“എന്നാലും…ചേച്ചിക്ക് അറിയാലോ…”
“അറിയാം…പക്ഷേ ഒറ്റയ്ക്ക് അല്ലല്ലോ മോളെ അവനുണ്ടല്ലോ…നീ പയ്യെ കുളിച്ചിട്ട് പോയാൽ മതി അവൻ ഇവിടെ ഇരുന്നോളും…ടാ നീ ഇവളെയും കൊണ്ടേ പോകാവൂ…” ചന്ദ്രിക ശാലിനിയോട് പറഞ്ഞതിന് ശേഷം ആര്യനെ നോക്കി വിളിച്ച് പറഞ്ഞു.
“അയ്യോ അത്രയേ ഉള്ളൂ…അല്ലെങ്കിൽ എന്നെ വെച്ചേക്കുമോ ആ സാധനം.” ആര്യൻ കുളത്തിൽ കിടന്നു കൊണ്ട് ചന്ദ്രികക്ക് മറുപടി കൊടുത്തു.
“ഹഹഹ…കേട്ടല്ലോ അവൻ പറഞ്ഞത്…ഞാൻ എങ്കിൽ പോവാ പെണ്ണേ രാവിലെ കാണാം.”
“മ്മ്…ശരി ചേച്ചി.”
“ടാ ചെക്കാ…ഞാൻ പോകുവാ…” ചന്ദ്രിക ആര്യനോടും പറഞ്ഞ ശേഷം പാവാടയും പുറത്ത് കൂടി രണ്ട് തോർത്തും ഇട്ടു ചുറ്റിക്കൊണ്ട് അവളുടെ ബക്കറ്റും എടുത്ത് പടികൾ കയറി.
കുളത്തിൽ ഇനി ആകെ മൂന്നു പേരാണ് ബാക്കി. അതിൽ രണ്ടു പേരും അവർ തന്നെ. ബാക്കി ഉള്ള ഒരു പ്രായം ചെന്ന പുള്ളിക്കാരൻ അവരുടെ അരികിൽ നിന്നും ഒരുപാട് ദൂരെ ആണ്. അതുകൊണ്ട് തന്നെ ആര്യൻ നീന്തി ശാലിനിയുടെ അടുത്തേക്ക് ചെന്നു.
“അലക്കി കഴിഞ്ഞില്ലേ ഇതുവരെ?”
“കണ്ടൂടെ നിനക്ക്…”
“ഹാ എന്നാ അവിടെ ഇരുന്ന് അലക്കിക്കോ ഞാൻ പോകുവാ…”
“ഹാ നീ പോകും കൊറേ…”
“ഹേ…എന്നെ പേടിപ്പിക്കുന്നോ…ഹഹ…എങ്കിൽ ശരിക്ക് പേടിക്കാൻ തയ്യാറായിക്കോ ഞാൻ കേറാൻ പോവാ…”
“ടാ ടാ…ചുമ്മാ കളിക്കരുത് കേട്ടോ…”
“കളിയാണോ കാര്യം ആണോ എന്ന് കണ്ടോ…എന്നെ എന്തൊക്കെയാ പറഞ്ഞത് സ്നേഹം ഇല്ലാത്തവൻ, കണ്ടിട്ട് മൈൻഡ് ചെയ്യാതെ പോയവൻ, വിളിച്ചാൽ കേൾക്കാത്തവൻ…അതേ അങ്ങനെ തന്നെയാണെന്ന് കൂട്ടിക്കോ ഞാൻ പോകുവാ.”
“ഞാൻ അതിന് സോറി പറഞ്ഞില്ലേടാ…”
“ഹാ ആ സോറി എനിക്ക് തൽക്കാലം വേണ്ടാ.”
ആര്യൻ കുളത്തിൽ നിന്നും കരയിലേക്ക് കയറി ശരീരം എല്ലാം തോർത്തി. കുളത്തിൽ ഇപ്പോൾ അവര് രണ്ടുപേരും മാത്രമേ ഉള്ളൂ. ഇരുട്ട് മെല്ലെ വീഴാനും തുടങ്ങി. സമയം ആറ് മണി കഴിഞ്ഞിരിക്കണം എന്ന് ആര്യൻ ഊഹിച്ചു.
“സോറി വേണ്ടെങ്കിൽ വേണ്ട…നീ ഇവിടെ ഇരിക്ക് ഞാൻ പെട്ടെന്ന് മുങ്ങിനിവർന്നിട്ട് കയറാം.”
