പെട്ടെന്ന് പിറകിൽ നിന്നൊരു വിളി ….
“എന്താടാ ഉണ്ണി ഇതുവരെ കഴിഞ്ഞില്ലേ സംസാരം“
വരുൺ ആയിരുന്നു അത്
“അത്”
“ഉം വേണ്ട വേണ്ട. അവിടെ നിങ്ങളെ തിരക്കുന്നുണ്ട്“
ഉണ്ണി കസേരയിലേക്ക് ഇരുന്നതും ശേഖരൻ ചോദിച്ചു
“കുട്ടിയെ ഇഷ്ടം ആയോ“
ആ ചോദ്യം കേട്ടതും അവൻ അച്ഛനെയും അമ്മയെയും ഒന്ന് നോക്കി. പ്രേതീക്ഷയോടെ അവനെ നോക്കിഇരിക്കുന്ന അവരുടെ മുഖം കണ്ടു ഉള്ളിൽ ഒരു പിടച്ചിൽ അവന് അനുഭവപ്പെട്ടു.
അവനിൽ നിന്നും പ്രീതികരണം ഒന്നും ഇല്ലാതെ വന്നപ്പോൾ എല്ലാവരും അവനെ ഒന്നുകൂടി ഉറ്റുനോക്കി.
“മോനെ” ശേഖരൻ വിളിച്ചു
അവൻ ശേഖരനെ ഒന്ന് നോക്കി
“മോൻ ഒന്നും പറഞ്ഞില്ല. മോന്.. “
ഇഷ്ടമായി എന്ന രീതിയിൽ ചിരിച്ചുകൊണ്ട് അവൻ ഒന്ന് തലയാട്ടി
അച്ഛന്റെയും അമ്മയുടെയും നോക്കിയപ്പോൾ സന്തോഷത്തിന്റെ നിറകുടം കണക്കെ അവരുടെ മുഖം തിളങ്ങിനിന്നു. അത് അവനിൽ ഒരു ചെറിയ സന്തോഷം ഉണ്ടാക്കി എങ്കിലും അവന്റെ ഉള്ളിൽ ഒരു ഇഷ്ടക്കുറവ് എവിടെയൊക്കെയോ ഉണ്ടായിരുന്നു.
🌸🌸🌸🌸🌸🌸🌸🌸🌸🌸🌸🌸🌸🌸
തിരിച്ചു വീട്ടിൽ എത്തിയതും ഉണ്ണിയും വരുണും കൂടി ഉണ്ണിയുടെ മുറിയിലേക്ക് പോയി. ബാക്കി എല്ലാവരുംഫാമിലി ലിവിങ്ങിൽ ഇരുന്ന് വിവാഹത്തിനെ കുറിച്ചുള്ള ചർച്ച തുടങ്ങിയിരുന്നു.
റൂമിൽ എത്തിയതും ഉണ്ണി ബെഡിലേക്ക് ചെന്നു കിടന്നു. ഡോർ ലോക്ക് ചെയ്തു വരുണും അവന്റെ അടുത്തായിവന്നു കിടന്നു.
“നല്ല കൊച്ചാ അല്ലേടാ അത്”
ഉണ്ണിയുടെ മനസ്സിൽ എന്താണ് എന്നറിയാൻ വേണ്ടി ചോദിച്ചതിന് ശേഷം വരുൺ ഒരു ഒളികണ്ണിട്ട് അവനെ ഒന്ന്നോക്കി
“ഏതു“
“ഓഹ് എടാ പൊട്ടാ നമ്മളിന്ന് കാണാൻ പോയ കൊച്ചു. എന്നാ സുന്ദരി ആ അല്ലെ”
വരുൺ ഒന്ന് നെടുവീർപ്പിട്ടു
“ഓഹ്“ ഉണ്ണിയൊന്നു മൂളുക മാത്രം ചെയ്തു.
ബെഡിലേക്ക് എണീറ്റിരുന്ന് വരുൺ ഉണ്ണിയെ ഒന്ന് നോക്കി
“എടാ അവിടെ വീട്ടിൽ വെച്ച് തോട്ടു ഞാൻ നിന്നെ ശ്രെദ്ധിക്കുവാ. അവിടെ നടക്കുന്ന ഒന്നിലും ഒരു ശ്രെദ്ധഇല്ലാതെ വേറെ ഏതോ ലോകത്തു ആയിരുന്നു നീ. നിനക്ക് എന്താ പറ്റിയെ. എന്തെ ആ കൊച്ചിനെഇഷ്ടപ്പെട്ടില്ലേ”
ആ ചോദ്യം കേട്ടു ഉണ്ണി ഒന്ന് നടുങ്ങിയെങ്കിലും അവൻ അത് പുറത്തു കാണിക്കാതെ പറഞ്ഞു.
