സഞ്ജുവിന്റെ ഉള്ളിലൊരു മിന്നലുണ്ടായി…
“അതോ ഏട്ടത്തി ഇട്ടേച്ചു പോയോ… ?”
ഒരു നടുക്കം….
സഞ്ജുവിന്റെ മുഖത്ത് പ്രകടമായ നടുക്കം അവൾ വായിച്ചറിഞ്ഞു…
“ ഞാൻ ചോദിച്ചെന്നേയുള്ളൂ…… “
അവൾ രണ്ടാമതും ഫോം തേച്ചു തുടങ്ങി…
റേസർ കയ്യിലെടുത്ത് അവൾ വീണ്ടും ഷേവ് ചെയ്തു തുടങ്ങി…
ഒന്നു രണ്ടു നിമിഷത്തെ നിശബ്ദതയ്ക്കു ശേഷം അവൾ വീണ്ടും സംസാരിച്ചു ..
“എനിക്കു പറയുവാൻ ചഞ്ചുവേയുള്ളൂ……. അതു പോലെ… ….”
ബാക്കി അഞ്ജു പറഞ്ഞില്ല… ….
സഞ്ജുവിന്റെ ഹൃദയം പൊടിഞ്ഞു തുടങ്ങിയിരുന്നു…
“ കഴിഞ്ഞു… ഇനി മീശ വെട്ടിയേക്കാം…’’
അവൾ കത്രിക കയ്യിലെടുത്തു…
സഞ്ജു, മിഴികളടച്ച് കസേരയിലേക്ക് ചാരി….
🎗️🎗️🎗️🎗️🎗️🎗️🎗️🎗️🎗️🎗️🎗️🎗️🎗️🎗️🎗️
നാല്പാടത്തായിരുന്നു സഞ്ജു…
അത്താഴം കഴിഞ്ഞ് സ്വീകരണമുറിയിൽ ടി.വിയിലെ ചാനലുകൾ അവൻ വെറുതെ ഓരോന്നായി മാറ്റിക്കൊണ്ടിരുന്നു…
അമ്മയുടെ മുറിയിലേക്ക് ദേവി ചേച്ചി കയറിപ്പോകുന്നത് അവൻ കണ്ടു…
പഴയ ആശ്രിതരാണ്… അതിന്റെ നന്ദി ദേവി ചേച്ചി കാണിക്കുന്നുണ്ടെന്ന് അവനോർത്തു…
രച്ചുമോൾ ഉറക്കത്തിലാണ്…
കുറച്ചു മുൻപു തന്റെ മടിയിലുണ്ടായിരുന്നു…
അഞ്ജു . അടുക്കളയിലാവും…
“ചഞ്ചു കിടക്കുന്നില്ലേ… ….?”
അഞ്ജുവിന്റെ സ്വരം കേട്ടതും അവൻ തിരിഞ്ഞു നോക്കി..
ടവ്വലിൽ , നനഞ്ഞ കൈ തുടച്ചുകൊണ്ട് അടുക്കളയിൽ നിന്ന് അവൾ വരുന്നു…
“ കുറച്ചു കഴിയട്ടെ…….”
അഞ്ജു മുറിയിലേക്ക് പോയി…
കുറച്ചു കഴിഞ്ഞ് മയക്കം വന്നു തുടങ്ങിയതും അവൻ ടി.വി ഓഫ് ചെയ്ത് തന്റെ മുറിയിലേക്ക് പോയി…
അനുപമയോടൊപ്പം കിടന്ന മുറി….
ഒറ്റയ്ക്കാകുമ്പോൾ ചിന്തകൾ പലവിധമാണ്…
ജോലിയെക്കുറിച്ച്…
അഞ്ജുവിനെക്കുറിച്ച്…
അമ്മയെക്കുറിച്ച്… ….
