“ഉം ”
അവൾ വിളിക്കേട്ട് തിരിഞ്ഞു നോക്കി.
അവളുടെ മുഖത്തേക്ക് ഞാൻ നോക്കിയപ്പോൾ അവളുടെ കണ്ണുകൾ നിറഞ്ഞിരുന്നു. വിശ്വാസം ആവാത്ത ഭാവത്തിൽ അവൾ എന്നെ നോക്കി. ഇവൾ എന്താ എന്നെ ഇങ്ങനെ നോക്കുന്നെ. ചിലപ്പോൾ കുറേ നാളുകൾക്ക് ശേഷം ഞാൻ അങ്ങനെ വിളിച്ചത് കൊണ്ടാവും. അത്‌ എന്തെങ്കിലും ആവട്ടെ പറയാൻ വന്ന കാര്യം പറയാം.
“അമ്മു എനിക്ക് പഴയത് ഒന്നും ഓർമ്മയില്ല. അവരൊക്കെ ആരാ,എന്താ അവരോട് പറയേണ്ടത് എന്ന് പോലും എനിക്ക് അറിയില്ല. നീ എന്റെ ഒപ്പം നിൽക്കോ?”
ഞാൻ അമ്മുവിനോട് ചോദിച്ചു.
“ഞാൻ എപ്പോളും ഏട്ടന്റെ ഒപ്പം ഉണ്ടാവും. എന്ത് ആവശ്യം ഉണ്ടെങ്കില്ലും എന്നെ വിളിച്ചാൽ മതി”
അമ്മു എന്നോടായി പറഞ്ഞു. അവളുടെ കണ്ണുകൾ അത്‌ പറയുമ്പോൾ നിറയുന്നുണ്ടായിരുന്നു. ഞാൻ സമ്മതാർത്ഥത്തിൽ തലയാട്ടി.
“ഇപ്പോ ഞാൻ താഴേക്ക് ചെല്ലട്ടെ അവരൊക്കെ എന്നെ അന്വേഷിക്കും. ഏട്ടൻ ഇവിടെ കിടന്നോട്ടോ ”
അവൾ എന്നെ അവിടെ കിടത്തി താഴേക്ക് പോയി. നല്ലൊരു പെൺകുട്ടി എല്ലാവരോടും നന്നായി പെരുമാറാൻ അറിയുന്ന ചുറു ചുറുക്കുള്ള പെൺകുട്ടി. എന്റെ കല്യാണ സങ്കല്പത്തിലുള്ള പെൺകുട്ടി. ഇവളെയാണലോ ഞാൻ തെറ്റായ കണ്ണിലൂടെ നോക്കിയത്. ഇവളെ ഓർത്താണല്ലോ ഞാൻ വാണമടിച്ചത്. എന്നിൽ കുറ്റ ബോധം നിറയാൻ തുടങ്ങി.
കിടക്കുമ്പോൾ ഞാൻ വന്നവരിൽ നിന്ന് കേട്ടാ കാര്യങ്ങൾ ആയിരുന്നു മനസ്സിൽ. അച്ഛന്റെ പേര് മാധവൻ അമ്മ സീത. പാരമ്പര്യമായി ഞങ്ങൾ കൃഷിക്കാരാണ്. ധാരാളം പാടങ്ങളും പറമ്പും കൃഷി ചെയ്ത് ജീവിക്കുന്നു. അതാണീ കുടുംബത്തിന്റെ വരുമ്മാന സ്രോതസ്സ്.
അച്ഛന്റെയും അമ്മയുടെയും പേര് കിട്ടി. അമ്മുവിന്റെ യഥാർത്ഥ പേര് എന്താണാവോ. ഇനി അത്‌ തന്നെ ആയിരിക്കോ യഥാർത്ഥ പേര്. പലതും ആലോചിച്ച് ഞാൻ കിടന്ന് ഉറങ്ങി പോയി.
അമ്മു വന്ന് കുലുക്കി വിളിച്ചപ്പോളാണ് ഞാൻ ഉണർന്നത്.
“വിഷ്ണുവേട്ടാ…. വിഷ്ണുവേട്ട എണീക്ക് നേരം ഒരുപാടായി എണീക്ക് ”
ഞാൻ കണ്ണ് തുറന്ന് അവളെ നോക്കി.
“വായോ നമ്മുക്ക് ചായ കുടിക്കാം. വാ പേടിക്കണ്ട അവരൊക്കെ പോയി ”
അവരെല്ലാം പോയി എന്ന് പറഞ്ഞത് എന്നിൽ ആശ്വാസം ഏകി. ഞാൻ താഴെ പോയി ചായ കുടിച്ചു.