“ഏയ്, അങ്ങനെ ഒന്നും ഇല്ലടാ“
“പിന്നെന്താ, നിനക്ക് നിന്റെ ആ ബാംഗ്ലൂർക്കാരി കൊച്ചിനെ കുറിച്ചുള്ള ആലോചന ആണോ”
” ഏയ്, അവൾ, അവൾ ഒരു ടൈം പാസ്സ് മാത്രം ആണ് എനിക്ക്. അതിൽ കൂടുതൽ ഒന്നും ഇല്ല ഇനിയോട്ടുഉണ്ടാകുകയും ഇല്ല“
“ഒക്കെ, ബട്ട്‌ ഒന്നുമില്ല എന്നു നീ പറഞ്ഞാൽ അത് വിശ്വസിക്കാൻ എനിക്ക് ഇത്തിരി പാടാ. ഇന്നും ഇന്നലെയുംകാണാൻ തുടങ്ങിയതോന്നും അല്ലല്ലോ നിന്നെ ഞാൻ“
അത് കേട്ടപ്പോൾ വരുൺ തന്നെ എത്രത്തോളം മനസ്സിലാക്കിയിരിക്കുന്നു എന്നു അവന് മനസ്സിലായി. അതോടൊപ്പം അവന് സങ്കടവും വന്നു. താൻ കരഞ്ഞു പോകും എന്ന സ്ഥിധിയിൽ എത്തിയപ്പോൾ അത്പ്രകടിപ്പിക്കാതിരിക്കാൻ എന്നവണ്ണം കുറച്ചു ദേഷ്യത്തോടെ അവൻ പറഞ്ഞു
“ഒന്നുമില്ലാന്നു എത്ര പ്രാവിശ്യം പറയണം. പിന്നെയും പിന്നെയും. നീയൊന്നു പോയ്‌തരുവോ ഞാൻ ഒന്ന് കുറച്ചുനേരം ഒറ്റക്ക് ഇരിക്കട്ടെ“
അത് പറഞ്ഞവൻ തിരിഞ്ഞു കിടന്നു. തന്റെ ഉറ്റസുഹൃത്തിൽ നിന്നുള്ള അത്തരം ഒരു പെരുമാറ്റം വരുണിൽ ഒരുനനവ് സൃഷ്ടിച്ചു. അവൻ മുറിവിട്ട് പുറത്തിറങ്ങി.
🌸🌸🌸🌸🌸🌸🌸🌸🌸🌸🌸🌸🌸🌸
താഴെ എത്തിയതും എല്ലാവരും വല്യ ചർച്ചയിൽ ആയിരുന്നു.
“വരുണെ ഉണ്ണിയെവിടെ“
അംബിക ചോദിച്ചു
“അവൻ കിടക്കുവാമ്മേ“
“എന്താ മോനെ അവനെന്തങ്കിലും“
“ഒന്നൂല്ല ശോഭാന്റി, അവൻ ചുമ്മാ കിടക്കുവാ“
വരുൺ സോഫയിൽ വന്നിരുന്നു
“എന്തായി അങ്കിളെ അവിടത്തെ കാര്യങ്ങൾ”
“അവർക്ക് എല്ലാവർക്കും ഉണ്ണിയെ ഇഷ്ടപ്പെട്ടു. ഇവിടെ ഉണ്ണിക്കും ഇഷ്ടപെട്ട സ്ഥിതിക്ക് വല്യ ചടങ്ങുകൾ ഒന്നുംവെക്കാതെ നേരെ വിവാഹത്തിലേക്ക് കടക്കാം എന്നാ തീരുമാനിച്ചിരിക്കുന്നെ. അതല്ലേ അവർക്കും സൗകര്യം. പിന്നെ നമുക്കും അങ്ങനെ വിളിക്കാനും വരാനും അധികം ആളില്ലല്ലോ“
“മ്മ്ഹ്ഹ്, അല്ല അങ്കിളെ അപ്പോൾ ഡേറ്റ് എന്നാ പറഞ്ഞിരിക്കുന്നത്“
“അടുത്ത മാസം പത്താം തിയതി“
“പത്താം തിയതിയോ. അതിനു ഇനി വെറും രണ്ടാഴ്ച കൂടി അല്ലെ ഉള്ളു”
“അതെ മോനെ. അധികം വൈകിപ്പിക്കാതെ നടത്താം എന്നു കരുതി”
ശോഭ പറഞ്ഞു
🌸🌸🌸🌸🌸🌸🌸🌸🌸🌸🌸🌸🌸
ഫ്രഷ് ആയി വന്ന് ബെഡിൽ ഇരിക്കുമ്പോൾ ആണ് വരുണിന്റെ ഫോണിലേക്ക് ഒരു കാൾ വന്നത്. അവൻ അത്അറ്റൻഡ് ചെയ്തു.
“എന്താടാ ഉണ്ണി”
“എടാ നീ ഫ്രീയാണോ“
“അതെ, എന്താടാ പറ“
“നീ വാ നമുക്ക് ഒന്ന് പുറത്തുപോയിട്ട് വരാം. എനിക്ക് നിന്നോട് കുറച്ഛ് സംസാരിക്കാൻ ഉണ്ട്”
“ആ ഞാൻ ദേ ഇപ്പോൾ വരാം”
കാർ ചെന്ന് നിന്നത് ഒരു ബീച്ചിൽ ആയിരുന്നു. ആളോഴിഞ്ഞ സ്ഥലം തന്നെ ഉണ്ണി തിരഞ്ഞെടുത്തു. അവർകാറിൽ നിന്നിറങ്ങി മണലിൽ ചെന്നിരുന്നു.
