“വേണ്ടെങ്കിൽ വേണ്ട…”
“പിണങ്ങിയോ…”
“ഏയ് ഇല്ല…അത്രയ്ക്ക് തോന്നുമ്പോൾ മതി എനിക്കും…എങ്കിലേ ഇന്നലത്തേതിലും മുകളിൽ നിൽക്കൂ അടുത്തത്.”
“അതേ…കള്ളൻ…”
“ഞാൻ എങ്കിൽ ഇറങ്ങട്ടെ ചേച്ചി…കുളിക്കാൻ വരില്ലേ ഞാനും കാണും…”
“വൈകിട്ട് ഉണ്ടായിട്ട് എന്താ അവിടെ നിറയെ ആളുകൾ ആയിരിക്കും…”
“എങ്കിലും കാണാലോ…എന്തെങ്കിലും പറ്റുന്ന പോലെ ഒരു സീൻ പിടിച്ചോളാം ഞാൻ…”
“എങ്കിൽ കുറച്ച് താമസിച്ച് ഇറങ്ങിയാൽ മതി…അപ്പോഴേക്കും ആളുകൾ കുറയും…എൻ്റെ പണിയും കഴിഞ്ഞിട്ടില്ല…”
“എപ്പോ വരും ചേച്ചി?”
“ഒരു അഞ്ചര ആകുമ്പോൾ ഇറങ്ങാം…”
“മ്മ് ശരി…ഞാനും അന്നേരം ഇറങ്ങാം എങ്കിൽ…”
“ശാലിനിയോടും കൂടി നീ കാണുവാണെങ്കിൽ പറഞ്ഞേക്ക് ഞാൻ താമസിക്കും എന്നെ നോക്കി നിൽക്കേണ്ട എന്ന്…’
“മ്മ്…ശരി ചേച്ചി…എങ്കിൽ ഞാൻ ഇറങ്ങുവാ കുളത്തിൽ വച്ച് കാണാം.”
“ശരിയടാ…”
ആര്യൻ അവിടെ നിന്നും ഇറങ്ങി വീട്ടിലേക്ക് പോയി. പോകുന്ന വഴിയിൽ ശാലിനിയെ കൂടി കണ്ടേക്കാം എന്ന് അവൻ തീരുമാനിച്ചു. “ഇന്ന് കാലത്ത് കുളിക്കാൻ പോകുമ്പോൾ വിളിക്കാം എന്നൊക്കെ ഇന്നലെ വീമ്പ് പറഞ്ഞിട്ട് പോയതാ ഞാൻ…ഒരു സോറി പറഞ്ഞേക്കാം.” ആര്യൻ മനസ്സിൽ വിചാരിച്ചു.
സൈക്കിൾ ശാലിനിയുടെ വീടിൻ്റെ മുറ്റത്തേക്ക് കയറ്റി അതിൽ ഇരുന്നുകൊണ്ട് തന്നെ ആര്യൻ സൈക്കിളിൻ്റെ ബെൽ അടിച്ചു. അകത്ത് നിന്നും അമ്മൂട്ടി ഓടി വന്നു.
“ആഹാ ഇതാരാ…എവിടെ ആയിരുന്നു ഇന്നലെ?”
“ഞാൻ ഈടെ തന്നെ ഇണ്ടായിരുന്നു…ചേട്ടൻ ഏടെ ആയിർന്നു ഇന്നലെ…”
“അത് ശരി…ചേട്ടൻ ജോലിക്ക് പോയതല്ലേ…അമ്മൂട്ടിയും സ്കൂളിൽ പോയിരിക്കുക അല്ലായിരുന്നോ?”
“ഇതേ പോലെ വൈകിത്ത് വന്നാ അമ്മൂനെ കാണാലോ…”
“ആണോ…എന്നാ എൻ്റെ അമ്മൂട്ടിയെ കാണാൻ ഞാൻ ഇനി എന്നും വൈകിട്ട് വരാട്ടോ…”
“ആം…”
“അമ്മയും അമ്മൂമ്മയും ഒക്കെ എന്ത്യേ അമ്മൂട്ടി?”
