“മോളെ നീ ഉണ്ണിയോഡോപ്പം മുകളിൽ ചെന്ന് ഡ്രസ്സ് ഒക്കെ മാറിവാ“
അത് കേട്ടതും ഉണ്ണി മുറിയിലെക്ക് നടന്നു. അവന്റെ പുറകെ അവളും. റൂമിലെത്തിയയുടനെ അവൻ മൊബൈൽഎടുത്തു അതിലെന്തോക്കയോ ചെയ്തുകൊണ്ടിരുന്നു. നീലയും വെള്ളയും ആയിരന്നു മുറിയുടെ നിറം. ഫാമിലിക്കോട്ട് കട്ടിൽ. അതിൽ നീലയും ഗ്രയും ആയിരുന്നു നിറം.
കുളിച്ചിറങ്ങിവന്ന അവൾ റൂമിൽ ഉണ്ണിയെകാണാതെ ആയപ്പോൾ ബാൽക്കണിയിലേക്ക് വന്നു. തിരിഞ്ഞു നിന്ന്ആരോടോ ഫോണിൽ സംസാരിക്കുകയായിരുന്നു ഉണ്ണി
“വിഷ്ണുവേട്ടാ“
ലക്ഷ്മിയുടെ ശബ്ദം കേട്ടതും ഒരു ഞെട്ടലോടെ അവൻ തിരിഞ്ഞുനോക്കി. അവന്റെ മുഖം വിളറിയിരുന്നത്അവൾ കണ്ടു. അവൾ വേഗംനടന്നവന്റെ അടുത്തെത്തി. തന്റെ അടുത്തേക്ക് വരുന്ന അവളെ കണ്ടപ്പോൾ അവൻപെട്ടന്ന് ഫോൺ കട്ടാക്കി
“എന്താ എന്തു പറ്റി വിഷ്ണുവേട്ടാ, എന്തെങ്കിലും കുഴപ്പം ഉണ്ടോ“
“എന്ത്..എന്ത് കുഴപ്പം. ഒന്നുമില്ലടോ“
അപ്പോഴേക്കും ഫോൺ റിങ്ചെയ്തു. അവൻ കാൾ കട്ട് ആക്കി.
“എന്തെങ്കിലും ഉണ്ടെങ്കിൽ പറ വിഷ്ണുവേട്ടാ“
“ഒന്നുമില്ലന്നല്ലെ പറഞ്ഞത്. നീ താഴെക്ക് ചെല്ല് അവിടെയെല്ലാവരും കാണും. ഞാൻ പുറകെ വരാം“
ദേഷ്യത്തോടെയുള്ള അവന്റെ സംസാരം കേട്ടതും അവൾ തിരിഞ്ഞു നടന്നു. നടക്കുമ്പോഴും കവിളിലൂടെകണ്ണുനീർ ഒലിച്ചിറങ്ങുന്നുണ്ടായിരുന്നു. അവളെ വേദനിപ്പിച്ചതിൽ അവന്റെ നെഞ്ചും ഒന്ന് പിടഞ്ഞു.
കുറെ നേരത്തെ ഫോൺവിളിക്കോടുവിൽ ഫ്രഷ് ആയി താഴേക്ക് ചെന്ന അവൻ കാണുന്നത് ഫാമിലി ലിവിങ്ങിൽലക്ഷ്മിയുടെ ചുറ്റും വട്ടം കൂടി ഇരുന്നു വിശേഷങ്ങൾ തിരക്കുന്ന ശോഭയെയും അംബികയെയും ശരണ്യയെയുംആയിരുന്നു. വരുൺ ഫോർമൽ ലിവിങ്ങിൽ ഇരുന്നു ഏതോ ഗെയിം കളിക്കുകയാണ്.
“അച്ഛനും അങ്കിളും എവിടെയമ്മേ“
“അവർ സിറ്റ്ഔട്ട്ൽ ഉണ്ട്“
ഉണ്ണി നേരെ അടുക്കളയിൽ പോയ് വെള്ളം എടുത്ത് കുടിച്ചതിന് ശേഷം വരുണിന്റെ അടുത്ത്പോയിരുന്നു
രാതി ലക്ഷ്മി മുറിയിലേക്ക് വരുന്നതും നോക്കി ഇരിക്കുകകയാണ് ഉണ്ണി. എല്ലാം തുറന്നുപറയാൻതീരുമാനിച്ചുറപ്പിച്ചാണ് ആ ഇരുപ്പ്. ഫോൺ സ്വിച്ച്ഓഫ് ആക്കി വെച്ചിരുന്നു. ഡോർ തുറന്ന് മുറിയിലെക്ക് വരുന്നലക്ഷ്മിയെ ഉണ്ണി ഒരുനിമിഷം നോക്കി ഇരുന്നു. ലക്ഷ്മിയെ കാണുമ്പോൾ എല്ലാം വല്ലാത്തോരു സൗന്ദര്യം അവന്അനുഭവപ്പെടുമായിരുന്നു.
