“അതിപ്പോ, അവളുടെ ഫ്രണ്ട്സ് എന്റെയും ഫ്രണ്ട്സല്ലേ…….”
“ഫ്രണ്ട്സ് മാത്രം……… ?”
കൊഞ്ചിയ ചിരിയോടെ അവൾ ചോദിച്ചതും അഞ്ജു ചാടി ബുള്ളറ്റിനു പിന്നിൽ കയറി…
“ വാ… പോകാം……..”
ഇഷ്ടക്കേടോടെയാണെങ്കിലും അവൾ കൂട്ടുകാരികളുടെ നേരെ കൈ വീശിക്കാണിച്ചു…
ബുള്ളറ്റ് മുന്നോടോടിത്തുടങ്ങിയതും അഞ്ജു അവന്റെ പുറത്ത് നല്ലൊരു ഇടി കൊടുത്തു..
അവൾ വലത്തേ കൈ കുടയുന്നത് മിററിലൂടെ അവൻ കണ്ടു…
“ പൊണ്ണാവ…. ആകെ ഡബിൾ നെയിം ഇല്ലാത്തത് എനിക്കായിരുന്നു… ഇന്ന് അതും ആയി…”
അവളുടെ മുഖഭാവത്തിന്റെ മാറ്റം സഞ്ജുവിന് മനസ്സിലായി…
“നല്ലൊരു ദിവസമായിട്ട് ഷൈൻ ചെയ്യാൻ ഇരുന്നതായിരുന്നു… അത് ചഞ്ചു നശിപ്പിച്ചു……”
“ ഞാൻ നിന്നെ സാധാരണ വിളിക്കുന്നതല്ലേ……”
“അത് വീട്ടിൽ വെച്ച്… അതു പോലാണോ……?”
“പെട്ടെന്ന് വായിൽ വന്നത്….”
“വേണ്ട… ഇനി വീട്ടിലും വിളിക്കണ്ട…”
അവൾ അവന്റെ കഴുത്തിൽ ഒരു പിച്ചു കൊടുത്തു…
“അഞ്ജൂന്ന് വിളിച്ചാൽ മതി… “
“അഞ്ജു പത്മനാഭൻ എന്നാക്കിയാലോ… ? “
അവൻ ചിരിക്കുന്നത് അവൾ മിററിലൂടെ കണ്ടു…
“സന്തോഷം… ബാക്കി വീട്ടിച്ചെന്നിട്ട്…….”
“ങാ… ഇനിയുമുണ്ടോ… ….?”
“ വീട്ടിലേക്കു വാ…………..”
അവൾ കളിയായി പല്ലിറുമ്മി…….
ചായ കുടി കഴിഞ്ഞ ശേഷം അഞ്ജു അവനെ പിടിച്ച്, പുറത്തുള്ള പൈപ്പിന്റെ ചുവട്ടിലെത്തിച്ചു…
അവിടെ ഒരു പ്ലാസ്റ്റിക് കസേര കിടപ്പുണ്ടായിരുന്നു…
“ ഇരിക്ക്….”
“എന്നതാ പ്ലാൻ…….?”
“അതൊക്കെ കണ്ടറിഞ്ഞാൽ മതി……”
നിമിഷ നേരം കൊണ്ട് വെള്ളവും ബ്രഷും ഷേവ് ചെയ്യാനുള്ള സാധനങ്ങളുമായി അഞ്ജു പറന്നു വന്നു…
“ഈ പെണ്ണിനെന്നാ പറ്റി…?”
പത്മാവതിയും അവർക്കരുകിലേക്ക് വന്നു…
“ അവൾക്ക് എന്റെ താടിയും തടിയും പറ്റുന്നില്ലാന്ന്…”
സഞ്ജു പറഞ്ഞു…
“ അതിന് അവളുടെ മുഖത്താണോ അതിരിക്കുന്നത്… പെണ്ണിന്റെ വട്ട്…”
“അമ്മയും അവിടിരി… ഞാൻ പറഞ്ഞിട്ട് പോയാൽ മതി….”