“അമ്മ അടുക്കളയിലാ…അമ്മൂമ്മ കിദക്കുവാ…”
“ആഹാ…അമ്മയെ ഒന്ന് വിളിക്കാമോ?”
“ഹാം…”
“എങ്കിൽ ഓടിച്ചെല്ല്…”
അമ്മു അകത്തേക്ക് ഓടി അൽപ്പ സമയത്തിന് ശേഷം അതുപോലെ തന്നെ തിരികെ വന്നു.
“അമ്മ ഇപ്പൊ വരും…നാൻ ടിവി കാണാൻ പോവാ താറ്റാ…”
“ഹാ പോയി കണ്ടോ ടാറ്റാ…”
അമ്മു പോയതും ഉടനെ തന്നെ ശാലിനി അകത്ത് നിന്ന് നടന്നു വരുന്നത് ആര്യൻ കണ്ടൂ.
“ഓ…ആ ടിവിയുടെ സൗണ്ട് ഒന്ന് കുറച്ച് വെച്ചേ എൻ്റെ അമ്മൂ…ചേവിതല കേൾക്കണ്ടാ…ആരെങ്കിലും വന്ന് വിളിച്ചാൽ പോലും അറിയില്ലാ…” നടന്നു വരുന്നതിനിടയിൽ ഹാളിൽ ഇരിക്കുന്ന അമ്മൂനെ നോക്കി ശാലിനി ആക്രോശിച്ചു.
“ഹോ ശാലിനിയമ്മ ചൂടിൽ ആണല്ലോ…” ആര്യൻ പതിയെ അവനോട് തന്നെ പറഞ്ഞു.
“അല്ലാ ഇതാരാ…കത്ത് വെല്ലോം തരാൻ വന്നതാണോ…ആണെങ്കിൽ തന്നെ ഇന്നത്തെ ഡ്യൂട്ടി ടൈം കഴിഞ്ഞല്ലോ…പിന്നെന്താണാവോ ഈ വഴിയൊക്കെ?”
വന്നപാടെ ശാലിനിയുടെ പരിഹാസ വാക്കുകൾ കേട്ട ആര്യൻ എന്ത് പറയണമെന്നറിയാതെ ശാലിനിയെ നോക്കി ദയനീയ അവസ്ഥയിൽ നിന്നു.
“ഓഹ്…ചിലപ്പോ വെളുപ്പിനെ ആണെന്ന് കരുതി നീ എനിക്ക് കുളത്തിലേക്ക് കൂട്ട് പോകാൻ വന്നതാവും അല്ലേ…സമയം ആയിട്ടില്ലെടാ പോയിട്ട് മറ്റന്നാൾ വാ…”
“എൻ്റെ പോന്നു ചേച്ചി ഇങ്ങനെ എന്നെ വധിക്കാതെ ഞാനൊന്ന് പറയട്ടേ…”
“നീ ഒന്നും പറയണ്ടാ…വെളുപ്പിനെ വരാം ഒന്നിച്ച് പോകാം എന്നൊക്കെ ഇന്നലെ പറഞ്ഞിട്ട് അവൻ ഇപ്പോ അന്വേഷിച്ച് വന്നേക്കുന്നു…ഹും…”
“ചേച്ചി എന്നെ എന്ത് വേണേലും പറഞ്ഞോ…അതിന് മുന്നേ ഞാൻ പറയുന്നതൊന്ന് കേൾക്ക്…”
“ഉറങ്ങിപ്പോയെന്നായിരിക്കും…”
“അതെങ്ങനെ മനസ്സിലായി…”
“നീ പോടാ…”
“അയ്യോ എൻ്റെ ചേച്ചീ അതേ…ഉറങ്ങിപ്പോയതാ സത്യമായിട്ടും…കുറേ വർഷങ്ങൾക്ക് ശേഷം എൻ്റെ ജീവിതത്തിൽ ആദ്യമായിട്ടാണ് ഞാൻ ഇങ്ങനെ കിടന്ന് ഉറങ്ങുന്നത്…പറ്റിപ്പോയി ക്ഷമിക്ക്…”