്ച വേണമെങ്കിൽ ചുരിദാറോ സാരിയോ ഉപയോഗിക്കാം ….. പിന്നെ ഡ്രസ്സ് നമ്മുടെ സ്കൂൾ സ്റ്റോറിൽ കിട്ടും അപ്പോൾ നാളെ മുതൽ അത് ഇട്ടുകൊണ്ട് വേണം വരാൻ …..  ഇത് ബാംഗ്ലൂരിൽ ഏറ്റവും കൂടുതൽ കുട്ടികൾ പഠിക്കുന്ന സ്കൂൾ ആണ് ….. നല്ല റിസൾട്ടും നമുക്ക് ഉണ്ട് …..  പ്രീ കെ ജി  മുതൽ പ്ലസ് ടു വരെ ഉണ്ട് …… എല്ലാ സ്റ്റാഫിനും നല്ല സാലറിയും ഇവിടെ കൊടുക്കുന്നുണ്ട് …….  അതുകൊണ്ട് ഡിസിപ്ലീനിന്റെ കാര്യത്തിൽ ഒരു വിട്ടുവീഴ്ചയും ചെയ്യില്ല …..