എന്തു ചിന്തിച്ചാലും ഒടുവിൽ എത്തിച്ചേരുന്നത് അനുപമയിലാണ്…
അവൾക്ക് വേണ്ടതൊരു , അവളുടെ താളത്തിന് തുള്ളുന്ന ഭർത്താവായിരുന്നു…
തനിക്കതിനു കഴിഞ്ഞോ, എന്നതിൽ അവളുടെ അവസാനത്തെ സംസാരത്തിനു ശേഷം സംശയമുണ്ട്…
അല്ലെങ്കിലും നാലോ അഞ്ചോ മാസമേ അവളോടൊത്തു സന്തോഷകരമായി ജീവിച്ചിട്ടുള്ളൂ…
ബാക്കിയെല്ലാം കണക്കായിരുന്നു…
തന്നോട് പിണങ്ങിയിരുന്ന ഒരു വർഷക്കാലം കൊണ്ടാണ് അവൾ പഴയ ബന്ധം പുതുക്കിയെടുത്തത്…
അവൾക്കും താനിന്ന് അഞ്ജുവിൽ നിന്ന് അ അനുഭവിച്ച പോലൊരു തലോടൽ ലഭിക്കാൻ മറ്റൊരിടം കിട്ടിക്കാണില്ല…
പെണ്ണാണ്… ….
സ്നേഹമാണ്…
അവളത് ലഭിക്കുന്ന വഴി തേടാം…….
കാമുകനെന്നോ കാപാലികനെന്നോ അതിരുകൾ അതിനില്ലായിരിക്കാം…
തന്റെ ഭാഗത്തും ന്യായങ്ങളുണ്ടാവാം…
തന്റെ മാത്രം ന്യായം…
അവൾക്ക് അവളുടേതായ ന്യായം…
പക്ഷേ, വഞ്ചന…….
താനില്ലാത്തപ്പോൾ കാമുകനെ വിളിച്ചു വരുത്തിയവൾ…
അവൾ പക പോക്കിയതായിരിക്കാം… ….
നിസ്സഹകരണ മനോഭാവത്തോടെ ശയിക്കുമ്പോൾ ഉച്ഛിഷ്ടമാണ് നീ കഴിക്കുന്നതെന്ന് പതിനായിരമാവർത്തി അവൾ മനസ്സിൽ സന്തോഷത്തോടെ അലറി വിളിച്ചിട്ടുണ്ടാകാം… ….
സഞ്ജുവിന് ആത്മനിന്ദ തോന്നി…
ശവഭോഗമായിരുന്നു അതിലും നല്ലതെന്ന് അവനോർത്തു…
നിനക്കൊരു തലമുറ സൃഷ്ടിക്കാൻ ഞാൻ കിടന്നു തരില്ലെടാ എന്നും അവൾ പ്രതിജ്ഞയെടുത്തേക്കാം…….
നിസ്സാര കാര്യത്തിനാണെങ്കിലും പെണ്ണിന്റെ പക……..!
പെണ്ണ്…….!
അതൊരു സമസ്യയാണ്…
ആദിമുതൽ അന്ത്യം വരെ തുടരുന്ന പ്രഹേളിക….
അവളെ അനുധാവനം ചെയ്താൽപ്പോലും അന്തരംഗത്തിലെ അഭിരുചികളോ അപകടമോ ആഴമോ നമുക്ക് മനസ്സിലായിക്കൊള്ളണമെന്നില്ല… ….
അതായിരിക്കാം അനുപമ… !
ചിലപ്പോൾ അതിലൊന്നായിരിക്കാം അനുപമ…!
വാതിൽക്കൽ നിഴലനങ്ങിയതറിഞ്ഞ് അവൻ മുഖമുയർത്തി..
മുറിയിൽ ലൈറ്റില്ലായിരുന്നു…
അഞ്ജുവല്ലാതെയാര്… ….?
അവൾക്കും തന്നേപ്പോലെ ഉറക്കമില്ലാത്ത രാത്രികളാണല്ലോ…….
“ചഞ്ചു ഉറങ്ങിയോ… ….?”
“ഇല്ല:….”
അവൻ പ്രതിവചിച്ചു…
“ എനിക്കും ഉറക്കം വരുന്നില്ല…….”
അവൾ പതിയെ കിടക്കയിൽ അവന്റെ അരികിലായി വന്നിരുന്നു…
“ചഞ്ചുവിന്റെ ഷർട്ടും മുണ്ടും ഞാൻ അയൺ ചെയ്തു വെച്ചിട്ടുണ്ട്…. നാളെ ഞായറാഴ്ചയല്ലേ……., നമുക്ക് അമ്പലത്തിൽ ഒന്നു പോകണം…”
“ഉം…………..”
സഞ്ജു മൂളി…