ചായക്ക് ശേഷം ഞാൻ വീടും പരിസരവും കാണാൻ നടന്നു. വലിയൊരു സ്ഥലത്ത് ആയിരുന്നു വീട്. വീടിന് ചുറ്റും നിറയെ മരങ്ങളും ചെടികളും ഉണ്ടായിരുന്നു. വീടിന് പിന്നിലായി വലിയൊരു സുന്ദര കുളവും ഉണ്ടായിരുന്നു. അവരൊക്കെ എന്തോ തിരക്കിലായിരുന്നു. ഞാൻ അവിടം മുഴുവൻ ചുറ്റി കണ്ട് തിരിച്ച് വീട്ടിലേക്ക് കയറി. നേരം അപ്പോൾ സന്ധ്യയോട് അടുത്തിരുന്നു. വീട്ടിൽ കയറിയതും അമ്മ എന്നെ കണ്ടു.
“എവിടെ ആയിരുന്നു മോനെ നി? നിന്നെ ഞങ്ങൾ ഇവിടെയൊക്കെ അന്വേഷിക്കുകയായിരുന്നു”
അമ്മ എന്നെ കാണാത്ത ആശങ്കയിൽ പറഞ്ഞു.
“ഞാൻ ഇവിടെ പറമ്പോക്കെ ഒന്ന് കാണാൻ വേണ്ടി പോയതായിരുന്നു ”
“എവിടെങ്കിലും പോവുമ്പോൾ പറഞ്ഞിട്ട് പോയിക്കൂടെ. വെറുതേ പേടിപ്പിക്കാതെ ”
അമ്മ തന്റെ വിഷമം പ്രകടിപ്പിച്ചു.
“ഞാൻ പറയാം.ഇനി എവിടേക്ക് പോവുന്നുണ്ടെങ്കിലും പറഞ്ഞിട്ട് പോവാം”
ഞാൻ അമ്മയെ പറഞ്ഞ് ആശ്വസിപ്പിച്ച് അകത്തേക്ക് കയറി.ഞാൻ അവിടെന്ന് നടന്ന് മുറിയിലേക്ക് കയറി.
മുറിയിൽ ചെന്ന് ഇരുന്നതും അമ്മു പരിഭവത്തോടെ എന്നോട് പറയുവാൻ
തുടങ്ങി.
“എന്ത് ആവശ്യം ഉണ്ടെങ്കില്ലും എന്നോട് പറയാം എന്ന് പറഞ്ഞിട്ട് എന്നോട് പറയാതെ എന്തിനാ പുറത്തേക്ക് പോയെ? ”
“പുറത്തേക്ക് ഒന്നും ഞാൻ പോയിട്ടില്ല. ഈ പറമ്പിൽ തന്നെ ഞാൻ ഉണ്ടായിരുന്നു ”
“ഇനി അങ്ങനെ പുറത്തേക്കൊന്നും ഒറ്റക്ക് പോവണ്ട. വേണേൽ ഞാനും കൂടെ വരാം ”
എന്റെ ഓർമ്മ നഷ്ടപെട്ടതിനാൽ എനിക്ക് വല്ല ആപത്തും വരുമോ എന്നായിരുന്നു അവരുടെ പേടി.
“അമ്മു ഞാൻ കൊച്ച് കുട്ടിയല്ല. എന്റെ ഓർമ്മയെ നഷ്ടപ്പെട്ടിട്ടുള്ളു. ബോധവും ബുദ്ധിയും നഷ്ടപ്പെട്ടിട്ടില്ല”
ഞാൻ അവളോട് പറഞ്ഞു
“വയ്യാത്ത ആളാ എവിടെങ്കിലും വീണ് വല്ലതും പറ്റിയാലോ എന്ന പേടികൊണ്ട ഞാൻ പറഞ്ഞേ ”
അവൾ അതും പറഞ്ഞ് കരയാൻ തുടങ്ങി. എനിക്ക് അവളെ എന്ത് പറഞ്ഞ് ആശ്വസിപ്പിക്കണം എന്ന് പിടിക്കിട്ടിയില്ല. അവൾ കരയുന്നത് കണ്ട് എനിക്ക് എന്തോ സങ്കടമായി. അവൾ എന്നെ ഇത്രെയും അധികം സ്നേഹിക്കുന്നുണ്ട് എന്ന തിരിച്ചറിവ് എന്നിൽ ഞെട്ടൽ ഉളവാക്കി. ആ സ്നേഹം ഇനി അവൾക്കും തിരിച്ച് കൊടുക്കണം എന്ന് എന്റെ മനസ്സിൽ ഇരുന്ന് ആരോ പറയുന്നത് പോലെ.
“അമ്മു കരച്ചിൽ നിർത്ത്. ഇനി ഞാൻ ഒറ്റക്ക് പുറത്തേക്ക് പോവില്ല. ആരുടെയെങ്കിലും ഒപ്പമേ പോവൂ. എന്തുണ്ടേങ്കിലും ഞാൻ നിന്നോട് പറയാതെ ഒന്നും ചെയ്യില്ല. സത്യം ”
ഞാൻ അമ്മുവിന് വാക്ക് നൽകി. അപ്പോൾ അവൾക്ക് സന്തോഷമായി.