“ഓ അതൊക്കെ ഒരുപാട് താമസിക്കുമെന്നേ…”
“എടാ ഇല്ലാ ഈ ഇട്ടിരിക്കുന്ന തുണികൾ കൂടി അലക്കി കഴിഞ്ഞാൽ തീർന്നു.”
“മ്മ്…ശരി.” എന്ന് പറഞ്ഞ് ആര്യൻ അവൻ്റെ പടവിൽ പോയി തിരിഞ്ഞ്നിന്നുകൊണ്ട് മാറിയുടുക്കാൻ കൊണ്ടുവന്ന കൈലിയും ബനിയനും ധരിച്ചു.
അപ്പോഴേക്കും ശാലിനി അവളുടെ നൈറ്റിയും ബ്രായും പാൻ്റിയും അഴിച്ച് പാവാട കയറ്റി ഉടുത്തു. എന്നിട്ട് അവൾ അതും കല്ലില്ലിട്ട് ഉരച്ച് കഴുകാൻ തുടങ്ങി.
ആര്യൻ അവൻ്റെ ബക്കറ്റും എടുത്ത് കൊണ്ട് ശാലിനിയുടെ അരികിലേക്ക് നടന്നു. അവളുടെ തുട മുതൽ താഴേക്കും മുലയുടെ ചാലും അവന് കാണാൻ സാധിക്കുമായിരുന്നു. പെട്ടെന്ന് ശാലിനി അവനെ നോക്കിയപ്പോഴേക്കും അവൾ കാണുന്നതിന് മുൻപ് തന്നെ അവൻ അവൻ്റെ ശ്രദ്ധ തിരിച്ചു.
“നീ അങ്ങോട്ട് നീങ്ങി ഇരുന്നോ ഞാൻ ഇപ്പോ വരാം.”
“എങ്ങോട്ടും നീങ്ങി ഇരിക്കുന്നില്ലാ…ഞാൻ പോവാ തനിയെ വന്ന് പഠിക്ക്.”
“തനിയെ പോവാൻ ഒന്നും എനിക്ക് പേടിയില്ല…”
“ആണോ എങ്കിൽ ശരി നാളെ കാണാം…”
“ദേ ആര്യാ കുഞ്ഞ് കളിക്കരുതേ ഞാൻ പറഞ്ഞേക്കാം…”
“തനിയെ പോകാൻ പേടി ഇല്ലാന്ന് പറഞ്ഞിട്ട്…”
“പോകാൻ പേടി ഉള്ളതുകൊണ്ടാണെന്ന് ആര് പറഞ്ഞു…”
“പിന്നെന്തിനാ പേടി…”
“ഒന്നുമില്ലാ…നീ ഇവിടെ ഇരിക്ക് ഒന്നിച്ച് പോകാം.”
പക്ഷേ ആര്യൻ അവളെ ദേഷ്യം പിടിപ്പിക്കാൻ തന്നെ മനസ്സിൽ ഉറപ്പിച്ചിരുന്നു.
“ഓ…ഇല്ല ചേച്ചീ…നല്ല ക്ഷീണം പോവാ…”
“പിന്നേ നീ പോകില്ല എന്നെ പറ്റിക്കാൻ പറയുവാ എനിക്കറിയാം.”
“അല്ല കാര്യമായിട്ടാ…ചേച്ചി പെട്ടെന്ന് നനയും കുളിയും എല്ലാം കഴിയും എന്ന് വിചാരിച്ചാ ഞാൻ ചന്ദ്രിക ചേച്ചി ചോദിച്ചപ്പോൾ നിന്നോളാം എന്ന് പറഞ്ഞത്…ഏതായാലും നാളെ രാവിലെ നമ്മൾക്ക് ഒന്നിച്ച് വരാം ഞാൻ വന്ന് വിളിച്ചോളാം…”
“മ്മ്…മ്മ്…നല്ല അഭിനയം.” ശാലിനി തുണികൾ എല്ലാം അലക്കി ബക്കറ്റിലേക്ക് ഇട്ടു.
“ഹഹ…ശരി…ടാറ്റാ.” ആര്യൻ മെല്ലെ ഓരോ പടവുകൾ ആയി കയറാൻ തുടങ്ങി.
ശാലിനി അവൻ എവിടെ വരെ പോകും എന്ന് നോക്കി നിന്നു. അവൻ ഓരോ പടികൾ കയറുമ്പോളും അവളുടെ ഭാവം മാറി. മനസ്സിൽ എന്തോ ഒരു പേടി കൂടി കൂടി വരുന്ന പോലെ. ആര്യൻ നിൽക്കാതെ തന്നെ മുകളിലേക്ക് കയറി. ഒടുവിൽ അവസാനത്തെ പടികളിലേക്ക് ആര്യൻ അവൻ്റെ നടത്തം തുടർന്നതും ശാലിനി അവനെ വിളിച്ചു.