അഞ്ജു പറഞ്ഞു…
അവൾ ശ്രദ്ധയോടെ ഷേവിംഗ് ഫോം അവന്റെ താടിയിൽ വിരലാൽ തേച്ചു
പിടിപ്പിച്ചു…
“ നിനക്കിത് വല്ലതും അറിയാമോ… ? മുഖമെങ്ങാനും മുറിഞ്ഞാൽ ചെവി ഞാൻ പൊന്നാക്കും…”
സഞ്ജു, അവളുടെ കൈ പിടിച്ചു കൊണ്ട് ചോദിച്ചു…
“ങ്ഹാ… ഞാൻ സിനിമേലൊക്കെ കണ്ടിട്ടുണ്ട്…”
അവൾ പറഞ്ഞു…
“ആഹാ… അനുഭവിച്ചോ… ചഞ്ചുന്റെ പൊന്നാവയല്ലേ……. ഞാൻ പോണ്…”
പത്മാവതി തിരിഞ്ഞു…
“ അമ്മ പോകാൻ വരട്ടെ…”
അഞ്ജു പറഞ്ഞു…
“നീ കാര്യം പറ പെണ്ണേ……. “
“ കാര്യമൊക്കെയുണ്ട്…”
അഞ്ജു ബ്ലേഡ് റേസറിൽ കുടുക്കി എളിയിൽ കൈ കൊടുത്ത് അവനു നേരെ നോക്കി…
“ രാവിലെ അവളെ നോക്കുന്നത് കണ്ടല്ലോ…?”
“ആരെ………?”
സഞ്ജുവിന് ഒന്നും മനസ്സിലായില്ല…
“വൈകുന്നേരം ശൃംഗരിക്കാൻ വന്നവള്…….”
“അത് നിന്റെ ഫ്രണ്ടല്ലേ… നീയും കണ്ടതല്ലേ… “
“അതൊക്കെ ശരിയാ… രാവിലെ താടി വടിക്കാനൊന്നും എനിക്ക് പ്ലാനില്ലായിരുന്നു… അവള് രാവിലെ പറയുവാ…….”
“എന്തോന്ന്…….?”
പത്മാവതിയാണ് ചോദിച്ചത്…
“ അവൾക്ക് ലവ് അറ്റ് ഫസ്റ്റ്‌ സൈറ്റ്… കട്ടത്താടിയും കറുത്ത ഷർട്ടും ബുള്ളറ്റും അവൾക്ക് ക്രേസ് ആണെന്ന്…”
സഞ്ജുവിന് കാര്യം മനസ്സിലായി…
“എന്നാൽപ്പിന്നെ നമുക്കതങ്ങ് നോക്കിയാലോ… നിനക്കറിയാവുന്ന കുട്ടിയല്ലേ… “
പത്മാവതി ചിരിച്ചു..
“ അമ്മ പോയേ……..’’
അവൾ ഒച്ചയെടുത്തു…
“ പറ്റിയ പാർട്ടിയോടാ ഞാൻ പറഞ്ഞത്…..”
“അല്ലെങ്കിലും നിന്റെ വേഷം കെട്ട് കാണാൻ ഞാൻ നിൽക്കുന്നില്ല……..”
പത്മാവതി തിരിഞ്ഞു…
“ നീ ബാക്കി പറ…….”
സഞ്ജു, ഒന്നു നിവർന്നിരുന്നു…
“അത്രയേ ഉള്ളൂ……..”
അവൾ ഗൗരവത്തിലായി…
ചെവിയുടെ ഇരുവശങ്ങളും നോക്കി , കൃതാവ് അവൾ റെഡിയാക്കാൻ ശ്രമിച്ചു…
“കാര്യം പറ പൊന്നാവേ… ….”
“അവളാള് ശരിയല്ല ചഞ്ചൂസേ… എന്റെയറിവിൽ തന്നെ ആറോ ഏഴോ പേര് ലൈൻ അവൾക്കുണ്ട്…”
“ നിനക്കോ…….?”
“കുത്തും ഞാൻ… “ അവൾ കണ്ണുരുട്ടിക്കൊണ്ട് റേസർ ഓങ്ങി…
“ആഹാ… എന്നിട്ട്, അവളെയാണോ നീ എന്റെ തലയിലാക്കാൻ നോക്കിയത്…?”
അവൻ വിഷയം മാറ്റി…
“ആരു നോക്കി… അവളോട് മിണ്ടിപ്പോകരുത്…”
പതിയെ അവന്റെ കവിളിലൂടെ ബ്ലേഡ് വലിക്കുന്നതിനിടയിൽ അവൾ പറഞ്ഞു…