ഞാൻ കണ്ണു തുറക്കുമ്പോൾ …. ഒരു പാറയുടെ മുകളിൽ കിടക്കുകയായിരുന്നു….. പാറയിൽ മൊത്തം കല്ലുമ്മക്കായ പോലെ ഉള്ള മൂർച്ചയുള്ള മുരു എന്ന് വിളിക്കുന്ന വസ്തു ഉണ്ടായിരുന്നു….. അതിനെ കൊണ്ട് എൻ്റെ കൈ കാലുകൾ മുറിഞ്ഞിടുണ്ടായിരുന്നു….. ചോര അവിടെ നിന്നും ശക്തമായി വന്നിരുന്നു…. മഴ ഇപ്പോഴും ചെറിയ തോതിൽ പെയ്തിരുന്നു എന്നാലും പ്രകാശം ചുറ്റും ചെറിയ തോതിൽ വന്നിരുന്നു….. എനിക്ക് ശ്വാസം മുട്ടി…. കുറെ ഉപ്പ് വെളളം ഞാൻ ഛർദ്ദിച്ചു….. എൻ്റെ ശരീരമാകെ വിറക്കാൻ തുടങ്ങി…. രാവിലെ പുഴയിൽ വെളളം മറിക്കാൻ വന്ന ചേച്ചീ എന്നെ കണ്ട് നിലവിളിച്ചു…. ആളുകൾ എല്ലാം പെട്ടെന്നു തന്നെ അവിടെ ഒത്തുകൂടി എന്നെ പിടിച്ചു കരക്ക് കയറ്റി…..
നീയാണോ ഇന്നലെ രാത്രിയിൽ ചപ്പുംഗി കടവിൽ നിന്നും ചാടിയത്…..”””””” നാട്ടുകാരിൽ നിന്നും ഒരാള് ചോദിച്ചു…. ഞാൻ തല കൊണ്ട് അതെ കാണിച്ചു…… എന്തിനാ കുഞ്ഞേ ഈ പ്രായത്തിൽ അവിവേകം കാണിച്ചത്…….”””””” ഏതോ ഒരു ചേച്ചി എൻ്റെ മുറിവിന് മരുന്ന് വെച്ച് കൊണ്ട് പറഞ്ഞു….. എനിക് കുടിക്കാൻ ഒരു ഗ്ലാസ് വെള്ളം തന്നു…… എടാ സുഗു…. അവരെ വിളിച്ച് പറ ആളെ കിട്ടിയിടുണ്ടെന്ന്…””””” കൂട്ടത്തിൽ ഒരു കാരണവർ പറയുന്നത് കേട്ടു… വെളളം കുടിച്ചപ്പോ എനിക്ക് കുറച് സംസാരിക്കാൻ സാധിച്ചു….. ചേട്ടാ സമയം എത്രയായി….. എനിക്ക് പോകണം….. ഞാൻ എവിടെയാണ്…”””””””
എടാ കൊചനെ ഇപ്പൊ പകൽ ഒൻപത് മണി ആയിട്ടുണ്ട്…. നീ ഇപ്പൊൾ ഉളളത് തുരുത്തി എന്ന പ്രദേശത്താണ്…. ഇത് ഒരു ചെറിയ ദീപാണ്…. നീ എന്തിനാ വെള്ളത്തിൽ ചാടിയത്….. നിൻ്റെപേര്എന്താ…. നീ എവിടുന്നാ വരുന്നത്……””””””””
ചേട്ടാ….. എനിക്ക് ഇപ്പൊ തന്നെ സഹകരണ ആശുപത്രിയിൽ പോകണം എൻ്റെ ഭാര്യ അവിടെ അഡ്മിറ്റാണ്…. ഇന്നലെ എൻ്റെ വണ്ടി വഴിക്കായി…. അത് കൊണ്ട് എളുപ്പത്തിൽ ഹോസ്പിറ്റലിൽ എത്താൻ വേണ്ടിയാണ് ഞാൻ വെള്ളത്തിൽ ചാടിയത്….. നിങൾ ആരെങ്കിലും എന്നെ അവിടെ എത്തിക്ക്…”””””””
എടാ നിന്നെ ഞങൾ എങ്ങെനെ വിശ്വസിക്കും….. “””””””
എൻ്റെ കൂടെ അവിടെ വരെ ആരെങ്കിലും വന്നാ നിങ്ങൾക്ക് മനസ്സിലാവും…..”””””