“ടാ…ദേ ചെക്കാ ചുമ്മാ കളിക്കരുതേ…ടാ നാളെ നിന്നെ ഞാൻ ശരിയാക്കും കേട്ടല്ലോ…”
ശാലിനിയുടെ വാക്കുകൾ ഒന്നും തന്നെ കേട്ടെന്ന് നടിക്കാതെ അവൻ മുകളിലേക്ക് കയറി.
“ടാ…ആര്യാ…പോകരുത്…ആര്യാ പ്ലീസ് കഷ്ട്ടം ഉണ്ട്…എടാ…” ശാലിനിയുടെ വാക്കുകൾ ഇടറുന്നത് അവൾ അറിഞ്ഞു. അവളുടെ കവിളുകളിൽ കൂടി കണ്ണുനീർ ഒഴുകാൻ തുടങ്ങി. അവൾ അവനെ രണ്ട് തവണ കൂടി “ആര്യാ…ആര്യാ…” എന്ന് ഉച്ചത്തിൽ വിളിക്കാൻ തുടങ്ങി. പക്ഷേ അപ്പോഴേക്കും അവൻ അവളുടെ കാഴ്ചയിൽ നിന്നും മറഞ്ഞിരുന്നു. ശാലിനിയെ പണ്ടെങ്ങോ പിടികൂടിയിരുന്ന ഒരു ഭയം വീണ്ടും അവളെ മൂടാൻ തുടങ്ങി. അവൾ കുറച്ച് നിമിഷങ്ങൾ കൂടി അവൻ തിരികെ വരും എന്ന പ്രതീക്ഷയിൽ നിന്നെങ്കിലും അവനെ കാണാതെ ആ പടിയിൽ ഇരുന്ന് കരയാൻ തുടങ്ങി.
ഇതേ സമയം ആര്യൻ കുളത്തിന് പുറത്ത് മന്ദാരച്ചെടികൾക്ക് മറവിൽ നിന്നുകൊണ്ട് അവൻ എന്തോ വലിയ കുസൃതി കാണിച്ചിരിക്കുന്നു എന്ന മട്ടിൽ ചിരിക്കുക ആയിരുന്നു. ഒരു രണ്ട് മിനുട്ട് അവിടെ നിന്നിട്ട് തിരികെ ചെന്ന് ശാലിനിയുടെ വായിൽ നിന്നും നല്ല വഴക്ക് കേൾക്കണം എന്ന ചിന്തയിൽ ആണ് അവൻ ഇതൊക്കെ കാട്ടിക്കൂട്ടിയത്. കാരണം ശാലിനി അവനെ കളിയാക്കുമ്പോഴും വഴക്ക് പറയുമ്പോഴും അവൻ അതൊക്കെ നല്ല രീതിയിൽ ആസ്വദിച്ചിരുന്നു.
രണ്ട് മൂന്ന് മിനുട്ടുകൾക്ക് ശേഷം ആര്യൻ മെല്ലെ പടവിലേക്ക് കയറി. അവൻ നോക്കുമ്പോൾ ശാലിനി തിരിഞ്ഞിരിക്കുകയാണ്. നല്ല ദേഷ്യത്തിൽ ആയിരിക്കും എന്ന് വിചാരിച്ചുകൊണ്ട് അവൻ ബക്കറ്റ് മുകളിൽ വച്ചിട്ട് ശബ്ദം ഉണ്ടാക്കാതെ പടികൾ ഇറങ്ങി. അവൻ അവളുടെ അരികിൽ വന്നു നിന്നിട്ട് “പറ്റിച്ചേ…” എന്ന് ഉറക്കെ വിളിച്ചു പറഞ്ഞു.
പെട്ടെന്ന് ഞെട്ടി തിരിഞ്ഞ ശാലിനിയെ കണ്ട് ആര്യൻ പേടിച്ച് പോയി. തന്നെ ഇപ്പോ ദേഷ്യത്തോടെ ചെവിപൊട്ടുന്ന വഴക്ക് പറയും എന്ന് ആര്യൻ വിചാരിച്ചിരുന്ന ശാലിനി അവിടെ ഇരുന്ന് ഏങ്ങലടിച്ച് കരയുകയാണ്.