കറുത്ത കരയുള്ള സെറ്റ്സാരി ആയിരുന്നു അവളുടെ വേഷം. ആഭരണമായി ആകെ ഉണ്ടായിരുന്നത് അവൻചാർത്തിയ താലിയും ചെറിയ ഒരു ജിമിക്കിയും രണ്ടു കരിവളകളും ആയിരുന്നു. സീമന്തരെഖയിലെ സിന്ദുരംഅവളുടെ സൗന്ദര്യത്തെ ഒന്നൂടെ ഉയർത്തിപ്പിടിച്ചു.
അവന്റെ ഹൃദയം വല്ലാതെ മിടിച്ചു. അവൾ അവന്റെ അരികിലായ് വന്നിരുന്നു. അവളുടെ സുഗന്ധം ആമുറിയാകെ പരക്കുന്നതായ് തോന്നി. ഇടനെഞ്ചിൽ ഒരു വിറയലും അവനനുഭവപ്പെട്ടു.
അവൾ അവന്റെ തോളിലേക്ക് കൈഎടുത്ത് വെച്ച് കൊണ്ട് പറഞ്ഞു.
“ദേഷ്യപ്പെടില്ലെങ്കിൽ ഒരു കാര്യം ചോദിക്കട്ടെ“
“മ്മ്ഹ്ഹ്” അവൻ മൂളി
“എന്തെങ്കിലും ബുദ്ധിമുട്ട്ഉണ്ടോ വിഷ്ണുവേട്ടന്. ആരെയെങ്കിലും എന്തിനെയെങ്കിലും ഭയക്കുന്നുണ്ടോവിഷ്ണുവേട്ടൻ. വന്നപ്പോൾ മുതൽ ഞാൻ കാണുവാ മുഖത്ത് വല്ലാത്തൊരു ഭയം“
ആ ചോദ്യം കേട്ടതും അവളോട് പറയാൻ ഉറപ്പിച്ചു വെച്ചിരുന്നവയെല്ലാം മനസ്സിൽ നിന്നു മാഞ്ഞുപോകുന്നത്പോലെ അവന് തോന്നി അതോടൊപ്പം തന്നെ അവനോടുള്ള സ്നേഹവും കരുതലും അവളുടെ കണ്ണിലൂടെഅവൻ അറിയുന്നുണ്ടായിരുന്നു. ആ കണ്ണുകളിൽ നോക്കി ഇഷ്ടമില്ലായിരുന്നു എന്ന് പറയുവാൻ അവന്തോന്നിയില്ല.
തന്നെ ഉറ്റുനോക്കിക്കോണ്ടിരുന്ന അവളുടെ കൈകൾ അവന്റെ തലമുടിയിൽ തലോടാൻ തുടങ്ങിയതു അവന്മനസ്സിലായി. അവളുടെ മാറിൽവീണു കരയാൻ ഒരുനിമിഷം അവന് തോന്നിയെങ്കിലും അവനതടക്കി പിടിച്ചു.
“ഇല്ലെടോ. അങ്ങനെ ഒന്നുമില്ല. നല്ല ക്ഷീണം ഉണ്ട് അത്കൊണ്ട് തനിക്ക് തോന്നുന്നതാകും. ഇന്നത്തെ തിരക്കിന്റെക്ഷീണമെല്ലാം തനിക്കും കാണില്ലേ അത്കൊണ്ട് കിടന്നോ“
അവൾക്കും നന്നേ ക്ഷീണമുള്ളതു കൊണ്ട് മാറിചോന്നും പറയാതെ എഴുനേറ്റ് ചെന്ന് കട്ടിലിന്റെ ഇടത് വശത്തായ്കിടന്നു. ലൈറ്റ് ഓഫ് ചെയ്ത് ഉണ്ണിയും കിടന്നു.