ദേ നോക്കിയേ ചോര…. “””””” എൻ്റെ ഷർട്ട് കീറിപോയിരുന്നു അതിലൂടെ ചുടു ചോര വന്നുകൊണ്ടിരുന്നു …. “”””””
എന്തായാലും ഇവനെ ഹോസ്പിറ്റൽ കൊണ്ട് പോകണം … വാ നമുക്ക് അവിടെ വെച്ച് ബാക്കി നോക്കാം…””””” അവർ എല്ലാവരും കൂടെ എന്നെ ഒരു ഓട്ടോ കയറ്റി…. 2 പേര് എൻ്റെ കൂടെ വന്നു….. . ഒരു ഓട്ടോയ്ക്ക് മാത്രം സഞ്ചരിക്കാവുന്ന ചെറിയ പാലം കണ്ടന്ന് ഞങൾ പോയിക്കൊണ്ടിരുന്നു….. കുറച് ദൂരം പിന്നട്ടതും…. റോഡിൽ മരങ്ങൾ വീണു ഗതാഗതം തടസപ്പെട്ടു കിടക്കുന്നു….. അവർ വണ്ടിയിൽ നിന്നും ഇറങ്ങി…. മരം മുറിക്കാൻ വന്ന ആളോട് ഇത്ര സമയം വേണ്ടിവരുമെന്ന് ചോദിക്കുന്നത് ഞാൻ കേട്ടൂ…. അയാള് 2 മണിക്കൂര് എന്ന് പറഞ്ഞപ്പോൾ ഞാൻ ഓട്ടോയിൽ നിന്നും ചാടി പുറത്തേക്കു ഓടി…. മരത്തിന് മുകളിൽ കൂടി ഓടി ഞാൻ മുന്നിൽ കണ്ട റോഡിൽ കൂടി സ്ഥലം അറിയാതെ ഓടി….. അത് അവസാനിച്ചത് റെയിൽ പാളത്തിലാണ്… തൊട്ട് അപ്പുറത്ത് ഹൈ വേ ഞാൻ കണ്ടൂ… ….. എൻ്റെ പിന്നാലെ അവരും ഉണ്ടായിരുന്നു…. ഞാൻ പാളം മുറിച്ച് കടന്നു….. തൊട്ട് പിറകെ ട്രെയിനും പോയി….. അവർക്ക് എന്നെ പിടിക്കാൻ സാധിക്കാതെ മറുപുറം ട്രെയിൻ പോകുന്നതും കാത്ത് നിന്നു …. ഞാൻ ഓടച്ചെന്നു ഹൈ വേ കയറി.. വരുന്ന വണ്ടികൾ ഒക്കെ കൈ കാട്ടി…. എൻ്റെ കോലവും രൂപവും കണ്ട് പലരും നിർത്തിയില്ല….. എന്നെ കണ്ട് ദയവ് തോന്നിയ ഒരു ചേട്ടൻ ബൈക് നിർത്തി…. ഹോസ്പിറ്റൽ പോകണം എന്ന് അയാളോട് ഞാൻ പറഞ്ഞു…. ചോര ഒലിക്കുന്ന എന്നെ കണ്ട് അയാള് വേഗം കയറാൻ പറഞ്ഞു…… അയാള് എന്നെ തൊട്ട് അടുത്തുള്ള ഹോസ്പിറ്റലിൽ കൊണ്ടു വിടാൻ നോക്കി….. ഞാൻ എന്നെ സഹകരണ ആശുപത്രിയിൽ കൊണ്ട് വിടാനായി അയാളോട് അപേക്ഷിച്ചു…… എന്തോ മൂപ്പർ പിന്നെ ഒന്നും ചോദിച്ചില്ല എന്നെ ഹോസ്പിറ്റലിൻ്റെ മുന്നിൽ ഇറക്കി തന്നു….