“അമ്മു എനിക്ക് കുളിക്കണം. കുളിക്കാൻ ഒരു തോർത്ത്‌ തരോ ”
ഉച്ചക്ക് കിടന്ന് ഉറങ്ങിയതിഞ്ഞാൽ എനിക്ക് നല്ല ക്ഷീണം ഉണ്ടായിരുന്നു.ക്ഷീണം
മാറാൻ ഒന്ന് കുളിക്കാൻ ഞാൻ തീരുമാനിച്ചു.
എന്റെ ചോദ്യം കേട്ടതും അവൾ ഒരു തോർത്ത്‌ എനിക്ക് എടുത്ത് തന്നു. ഞാൻ അതും വാങ്ങി കുളിക്കാനായി കുളി മുറിയിൽ കയറി. അമ്മു പുറത്തേക്കും പോയി.
കുളി കഴിഞ്ഞ് ഞാൻ താഴേക്ക് ഇറങ്ങി ചെന്നു. അവർ എല്ലാം ടി വി കാണുകയായിരുന്നു. ഞാനും അവരോടൊപ്പം കൂടി. ഇപ്പോ എനിക്ക് പഴയ അപരിചിത്വം ഇല്ല. ഇവരോടൊക്കെ ഞാൻ സംസാരിക്കാൻ തുടങ്ങി.
ടി വി യും കണ്ട് ഭക്ഷണം കഴിച്ച് ഉറങ്ങാനായി ഞാൻ മുറിയിലേക്ക് പോയി. ഞാൻ കട്ടിലിൽ കയറി ഇരുന്നു. അമ്മു കൈയിൽ വെള്ളവും എനിക്ക് കഴിക്കാനുമുള്ള ഗുളികകളുമായി വന്നു. ഞാൻ അത്‌ അവളിൽ നിന്ന് വാങ്ങി കഴിച്ചു. മുറിയുടെ വാതിൽ അടച്ച് കുറ്റിയിട്ട് അമ്മു എനിക്ക് അരികിലായി വന്നിരുന്നു.
അവളോട് പലതും ചോദിച്ച് അറിയണം എന്ന് എനിക്കുണ്ടായിരുന്നു. എന്ത് ആദ്യം ചോദിക്കണം എന്ന് എനിക്ക് ഒരു പിടിയുമില്ല. ഒടുവിൽ ഞാൻ അവളോട് എന്തെങ്കിലും സംസാരിക്കാൻ തീരുമാനിച്ചു.
“അമ്മു എനിക്ക് കുറേ കാര്യങ്ങൾ ചോദിക്കണം എന്നുണ്ട്. നീ എനിക്ക് അതെല്ലാം പറഞ്ഞു തരോ?”
“ഏട്ടന് എന്ത് കാര്യമാ അറിയേണ്ടേ?”
അവൾ എന്നോട് ചോദിച്ചു. എന്റെ മനസ്സിലെ ചോദ്യങ്ങൾ അവളോട് ചോദിക്കാൻ ഞാൻ തീരുമാനിച്ചു.
“അമ്മു. എനിക്ക് പഴയത് ഒന്നും ഓർമ്മയില്ല. അതുകൊണ്ട് എനിക്ക് എല്ലാം അറിയണം എന്ന് തോന്നി. നിന്നോട് ചോദിച്ച് അത്‌ എല്ലാം അറിയണം എന്ന് തോന്നി. അതുകൊണ്ടാ ഞാൻ ഓരോന്ന് ചോദിക്കാൻ പോവുന്നേ ”
“ഏട്ടൻ ചോദിച്ചോ. എല്ലാത്തിനും ഉത്തരം ഞാൻ തരാം ”
അമ്മു ചോദിച്ചോളാൻ സമ്മതം നൽകി
“അമ്മു അമ്മുവിന്റെ യഥാർത്ഥ പേരെന്താ?”
ഞാൻ അമ്മുവിനോട് ആദ്യ ചോദ്യം ചോദിച്ചു. ഇത് കേട്ടതും അമ്മു കരയുവാൻ തുടങ്ങി. കുഴപ്പമായോ അവളോട് ചോദിച്ചത് വേറെ വല്ലതും ചോദിച്ചാൽ മതിയായിരുന്നു. ഒരു ഭർത്താവ് ഭാര്യയോട് പേര് ചോദിക്കാ എന്ന് വെച്ചാൽ അത്‌ അവളിൽ എത്ര മാത്രം വേദന നൽകും. വേറെ വല്ലതും ചോദിച്ചാൽ മതിയായിരുന്നു.