സന്ധ്യ ആയിരുന്നു എങ്കിലും ഒരു ചെറു ചൂട് മണൽതരികൾക്കുണ്ടായിരുന്നു. സൂര്യൻ പകുതിയോളം കടലിൽതാഴ്ന്നുകഴിഞ്ഞിരുന്നെങ്കിലും ഒരു ചുവപ്പ് നിറം അന്തരീക്ഷത്തിലെങ്ങും പടർന്നുകിടപ്പുണ്ട്. കിളികൾകൂടണയാൻ തുടങ്ങിയിരുന്നു.
ഏറെനേരത്തെ മൗനത്തിനോടുവിൽ വരുൺ ചോദിച്ചു
“എന്താടാ, നിനക്ക് എന്താ പറയാൻ ഉള്ളത്“
“എടാ അ.. അത് ” ഉണ്ണിയോന്ന് നിർത്തി. പിന്നെയും തുടർന്നു
“എനിക്ക് പറ്റണില്ലട”
“എന്താടാ എന്ത് പറ്റി, നീ ആളെ പേടിപ്പിക്കാണ്ട് കാര്യം പറ“
തെല്ലു പരിഭ്രമത്തോടെയാണ് വരുൺ അവനോടു ചോദിച്ചത്
“ആ കൊച്ചിനെ എന്റെ ഭാര്യ ആയി അംഗീകരിക്കാൻ എനിക്ക് പറ്റുമെന്നു തോന്നുന്നില്ല“
“നീ എന്തു തേങ്ങയാട ഈ പറയുന്നേ“
ഒരു ചിരിയോടെ വരുൺ അത് ചോദിച്ചപ്പോൾ ഉണ്ണിയുടെ മുഖം ദേഷ്യത്തിൽ ചുവന്നു. അവന്റെ ഭാവവത്യാസംമനസ്സിലാക്കിയപ്പോൾ അത് തണുപ്പിക്കാനായി വരുൺ പറഞ്ഞു
“ഇല്ല ഇല്ല, നീ കാര്യം എന്താന്നുവെച്ചാൽ തെളിച്ചു പറ. വീട്ടിൽ വെച്ച് ഇതിനെക്കുറിച്ചു ഞാൻ ചോദിച്ചപ്പോൾഅങ്ങനെ ഒന്നും ഇല്ല എന്നല്ലേ നീ പറഞ്ഞത്. എന്നിട്ട് ഇപ്പോൾ എന്താ ഇങ്ങനെ തോന്നാൻ”
“അവിടെ വെച്ച് തന്നെ ഇത് എല്ലാവരോടും പറയണം എന്നു തോന്നിയതാ പക്ഷെ.. “
“എന്താടാ ഒരു പക്ഷെ” വരുൺ ഒന്ന് കടുപ്പിച്ചു തന്നെ ചോദിച്ചു
“നിനക്ക് ആ കൊച്ചിനെ ഇഷ്ടപ്പെട്ടില്ലെങ്കിൽ അത് അവിടെ വെച്ച് തന്നെ പറയണമായിരുന്നു, അഥവാ അവിടെഎല്ലാവരുടെയും മുമ്പിൽ വെച്ച് പറയാൻ ബുദ്ധിമുട്ടായിരുന്നെങ്കിൽ പിന്നെ അറിയിക്കാം എന്നുപറയണമായിരുന്നു. അത് ചെയ്യാതെ ഇഷ്ടമാ എന്നു തലകുലുക്കി വന്നിട്ട് ഇപ്പോൾ പറയുന്നു ഇഷ്ടം അല്ലെന്നു. ചുമ്മാ ആ പാവം പിടിച്ച കൊച്ചിന് വെറുതെ ഓരോ മോഹം കൊടുത്തിട്ടു. പണ്ട് അവിടെ നടന്ന കാര്യങ്ങൾ എല്ലാംആ കൊച്ച് പറഞ്ഞത് അല്ലെ നിന്നോട്“
“എടാ“
“നീയൊന്നും പറയണ്ട. ഇഷ്ടമാണെന്ന് നീ പറഞ്ഞപ്പോൾ ആ കൊച്ചിന്റെ മുഖം ഞാൻ ശ്രെദ്ധിച്ചതാ. ഒരുവല്ലാത്തത്തരം തിളക്കം ആയിരുന്നു. അവൾക്കു സ്വപനം പോലും കാണാൻ പറ്റാത്ത തരത്തിലുള്ള ഒരു ബന്ധംകിട്ടിയതിന്റെ തിളക്കം. ഇത്…. ദൈവം പോലും പൊറുക്കില്ല ഉണ്ണി നിന്നോട് ആ പാവത്തിനെ വേദനിപ്പിച്ചാൽ“
